WALEWI 20
20
Ihoṟwo kya mawicho
1Ruwa Menyipfinya kawia Mose, 2“Wia Waisraeli kudi: Mndu oose kiidi kya Waisraeli ang'u mhenu ai kiidi kyanu, kalekia mana oke oose nawe kidaso ko ruwa lyelaho Moleki kimbaṟi mnducho nawoho. Wandu wa handuho wechimbaha na maho. 3Inyi njimonyi njechikoyana na mnducho njimletsane na wandu wake kipfa kya ili alekia umu o wana wake kidaso ko ruwa Moleki na kudo kafanyitsa handu hako haele handu hamu na rina lyako. 4Kokoya wandu wa oruka lo walamkapa na imbaha, 5Inyi njimonyi njechikoyana na mnducho na wa kanyi koke. Njechiwaletsana na wandu wawo, o amonyi na iwo wose wechida walanjiindia wakaosha ruwa Moleki.
6“Kokoya mndu oose ekehenda ko walasha wa waṟumu na wasawi kaṟuhuya nawo kada alanjiindia Inyi njechikoyana nao meso ko meso na imletsana na wandu wake. 7Ko ikyo kudambikienyi ko Mndumii-Ruwa Ruwa muwe waele; kyamba Inyi njii Mndumii-Ruwa, Ruwa onu. 8Wadenyi mawawaso hako na ihaawutsia. Inyi nyio Mndumii-Ruwa, Ruwa njekemuheṟemtsa. 9 Mnducho oose ekesesa ndeye ang'u mae kimbaṟi nawoho. Mosesa ndeye ang'u mae nechikudika ipusuo samu yake o amonyi.
10 “Kokoya mndumsoṟo aṟuhuya na mka o mndu o mṟasa oke, na ate wawoho wawawi. 11 Mndumsoṟo kalaa na umu o waka wa ndeye, nasutsa ndeye; wose wawawi kiwaṟi wawoho. Msoṟocho na mkacho wechikudika ipusuo samu yawo wawenyi. 12 Mndumsoṟo oose kalaa na malyi o mana, wose wawawi kiwaṟi wawoho. Wawuta wuṟuhui wo wandu wa mbaṟi imu; wechikudika ipusuo samu yawo wawenyi. 13 Kokoya mndumsoṟo oose alaa na mndumsoṟo odoe cha ili kee nyi mndumka, nahong'u wose kiwaṟi wawoho kipfa wawuta kindo kipfulutsie kiṟatsie; wechikudika ipusuo samu yawo wawenyi. 14 Kokoya mndumsoṟo aalika mka kaalikase mamka, iwo nyi wuwicho; wose wawaṟaṟu na ate wakombetso na modo kipfa wawuta wuwicho. Mochiwuta mudo kundu mutoromishe wuwicho kiidi kyanu. 15 Kokoya mndumsoṟo oose alaa na indo na ate nawoho na indolyo lyiwewaaho. 16Kokoya mndumka atikiria indo kalaa nalyo kiwaṟi mkacho nawoho na indolyoda; wechikudika ipusuo samu yawo wawenyi.
17 “Kokoya mndumsoṟo oose aalika mshiki oke, mana o kika o ndeye ang'u mae na manacho o kika kaidikiana na msoṟocho ai nyi msacha oke, kalaa nao, nyi kindo kipfulutsie, kiwaṟi waletsano na rika lyawo kipfa wawuta kindo kya sonu. Kiwaṟi msoṟocho nakudike wuwicho woke. 18 Kokoya mndumsoṟo alaa na mndumka ai merinyi, wose wawawi kiwaṟi waletsano na wandu wawo; msoṟocho nalaa na mndumka ai merinyi na mkacho ai merinyi nalaa na mndumsoṟo.
19 “Kulalae na mshiki o mayo manya mshiki o ndeyo, kipfa iwo nyi wa kisharinyi. Wose wekewuta isho wechiwuwuyo wuwicho wowo. 20Kokoya mndu alaa na mka o ndeye, ang'anyi ang'u mtutu, nasutsa ndeye ang'anyi ang'u mtutu; wose wawawi wechiwuwuyo wunyamaṟi wowo; wose wawawi wechipfa walawode wana. 21 Kokoya mndumsoṟo aalika mka o manomae, nasutsa manomae kudo nyi ikuteṟefutsa; wose wawawi wechipfa walawode wana.
22“Kimuwaṟi iwada na iawutsia mawawaso na wuikimbi woko wose; shile wudo oruka lulya njimuduo lochimudaika. 23Mlaoshe mwichiwie fo mkambofu njifufuna oshangunyi lonu; kyamba walewuta isho shose, na Inyi ngawasuo mnu. 24Kyaindi, ngamemaa imuwia, “Mochioṟa oruka lowo, Inyi ngamuinenga orukalo muluitoṟie, oruka luisoka maruwa na wuki.” Inyi nyio Mndumii-Ruwa, Ruwa onu njilemuletsana na mkambo ingi ya wandu. 25Ko ikyo kimuwaṟi muletsane indo lyiheṟemtsu na lyiteṟefukie, na kilehe kiheṟemtsu na kiteṟefukie. Mulakuteṟefutse mochiwada indo ang'u kilehe ang'u ikyo kyose kekekukuruo wanda iya wuyanenyi sa njilekiletsana kii kiteṟefukie. 26Kyamba Inyi Mndumii-Ruwa, Ruwa njii mwele, na Inyi njilemusahuo nyo kiidi kya mkambo ingi kundu muwe saa lyako, mochiwa waele.
27“Mndumsoṟo ang'u mndumka oose ekeloha ang'u msawi, na ate nawoho kekapo na maho. Woose wechiwuwuyo samu yawo wawenyi.”
Currently Selected:
WALEWI 20: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.