Genese 21
21
1Yehova wayili nakumutala Sara mwomwashiikiliyi, Yehova wamwilili Sara mwomwahosheliyi. 2Sara wabaabili ivumu, wamuvweleli Abarahama mwanindi weyala hawushinakaji windi, hakakweji kamutenenenuwu kudi Nzambi. 3Mwanindi wavwalikili, wamuvweleliyi Sara, Abarahama wanamutumbili ijina dindi, nindi Isaka. 4Chimwahitili mafuku atanu nasatu Abarahama wamwalamishili mwanindi Isaka mwamulejeliyi Nzambi. 5Chavwa likiliyi mwanindi Isaka Abarahama washikili munyaka yindi nkulakaji. 6Sara welili nindi, Nzambi nanseheshi, antu ejima akachitiya nakaseha nawu chimu. 7Nindi, Ochuhakeŋa kumwekana muntu wukumwila Abarahama nindi, Sara wambaka amwishahu mwana? Namuvwela dehi mwanindi weyala hawushina kajiwindi.
8Mwana wakulili, yosumuka nikusumuka; hetaŋwa dasumukili Isaka Abarahama watelekeli chawija chacheni. 9Sara wamweni mwana kakaEjipitu Haga, avweleliyi Abarahama, hakuseha. 10Hakumwila Abarahama, nindi, Mutemuni yeniwu nduŋu namwanindi, ochu mwanakayeniwu nduŋu atweshi kuswanina chimu namwanami Isaka wanyi. 11Chumichi chamutaminini nankashi Abarahama hansaŋu yamwanindi.
12Nzambi hakumwila Abarahama, nindi, Bayi ehikutamina hansaŋuya mukwenzi, hela hansaŋu yanduŋu yeyi wamumbandaku; kumina dakutiyamwizu daSara mwejima mwanahoshiyi, muloŋa anyaneyi akayitenenamudi Isaka. 13Nikudi mwana kanduŋu nakelisha muza waweni nanochuchaneliyi himwaneyi.
14Abarahama wahindukili ntetemena yayeni, wanoneni niyakudyainswaha yameji, wamwinkeli Haga, nakumushila hachifwiji chindi; wamwinkeli ni mwana, nindi, Yaŋa; hakuya nikuya, hakukimbuka mwisaŋa daBerisheba. 15Meji adiŋi munswaha amaninumu zo-o, wamu umbilimwana mwishina dachiputa. 16Wayili nakushakama kwakulehi namwana, kuleha neyi chintampu chakwasila muvu; welili nindi, nakamba katala hakufwilayi mwanami. Washakamini kwakulehi chanti namwana, wadililiikumbu deneni. 17Nzambi watiyili izu dakamukwenzi; kaŋelu kaNzambi mwiwulu hakutambika Haga, nindi, Eyi Haga, kudidi? Bayi wutiyawomaku; Nzambi natiyi dehi izu damukwenzi kuna kwadiyi. 18Nyamukaku, wumunyamuni mukwenzi, wumukwati nachikasa cheyi; ami nakamwilishahimuza weneni. 19Nzambi wamutonesheli mesu indi, yena wamweni ishima dameji; wayili, wenzesheli nswaha yindi, wamunwishili mukwenzi meji.
20Nzambi wadiŋi nindi ona mukwenzi, wakulili. Washakamini mwisaŋa daParani, welili mukwakwasa nawuta wamukunji. 21Washaka minimwikuna daParani; mama yindi wamusumbwilili mumbanda wamwituŋa daEjipitu.
22Hamwaka wenowu Abimeleki, niFwikoli wadiŋi mukulumpi wamashidikaindi, ahosheli naAbarahama, nawu, Nzambi wudi nindi muyumayiwelaŋa yejima; 23dichi dinu sanyikaku Nzambi kwokwenakunu kumesuami, nakwila neyi chalala hiwamba kandimbaku, hela ami, hela mwanami, hela mwizukulu wami; neyi, mwaya luwi lunakwileyi dimu wakaŋilamini ituŋa diwunashakami chawenyi. 24Abarahama welili nindi, Nukusanyika.
25Abarahama wamuhosholeli Abimeleki heshima dameji dadindiluwu aŋamba jaAbimeleki nandombu. 26Kuchinka Abimeleki nindi, Yenowuna kopichenochu ami kwami hinamwilukaku, ochu eyi wanlejelu muwanyi, hela kuchitiya hinachitiyi kwamuku chipa lelu hohu. 27Abarahama wakwatili nianyikoku niaŋombi, hakumwinka Abimeleki, wena ayedi atiyaŋeni chitiyaŋenu chawu. 28Abarahama washili kanka wawu anyanakanyikoku anyikaji atanu nayedi akwiyinda dindi. 29Abimeleki hakumwila Abarahama, nindi, Indi awa anyana kanyikoku anyikaji atanu nayediwunashi kwakanka wawu anka? 30Yena nindi, Awa anyana kanyikoku anyikaji atanu nayedi wukuyitambula kudami, kulonda chuma chakunshi mwinanachu wunsahu, nawu yami napundili denidi ishima. 31Dichihenahana watumbiluhu ijina, nindi dihu haBerisheba, nanochu chasanyikiluwu mwayedi wawu. 32Chochina atiyapeni chitiyaŋenu chawu muBerisheba. Abimeleki wanyamukili kwindi, niFwikoli mukulumpi wamashidikindi, hiyakufunta cheŋi ni mwituŋa dawaFwilistinu.
33Abarahama watumbili mutondu watamarisiki muBerisheba, kwenoku watambikili niijina daYehova, Nzambi Wahaya nyaka. 34Abarahama washakamini chawenyi mwituŋa dawaFwilistinu mafuku amavulu.
Currently Selected:
Genese 21: MW62
Highlight
Share
Copy
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
