लुका छाप्लाखाओ अ़सिन्खा
छाप्लाखाओ अ़सिन्खा
लुका अ़क्छा ओक्तोकामेत मुवाङा (कलस्सि ४:१४), खोन्कि मो छाम्माय़ङ पावल्ओ नुलोक कातोङ अ़यावाछाङ मुवाङा। लुकाआ ओ नुय़ङ्खान ओन्ङा माआङ मेन “छाम्माय़ङ्ओ अ़चुकाचि”निओ छाप्लाखाछाङ छाप्तु (लुका १:१-४, छाम्माय़ङ १:१-२)। पावल नुय़ङ्खान खालुसि ग्रिस खोन्कि तर्किदा ह्वादुओदु खोन्कि सुम्कादुओदु खाराहिदा लुकाछाङ खा-खाक्कोचिदा पावल्एनान अ़क्नि खारा (छाम्माय़ङ १६:१०, २०:६)। खोन्कि रोम्दा पावल आदेङ्ओदु खाराङाहिदा धियाङ्वामाओ लाम्लाम्पा लुकाछाङ खोएनान अ़क्नि खारा (छाम्माय़ङ २७:१-२)। खोन्किना पावल रोम्या तालाकि छेक्ताङाहिदा लुकाआ खोक्को खा (२ तिमोथि ४:११)। खोन्ओसा लुकाआ ख्रिस्तियान साम्योक्ओ अ़पुङ्मा ग़रिओ अ़तुक्वादा ओन्ङा छाप्तुओ माआङ, मेन खोछाङ मो साम्योक्दाङा याआङा। लुका ग्रिक म़ना ओ, खोन्ओसा खोसाआ नुय़ङ्खान निरावाचिआ नुलोक अ़तुप्ने निकिना छाप्तुयुङ्सु। लुकाआ ओ नुय़ङ्खान छाप्तुङुहिदा मर्कुस्आ बुया छाप्तुओ नुय़ङ्खान्ओ अ़क्तात छाप्लाखा खोएदा युङाङा। लुकाआ ओ नुय़ङ्खान झारा ग्रिक म़नाचि येसु कालेन्पा म़युङ्याङ्नि सिन्मेत्मा निकिना छाप्तुओ। खोन्कि खोसाआ अ़क्छा म़नाआ मित्तुकि छाप्तुओ दोय़ङ्लावाको माआङ, ओ अ़नुछ्याओ अ़छ़ङ य़ङ ओनि खाङ्मुमा निकिना ओ नुय़ङ्खान छाप्तुओ। लुकाआ नुय़ङ्खान देम्खा छाप्तुओ निकिना साङ्आछाङ अ़सिन्तुन्योन। ब़द्धे बाइबल कालेचिआ लुकाओ नुय़ङ्खान इ.सं. ६५-७० दा छाप्तुयुङ्सुओनि अ़मित्याङ। ओ छाप्लाखाओ मुलो अ़धाङ्चि ओवात्नि म़याक्याङ:
ओ छाप्लाखा साङ्को निकिना खोन्कि देकि छाप्ताओ १:१-४
बप्तिस्मा काप़ युहन्ना खोन्कि येसुओ अ़चुपुक्मान्चिन खोन्कि छा म़युङाङाओ ग़रि १:५–२:५२
बप्तिस्मा काप़ युहन्नाओ अ़काचि ३:१-२०
येसुओ अ़चुबप्तिस्मा, येसुओ अ़चुभुङ खोन्कि सैतानाओ अ़धान्मालाप्मा ३:२१–४:१३
गालिल्दा येसुओ अ़चुकाचिचि ४:१४–९:५०
गालिल्दाङ्का यरुसलेम्तारि ९:५१–१९:२७
यरुसलेम्दा आदेङ्ओ साता १९:२८–२३:५६
येसु म़सुवादाओदाङ्का म़खोन्तालोन्ताकि निनाम्मादुत्नि म़खाराओ २४:१-५३
Currently Selected:
लुका छाप्लाखाओ अ़सिन्खा: bap
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.