Lntadan 26
26
Kobu Mrtaso
(Lnt 36:8-38)
1Ngali 10 pala ma smlei kobu mrtaso. Pala nii we tuni malu ware keguy, selung mtlawa, mgtdiyuc, mtanah ma, pspui miri hnyegan kirubing bobo na. 2Kn1 qndisan baang pala we 28 sese, rila na we 4 sese knuglahang. Pntnaani smalu ka knkingal pala. 3Pllutuc ka 5 pala, kesi hiya ka 5 pala uri. 4Smlaani ngadux ware mtlawa ka ssiyo pala mplutuc na. Kiya ma kesi hiya smalu ka ssiyo pala 1 uri. 5Ssais 50 ngadux ka pala paru nii, icil na de pntmaani meku smais 50 ngadux so maha mbbais ka dheya. 6Smlaani king ka 50 galuk. Pggaluk psuupu ka pala de ngali 1 kobu.
7Tuni 11 pala snmalu ubal miric ka bubung kobu mrtaso. 8Kn1 qndisan baang pala we 30 sese, rila na we 4 sese knuglahang, pntnaani smalu ka 11 pala. 9Pltudi ka 5 pala ma ngali 1 pala. Kiya ka 6 pala we ngali 1 lmutuc uri. Tg6 pala nii we smpsali tmkemu baro quri berah kobu mrtaso kiya. 10Ssais 50 ngadux ka ssiyo pala nii. Kesi ssais 50 ngadux uri ka nii. 11Smlaani xiluy limuk ka 50 galuk ma pggaluk ckceka ka ngadux. Kiya de mlutuc ka 2 pala nii de tduwa bubung kobu mrtaso. 12Hmrinas na ka qndisan dmeka pala nii we mpqeerung mubung bukuy. 13Hmrinas pala ssiyo na, hini we 1 sese, psduduy toma mpqeerung mubung baang kobu. 14Smlei bubung kobu snmalu pnshenuk qraqil baus miric ma bungi malu ba qraqil mubung nganguc na dungal.
15Qnabil kobu mrtaso we smlaani tgebil. 16Qndisan knkingal qrtinuh we 10 sese, knuglahang na we 1 sese dmeka. 17Kn1 qrtinuh we smlaani 2 gelang pplutuc na ssiyo qcinuh. Pniqi so nii gelang kana ka qrtinuh. 18Slmei qrtinuh kobu mrtaso: Mquri so toma we smlei 20 qrtinuh qmabil. 19Ngali ging ma smlei 40 ka tluungan qcinuh peeniq toma 20 qrtinuh nii. 2 doriq we plutuc 2 tluungan qrtinuh nii. 2 doriq qrtinuh nii we kesi lmutuc 2 tluungan kiya uri. 20Quri so tgdaya kobu we smlei 20 qrtinuh qmabil ma, 2140 ka tluungan snmalu ging ga niqan doriq. Kn1 qrtinuh toma na hiya we niqan pn2 doriq. Icil qrtinuh we pniqi 2 doriq uri. 22Quri so bukuy kobu mrtaso de, kiya ka quri pryaxan hido we smlei 6 qcinuh qmabil. 232 muxi bukuy we phyegi 2 qcinuh. 24Qrtinuh muxi nii ge, md2 mswaye ka toma na ma baro de psuupu pggaluk betaq tgplaale ba ngadux. 2 qrtinuh muxi nii we pntena smalu kana. 25So kiya de msuupu ka qnabil qrtinuh nii we 8 ma 16 ka tluungan madis doriq snmalu xiluy ging. Truma qrtinuh nii we niqan 2 doriq na ma, kiya we niqan 2 doriq na uri.
26Slmei rgero na we tgebil. Smlaani 5 rgero tgebil ka quri qnabil kobu nii. 27Quri icil we 5 rgero tgebil ka quri qnabil kobu kiya uri. Quri pryaxan hido ka bukuy kobu we 5 hnyegan. 28Pniqun mndungus ckceka ka rgero we lihu peeyah ssiyo ba kobu betaq ssiyo ba icil kobu. 29Qrtinuh qnabil we pqpahi king, pniqi ngadux king, kiya de so maha malu lhugan rgero. Pqpahi king ka rgero uri. 30Pygaani so rnengo mu bobo dgiyaq hiya phyegi ka kobu mrtaso.
31Smlaani kndekul malu ware keguy ma selung mtlawa, mgtdiyuc, mtanah ka 1 pala qqeerung, nii we prii hnyegan kirubing snmalu baga. 32Pala qqeerung nii we pqyaani 4 eruc tgebil gaga pqpahi king. Pniqi daung snmalu king ka baro na. Kiya de ptleung bobo 4 tluungan madis doriq snmalu ging. 33Pala de pqyaani daung gaga bkegun baro. Kulu pnsdhegan we peeniq bukuy pala nii. Pala nii we ptgaanak mrtaso nniqan ma pusu mrtaso nniqan. 34Peeniq bobo kulu pnsdhegan ka gemuk. 35Peeniq nganguc pala nii ka psaan spuhan. Meniq baro ka psaan spuhan. Meniq truma kobu ka pcmagan, mssipo daha psaan spuhan.
36Prii malu ware keguy ma selung mtlawa, mgtdiyuc, mtanah ka qeerung rhengun ttmayan kobu mrtaso. 37Smlaani 5 eruc tgebil qpahi king ka qeerung rhengun. Niqan daung snmalu king ka baro eruc na. Dungal we smlaani 5 tluungan xiluy limuk madis doriq ka eruc.
Currently Selected:
Lntadan 26: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
