Genese 20
20
1Abarahama wafumini kwenoku, wayili nakutalisha kwituŋa adakuka beta kakuchidiilu, hakushakama Kadeshi iku, Shuri iku; hakushakama chawenyi muGerari. 2Abarahama wateneni iŋodindi Sara, nindi, Himuhelami. Abimeleki, mwanta wakuGerari, watemesheli naku mutambula Sara. 3Abimeleki waloteli Nzambi nawufuku hakwinza kudi yena, hakumwila nindi, Eyi wafwa dehi nanowu mumbanda wunatambuli, hiŋodambala. 4Ilaŋa henohu Abimeleki hamukunda minimu mbanda kwakwihuku. Hakwila nindi, Eyi Mwanta wujilumuni muzawaloŋa? 5Yemwenindi iyala hidiyi waŋilili nindi himuhelamuku? Nimumbanda, hela yemwenindi, wahosheli nindi himana kwami. Chumi china chili kwami namuchima wawuwahi namakasa atooka akadi muloŋa. 6Waloteli Nzambi hakumwila nindi, Eŋaŋi, nachiluki nami chumichi wunachili namuchima weyi wawuwahi; ninami nawa nakulekesha kunvulu munachina bula kukwitiya kukwata hadi yena. 7Ichi dinu owu iyala mufuntishili Iŋodindi; muloŋa yena hikaprofwetu, wukukulombela, nineyi wukuhanda; ilaŋa neyi wakabula kumufuntisha, ilukaku neyiwakafwa chalala, nineyi niayeyi ejima.
8Abimeleki wahindukili ntetemena yayeni, watambikili ambuŋindi ejima, hakuyishi mwina yumiyi yejima, ana mayala atiyili woma waweni. 9Abimeleki watambikili Abarahama, hakumwila nindi, Wunatwili ŋahi? Indi ami nakwili chatama chanka mwaka wunkojeji ninami nimpata yaminshidi yasweja? Yeniyi yuma yiwuna ŋilami chinjila kuyila akwenu. 10Abimeleki wamwilili Abarahama, nindi, Indi eyi wamwenidi mwakawili chumichi? 11Kuchinka Abarahama, nindi, Nelili nami chalala kunuhikwekala woma waNzambi uku; nami, akanjahila hamujimba waŋodami. 12Chayena tuhu himuhelami chalala, himwana katata, ilaŋa hiwakuvwalakudi mamaku; dichi namusumbwilili; 13dichi chanyamwishiliyi Nzambi kwatata nakuntambisha, ami hinukumwila nami, Wakaŋa nakenaŋa hachumichi, kwejima kuwakaya wakantenaŋa neyi, Himana kwami.
14Abimeleki wakwatili nianyikoku, niaŋombi, nianduŋu amayala nawambanda, wamwinkeli Abarahama, hakumufuntishila niŋodindi Sara. 15Abimeleki welili nindi, Tala, ituŋa dami odu, kashakami kunakutookeliku muchima weyi. 16Hakwila Sara, wamwilili nindi, Tala, mana kweyina mwinki mali asiliva ikombakaji; akukujika nachu kumesu eyi hadi antu ejima iwudi nawu; hadi antu ejima wunayipi dehi. 17Abarahama walombeli kudi Nzambi; Nzambi wokili niAbimeleki niŋodindi, nianduŋujindi awambanda; hiyakuvwala nianyana. 18Muloŋa Yehova wajikilichikupu mumavumu ejima awantu ahamukala waAbimeleki, muloŋa waSara iŋodaAbarahama.
Currently Selected:
Genese 20: MW62
Highlight
Share
Copy
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
