Vilinga 6
6
Navasakula vaka-kuzata muliuka
1Jino hamakumbi aze, omu tumbaji#6:1 Nge ngwavo, omu vaka-kufwelela vapwile nakuvula. vapwile nakuvula, vaHelene#6:1 VaHelene vapwile vaYuleya vakuhanjika chiHelase, kavahanjikile chiHepeleu nge vakwavoko. vayayavalile hali vaHepeleu#6:1 VaHepeleu vapwile vaYuleya vakuhanjika chiHepeleu kaha., mwomwo vatuliwe javaHelene vavasuvilile, hakupanga chahakumbi hakumbi.
2Kaha vaze likumi navavali (12) vasanyikile lize lizavu lyatumbaji#6:2 Nge ngwavo vaka-kufwelela., nakwamba ngwavo, Kacholoka etu kuseza mazu aKalunga nakuzata milimo yakupangila vyakulyako.
3Shikaho enu vandumbwetu, mukachi kenu sakulenumo malunga vatanu navavali vapuho yamwaza, vakuzala naShipilitu namangana, tuvahake kumilimo kana.
4Oloze etunyi, natulihana kukulomba nakumilimo yamazu.
5Shikaho mazu vahanjikile evwishile lize liyongomena lyosena kuwaha, kaha vasakwile Setefwano, lunga wakuzala nalufwelelo naShipilitu Wajila, naFwilipu naPolokolu naNyikanola naChimona naPalamena naNyikolau wakuAndeyoka, ou alumukile kupwa kaYuleya.
6Ava vavemikile kumeso avaposetolo, kaha valombele nakuvanangika mavoko.
7Kaha mazu aKalunga atanjilenga, natumbaji#6:7 Nge ngwavo vaka-kufwelela. nawa vavulilenga chikuma muYelusalema, kaha lizavu lyalinene lyavapilishitu lyaluukile kuvize twafwelela#6:7 Nge ngwavo valuukile kumujimbu wamwaza nakufwelela Yesu Kulishitu..
Navakwata Setefwano
8Jino Setefwano, hakuzala nauhashi wakuli Kalunga nangolo, alingilenga vyakukomwesa navinjikizo vyavinene mukachi kavatu.
9Oloze vamwe vamusunangonga#6:9 Jisunangonga vikiko vikungulwilo vyakutangila vaYuleya. yize vavulukilenga ngwavo, yaVaka-kusokoka kuundungo — vapwile vaYuleya vakuKulene, nakuAlekesandelya, nakuShilisha naAja, vaputukile kulipula jipami naSetefwano.
10Kaha kavahashile kulingulula mangana enyi naShipilitu apwile muli ikiyeko, omu apwile nakuhanjika.
11Haze vene vahanyine malunga vamwe maswekeza mangana vambenga ngwavo, Twamwivwanga ali nakuhanjika mazu akusaula Mose naKalunga.
12Vasangumwine vatu navakulwane javaYuleya navaka-kusoneka, kaha vamukatukilile, vamukwachile nakumutwala kuzango yavaYuleya#6:12 MuchiHelase ngwavo vaka-sunendeline..
13Kaha vemikile vinjiho vamakuli, vaze vambile ngwavo, Ou mutu kana kalitwamina kuhanjika mazu akufulilila muze mwajila muTembele naJishimbiko.
14Mwomwo twamwivwanga mwamba ngwenyi, Ou Yesu wakuNazaleta mwakashiula chihela#6:14 Nge ngwenyi, Yesu Kulishitu mwakashiula Tembele. chino, kaha vilika vize atuhanyine Mose mwakavyalumuna mweka.
15Kaha vosena vátwamine muzango yavaYuleya#6:15 MuchiHelase ngwavo musunendeline. hakumushishika, vamwene kumeso aSetefwano nge kumeso akangelo.
Currently Selected:
Vilinga 6: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
