Dakɔr deg 1
1
Kɔr ngéɗɔɔg
1Bɨraɓe elta kɨ Moij kam dɨlalot kɨ Sinai, kam kujkub ndɔdnat, ndɔt kɨdasa lo nah kɨkõjoo, kam ɓalt kɨkõjoo go teed kam dɔning Ejipt't kɨtɨga an: 2Ĩ kɨ Aarõ i tɨdan kɔr ngékawna lo Israel tube kɨgo noojgt, kɨgo ngékɨɓet lo bɔwdg, a i tɨdand ɓai dɔ dekɨdɨngãgt tube kɨ tɔd, 3mba girra dɔ degt'n ɓald i dɔjoo, ke tɔi dɔjoo, kɨ deg tube ku Israelagt'n asɨn kaw ta ɗɔɔt. Ĩ kɨ Aarõ, a i tɨdan kɔrd kɨ ɓuta ɓuta. 4A unɨn de kɨɗa ku girrdegt kɨɗen nat sesɨ, de'n i bɨradɔ ngékɨɓe lo bɔwɨn.
5Tɔ deg'n a ɗan sesɨ laten:
Girrdeg lo Ruben: Elisur ngon Seder,
6Girrdeg lo Simeõ: Selumiel ngon Surisadai.
7Girrdeg lo Juda: Nason ngon Aminadab.
8Girrdeg lo Isakar: Netanael ngon Suar.
9Girrdeg lo Jabulon: Eliab ngon Helon.
10Girrdeg lo ngan Jojep, kɨlo Epraim: Elisama ngon Amihud; kɨlo Manase: Gamaliel ngon Pedasur,
11Girrdeg lo Benjami: Abidan ngon Gideoni.
12Girrdeg lo Dan: Ahiejer ngon Amisadai.
13Girrdeg lo Ajer: Pagiel ngon Okɗan,
14Girrdeg lo Gad: Eliajap ngon Dewel.
15Girrdeg lo Neptali: Ahira ngon Enan.
16Ĩgɨn non la kunɨnd ku ngékawnat. Ĩn mbaiɓeg lo girrdeg lo bɔwd, bɨradɔg dɔ kɨdubgt lo Israel. 17Moij kɨ Aarõ ɔin deg'n ɔsɨn god na ndangɨn tɔd kad ɔsɨn god kam kɨlat, 18na kunɨn ngékawna tube ndɔ kɨdasa lo nah kɨkõjoo, ndangɨn tɔd kɨgo girrkoojgt lod, kɨ kɨgo ngékɨɓe lo bɔwd ndangɨn tɔd kɨɗa kɨɗa, mban girra dɔ ĩgɨtɨn ɓald i dɔjoo, 19Moij tɨdad kam dɨlalot kɨ Sinai tit'n Bɨraɓe ndaan mbera.
20Ndangɨn kɔr deg kɨ girr Ruben, ngonderr Israel, kɨgo girrkoojgt lod, kɨ kɨgo ngékɨɓet lo bɔwdg, tɨdan deg ɓai dɔ dekɨdɨngãg tube kɨ tɔd, mbã girra dɔ ĩgɨn ɓald i dɔjoo, deg tube'n asɨn kaw ta ɗɔɔt. 21Kɔr deg kɨ girr Rubent i 46 500.
22Ndangɨn kɔr deg kɨ girr Simeõ kɨgo girrkoojgt lod, kɨ kɨgo ngékɨɓet lo bɔwdg, tɨdan dɔ dekɨdɨngãg tube kɨ tɔd, mbã girra dɔ ĩgɨn ɓald i dɔjoo, tube kɨ deg'n asɨn kaw ta ɗɔɔt. 23Kɔr deg kɨ girr Simeõt i 59 300.
24Ndangɨn kɔr deg kɨ girr Gad kɨgo girrkoojgt lod, kɨ kɨgo ngékɨɓet lo bɔwdg, tɨdan dɔd kɨ tɔd, mbã girra dɔ degt'n ɓald i dɔjoo, tube'n asɨn kaw ta ɗɔɔt, 25Kɔr deg kɨ girr Gadt i 45 650.
26Ndangɨn tɔ deg kɨ girr Juda kɨgo girrkoojgt lod, kɨ kɨgo ngékɨɓet lo bɔwdg, tɨdan dɔd kɨ tɔd, mbã girra dɔ degt'n ɓald i dɔjoo, kɨ degt tube'n asɨn kaw ta ɗɔɔt. 27Kɔr deg kɨ girr Judat i 74 600.
28Ndangɨn tɔ deg kɨ girr Isakar kɨgo girrkoojgt lod, kɨ kɨgo ngékɨɓet lo bɔwdg, tɨdan dɔd kɨ tɔd, mbã girra dɔ ĩgɨn ɓald i dɔjoo, tube'n asɨn kaw ta ɗɔɔt. 29Kɔr deg kɨ girr Isakart i 54 400.
30Ndangɨn tɔ deg kɨ girr Jabulon kɨgo girrkoojgt lod, kɨ kɨgo ngékɨɓet lo bɔwdg, tɨdan dɔd kɨ tɔd, mbã girra dɔ degt'n ɓald i dɔjoo, kɨ deg tube'n asɨn kaw ta ɗɔɔt. 31Kɔr deg kɨ girr Jabulont i 57 400.
32Ndangɨn tɔ deg kɨ girr Jojep, ad i Epraimag, kɨgo girrkoojgt lod, kɨ kɨgo ngékɨɓet lo bɔwdg, tɨdan dɔd kɨ tɔd, mbã girra dɔ ĩgɨn ɓald i dɔjoo, tube'n asɨn kaw ta ɗɔɔt. 33Kɔr deg kɨ girr Epraimt i 40 500.
34Ndangɨn tɔ deg kɨ girr Manase kɨgo girrkoojgt lod, kɨ kɨgo ngékɨɓet lo bɔwdg, tɨdan dɔd kɨ tɔd, mbã girra dɔ ĩgɨn ɓald i dɔjoo, kɨ deg tube'n asɨn kaw ta ɗɔɔt. 35Kɔr deg kɨ girr Manaset i 32 200.
36Ndangɨn tɔ deg kɨ girr Benjami kɨgo girrkoojgt lod, kɨ kɨgo ngékɨɓet lo bɔwdg, tɨdan dɔd kɨ tɔd, mbã girra do ĩgɨn ɓald i dɔjoo, kɨ deg tube'n asɨn kaw ta ɗɔɔt. 37Kɔr deg kɨ girr Benjamit i 35 400.
38Ndangɨn tɔ deg kɨ girr Dan kɨgo girrkoojgt lod, kɨ kɨgo ngékɨɓet lo bɔwdg, tɨdan dɔd kɨ tɔd, mbã girra dɔ ĩgɨn ɓald i dɔjoo, kɨ tube'n asɨn kaw ta ɗɔɔt. 39Kɔr deg kɨ girr Dant i 62 700.
40Ndangɨn tɔ deg kɨ girr Ajer kɨgo girrkoojgt lod, kɨ kɨgo ngékɨɓet lo bɔwdg, tɨdan dɔd kɨ tɔd, mbã girra dɔ degt'n ɓald i dɔjoo, tube'n asɨn kaw ta ɗɔɔt. 41Kɔr deg kɨ girr Ajert i 41 500.
42Ndangɨn tɔ deg kɨ girr Neptali kɨgo girrkoojgt lod, kɨ kɨgo ngékɨɓet lo bɔwdg, tɨdan dɔd kɨ tɔd, mbã girra dɔ ĩgɨtɨn ɓald i dɔjoo, kɨ deg tube'n asɨn kaw ta ɗɔɔt. 43Kɔr deg kɨ girr Neptalit i 53 400.
44Ĩgɨn non la Moij kɨ Aarõ nat kɨ mbaiɓeg kɨkɨlah gidaijoo lo Israel, ad i de kɨɗa ku girrkoojt kɨɗen la tɨdan ye. 45Titbe tɨdan kɔr Israelag tube kɨgo ngékɨɓet lo bɔwdg, mbã girra dɔ ĩgɨtɨn ɓald i dɔjoo, kɨ deg tube'n asɨn kaw ta ɗɔɔt 46Kɔrd tube i 603 550.
Talo Lebiag
47Tɨdan Lebiag kɨgo girrkoojt lo bɔwd al. 48Kɨtɔ Bɨraɓe el Moij an: 49Ot tɨda girr Lebi, ot tɨda dɔd ku Israelagt, 50na i nda Lebiag kad ĩn ngékoogo kujkub najkɨma kɨ nya ɗakɨlag loa tube kɨ nyag loa tube. Aton kujkub kɨ nyaɗakɨlag loa tube, a ndan kujkubg lod gugɨn dɔ londɨ. 51Lon asɨ kad kujkub londɨ aw kɨkete taa Lebiag a tɔrrɨn, lon asɨ kad ndan kujkub londɨ lot mad a ne, Lebiag a tɨlan ta nat gog, na ĩla de mad kɨɗang ndɔt nderbe a ne, a tɔlɨna kɔ. 52Israelag a hɔn londɨ kɨgo ɓutdt, dekɨɗen kam londɨnt, dekɨɗen kad drapot lon, 53na Lebiag a hɔn londɨ gugɨn dɔ kujkub najkɨma kɨtakad wong lom ɗe dɔ ngékawnat lo Israelag al, na Lebiag a ngomɨn kujkub najkɨma.
54Israelag ɗan titbe, ɗan nyag tube'n Bɨraɓe nda mbera Moij.
Currently Selected:
Dakɔr deg 1: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.