Lewiy 21
21
Gaya Prtaso Msapuh
1Rmengo Moseh ka Utux Tmninun: “Rngagi ka dmsapuh lqlaqi Aharon. Dmsapuh ge, iya bale telung seediq mnhuqil psrutiq dheya nanak. 2Asi ka wano tama ma bubu na, lqlaqi, mtswai, 3mqedil mtswai ini osa rseno ka tduwa psrutiq isu nanak, ado dadal ka heya. 4Gisu ngalun tgpusu ka msapuh de, asi ka ini pntena seediq psrutiq dheya nanak.
5Msapuh we ini byuhi tunux, iya kgusi ka ssiyo ngudus ma, iya hhbaluc heyi uri. 6Biqi prtaso ka Utux Baro. Iya bale psrutiq ngayan Utux Baro. Ado snapuh puniq Utux Tmninun we, kiya ka uqun Utux Tmninun bnege daha. So kiya de asi ka mrtaso. 7Iya bale angal mqedil kbrexun ma mqedil mrutiq. Iya bale angal mqedil nlaxan rseno. Ado msapuh we asi ka mrtaso sbege Utux Baro kiya. 8So kiya de asi su ka prtaso heya ka isu. Ado gisu mege snapuh Utux Baro su ka dheya. Asi su ka ngalun mrtaso ka heya. Ado yaku, Utux Tmninun mprtaso dheya we mrtaso bale.
9Nasi mnoda kmmhemuc msuupu mtaqi ka weewa msapuh de, gisu pqsiqa tama na ka nii. Kiya de asi ka phqilun puniq ka heya.
10Paru msapuh ge ckceka mtswai na we, asi ka hnrigan abura ka tunux na. Kiya we lmutuc mangal qneepah mrtaso ma, mlukus lukus mrtaso we, asi ka ini krudu ka snuunux na ma, asi ka ini sgaliq lukus. 11Iya smdaling heyi mnhuqil. Iya psrutiq isu nanak dmoi su tama snbubu su. 12Iya latac peeyah nniqan mrtaso ma, iya psrutiq nniqan mrtaso Utux Baro. Ado gaga tunux na ka bunuh mrtaso rncuhan abura mrtaso. Yaku we Utux Tmninun. 13Asi ka weewa bale ka ngalun na mqedil. 14Iya bale ngali mqedil ka mqrinuc, mqedil nlaxan rseno ma, mqedil kbrexun. Wano weewa bale ckceka dseediq ta hiya ka ngali mqedil. 15Iya tsiiyax lqlaqi seediq mu. Ado prtaso heya ka Utux Tmninun.”
16Rmengo Moseh ka Utux Tmninun: 17“Rngagi ka Aharon: Lqlaqi ltlutuc su ani betaq knuwan, kana niqan tnraqil heyi na we, iya bale eyah mege snapuh ini pttuku hnyegan Utux Baro. 18Ado kana ini pttuku hnyegan, ani mbudu, mpika, mtapaq mnarux muxi ma, mciicil ka baga ma papak, 19mgerung ka baga ma papak, 20mbukung hnyegan ma llebu, mbriqul, ulan luqah ma mgheguh ma, npexan begax we, iya bale psdlingi hini. 21Lqlaqi ltlutuc Aharon msapuh nii we, kana niqan tnraqil heyi daha we, asi ka ini eyah berah mu, iya bege snapuh ini pttuku hnyegan Utux Tmninun. 22Uqun Utux Baro we, ani mrtaso ma mrtaso riyung we, uqun na kana. 23Kiya de asi ka ini namu remux truma pusu mrtaso ma, iya bale smdaling spuhan. Ado ini pttuku hnyegan na we, meyah psrutiq nniqan mrtaso mu. Yaku we Utux Tmninun prtaso dheya.”
24Kiya de, tmgesa Aharon, lqlaqi laqi Aharon ma, seediq Israel ka Moseh.
Currently Selected:
Lewiy 21: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020