Luka 2
2
Kusemuka chaYesu
(Mat 1:18-25)
1Hamakumbi aze, kuli #3:1Kesale Angusutu kwafumine lushimbi lwakwamba ngwavo vosena vaze vapwile muchiyulo chenyi valisonekese.
2Echi chapwile kulisonekesa chatete haze Kulenyu apwile nguvulu waSulya.
3Kaha mutu himutu ayile kwimbo lyenyi nakulisonekeselako.
4Ngocho Yosefwe nawa akandukile kufuma kuNgalileya, kulimbo-lyakembwe lyaNazaleta, nakuya kuYuleya, kwimbo lyaNdavichi lyakembwe vavuluka ngwavo, Mbetelema, #1:27mwomwo apwile wakutanga nakuchisemunwino chaNdavichi.
5 Ayile nakulisonekesa naMaliya uze áhuhwile, ápwile nalijimo.
6Jino shimbu vapwile kuze, likumbi lyakusapuluka lyahetele.
7Kaha asapulukile mwanenyi watwatwa walunga, amujingilile hamahina nakumusavalika muchuma chakulila vimuna chakufwana nge likola#2:7 Chuma chakulila vimuna chapwa muze veji kuhakilanga vimuna vyakulya, chakufwana nge likola., mwomwo muzuvo yavangeji kamwapwile chihela chakushikila vakikoko.
Tufunga navavalweza kusemuka chaYesu
8Jino mungalila yoyimwe mwapwile tufunga twamikoko, vapwile muchipapa nakulama utanga wavo naufuku.
9 #
1:11; Vili 5:19 Kaha kangelo kaMWATA asolokele kuli vakiko, kaha upahu waMWATA wavamunyikilile jingulwishi ndo-o, kaha vevwile woma chikuma.
10Kaha uze kangelo avambile ngwenyi, #Mat 14:27Kanda namwivwa womako, mwomwo ivwenu, nangumyambulila mujimbu wamwaza wakuwahilila chachinene nachikapwanga kuli vatu vosena#2:10 Chipwe ngwavo, kumuyachi wavaIsalele wosena..
11Mwomwo lelo lino, kwimbo lyaNdavichi, kunamisemukila #Yowa 4:42; Vili 5:31; Mat 1:21Mulwilo, Ikiye Kulishitu Mwata.
12 #
1 Samw 2:34; 2 Vamy 19:29; Isa 7:11, 14 Kaha katachikijilo kuli enu nakapwa aka — namuwana kemba wakujingila hamahina, vanamusavalika muchuma chakulila vimuna.
13Kaha kukasumuka, liyongomena lyavaka-mwilu lili hamwe nauze kangelo, vali nakwalisa Kalunga ngwavo,
14 #
19:38; Mat 21:9 Upahu upwenga kuli Kalunga muze mwakulitulaho,
Kaha hamavu hapwenga kuunda kuli vatu ava #3:22éji kwivwilanga kuwaha!
15Kaha omu vaze vangelo vafumine kuli vakiko nakuya mwilu, vaze tufunga valyambile ngwavo, Tuyenu kuMbetelema tukamone chuma echi chinasoloka natujimbwila MWATA.
16Kaha vanguhwishile nakuya, vawanyine Maliya naYosefwe, nauze kemba vanamusavalika muchize chuma chakulila vimuna.
17Omu vamumwene, vambulwile aze mazu vavalwezele akuvuluka uze kemba.
18Kaha vosena vaze vevwileko valikomokelele havize vavalwezele kuli vaze tufunga.
19Oloze Maliya alamine vihande #2:51vyosena evi nakuvishinganyekanga mumuchima wenyi.
20Kaha vaze tufunga vakindulukile oku vali nakwalisa Kalunga haupahu wenyi nakumwalisa havyosena vize vevwile nakumona, kutesa namuze vavalwezele.
Yesu navamuneha muTembele
21Omu #1:59makumbi atanu naatatu ateselemo, vamujihanyine, kaha #1:31; Mat 1:25vamulukile ngwavo YESU, lijina lize vamulukile kuli kangelo shimbu kanda vamwimite.
22Jino omu lyahetele likumbi #Levi 12:2-6lyakuvatomesa mwaya Jishimbi jaMose, vamutwalile kuYelusalema nakumuhetesa kuli MWATA,
23(ngana omu vasoneka muJishimbi jaMWATA ngwavo,
#
Kulo 13:2, 12 Mwana himwana walunga wakuliteta mutwe navakamuvuluka ngwavo ajila wambala waMWATA),
24nakuhana mulambu wakuvatwila Kalunga ngana omu vamba muJishimbi jaMWATA ngwavo,
#
Levi 12:8; 5:11 Tutela vavali chipwe vana vamayembe vavali.
25Jino muYelusalema mwapwile lunga vavulukilenga ngwavo Shimeyone, kaha apwile mutu wakwoloka wakuzakama Kalunga. #2:38; 23:51; Mako 15:43Apwile nakutalilila kusokoka nakuvendejeka chavaIsalele, kaha Shipilitu Wajila apwile hali ikiye.
26Kaha vamusolwelelecho kuli Shipilitu Wajila ngwavo keshi kufwako, kuvanga namono Kulishitu yaMWATA.
27Kaha engilile muTembele hakumutwaminyina kuli Shipilitu, kaha omu visemi vanehelemo Mwanavo Yesu mangana vamulingile mwaya vilika vyakuJishimbi,
28 Shimeyone atambwile uze Mwana mumavoko enyi nakwalisa Kalunga ngwenyi,
29Ove Mwangana wakulitulaho, suula jino ndungo yove ayenga mukuunda,
#
2:26
Ngana omu lyaya lizu lyove,
30Mwomwo meso ami anamono #3:6; Isa 52:10Ulwilo wove,
31Ou unalongesa kumeso avatu veka naveka vosena.
32Ikiye #Isa 42:6; 49:6; Vili 13:47; 26:23kumunyika chakusolwela vaka-mafuchi mwaya muchima wove,
Ikiye upahu wavatu jove vaIsalele.
33Kaha ise nanaye valikomokelele havize vamuvulukilile.
34Kaha Shimeyone avakiswile nakwamba naye Maliya ngwenyi, Tala, Ou Mwana vanamutongola mangana #1 Koli 1:23; 2 Koli 2:16; 1 Pet 2:8vavavulu muIsalele vakalimbuke kaha vakwavo vakakatuke#2:34 Chipwe ngwavo, vakasanguke., mwapwa nawa chinjikizo navakafulilila,
35(kaha nawa poko yamukwale nayikatuvasana mumwono wove) mangana vishinganyeka vyamumichima yavavavulu vakavisolole.
36Kaha nawa kwapwile #Vili 21:9kapolofweto wapwevo Ana, mwanaFwanwele, wakumuyachi waAshele. Apwile hanakulu lyehi chikuma. Shimbu kanda asomboke, apwile kanda lyehi alimoneho nalunga, kaha asombokele nakutwama nalunga lyenyi myaka yitanu nayivali (7).
37 Hakufwa chalunga lyenyi, atwamine muutuliwe myaka#2:37 Chipwe ngwavo, apwile tuliwe palanga nakumyaka makumi atanu naatatu namyaka yiwana (84). makumi atanu naatatu namyaka yiwana (84). Kafumine muTembeleko, muze alemeselenga Kalunga nakulitwaminanga kulya, nakulombanga naufuku namusana.
38Kaha halwola vene luze, apandamineko nakuputuka kusakwilila Kalunga, nakuhanjika vyakumuvuluka uze Mwana kuli vosena vaze #2:25vapwile nakutalilila kusokoka chaYelusalema.
Navakinduluka kuNazaleta
39Kaha omu vakumishile vyosena ngana omu jaya Jishimbi jaMWATA, vakindulukile kuNgalileya #2:51; 4:16; Mat 2:23kwimbo lyavo lyaNazaleta.
40Kaha #1:80; 2:52; 1 Samw 2:26uze mwana azovolokelenga nakukwata ngolo, wakuzala namangana. Kaha likoji#2:40 Mokomoko ngwavo, Kalunga amusolwelele uselewa. lyaKalunga lyapwile hali Ikiye.
Yesu mwapwa navakulwane muTembele
41Jino visemi jenyi vayilenga kuYelusalema hamwaka hamwaka #Lush 16:1-6; Kulo 23:15kuchiwanyino chaKuzomboka.
42Kaha omu Yesu apwile namyaka likumi nayivali (12), vakandukile nakuyako ngana muze valingilenga hachiwanyino.
43Kaha #Kulo 12:15hakukuma chaaze makumbi, omu vapwile nakukinduluka, uze Mwanalunga Yesu asalile muYelusalema. Visemi jenyi kavachitachikijileko,
44jino hakushinganyeka ngwavo ali muchendo chavo, vatambukile musango walikumbi limwe numba vamutonde muli vausoko wavo navaze valijivile navo.
45Kaha omu vahonene kumuwana, vakindulukile kuYelusalema nakumutonda-tonda.
46Omu mwahichile makumbi atatu, vamuwanyine ali muTembele, natwame mukachi kavaka-kunangula, ali nakuvevwilila nakuvahulisa.
47Kaha vosena vaze vamwivwililile valikomokelele chikuma kunangakana chenyi nakukumbulula.
48Jino omu visemi jenyi vamumwene, vafwile chishima. Kaha naye amuhulishile ngwenyi, Ove mwanami, mwomwo ika unatulingila ngana? Tala, #3:23iso nayami tunakutondonga nakulizakamina chikuma.
49Avambile ngwenyi, Mwomwo ika mwapwanga nakungutondela kweka? Kamwatachikizanga ngwenu ngwatela kupwa kuvize vyaTatako?
50Oloze kukumbulula chenyi kachavalumbunukilileko.
51Haze vene ashikumukile navo nakuheta kuNazaleta. Kaha aluukilenga kuli vakiko. #2:19Naye alaminenga vyosena evi mumuchima wenyi.
52Jino Yesu #2:40; 1:80azovolokelenga kumujimba namumangana, kaha awanyinenga uselewa kuli Kalunga nakuli vatu.
Currently Selected:
Luka 2: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
