Genese 22
22
1Chimwahitili yumiyi, Nzambi wamwesekeli Abarahama, wamwililinindi, Abarahama. Yena nindi, Vude. 2Welili nindi, Tambulakumwaneyi, weyi wumu hohu wakeŋa, yowu Isaka, wuyi mwituŋa dakuMoriya, kwenoku kudi mpidi yimu yinakakuleja, wakahimulambu li Nzambi akeli himulambu wakushita.
3Abarahama wamenekesheli budidi yayeni, nakulema sadi hachimbulu chindi, hakusenda anyikwenzi indi ayedi, nimwanindi Isaka. Wabalwiliyibalu yahimulambu wakushita, hakunyamuka, hakuya kwamulejeliyi Nzambi. 4Ifuku damu chisatu Abarahama wafumbwili mesu indi wamweni kwamulejeliyi Nzambi kwenda kumwekena kwakulehi. 5Abarahama hakuyila anyikwenzi indi, nindi, Shalenu kunu nachimbulu, ninami nimukwenzitukuya kwenohu, twakadifukuli kudi Nzambi, twakenza cheŋi, twakayiwana.
6Abarahama wanoneni yibalu yahimulambu wakushita, watwikili mwanindi Isaka; wasendeli muchikasa ni kesi, nimpoku; hiyakuya hamu mwayediwawu. 7Isaka hakumwila tata yindi Abarahama, nindi, Tata. Yena nindi, Yamonu mwanami. Nindi, Kesi aka, niyibalu iyi, indi mwana kamukoku wamulambu wakushita hayodihi? 8Kuchinka Abarahama nindi, Mwanami, Nzambi wukudikeŋela kwindi mwana kamukoku wamulambu wakushita; hiyakuya hamu mwayedi wawu.
9Ashika nikushika kwamulejeliyi Nzambi, Abarahama hakutuŋa kamepakwenoku, hakufwikilaku nchawa chachiwahi, hakukasa mwanindi Isaka, hakumukamika hakameŋa hanchawa.
10Abarahama wolweli chi kasachindi hakunona mpoku, nindi ajahi mwanindi. 11Kaŋelu kaYehova mwiwulu hakumutambika, nindi, Abarahama, Abarahama. Yena nindi, Vude. 12Nindi, Bayi wukwata hadi mukwenzuku, bayi wumwila chumaku; ichi dinu neluka dehi nami eyi wamwakamaŋa Nzambi, nanichi chiwunabuli kuŋu mina mwaneyi, yowu weyi wumu hohu. 13Abarahama yofumbulani kufumbula mesu indi, nindi atali, chizambowu nakakeli dehi nsepujindi kuchiputa chadipi kunyima yindi. Abarahama hakuyaku nakumukwata, hakuhimulambu la hihimulambu wakushita, wakuhipisha mudi mwanindi. 14Abarahama henahana watumbiluhu ijina, nindi dihu haYehova Yire; mwomwelaŋawu nilelu, nawu, Hampidi yaYehova akayimwenachu.
15Kaŋelu kaYehova mwiwulu watambikili Abarahama ipampa dikwawuda muchiyedi, 16nindi, Yehova nahoshi nindi, Nanochu chiwuneli chumichi, chiwunabuli kuŋumina mwaneyi, weyi wumu hohu, nadisanyikiami aweni, 17nami, kukukiswila nkisu nakakukiswila, nikuvulisha nakakuvulishila anya neyi, akavula neyi tutumbwa twamwiwulu, neyi wusekululawekala hachi kumu chakaluŋalwiji. Anyaneyi akaheta chisu chawayilumbujawu. 18Kudi anyaneyi nyuza yejima yahamaseki yakawenaku kukooleka, nanochu chiwunovwahili mwizu dami. 19Abarahama wafuntili cheŋi kudi anyikwenzi indi, anyamuka nikunyamuka, hiyakuya chimu kuBerisheba. Abarahama hakushakama kuBerisheba.
20Chimwahitili yumiyi, amulejeli Abarahama, nawu, Milika niyenanavweli mana kweyi Nahori anyana; 21niwedi windi Uzi, nimana kwindi Buzi, niKemuweli tata yaArami, 22niChesedi, niHazo, niPilidashi, niYidilafwi, niBetuweli. 23Betuweli wavweli Rebeka. Wenawa atanu nasatu wowamuvweleliyi Milika Nahori, diyi mana kwaAbarahama. 24Mumbanda windi wanduŋu, ijina dindi Rewuma, niyena wavweli niTeba, niGahami, niTahashi, niMayaka.
Currently Selected:
Genese 22: MW62
Highlight
Share
Copy
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
