Spegan 12
12
Migin Kari Moseh ka Miryam ma Aharon
1Mnangal mqedil pneeyah Kusu ka Moseh. Kiya de migin kari Moseh ka Miryam dhaka Aharon ado mnangal mqedil pneyah Kusu ka heya. 2Rmengo ka dheya: “Wano ba Moseh ka rngagan Utux Tmninun peni? Uxe ta na rngagun ka ita ho?” Wada mbahang ka Utux Tmninun. 3Psbiciq bale lhebun na ka Moseh, uka ani 1 seediq bobo dxeral mgkala heya. 4Kiya de asi rengo Moseh, Aharon ma, Miryam ka Utux Tmninun: “Latac nganguc ka 3 heyi namu ma, eyah kobu mrtaso hini.” Kiya de meyah nganguc ka 3 daha. 5Tqita peeyah ckceka plabu ka Utux Tmninun ma, msange rhengun kobu mrtaso mlawa Aharon ma Miryam. Meyah ka 2 heyi nii. 6Rmengo ka Utux Tmninun: “Qbahang kari mu. Nasi niqan mpgeela kari ckceka namu, yaku, Utux Tmninun we maha ku mptqita heya meniq ckceka tuutux ma, mprengo ku heya meniq sepi. 7Kiya de Moseh tnqliyan mu we uxe so kiya. Gaga stmaan kana tnsapah mu ka heya. 8Yaku ma heya we asi miyan pddqeras mpprengo ma, ptuura ku rmengo ma ini ku ribaq ptuura kari. Betaq qmnita hnyegan mu ka heya. Hmuwa, ma namu ini ba kiicu betaq namu migin kari Moseh tnqliyan mu ho?” 9Mhedu mseang dheya ka Utux Tmninun de, mlatac ka heya da.
10Mlatac peeyah kobu mrtaso ka plabu, tai! Gisu mnarux msburo heyi na ka Miryam mntena huda bhege ka qraqil heyi na. Qmita Miryam ka Aharon, tai! Gisu mnarux msburo heyi ka heya. 11Rmengo Moseh ka Aharon: “Pusu qbsuran mu! Braho su bale, iya pdaani knngataq nami ma qnquwan noda nami de, psaun su heyi nami ka qnquwan noda nii. 12Braho su bale, iya bale pntnaani so mnhuqil dmeka msburo heyi pneyah nbuyas bubu ka heya.” 13Kiya de asi plawa Utux Tmninun ka Moseh: “Utux Tmninun! Ani su ba rabang, pklmei ku hiya ka heya!” 14Rmengo Moseh ka Utux Tmninun: “Nasi mttmuruq dqeras na ka tama na de, uxe maha msiqa riyung mk7 ali da peni? Saya de sai hmetur bukuy kobu mk7 ali ka heya, bobo na de adis dungal ka heya.” 15Kiya de mk7 ali saan daha hmetur bukuy kobu ka Miryam. Ini theruy ka seediq, asi ka betaq meyah ka Miryam. 16Bobo na de kndalax Xacerot theruy betaq tadus brenux Paran ka seediq.
Currently Selected:
Spegan 12: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020