MNS 33
33
Izirayeli minin nə bɔ bǎãn mɛnɛn nɛ
1Izirayeli minin lɛn bɛ́ ǹ nə́ soo ǹ nə́ n bɔ Ezipti gána nɛ koa-n kɔn la sɔnbɔraanɛ, Muizu laanka Aarɔn nə́ ǹ nyɛɛnaan boe, ǹ goã ǹ nə́ bɔ bǎãn mɛnɛn nɛ, bɛn nə́ ke: 2Izirayeli minin lɛn nə goã golee bǎãn mɛnɛn nɛ, bɛ̀ ǹ wusoo ǹ yoo ǹ tɔ wɔ, ka Dɛnaa Lawa goã pii ǹ nɛ lɔn, Muizu goã á bɛa bǎãn lɛn tɔn kiɛ̃. Ǹ golee bǎãn mɛnɛn nɛ, ǹ nə́ tɔ́n yoo ǹ nə́ tɔ wɔ, bɛa bǎãn lɛn tɔn nə́ ke: 3Izirayeli minin lɛn man nə́ soo Ramsɛsi, lɛ̀ a mui bibinaa li, a lɛawaa fulusoorobaa ǹ wɔ pinaa. *Kiɛ̃mala ǹ zɔ́n a lɛawaa nɛ, Izirayeli minin lɛn nə́ soo ǹ dinin gɔn wìi a lɛa, Ezipti minin lɛn tumaa yii ni. 4Bɛ á zɛnɛɛ, bɛ̀ Ezipti minin lɛn sɛn tá a gialaa ǹ nɛgiĩ bibinaan gere bĩ. Dɛnaa Lawa na á bɛa nɛgiĩ bibinaan lɛn tumaa dɛ, á dɔlɔ bɔ Ezipti minin lɛn dìn ganaa nɛ. 5Izirayeli minin lɛn nə́ n toa Ramsɛsi, ǹ nə́ woo golee Sukɔti. 6Ǹ nə́ n toa Sukɔti, ǹ nə́ woo golee Etamu, diə gole lɛkoro-a. 7Ǹ nə́ n toa Etamu, ǹ nə́ n lɛ goa ǹ nə́ daa Piayirɔti kiwi, Baali-Sefɔn yɔrɔ-a, ǹ nə́ tɔ́n golee Migdɔli kiwi yɔrɔ-a. 8Ǹ nə́ yoo Ayirɔti yɔrɔ-a, ǹ nə́ yìsi mu kuru ǹ nə́ woo diə gole ne. Ǹ nə́ lɛawaa sɔɔ zii tɔ wɔ Etamu don, ǹ nə́ woo golee Maaraa. 9Ǹ nə́ n toa Maaraa ǹ nə́ woo Elimu. Mu yala fulupaa na á goã bɛa bǎã lɛ nɛ, ka sèwo da pɔsɔbaa nɛ. Izirayeli minin lɛn nə́ golee a nɛ. 10Ǹ nə́ n toa Elimu, ǹ nə́ woo golee kunu Sawɛɛ tà lɛa. 11Ǹ nə́ n toa Sawɛɛ tà lɛ a, ǹ nə́ woo golee Sini don. 12Ǹ nə́ n toa Sini don, ǹ nə́ woo golee Dɔfukaa. 13Ǹ nə́ n toa Dɔfukaa, ǹ nə́ woo golee Aluku. 14Ǹ nə́ n toa Aluku ǹ nə́ woo golee Refidimu. Zaman lɛ na a mu yɛ walan lɛ nɛ, ǹ nə́ mi wa. 15Ǹ nə́ n toa Refidimu, ǹ nə́ woo golee Sinayii don. 16Ǹ nə́ n toa Sinayii don, ǹ nə́ woo golee Kibrɔti-taawa. 17Ǹ nə́ n toa Kibrɔti-Taawa, ǹ nə́ woo golee Aserɔti. 18Ǹ nə́ n toa Aserɔti, ǹ nə́ woo golee Ritmaa. 19Ǹ nə́ n toa Ritmaa, ǹ nə́ woo golee Rimɔn-Perɛzi. 20Ǹ nə́ n toa Rimɔn-Perɛzi ǹ nə́ woo golee Libnaa. 21Ǹ nə́ n toa Libnaa, ǹ nə́ woo golee Risaa. 22Ǹ nə́ n toa Risaa, ǹ nə́ woo golee Keyelati. 23Ǹ nə́ n toa Keyelati, ǹ nə́ woo golee Sefɛɛrɛ kele la. 24Ǹ nə́ n toa Sefɛɛrɛ kele la, ǹ nə́ woo golee Aradaa. 25Ǹ nə́ n toa Aradaa, ǹ nə́ woo golee Makeyelɔti. 26Ǹ nə́ n toa Makeyelɔti, ǹ nə́ woo golee Taati. 27Ǹ nə́ n toa Taati, ǹ nə́ woo golee Teraa. 28Ǹ nə́ n toa Teraa, ǹ nə́ woo golee Mitkaa. 29Ǹ nə́ n toa Mitkaa, ǹ nə́ woo golee Asimoonaa. 30Ǹ nə́ n toa Asimoonaa, ǹ nə́ woo golee Moserɔti. 31Ǹ nə́ n toa Moserɔti, ǹ nə́ woo golee Bene-Yaakan. 32Ǹ nə́ n toa Bene-Yaakan, ǹ nə́ woo golee Hɔrɔ-Gidigaadi. 33Ǹ nə́ n toa Hɔrɔ-Gidigaadi, ǹ nə́ woo golee Yotbataa. 34Ǹ nə́ n toa Yotbataa, ǹ nə́ woo golee Abronaa. 35Ǹ nə́ n toa Abronaa, ǹ nə́ woo golee Esiɔn Gebɛɛrɛ. 36Ǹ nə́ n toa Esiɔn Gebɛɛrɛ, ǹ nə́ woo golee Kadɛsi, Sini don. 37Ǹ nə́ n toa Kadɛsi, ǹ nə́ woo golee Hɔrɔ kele la, Edɔmu gána lɛkoro-a. 38-39#MNS 20.22-28; TDP 10.6; 32.50 Dɛnaa Lawa tɔ́n Lawa a wúlu-bɔle Aarɔn da dii ganaa Hɔrɔ kele lɛ la. Aarɔn dii á gã walan, bɛ̀ a lɛ̀ paabiɛ ka fuəwensɔɔ nɛ. A na á gã lɛ̀ a mui soorobaa ǹ wɔ a giala-kɔ pinaa, Izirayeli minin lɛn soo a bɔ Ezipti gána nɛ a lɛ̀ pusibaa ǹ wɔ li. 40#MNS 21.1 Aaradi kiwi a kii ke Kanaan gána min lɛa, giã-n gána lɛ a gusin a lɛ̀gɔn la, bɛ́ Izirayeli minin lɛn daa boo ma. 41Izirayeli minin lɛn nə́ n toa Hɔrɔ kele lɛ la, ǹ nə́ woo golee Salmonaa. 42Ǹ nə́ n toa Salmonaa ǹ nə́ woo golee Punɔn. 43Ǹ nə́ n toa Punɔn ǹ nə́ woo golee Obɔti. 44Ǹ nə́ n toa Obɔti ǹ nə́ woo golee Ye-Abarimu, Moabu gána gèlè la. 45Ǹ nə́ n toa Ye-Abarimu, ǹ nə́ woo golee Dibɔn-Gaadi. 46Ǹ nə́ n toa Dibɔn-Gaadi ǹ nə́ woo golee Almɔn-Diblatayimu. 47Ǹ nə́ n toa Almɔn-Diblatayimu, ǹ nə́ woo golee Abarimu kelen la. 48Ǹ nə́ n toa Abarimu kelen la, ǹ nə́ woo golee Moabu gána a nyankɔrɔ lɛ kɛ nɛ, kunu Zurdɛ̃ tà ganaa Zerikoo kiwi yɔrɔ-a. 49Maǹ nə́ giã Moabu gána a nyankɔrɔ lɛ lɛ nɛ, kunu Zurdɛ̃ tà li, Bɛti-Yesimɔti laanka Abeli-Sitimu biin ni.
Gɔn waamanɛ Kanaan gána kuĩ paǹ li
50Dɛnaa Lawa boo da Muizu ni, Moabu gána a nyankɔrɔ lɛ nɛ, kunu Zurdɛ̃ tà li, Zerikoo kiwi yɔrɔ-a: 51Boo da Izirayeli minin lɛn nɛ, n pɛ ǹ nɛ: «Bɛ̀ ka Zurdɛ̃ tà kɛ kuru, ka wɔ Kanaan gána nɛ, 52ka die ka gána lɛ a minin tumaa loo ka ǹ bɔ ka nyɛɛnɛ, ka ǹ tíĩ kɔlɔn kɛn tumaa papaã, ka ǹ fɔlɔ yoe màn nyín zɛnaan kɛn tumaa nɛ. Ka die ka ǹ wúlu bɔ ǹ bǎãn tumaa ziziɛ̃. 53Ka gána lɛ si ka baa kaa wɔ lɛa, ka giã a nɛ. A giala, ma din nə bɛa gána kɛ lɛ koe ka la, màn mɛn bɛ́ toɛ a kaa wɔ baa. 54#MNS 26.54-56 Ka die ka n pã ka gána lɛ gii kaa tanlɛn manɛ. Bɛ̀ tanlɛ lɛ mɛn tá gole, ka bɛ wɔ gii baa gole. Bɛ̀ tanlɛ lɛ mɛn ba tɛ wa, ka bɛ wɔ gii baa boɛɛnɛ. Bɛ̀ ka n pã, yǎa a mɛnaa bǎã mɛn la min mɛn wɔ lɛa, bɛa dɛnaa a bǎã lɛ n goɛ̃ walan. Ka die ka bǎã lɛ gii ka dinin di tɔrɔn biin ni. 55Sɛnɛ, bɛ̀ ka gána lɛ a minin tumaa loo ǹ nə́ ǹ bɔ ka nyɛɛ́n wa, ka bɛ́ re kaa min mɛnɛn toɛ walan, bɛn maǹ die goɛ̃ ka nyan bɛ́ lɔn ka yii ni, ka kiɛnɛn bɛ́ lɔn ka gánà nɛ. Maǹ die boe ka yii ni bɛa gána kɛ lɛ nɛ, ka n die giɛ̃ a nɛ. 56Ma bɛ́ má goã má taasɛ, máa ma á re sii mɛn zɛnɛɛ bɛa minin kɛn lɛn manɛ, man die n bɔyɛɛ ma bɛ zɛnaa ka dinin kɛn lɛn manɛ.»
Currently Selected:
MNS 33: SBPE2011
Highlight
Share
Compare
Copy
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.