Teekɨtɨga 32
32
1Lon deg oon kad Moij ndɨ kɔkɨ, na ɗisɨ dɔ mbalbot kɨber al ye, deg kawɨn na kɨ ro Aarõt, elɨna anan: I ɗa yo mad kɨ a ndia nõjt, kɨta ta lo Moij'n non, ad i de'n tee sej kɔ kam dɔning Ejipt't ye, kɨ ger nya'n ɗaa al. 2Aarõ eld an: Ɔrrɨn ninga lɔrg kɨ mbi nẽsɨgt kɨ mbi ngansɨ kɨdɨngã kɨ kɨdẽ, i ɗen ne adɨmɨn. 3Deg tube ɔrrɨn ninga lɔrg kɨ mbidt ɗen ne adɨn Aarõt. 4Ĩ tɔ ta lɔr jidt, nyẽ lɔr ɗan ngon mang, tɔsɨ kɨ hand tɔsɨ nya. Deg elɨn anan: Israelag, oon yo losɨ kɨ tee sesɨ ko kam dɔning Ejipt't. 5Lon Aarõ oo 'nten ye, ɗa dɨngɨr kadkari nõat, kamla Aarõ la mber an: Loti a i nah lo Bɨraɓe. 6Loti a ne, ɓain kɨsĩ ritit, lan kadkarig kɨlahorrt, na ɗen kɨ kadkarig kɨkad kamsɔllom. Deg ndɨn ber kad san kɨ ãin kamla ɓain kɨ ta ndomt. Bɨraɓe ɓawong kɨtɨngabil. 7Bɨraɓe el Moij an: Aw, i ɗisɨ kɨta deg loi kɨ i tee sed kɔ kam dɔning Ejipt't ye tujɨn rod. 8Tɔɔn go ɗobt kɨ m'ɔjd kɨ mberkɨnda kɔ kanangbe, nyẽn lɔr ɗan ne ngon mang, ɔsɨn dɔd ber nõat, jan mosɨ kadkari adɨna, na elɨn anan: Israelag, 'nten la i yo losɨ kɨ tee sesɨ kam dɔning Ejipt't kɨtɨga ye. 9Bɨraɓe el Moij an: M'oo deg'n ɗan, na oo ĩn deg kɨ ngéngɨra kɨ god. 10Tajigla i nya ad m'ɓawong kɨtɨngabil sed kɨta nujd kɔ, na m'a m'teli girrdeg kɨngãibe. 11Kamla Moij kɔ Bɨraɓe Luwah an: Kɨtɔɗi i ɓawong kɨtɨngabil kɨ deg loi kɨ i tee sed kam dɔning Ejipt't kɨtɨga kɨ tɔg kɨbobe kɨ ji kɨtag a? 12I goɗobatal kad Ejiptiag elɨn anan: Luwah lod tee sed kɨta ɗad majal, kɨta tɔld kɔ dan mbalbogt, kɨta nujd kɔ dɔningt. I nyàgo wong loi kɨtɔlsɔkɨr, i nya ta kɔjta loi dɔ nujt kɨ i ɔj kad i nuj deg loi 13I ga kami dɔ Abrahamt kɨ Isaak kɨ Israel'n, ɓerg loi kɨ i ndan yo kɨdɔit in kɨɓe an: A ad kohd bɨlan kɨdɔtdɔt tit kɨmẽg kɨ dɔrãt be, na a ad kohd dɔning 'nten tube'n eltaa, a i nyakagɓe lod mbãkɨnõt. 14Na Bɨraɓe nya ta kɔjta lon dɔ nujt kɨ elta ɗa kɨ deg lon. 15Taa ne, Moij tel gidn, ɗisɨ dɔ mbalbot kɨ bar mbal joo lo najkɨma jint. Bar mbalg'n non ĩn kɨndang kɔtko joo, ĩn kɨ ndang kamt kɨ gidt. 16Bar mbalg'n non ĩn kɨlaɗa Luwah, ta kɨndang tɔ i ta'n Luwah ndang, i kɨ tɔsɨ dɔ bar mbalgt'n non. 17Lon Jojue oo kah ndi deg'n ndɨ kon ne ye, el Moij an: Kah ɗɔɔ i kam lo hɔlondɨt. 18Moij el an:
I kah yel tetɗɔɔ al,
i kah ɗɔɔ kɨ tuɓa al tɔ,
m'ndɨ m'oo dɔ ndi deg kɨ ndɨ ɔsɨn pa.
19Lon teen nderbe kɨ lo hɔlondɨt ye, oon ngon mang kɨ deg'n ɗa ndamɨn na. Kamla Moij ɓawong kɨtɨngabil, la bar mbalg kɨjint kɔ, na tɨnda tetd kɔsɨ kɔsɨ nja mbalbot. 20Un ngon mang kɨ deg ɗàn nõ, lahort, usɨ ad tel nduj, ũ dɔ mant ad Israelag ãin. 21Moij ndɨje Aarõ an: Deg'n non ɗan ɗi sei kad i ɗen kɨ majal kɨbo titbe dɔdt a? 22Aarõ tur an: Ot kad ngeem ɓawong kɨtɨngabil in kɨbe i ger kam deg'n non i majalt kɨɗa koon. 23Elmɨn anan: I ɗa yo mad kɨ a aw nõjt, kɨta ta lo Moij'n non, ad i de'n tee sej kɔ kam dɔning Ejipt't ye, kɨ ger nya'n ɗaa al. 24Taa ne, m'el m'an: Kɨ ĩgɨn awɨn kɨ lɔr, kɨ ɔrrɨn Tɔrr admɨn, m'la kam horrt, na ngon mang 'nten tee.
Ndakɔj
25Moij oo deg ndɨ awɨn kɨnõbe kɨta Aarõ nya deg ad awɨn kɨnõbe kad telɨn nya kɨ rosɔl ro madngétadt. 26Moij aw ɗa tabit lo hɔlondɨt, el an: Dekɨɗen kɨ i lo Bɨraɓe a ne, kɨ ɗe romt Lebiag tube kawɨn na kɨ roat. 27Eld an: Bɨraɓe Luwah lo Israel'n el an: Kɨ dekɨɗen dɔ kiyaɗɔɔ lon ront, kɨ aw ho kɨ tel ho kɨ ta ɗobɗob lo hɔlondɨt, na kɨ dekɨɗen tɔl ngon kõn, kɨ dekɨɗen tɔl namɨn, kɨ dekɨɗen tɔl madɓen 28Lebiag ɗan kɨgo tat lo Moij, na ndɔt'n non dekɨdɨngã asɨn dub mɨta ku degt oin. 29Moij el an: Ɓone i ndan rosɨ kɔtko kɨɗa kɨta Bɨraɓe, tit kan hã dekɨɗen tɔlɨn ngon'n kɨ ngonkõn ye, kɨ Bɨraɓe njangɨn dɔsɨ ɓone.
Moij kɔ Luwah kad nyàgo majal lo ngan Israelg
30Loti a ne, Moij el deg an: I ɗan majal kɨbobe. Tajigla m'a m'al m'aw ro Bɨraɓet ke maj a ne, m'a m'ngaa nyàgo kɔ kɨtɔ majal losɨ. 31Moij tel I aw ro Bɨraɓet gog, el an: A deg'n non ɗan majal kɨbobe, ɗan yo lɔr kɨta rod. 32Tajigla i nyàgo majal lod kɔ, ĩla i titbe al a ne, i tɔl tɔm kam maktubt loi kɨ i ndang nõ 33Bɨraɓe el Moij an: Dekɨɗen kɨ ɗa majal ndoorɨm la m'a m'tɔl tɔa kam maktubt lom ye. 34Oo malaika lom a aw nõit, na kam ndɔ ndangɨrat lom, m'a m'ɔjd kuma kɨtɔ majal lod. 35Bɨraɓe tɔl deg kɨ yokoosɨ kɨta ɗa kɨ ɗan yo ngon mang kɨ Aarõ ɗà nõ.
Currently Selected:
Teekɨtɨga 32: MlL
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
