Lewiy 3
3
Gaya Smapuh Ptbale Lhebun
1Mege smapuh ptbale ka seediq we, nasi mege dapa, ana balas ma gipu asi ka mttuku hnyegan. Kiya ka bege berah Utux Tmninun. 2Mposa bobo tunux dapa ka baga na ma, phuqil na rhengun kobu mrtaso hiya ka dapa. Msapuh ka lqlaqi laqi Aharon we, asi ka hrigun na mtqiri spuhan ka dara na. 3Peeyah ckceka smapuh ptbale, heya we mangal snapuh psqama bege na Utux Tmninun. Kiya ka kadi gaga lmabu rkebul na ma, kana kadi gaga lmabu daruk na. 42 rmume ma kadi rmume, kiya kadi smdaling 2 rmume. Kiya ma kadi rumul, ptheyaq rmume ngali kana. 5Aharon ma lqlaqi laqi na we asi ka psaun na bobo qhuni gaga sqama ka nii. Nii we kiya ka snapuh psqama sknexan bbege Utux Tmninun.
6Mege smapuh ptbale Utux Tmninun ka seediq, nasi mege miric rudu, ani baus ma bubu we, asi ka mttuku hnyegan. 7Nasi msapuh miric rudu ka heya we, asi ka sbege na berah Utux Tmninun. 8Psaun na bobo tunux snapuh nii ka baga na, sliqun na berah kobu mrtaso ka miric. Lqlaqi laqi Aharon we asi ka sheruy na mtqiri spuhan ka dara na. 9Peeyah ckceka smapuh ptbale, heya we mangal daruk ngalun na snapuh psqama mege Utux Tmninun. Kiya ka siyang nangal na peeyah ngungu, kadi gaga lmabu rkebul, kana daruk rkebul na. 102 rmume ma kadi rmume, kiya kadi smdaling rmume. Kiya ma kadi rumul, ptheyaq rmume ngali kana. 11Msapuh we asi ka psqmaun na bobo spuhan ka nii. Nii we kiya ka snapuh psqama sknexan bbege Utux Tmninun.
12Netun mege snapuh miric ka seediq we, asi ka bege daha berah Utux Tmninun. 13Psaun na bobo tunux na ka baga na, sliqun na berah kobu mrtaso ka miric. Lqlaqi laqi Aharon we asi ka sheruy na mtqiri spuhan ka dara na. 14Peeyah ckceka spuhan psqama bege na Utux Tmninun. Kiya ka kadi gaga lmabu rkebul ma kana daruk gaga biciq na. 152 rmume ma kadi rmume, kiya ka smdaling rmume. Kiya ma kadi rumul, ptheyaq rmume ngali kana. 16Msapuh we asi ka psqmaun na bobo spuhan ka nii. Nii we kiya ka snapuh psqama sknexan. Kana daruk we nuUtux Tmninun kana. 17Kana nniqan namu, daruk ma dara we iya bale uqi. Mptgaya yamu betaq ani knuwan knxalan ka nii.
Currently Selected:
Lewiy 3: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020