Genese 13
13
1Abarama wanyamukili wafumini muEjipitu, niŋodindi, ni antu indi ejima, niyuma yindi yejima, niLoti hamu, hakuya mumpata yakukabeta kakuchidiilu.
2Abarama wadiŋi wasweja kuheta, niŋombi, nisiliva, niwuru. 3Hakwendanjila yakufuma kukabeta kakuchidiilu nakuya nikuBeteli, kwadiŋiitenti dindi hatachi, mukachi kaBeteli naAyi; 4hakuya kuna kwadiŋi kameŋa katuŋiliyi hakusambila; kwenoku Abarama hakutambika niijina daYehova. 5Loti niyena, owu wayili naAbarama, wadiŋi nawanyikokujindi niampembi jindi, ni aŋombi jindi, nimatenti indi. 6Ituŋa dayikeheleli, kutwesha kushakama hamu nehi; mahetawu aswejeli kuvula, hiyatwesheli nawa kushakama hamuku. 7Kwanyamukili ndombu mukachika watubiŋa abiŋilaŋa ŋombi jaAbarama nawatubiŋa abiŋilaŋa ŋombiji Loti; henahana ni aKenani ni aPerizi ashakamini mwituŋa.
8Abarama hakumwila Loti, nindi, Bayi hekala ndombu, mwani, nanamihela nawatubiŋa twami natubiŋa tweyuku; muloŋa etu mwivumu detu. 9Ituŋa dejima odu, hiwunadi monuku? Ambukakuku, mwani, kudami; neyi wukuya yachikasa chachimunswa ami nukuya yachikasa chachidiilu, neyi eyi wukuya yachikasa chachidiilu ami nukuya yachikasa chachimunswa. 10Loti wafumbwili mesu indi, hakumona chana chaYodana chejima, komana chi kweti tuloŋa kwejima, henohu Yehova kanda ajilumuni Sodoma naGomoraku, chadiŋi neyi itempa daYehova, chadiŋi neyi ituŋa daEjipitu mutamba wakutwala kuZowari. 11Loti hakutonda chana chaYodana chejima; Loti wayili kwindi kumusela; aambuka nikwambuka, iwu nakwambuka kudi mukwawu. 12Abarama washakamini mwituŋa daKenani, Loti niyena washakamini munyikala yakuchana, walemeni itenti dindikwoku Sodoma kachi. 13Ilaŋa dinu amayala akuSodoma adiŋi atama, adiŋi akwakuvulumuna Yehova nankashi.
14Cheliliyi Loti naambuki dehi kudi yena, Yehova hakumwila Abarama, nindi, Fumbulaku mesu eyi, hana hiwekala, wutali nikukabeta, nikukabeta, nikumusela, nikumujika; 15ituŋa dejima diwukumonodu, nakakwinkadu, deyi nidawanya neyi haya nyaka. 16Nianyaneyi nakayivulisha neyilunkupu lwahamaseki; neyi lunkunu lwahamaseki anatweshi kuluchinda, nianyaneyi akayichinda nawa. 17Nyamukaku, wuyi nakwendesha mwituŋa nimudale hela nimudatohela; muloŋa nakakwinkadu. 18Abarama hakubwitaniitenti dindi, hakuya nakushakama kunyikula yaMamiri, yekala muHeberoni, yonamutuŋilaku Yehova nikamena kindi.
Currently Selected:
Genese 13: MW62
Highlight
Share
Copy
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
