WALEWI 21
21
Mchumiefo wukohanyi wuele wo Wakohanyi
1Ruwa Menyipfinya kawia Mose, “Wia Wakohanyi wana wa Aroni, ke kulakae ma mndu oose kiidi kyawo echikuteṟefutsa echipaya mnying'a ya wandu wa kishari kyake, 2sile kokoya nyi mnying'a fo manomae o kufui: cha mae, ndeye, mana oke o kisoṟo ang'u o kika, manomae, 3ang'u mshiki oke (ai o mofeo kimu) nao alamealiko. 4O kokoya namsambuṟe iwada kidembo nalakuteṟefutse. 5 Wa mba ya Aronyi walaode ohaa ili wapfiiyo, manya walaode itengetia ngerero tsawo manya ikusaṟasaṟa saṟe tsa mbihu. 6Wechiwa waele ko Ruwa owo; manya walarume rina lya Ruwa owo, kyamba wo nyiwo wekedambika shiano shekeinengo Mndumii-Ruwa, Ruwa kui modo kelya kya Ruwa ko ikyo kiwawaṟi wawe waele. 7Kipfa kya ili mkohanyi amshimbuo nyi Ruwa oke nalaalike mka mṟuhui manyale, manya mndumka alai mkeha manya mnduka amsame nyi mii. 8Nochimanya mkohanyi ke namshimbuo, kyamba nyio ekeambia mwano fo mkate fo Ruwa opfo, nochimmanya ke namwele, kyamba Inyi Mndumii-Ruwa, Ruwa njikushimbuo iyo njii mwele; 9mana o kika oose o mkohanyi kakuteṟefutsa kui uruhui, nechirumatso modonyi kipfa nasutsa ndeye, kamteṟefutsa.
10“Mkohanyi oose ang'anyi kiidi kya wodoe, nao nang'anyie wodoe, nao namshie mafuda hakaletsio mdohu foke, kashimbuyo kundu naṟae maṟao maele, nalade njui tsake tsiwe owicho manya nalaranduo nguo tsake ikapa kilio. 11Nalasembeṟie kufui na mnying'a ma ikuteṟefutsa kui mnying'a ma kokoya nyi fo ndeye ang'u mae. 12Cha kipfa namshimbuo kui ishio mafuda ha Ruwa oke mdohu, koikyo nalakure handu haele manya nalahateṟefutse. Inyi nyio Mndumii-Ruwa. 13Mkohanyi Ang'anyi nechiidima ialika mana o waka tupu sa ai mkeha. 14Awode momu foalika mka mkusupfo, ma mndu alai mkehapfo, ma mṟuhuipfo. Nkimbaṟi naalike mana mkeha o ipfo ko wandu wake amonyi, 15nalashike iteṟefutsa wana wake amonyi. Inyi nyio Mndumii-Ruwa, Ruwa njilemshimbuo.”
16Mndumii-Ruwa nalewia Mose. 17“Wia Aronyi kudi: Luwa lyapfo lyose lya ipfo shisharinyi shapfo shose shechicha msa awode wufafa mbihunyi foke, awode momu fonjitikiria inyi Ruwa oke najiendie mwano fo mkatepfo. 18Mndu oose awode wufafa, ampfu meso, atiliwanyi shiwungo, awode kyamu kiwehewehe, awode kiwungo kilesheleshe kota, 19awode kudende ang'u owoko lulemeeduka, 20msa awode kisombe, mndu mfui kota, elekewona necha, awode nduṟuwe, msa awode uhee ang'u mndu ai ndeembe, nalasemberie Ruwa imnenga mkate foke. 21Sa amfee nyi mkohanyi Aroni awode ufafa nalatikirie injiendie kidaso kekoṟa modonyi; kipfa kya ili awode ufafa, kyasia nalanjitikirie Inyi Ruwa kechinjiendie mkate foko. 22Mnducho nechiidima ikuliia mkate fo Ruwa oke shindo shiele na shindo shiele mnu. 23Kyaindi nalatikirie isulia lilya manya alya rasionyi kyamba nawode ufafa, nalashike iteṟefutsa handu haele; cha kipfa Inyi Mndumii-Ruwa, Ruwa nyio njekemushimbuo.”
24Mose kaongoya Aroni na wana wake na Waisraeli wose mbonyitso tsose.
Currently Selected:
WALEWI 21: KIM2
Highlight
Copy
Compare
Share
Want to have your highlights saved across all your devices? Sign up or sign in
Kimochi Bible © Bible Society of Tanzania, 2016.