Seemthawhnak 23
23
Sarah Thihnak leh Vuinak
1Sarah cu kum 127 a nung; acu cu Sarah ih nun sung hmawh a ii. 2Culeh Sarah cu Kanaan ram sung Kiriath-arba #23:2 Kiriath-arba ti cu Hebron tican. ah a thi; culeh Abraham cu Sarah caah lungzuur ding leh amah ṭah dingah a tat. 3Abraham cu a mithi hemin a tho ih Hit mipawl cu, 4“Kei hi nan lakah khual leh tluangmi in ka om; nan lakih vuitiaknak hmunram ma pia hram uh; cuticun ka mithi hi ka mithmuh lo nak ah a vui taw’ng,” tiah a ti hngai. 5Hit mipawl ni Abraham cu, 6“Bawipa, kan thu man ngai hram; nang cu kan lakahhin a dik mi bawi pakhat na ii. Kan thlanmual hmunpawl lakih na dawttleng na rilnak hmun ah na mithi cu vui kau tu; na mithi vuinak ca’hcun ahuhman ni kan thlaan hmun cu siang lo’n kan om hrimhrim thok lo,” tiah an ti. 7Abraham cu a tho ih acui ram ih mipawl—Hit mile hmaiah a kuum. 8An hemah, “Ka mithi hi ka hmuh lo nak ah ka vui nan dawt kau a’cun, ka thu ma ngai hram uh, cun Zohar ih tiapa Efron hi naktiah ma dil piak uh, 9cuticun a ta a imi Makpelah lungkuak a ma pia taw; a lo tukri ah a om. A man zate kimin nan hmuhhngan ah ma zorh seh, vuinak thlaan hmun a ngeihtia taw’ng,” tiah a ti hngai. 10Efron cu Hit mile lakah a to; culeh Hit mi Efron ni Hit mile zakhngan ah, an thurelnak kotka ahcun Abraham cu, 11“I hlah e, ka bawipa, ka thu ma ngai hram; lo leh a sungih ommi lungkuak cu ka tan ṭhen; ka miphunpawl hmuhhngan ah ka tan ṭhen; na mithi cu vui kau,” tiah a ti. 12Cutikah Abraham cu ram ngeitu mipawl hmalaah a kuum. 13Ram mipawl zakhngan ah Efron hemahcun, “Ka thu ma ngai la ceu ka daw! Lo man cu ka tan pia kau thok; ma co sawh kau, cuticun acuna’h ka mithi a vui taw’ng,” tiah a ti. 14Efron ni Abraham cu a let ih, 15“Ka bawipa, ka thu ma ngai hram—ngun tangka 400 man loram cu nang leh kei lakkarah itu a i hmen? Na mithi cu vui kau,” tiah a ti. 16Abraham cu Efron ih timi a na a tla, culeh Hit mipawl zakhngan ah ngun tangka 400 tiah a min simmi cu Abraham ni sumletpawl lakih hmanngaimi cuai in a thlai ih a pia. 17Cuticun Mamre nisuahnakla ih ommi Makpelah hmun ih om, Efron ih lo, a lo leh a sungih ommi lungkuak, thingkungpawl zate, acunang hrawng hmunram zate cu 18Hit mipawl omhngan, a khua kotka ih tat tu mipawl hmuhhngan ah, Abraham ih ngeihtiak awkah a hem a pha. 19Cuhnukah, Abraham ni a nupi Sarah cu Kanaan ram ih ommi Mamre#23:19 Mamreticu Hebron tinak. ah a vui. 20Lo leh a sungih ommi lungkuak cu Hit mile hemin Abraham ni vuinak thlaan hmun in a ngeihtiak dingah a hem a pha.
Currently Selected:
Seemthawhnak 23: KHBF
Highlight
Share
Copy
Want to have your highlights saved across all your devices? Sign up or sign in
Khualsim Holy Bible © Bible Society of Myanmar, 2021.
