Genese 19
19
1Awa aŋelu ayedi ashikili kuSodoma hamelela; Loti wadiŋi nakushakama muchisu champwembu yaSodoma; Loti wayimweni, wanyamukili nakuya nakuyikinkilila, wabandamini chamesu indi heseki; 2welili nindi, Enu anyanta jami, ambukenu munjila yenu mwani, mwiŋili mwitala damami kambuŋenu, mwakakami mwomu, muweleshi kunyenduyenu, mwakamenekesha ntetemena, mwakaya munjila yenu. Nawu, Nehi, tukudishakamina kwetu hanzi. 3Wayika njikŋili nankashi, aambukili nakuya mwindi yena, epilili mwitala dindi; wayitelekeleli chawija, wocheli nimankendi akadi iluŋi, hiyakudya.
4Hohana kanda akami, amayala ahamukala, wowu amayala ahaSodoma, hiyakupompa kwitala kwi-ndo, niatwansi, niakulumpi, antu ejima akufumakuyota yejima yamukala. 5Hiya kutambika Loti, hiyakumwila nawu, Indi awa mayala anepili mwitala deyi wufuku wunu hiyadihi? Twidishiluwu, tuyiluki. 6Loti hakwidika kwadiŋuwu wena kuchisu, hakwenzelani chenzelu munyima yindi. 7Hakwila nindi, Enu ana kwami mwani, bayi mwilaŋa chatama chochichuku. 8Tiyenu mwani, ami ni kweti anyanami ayedi awambanda kanda eluki dehi amayalaku; tali niyiidishiluwumwani, mwakayili mwejima mumukutiya kuwaha munyichima yenu; ilaŋa awa mayalawa bayi muyila chumaku, muloŋa anampeeki kwitala dami. 9Wena nawu, Twambuluki. Nawu, Yeniwu iyala wenjili nakushakama chawenyi, chiŋa eli mukwakusompesha! Ichi dinu tukukwileyi mwata mamwa kubadika namutukuyila wena. Hiya kumuwuŋila naŋovu owu iyala, yowu Loti, aswilili kwakwihi, nawu abaluli chenzelu. 10Ilaŋa wa mayala edishili makasawu, hiyakwiŋija Loti mwitala mwadiŋuwu, hiyakwenzelanichenzelu. 11Ayiputishili mesu amayala adiŋi kuchisu chetala, niamukunkulu, nialema; hiyakudizeyesha nawu amoni kudi chisu.
12Awa mayala hiyakumwila Loti, nawuti, Kunu wuduku nawantu amakwawu, tahindi? Hela muku weyi wasumbula mwaneyi, hela anyaneyi amayala, hela anyaneyi awambanda, wowu wudi nawu hamukala wunu; yifumishumu; 13muloŋa hitukuwujilumuna, izu dakubilelawu dinasweji dehi kumesu aYehova; dichi chanatutemesheliyi Yehova kulonda tuwujilumuni. 14Loti wedi kili hanzi, hakuya nakuhosha nawaku indi asumbwili anyanindi, nindi, Nyamukenu, fumenu munu; muloŋa Yehova hakujilu muna mukala. Aku indi amumweni neyi kwiji hakudimbana.
15Chikwachili aŋelu hiya kumunya kesha Loti, nawu, Nyamukaku, sendaku niŋodeyi nianyaneyi awambanda ayedi adi kunu; wakenza kajilu mukila mukuluwa kwamukala wunu. 16Ilaŋa yena chalabajalayi; nochuana mayala hiyaku mukwata kuchikasa chindi bapi, nikuchikasa chaŋodindi, nikumakasa awanyanindi ayedi, muloŋa Yehova wamutiyilili luwi, hiya kumufu mishamu, hiyakumutenteka kunsa yamukala. 17Chayi fumishiluwuha mukala, hakwila nindi, Temukaku kulonda wuhandi; bayi wutalahanyimaku, hachana chejima bayi wimana hokuku; temukilaku kumpidi, wakenza kajilumuka. 18Loti hakuyila nindi, Mwanta wami, bayi omuku. 19Tiya dinu, ami kambuŋeyi wunantoŋuhu, wunanvulishili luwi lweyi, chiwuna amwini wumi wami; oku kumpidi hinukutwesha kutemukilakwokuku, nakenda kamwenaku yatama, nakenda kafwa. 20Tala dinu, mukala wudi kwakwihi owu, wunawahi kutemukilaku, wanyanya hohukwawu; nitemukiluku kwami, niwena hiwanyanyaku? niwumi wamiwakahanda. 21Yena hakumwila nindi, Tiya, nihachumichi nakwitejinawa, mukala wunateni hinukuwukisaŋana kwamuku. 22Nyaka laku, wutemukiluku, hinukutwesha kwila chumaku chiŋa wunashiki dehi kwenoku. Dichi ijina damukala wuna awuteneni nawu Zowari.
23Chashikiliyi Loti muZowari itaŋwa datuntuka dehi.
24Hohenohu Yehova hakunokesha haSodoma naGomora nimakala akesi, ni kesi kakufuma kwiwulu kudi Yehova. 25Wayi kisaŋeni nyikala yina, niChana chejima, niantu atuŋili munyikala yina, niyuma yameneni hamaseki.
26Ilaŋa Iŋodindi watalili munyima kwakufumayi nfumwindi, hakubalumukahiilola damuŋwa.
27Abarahama wamenekesheli ntetemena yayeni nakuya kwemeniyi kumesu aYehova. 28Watalili nikuSodoma nikuGomora nikwituŋa dejima daChana, wamweni wishi wamwituŋa wuna wukukakumuka wuna, neyiwishi wamuluteŋi.
29Chelili chajilumwiniyi Nzambi nyikala yamuChana, Nzambi wamwanukili Abarahama, wamufumishili Loti mukukisika kwakisa ŋeniyi nyika layashaka miniyi Loti. 30Loti wafumini muZowari, washakamini hampidi, ni anyanindi ayedi awambanda hamu nindi; muloŋa watiyili woma kushakama muZowari; washakamini kwindi mwiyeŋu, niyena nianyanindia wambanda ayedi. 31Wedi hakumwila mwanyikindi, nindi, Tata yetu wakula dehi, hanu hamaseki hosi iyala wakwijila mudetu neyi chelaŋawu antu ejima ahanu hamaseki. 32Tuyi tumunwishi tata yetu vinyu, tukaminindi, kulonda twakavwali anyana akudi tata yetu. 33Wenowu wufukuowu amunwishili tata yawu vinyu; wedi hakwijila, hakukama natatayindi; hela chakambaminiyi, hela chanyamukiliyi, tata yindi hachilukiluku. 34Chikwachili, wedi hakumwila mwanyikindi, nindi, Ami wufuku walelunakama natata; tumunwishi cheŋi walwa wavinyu niwufuku iwu tukukeŋa kukama; nineyi wiŋila, wukama nindi, kulonda twakavwali anyana akuditata yetu. 35Amunwishili tata yawu vinyu niwufuku wuna nawa; niwakansi wanya mukili hakuya nakukama nindi; hela chakambaminiyi, helachanya mukiliyi, tata yindi hachilukiluku. 36Dimu mwabaabililuwu anyana kaLoti muyayedi wawu mavumu akudi tata yawu. 37Wedi wavweli mwana weyala, wanamutumbili ijina dindi, nindi Mowabi; diyitata yawaMowabi nilelu. 38Wakansi niyena wavweli mwana weyala, wanamutumbili ijina dindi, nindi Beni Ami, diyi tata yawanyana kaAmonini lelu.
Currently Selected:
Genese 19: MW62
Highlight
Share
Copy
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
