Luka 3
3
Yowano mwalongesa jila yaMWATA
(Mat 3:1-12; Mako 1:1-8; Yowa 1:19-28)
1Hamwaka wamulikumi nayitanu (15) wachiyulo chaChivelyu Kesale, omu #23:1; Mat 27:2Pondeu Pilatu apwile nguvulu kuYuleya, #9:7; 13:31; 23:7; Mat 14:1naHelote mwangana kuNgalileya, nandumbwenyi Fwilipu mwangana kungalila yaItuleya naTalakonyichi, naLusanya mwangana kuAvilene,
2haze vapwile #Yowa 18:13; Vili 4:6vaAnase #Mat 26:3; Yowa 11:49naKayafwase vapilishitu vakulitulaho, hakiko haze hejile lizu lyaKalunga kuli Yowano mwanaZekaliya mupambo.
3Kaha ayile kujingalila josena jájingilika kalwiji, Yotau, nakuvilika lujimiko lwakusolola kukunyuka hashili nakwalumuka mumuchima chize chakutwala kukuvakonekela milonga yashili.
4Ngana omu vasoneka mumukanda wamazu akapolofweto Isaya ngwavo,
#
Isa 40:3-5
Lizu lyayOu áli nakuvilika mupambo ngwenyi,
Longesenu jila yaMWATA,
Sungamisenu jijila jenyi.
5Vinema vyosena navakavishikila,
Kaha jipili josena jajinene neji jajindende navakajinyekumuna.
Vize vyakuhenga navakavyolola,
Jijila jamandulya-mandulya navakajisalamisa,
6Kaha vatu#3:6 MuchiHelase ngwavo, Mijimba yosena nayikamona ulwilo waKalunga. vosena navakamona #2:30ulwilo waKalunga.
7Shikaho, ambile aze mazavu éjile kuli ikiye mangana vavajimike ngwenyi, #Mat 12:34; 21:33Enu vana vavambandajila! Iya namilweze numba muchine utenu uze naukeza?
8Imenu mihako yakusolola kukunyuka hashili nakwalumuka mumuchima. Kaha kanda muputuka kwamba mumichima yenu ngwenu, #Yowa 8:33, 39Tukwechi setu Apalahamako. Mwomwo nangumilweza ngwami, Kalunga nahase kumukatwila Apalahama vana kufuma kumalolwa awa.
9Chipwe oholili nawa, ngimbu yili lyehi kumwiji wamutondo himutondo. #Mat 7:19; Hepe 6:7-8Shikaho, mutondo himutondo nauzeneka kwima mihako yamwenemwene navautetamo nakuumbila mukakahya.
10Jino aze mazavu amuhulishile ngwawo, Kumana twatela kulinga muka?
11Kaha avakumbulwile ngwenyi, Weshowo ali navikovelo vivali ahaneko uze nachihono, kaha weshowo ali navyakulya alinge mwomumwe.
12Vaka-kutelesa nawa vejile mangana vavajimike, kaha vamwambile ngwavo, Ove muka-kunangula, twatela kulinga muka?
13Kaha avakumbulwile ngwenyi, Kanda namutelesanga kuhambakana muze vamilwezako.
14Maswalale nawa vamuhulishile ngwavo, Nyi etu nawa, twatela kulinga muka? Avakumbulwile ngwenyi, Kanda namukatambula mali kuli umwe hakumukanjikiza chipwe hakumuvangijikilako, kaha suulukenunga nafweto jenu.
15Hakupwa vatu vosena vapwilenga nakutalilila Kulishitu, shikaho #Vili 13:25; Yowa 1:19-22valihwojwele mumichima yavo ngwavo pamo Yowano ikiye Kulishitu.
16 #
Vili 1:5; 11:16; 19:4 Yowano alwezele vosena ngwenyi, Ami ngweji kumijimikanga mumeya, oloze Ou ánguhambakana ngolo ali nakwiza, ukwechi kachikapa kamendelo enyi kangwatamo kukakasununako. Ikiye mwakamijimika muli Shipilitu Wajila namukakahya.
17Chitondo chenyi chakulelekesa chili mulivoko lyenyi, mangana akumise kuzungula tiliku hachizungwilo chenyi nakuyikungulwila muchisete chenyi, oloze muzungu mwakawocha nakakahya #Mako 9:43, 48kazeneka kujima.
18Shikaho, namazu eka naeka ákuvalembelela, ambulilile vatu mujimbu wamwaza.
19(Oloze mwangana #3:19-20; Mat 14:3-4; Mako 6:17-18Helote, uze váhuhumwine kuli Yowano hamulonga wakumbata Helochiya, pwevo lyayayenyi#3:19 Helote anyangile pwevo lyandumbwenyi Fwilipu nakumumbata., nahavyosena vyavipi álingile#3:19 MuchiHelase, Helote alingile.,
20ahakilileko namulonga wakusokelela Yowano mukamenga.)
Yesu navamujimika
(Mat 3:13-17; Mako 1:9-11)
21 #
Yowa 1:29-34
Jino omu vajimikile vaze vatu vosena, naYesu nawa hivanamujimika lyehi, Yesu apwile nakulomba, kaha #5:16; 6:12; 9:18, 28; 11:1; Mat 14:23melu vawasokolwele,
22 #
Vili 10:38
kaha Shipilitu Wajila ashikumukile namujimba nakumuwila nge katela. Kaha mwilu mwafumine lizu ngwalyo, #Samu 2:7; Isa 42:1; Luka 9:35; 2 Pet 1:17Ove yove Mwanami ngwazanga, wángusuulwisa.
Chisemunwino chaYesu
(Mat 1:1-17)
23Omu Yesu aputukile milimo yenyi, apwile kafwe namyaka #Yowa 8:57makumi atatu (30). Mukushinganyeka chavatu, apwile #1:27mwanaYosefwe. Yosefwe apwile mwanaHeli,
24 Heli mwanaMatate, Matate mwanaLevi, Levi mwanaMeleki, Meleki mwanaYanai, Yanai mwanaYosefwe,
25 Yosefwe mwanaMatachiya, Matachiya mwanaAmose, Amose mwanaNahume, Nahume mwanaEseli, Eseli mwanaNangai,
26 Nangai mwanaMayate, Mayate mwanaMatachiya, Matachiya mwanaSemeine, Semeine mwanaYoseke, Yoseke mwanaYota,
27 Yota mwanaYowanane, Yowanane mwanaLesa, Lesa mwanaZeluvavele, Zeluvavele mwanaSheyalachele, Sheyalachele mwanaNeli,
28 Neli mwanaMeleki, Meleki mwanaAte, Ate mwanaKosame, Kosame mwanaElematame, Elematame mwanaEle,
29 Ele mwanaYoshua, Yoshua mwanaElyezele, Elyezele mwanaYolime, Yolime mwanaMatate, Matate mwanaLevi,
30 Levi mwanaShimeyone, Shimeyone mwanaYuta, Yuta mwanaYosefwe, Yosefwe mwanaYoname, Yoname mwanaElyakime,
31 Elyakime mwanaMeleya, Meleya mwanaMena, Mena mwanaMatata, Matata mwanaNatane, Natane mwanaNdavichi,
32 Ndavichi mwana #3:32-34; Mat 1:1-6Yese, Yese mwanaOvete, Ovete mwanaMbowaze, Mbowaze mwanaSalamone, Salamone mwanaNashone,
33 Nashone mwanaAminatave, Aminatave mwanaAlanyi, Alanyi mwanaHezelone, Hezelone mwanaPeleze, Peleze mwanaYuta,
34 Yuta mwanaYakova, Yakova mwanaIsaka, #3:34-36; Kupu 11:26-30; 1 Miji 1:24-27Isaka mwanaApalahama, Apalahama mwanaTela, Tela mwanaNahole,
35 Nahole mwanaSelunge, Selunge mwanaLeu, Leu mwanaPelenge, Pelenge mwanaEvele, Evele mwanaShela,
36 Shela mwanaKanane, Kanane mwanaAlapakasate, Alapakasate mwanaSheme, Sheme mwana#3:36-38; Kupu 5:3-32; 1 Miji 1:1-4Nowa, Nowa mwanaLameke,
37 Lameke mwanaMetusela, Metusela mwanaEnoke, Enoke mwana Yalete, Yalete mwanaMahalale, Mahalale mwana Kanane,
38 Kanane mwana Enose, Enose mwana Sete, Sete mwana Alama, Alama wakutenga kuli Kalunga.
Currently Selected:
Luka 3: LUE
Highlight
Share
Copy
Want to have your highlights saved across all your devices? Sign up or sign in
Bible Society of Zambia
