WALEWI 18
18
Mawuto mawicho ha walyi
1Mndumii-Ruwa kadeda na Mose, kambia, 2“Deda na wana wa Waisraeli, nowawie, Inyi nyi Mndumii-Ruwa, Ruwa onu. 3Nanyo mulawute mawuto cha halya wekewuta orukenyi lo Misri kundu muwei; manya mulawute mawuto cha walya wa orukenyi lo Kanaani kundu njimuduo. Manya mulaoshe mawawaso hawo. 4Mochiwuta mdumbuye yako, mochiwada mawawaso hako kundu muchumie kiidi kyaho; Inyi nyi Mndumii-Ruwa onu. 5 Kui kipfa kya isho mochiwada mawawaso hako na mdumbuye yako; sa mndu echihahendelia nawade moo, Inyi nyi Mndumii.
6“Mndu oose o ko Waisraeli nalatikirie afui na odoe o kisharinyi kundu nalae nao, Inyi nyi Mndumii-Ruwa. 7Kulashukuo kitaṟe kya ndeo, manya kitaṟe kya mayo, kulamshukuo, kyamba nyi mayo; kulashukuo kitaṟe kyake. 8 Kulashukuo kitaṟe kya mka o ndeo nolae nao kyamba nyi kitaṟe kya ndeo. 9 Kulalae na mshiki opfo, mana o waka o ndeo, ang'u mana o waka o mayo, kokoya namfeeye ipfo kanyi konu ang'u kokoya nalefeeyo kundu kungi. 10Kulalae na mchuku opfo o kika, o mana opfo o kisoṟo, ang'u mchuku opfo o kika o mana opfo o kika, cha kipfa nyi kitaṟe kyapfo iyo kumonyi. 11Kulalae na mshiki opfo. 12 Kulalae na mshiki o ndeo, kipfa o nyi mbaṟi ya ndeo; 13manya kulalae na mayo mtutu; cha kipfa o nyi mbaṟi ya mayo. 14Kulalae na mka o ndeo mtutu ang'u anganyi o ndeo; kulasembeṟie mkacho oke; o nyi mka o manomayo o ndeo. 15 Kulalae na malyi o mana; o nyi mka o mana opfo. 16 Kulalae na mka o manomayo; kyamba nyi mka o manomayo. 17 Kokoya olaa na mndumka, kulalaese na mana oke o kika manyale, manya wachuku wake, iwo nyi kishari. Iwalongalonga nyi iwuta wuwicho. 18Kulaalyike warisinda mandi mka opfo ai na moo manyale; iwuta kudo nyi iende wunyenyi.
19 “Kulalae na mndumka mandi ai merinyi manyale. 20 Kulalae na mka o wamṟasa opfo, manyale, kudo nyi ikuteṟefutsa iyo kumonyi nao.
21 “Kulalekie mana opfo oose nawe kidaso ko ruwa Moleki, cha kipfa iwuta kudo noisalucha rina lyako Inyi Ruwa opfo. Inyi nyi Ruwa Menyipfinya.
22 “Kulalae na mndumsoṟo odoo manyale cha ili nyi mndumka. Ikyo nyi kiwicho. 23 Kulalae na indo manyale kulacheteṟefuka; mndumsoṟo ang'u mndumka oose nalae na indo nalawute ado manyale; iwuta kudo nyi wuwicho.
24“Mulakuteṟefutse kui iwuta shindosho kyamba kui kipfa kya ikyo njikeri ifuna mkambo ya wandu wai oshangunyi lonu; kipfa wekewuta isho na ikuteṟefutsa. 25Oruka lowo luleteṟefutso na Inyi ngaluanduya, nalo lukawaleha-wo, welukaa. 26Indi nyo na wahenu wai kiidi kyanu kimuwaṟi iwada mndumbuye na mawawaso hako manya mulawute isho shipfulutsie. 27Wandu walesonguo ikaa orukenyi lo Kanaani walewuta isho shipfulutsie, nawo wakateṟefutsa orukalu. 28Kyasiang'u, nanyo, manya mulawute isho, shile wudo orukalo lochimudaika chando luledaika walya wawemusongoe ikaapfo 29Wandu wose wechiwuta shindosho shipfulutsie na kikaki wechiwiko kuleshe waletsano na wandu wawo. 30Ko ikyo ringenyi kui wuhendeli isho shose njimuwawasa; mulaoshe miichiwieyo yose yepfulutsa ilewuto nyi walya walekaa orukalu mulamecha, mulacheiteṟefutso nyisho. Inyi nyi Ruwa Menyipfinya, Ruwa onu.”
Currently Selected:
WALEWI 18: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.