Ruka 6
6
Quri Ali Sngayan
(Mat 12:1-8. Mrk 2:23-28)
1Niqan 1 ali sngayan, moda qnpahan mugi ka Yesu. Tnugsaan na we mangal heyi mugi ma rtretan daha baga ma uqun daha. 2Rmengo ka duma seediq Parisay: “Ma namu qmeepah uxe qqpahun ali sngayan ka yamu ho?” 3Rmengo dheya ka Yesu: “Mnoda muure ciida ka Dawid ma seediq smnegul heya ge, uxe namu smpegan ka nii peni? 4Wada hmuwa mesa mremux Sapah Thmkuwan Utux Baro ka Dawid ma wada mekan pang snapuh Bukung. Wada na speekan seediq smnegul heya ka pang nii uri? Pang snapuh Bukung nii ge wano dmsapuh ka tduwa mekan, ini uqi ani ima.” 5Kiya de rmengo dheya ka Yesu: “Bukung ali sngayan ka Laqi seediq.”
Pkmalu Mrqeling Baga
(Mat 12:9-14. Mrk 3:1-6)
61 ali sngayan dungal, mremux sapah pssliyan ma tmgesa seediq ciida ka Yesu. Meeniq hiya ka 1 mrqeling narac baga na ka seediq. 7Qmlahang Yesu yaa maha pkmalu mnarux ma uxe pkmalu mnarux meniq ali sngayan ka duma seediq Parisay ma dmptpatis. Teta so ptgdiyal daha bbege daha. 8Kiya de mkela lnglungan daha ka Yesu. Kiya de rngagan na ka seediq mrqeling baga: “Tutuy! Heyu ckceka hini!” Kiya de mtutuy ka heya ma mheyu da. 9Rmengo dheya ka Yesu: “Slinge maku. Qmeepah malu ma qmeepah naqah, pkuudus knuudus ma pnhuqil knuudus we tgiinu ka qqpahun ali sngayan ho?” 10Pdaan na doriq qmita ka kana hbaro seediq, kiya de rngagan na ka seediq mrqeling baga: “Hkero ka baga su!” Wada hmkero ka baga na de mbeyax dungal ka baga na. 11Kiya de msqama mseang ka dheya ma mpprengo, huwa ta kesun ka Yesu.
Gmao 12 Snkgulan
(Mat 10:1-4. Mrk 3:13-19)
12Ali ciida, mosa dgiyaq dmurun hiya ka Yesu ma 1 knkmanan ka drunan na Utux Baro. 13Lmedax de splawa na ka tnugsaan na ma geegan na peeyah ckceka daha hiya ka 12 seediq. Snkgulan kesun na tmngayan ka dheya. 14Dheya we Petros kesun na tmngayan ka Simon ka Yesu, Andreas mtswai na, Yakobu, Yohane, Pilipos ma Bartolomay, 15Matay ma Tomas, Yakobu laqi Alhuay ma pnspuwan mpgaalu alang kesun ka Simon, 16Yehudah laqi Yakobu ma Yehudah seediq Iskariot ma mbaruy Bukung.
Gmarang Kari Seediq
(Mat 4:23-25)
17Kiya de Yesu we peeyah dgiyaq msuupu dheya ma mheyu msbreenux dxeral. Meeniq hiya ka hbaro bale tnugsaan na ma hbaro bale seediq pneyah kana Yudaya ma Yerusalem. Pneyah Turos ma Cidon ssiyo rcilung. 18Kmqbahang kari heya ma kkmalu mnarux daha. Niqan ka pqrqilun bgihur naqah we wada pklmeun da. 19Kmtelung heya ka hbaro ba seediq. Ado cmriyu peeyah heyi na ka beyax ma wada pkmalu kana dheya.
Mbleyaq ma Smtali
(Mat 5:1-12)
20Mita tnugsaan na ka Yesu ma rmengo:
“Seediq qrinuc we mbleyaq!
Ado nnamu ka qnlhangan Utux Baro.
21Seediq muure we mbleyaq!
Ado ptngiun ka yamu.
Seediq lmingis we mbleyaq!
Ado mphulis namu.
22Ririh Laqi seediq we tmraqil yamu, ptaayus yamu, tnsiyax yamu, smeeliq ngayan namu, ngalan namu daha naqah ba seediq ma malix ngayan namu we mbleyaq namu! 23Ali ciida we mpsboto namu mqqaras, ado paru ka cniyuk ngalun namu tlangan baro. Ida mntena wada mchaya quri dmpgeela kari ka rdrudan daha uri.
24Kiya de yamu seediq mbleyaq we smtali namu bale!
Ado wada namu ngalun ka snbyaxan na yamu.
25Yamu seediq mtengi we smtali namu bale!
Ado mpkuure namu.
Yamu seediq tqqaras mhulis we smtali namu bale!
Ado mpqnaqah namu kuxul ma mplingis namu.
26Tmdahu yamu ka seediq ciida we smtali namu bale! Ado mntena wada mchaya quri mnnangi dmpgeela kari ka rdrudan daha uri.”
Gnaalu Pais
(Mat 5:38-48, 7:12)
27Kiya de yamu nii mnbahang kari, rngagun maku. Glaani ka pais namu! Kmlei ka qmnaqah yamu! 28Sbleqi ka cmiyus yamu! Drnani ka tmsiiyax yamu. 29Smebuc icil dqeras su ka seediq we bqani psebuc heya ka icil dqeras su uri! Gmeeluk mangal lukus su mgbaro ka seediq we biqi hiya ka lukus su mgtruma uri! 30Mesa sunan ka seediq we biqi. Gmeeluk qyqeya su ka seediq we iya pgsai heya dungal.
31Ani maanu ooda, mphuwa mesa mpqeepah sunan ka seediq we, kesa qmeepah seediq ka yamu uri. 32Nasi namu sgaalu ka gmaalu yamu we maanu ka sqrasan namu ho? Ani seediq niqan qnquwan noda we sgaalu daha ka gmaalu dheya uri. 33Nasi namu smbleyaq seediq snbleyaq yamu nanak we maanu ka sqrasan namu ho? Ani seediq niqan qnquwan noda we ida mesa moda uri. 34Nasi namu pkbarux seediq ma psmeyah namu pkbberih dungal we maanu ka sqrasan namu ho? Ani seediq niqan qnquwan noda we pkbarux seediq niqan qnquwan noda uri, aangal daha dungal ida so pnkbarux daha. 35Kiya de yamu we glaani ka pais namu, sbleyaq dheya ma pkbrexi uri iya lngelung pbrinah dungal. Kiya de maha egu ka cniyuk ngalun namu. Mmaha laqi namu Utux Tgpusu baro. Ado heya ge, ani seediq ini pqaras heya ma naqah seediq uri we ida na sbgrnahun. 36Khenuk lhebun namu, pntena so mhenuk lhebun Utux Baro namu uri.
Iya Snetur Seediq
(Mat 7:1-5)
37“Iya snetur seediq ka yamu, kiya ka uxe namu ngalun psgao. Iya ngali niqan qnquwan ka seediq kika uxe namu ngalun niqan qnquwan uri. Srwai ka seediq, kiya ka maangal namu snrwaan. 38Biqi ka seediq, kiya ka mpniqan ka mege yamu. Kiya de ndwaun ba pooda seengan. Ptklangun tmquri ma slgelu mepux tmquri ma betaq mccuwaq berah namu tnqriyan. Ado sseengan namu maanu ka seediq we sseengan na yamu ka kiya uri.”
39Rmengo 1 pnungalan kari dungal ka Yesu: “Mtduwa dmudul mbudu ka mbudu seediq? Yaa uxe mptuting beling ka kana daha di peni? 40Ini pgkala mptgesa na ka tnugsaan. Kiya de pttkuun psluhe ka ani ima we maha mntena nanak mptgesa. 41Hmuwa, ma su taan ka pako meniq doriq mtswai su, ini su qtai ka tihung qhuni ga ckceka doriq su ho? 42Uxe uri we ini su tai ka tihung qhuni ga doriq su nanak ma mphuwa su mesa rmengo mtswai su: ‘Ngalo mu ka pako ga meniq doriq su ho?’ Isu nii we seediq nnangi malu! Pllai mangal ka tihung qhuni ga ckceka doriq su han! Kiya de mpkleexan su ba qmita aangal su pako meniq doriq mtswai su.
Qhuni ma Heyi Na
(Mat 7:16-20, 12:33-35)
43Ado uka ka malu qhuni mghei naqah heyi, uka ka naqah qhuni mghei malu heyi uri. 44Klaun peeyah pnugheyi na ka knkingal qhuni. Uxe peeyah pako lmamu qhuni nunuh ka seediq, ini ngali peeyah lpiyux ka lmamu lipas uri. 45Malu seediq kndalax snkuwan na malu lhebun peeyah malu, naqah seediq kndalax snkuwan na naqah peeyah naqah. Ado stngayun lhebun ka srengo peeyah quwaq.
Daha Pusu
(Mat 7:24-27)
46Ma namu mlawa kenan ‘Bukung! Bukung!’ Ini namu puyu rnengo mu ho? 47Ani ima meyah kenan ma qmbahang kari mu ma moda qmeepah ka seediq, rngage maku so mntena seediq ima ka heya: 48Heya we mntena seediq smalu sapah, truma ba knriyan na dxeral ma smpusu na bobo tasil. Meyah ka rnecux paru ciida, cmebu sapah ka qsiya de ini na llgaani ka sapah. Ado gaga bobo tasil ka pusu na. 49Wano so ka mnbahang ma ini oda qmeepah we mntena so seediq smalu sapah bobo dxeral uka pusu na. Cmebu ka qsiya de asi ktakur, kiya de ani kana kntkuran na ka sapah kiya.”
Currently Selected:
Ruka 6: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Ruka 6
6
Quri Ali Sngayan
(Mat 12:1-8. Mrk 2:23-28)
1Niqan 1 ali sngayan, moda qnpahan mugi ka Yesu. Tnugsaan na we mangal heyi mugi ma rtretan daha baga ma uqun daha. 2Rmengo ka duma seediq Parisay: “Ma namu qmeepah uxe qqpahun ali sngayan ka yamu ho?” 3Rmengo dheya ka Yesu: “Mnoda muure ciida ka Dawid ma seediq smnegul heya ge, uxe namu smpegan ka nii peni? 4Wada hmuwa mesa mremux Sapah Thmkuwan Utux Baro ka Dawid ma wada mekan pang snapuh Bukung. Wada na speekan seediq smnegul heya ka pang nii uri? Pang snapuh Bukung nii ge wano dmsapuh ka tduwa mekan, ini uqi ani ima.” 5Kiya de rmengo dheya ka Yesu: “Bukung ali sngayan ka Laqi seediq.”
Pkmalu Mrqeling Baga
(Mat 12:9-14. Mrk 3:1-6)
61 ali sngayan dungal, mremux sapah pssliyan ma tmgesa seediq ciida ka Yesu. Meeniq hiya ka 1 mrqeling narac baga na ka seediq. 7Qmlahang Yesu yaa maha pkmalu mnarux ma uxe pkmalu mnarux meniq ali sngayan ka duma seediq Parisay ma dmptpatis. Teta so ptgdiyal daha bbege daha. 8Kiya de mkela lnglungan daha ka Yesu. Kiya de rngagan na ka seediq mrqeling baga: “Tutuy! Heyu ckceka hini!” Kiya de mtutuy ka heya ma mheyu da. 9Rmengo dheya ka Yesu: “Slinge maku. Qmeepah malu ma qmeepah naqah, pkuudus knuudus ma pnhuqil knuudus we tgiinu ka qqpahun ali sngayan ho?” 10Pdaan na doriq qmita ka kana hbaro seediq, kiya de rngagan na ka seediq mrqeling baga: “Hkero ka baga su!” Wada hmkero ka baga na de mbeyax dungal ka baga na. 11Kiya de msqama mseang ka dheya ma mpprengo, huwa ta kesun ka Yesu.
Gmao 12 Snkgulan
(Mat 10:1-4. Mrk 3:13-19)
12Ali ciida, mosa dgiyaq dmurun hiya ka Yesu ma 1 knkmanan ka drunan na Utux Baro. 13Lmedax de splawa na ka tnugsaan na ma geegan na peeyah ckceka daha hiya ka 12 seediq. Snkgulan kesun na tmngayan ka dheya. 14Dheya we Petros kesun na tmngayan ka Simon ka Yesu, Andreas mtswai na, Yakobu, Yohane, Pilipos ma Bartolomay, 15Matay ma Tomas, Yakobu laqi Alhuay ma pnspuwan mpgaalu alang kesun ka Simon, 16Yehudah laqi Yakobu ma Yehudah seediq Iskariot ma mbaruy Bukung.
Gmarang Kari Seediq
(Mat 4:23-25)
17Kiya de Yesu we peeyah dgiyaq msuupu dheya ma mheyu msbreenux dxeral. Meeniq hiya ka hbaro bale tnugsaan na ma hbaro bale seediq pneyah kana Yudaya ma Yerusalem. Pneyah Turos ma Cidon ssiyo rcilung. 18Kmqbahang kari heya ma kkmalu mnarux daha. Niqan ka pqrqilun bgihur naqah we wada pklmeun da. 19Kmtelung heya ka hbaro ba seediq. Ado cmriyu peeyah heyi na ka beyax ma wada pkmalu kana dheya.
Mbleyaq ma Smtali
(Mat 5:1-12)
20Mita tnugsaan na ka Yesu ma rmengo:
“Seediq qrinuc we mbleyaq!
Ado nnamu ka qnlhangan Utux Baro.
21Seediq muure we mbleyaq!
Ado ptngiun ka yamu.
Seediq lmingis we mbleyaq!
Ado mphulis namu.
22Ririh Laqi seediq we tmraqil yamu, ptaayus yamu, tnsiyax yamu, smeeliq ngayan namu, ngalan namu daha naqah ba seediq ma malix ngayan namu we mbleyaq namu! 23Ali ciida we mpsboto namu mqqaras, ado paru ka cniyuk ngalun namu tlangan baro. Ida mntena wada mchaya quri dmpgeela kari ka rdrudan daha uri.
24Kiya de yamu seediq mbleyaq we smtali namu bale!
Ado wada namu ngalun ka snbyaxan na yamu.
25Yamu seediq mtengi we smtali namu bale!
Ado mpkuure namu.
Yamu seediq tqqaras mhulis we smtali namu bale!
Ado mpqnaqah namu kuxul ma mplingis namu.
26Tmdahu yamu ka seediq ciida we smtali namu bale! Ado mntena wada mchaya quri mnnangi dmpgeela kari ka rdrudan daha uri.”
Gnaalu Pais
(Mat 5:38-48, 7:12)
27Kiya de yamu nii mnbahang kari, rngagun maku. Glaani ka pais namu! Kmlei ka qmnaqah yamu! 28Sbleqi ka cmiyus yamu! Drnani ka tmsiiyax yamu. 29Smebuc icil dqeras su ka seediq we bqani psebuc heya ka icil dqeras su uri! Gmeeluk mangal lukus su mgbaro ka seediq we biqi hiya ka lukus su mgtruma uri! 30Mesa sunan ka seediq we biqi. Gmeeluk qyqeya su ka seediq we iya pgsai heya dungal.
31Ani maanu ooda, mphuwa mesa mpqeepah sunan ka seediq we, kesa qmeepah seediq ka yamu uri. 32Nasi namu sgaalu ka gmaalu yamu we maanu ka sqrasan namu ho? Ani seediq niqan qnquwan noda we sgaalu daha ka gmaalu dheya uri. 33Nasi namu smbleyaq seediq snbleyaq yamu nanak we maanu ka sqrasan namu ho? Ani seediq niqan qnquwan noda we ida mesa moda uri. 34Nasi namu pkbarux seediq ma psmeyah namu pkbberih dungal we maanu ka sqrasan namu ho? Ani seediq niqan qnquwan noda we pkbarux seediq niqan qnquwan noda uri, aangal daha dungal ida so pnkbarux daha. 35Kiya de yamu we glaani ka pais namu, sbleyaq dheya ma pkbrexi uri iya lngelung pbrinah dungal. Kiya de maha egu ka cniyuk ngalun namu. Mmaha laqi namu Utux Tgpusu baro. Ado heya ge, ani seediq ini pqaras heya ma naqah seediq uri we ida na sbgrnahun. 36Khenuk lhebun namu, pntena so mhenuk lhebun Utux Baro namu uri.
Iya Snetur Seediq
(Mat 7:1-5)
37“Iya snetur seediq ka yamu, kiya ka uxe namu ngalun psgao. Iya ngali niqan qnquwan ka seediq kika uxe namu ngalun niqan qnquwan uri. Srwai ka seediq, kiya ka maangal namu snrwaan. 38Biqi ka seediq, kiya ka mpniqan ka mege yamu. Kiya de ndwaun ba pooda seengan. Ptklangun tmquri ma slgelu mepux tmquri ma betaq mccuwaq berah namu tnqriyan. Ado sseengan namu maanu ka seediq we sseengan na yamu ka kiya uri.”
39Rmengo 1 pnungalan kari dungal ka Yesu: “Mtduwa dmudul mbudu ka mbudu seediq? Yaa uxe mptuting beling ka kana daha di peni? 40Ini pgkala mptgesa na ka tnugsaan. Kiya de pttkuun psluhe ka ani ima we maha mntena nanak mptgesa. 41Hmuwa, ma su taan ka pako meniq doriq mtswai su, ini su qtai ka tihung qhuni ga ckceka doriq su ho? 42Uxe uri we ini su tai ka tihung qhuni ga doriq su nanak ma mphuwa su mesa rmengo mtswai su: ‘Ngalo mu ka pako ga meniq doriq su ho?’ Isu nii we seediq nnangi malu! Pllai mangal ka tihung qhuni ga ckceka doriq su han! Kiya de mpkleexan su ba qmita aangal su pako meniq doriq mtswai su.
Qhuni ma Heyi Na
(Mat 7:16-20, 12:33-35)
43Ado uka ka malu qhuni mghei naqah heyi, uka ka naqah qhuni mghei malu heyi uri. 44Klaun peeyah pnugheyi na ka knkingal qhuni. Uxe peeyah pako lmamu qhuni nunuh ka seediq, ini ngali peeyah lpiyux ka lmamu lipas uri. 45Malu seediq kndalax snkuwan na malu lhebun peeyah malu, naqah seediq kndalax snkuwan na naqah peeyah naqah. Ado stngayun lhebun ka srengo peeyah quwaq.
Daha Pusu
(Mat 7:24-27)
46Ma namu mlawa kenan ‘Bukung! Bukung!’ Ini namu puyu rnengo mu ho? 47Ani ima meyah kenan ma qmbahang kari mu ma moda qmeepah ka seediq, rngage maku so mntena seediq ima ka heya: 48Heya we mntena seediq smalu sapah, truma ba knriyan na dxeral ma smpusu na bobo tasil. Meyah ka rnecux paru ciida, cmebu sapah ka qsiya de ini na llgaani ka sapah. Ado gaga bobo tasil ka pusu na. 49Wano so ka mnbahang ma ini oda qmeepah we mntena so seediq smalu sapah bobo dxeral uka pusu na. Cmebu ka qsiya de asi ktakur, kiya de ani kana kntkuran na ka sapah kiya.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020