Spegan 26
26
Msnpusal Smepu Kneegu Seediq
1Bobo wada malix ka mnarux punu de rmengo Moseh ma Elajar laqi Aharon msapuh ka Utux Tmninun: 2“Yamu we pooda tnsapah daha sepu kana ka seediq Israel. Kana hmrinas 20 knkawas ma mkela mosa mccebu na we sepu kneegu daha.” 3Moseh ma Elajar we rmengo dheya meniq dxeral brenux Moab ssiyo yayung Yarden sipo Yerixo hiya: 4“Sepu ka peeyah 20 knkawas seediq namu.” Mntena so tnugesa Utux Tmninun rnengo na Moseh.
Mnlatac peeyah dxeral Micrayim ka seediq Israel ge so nii, 5Reuben tgqbsuran ba Israel. Lqlaqi Reuben dpusu rudan Xanok we: Xanok. Dpusu rudan Paluiy we, Paluiy. 6Dpusu rudan Xecron we, Xecron, dpusu rudan Karmiy we, Karmiy. 7Kiya ka dpusu rudan Reuben. Kana snpegan we 4 mang 37'00 heyi rseno. 8Laqi Palu we Eliyab. 9Laqi Eliyab we Nemuel, Datan ma Abiram. Datan ma Abiram we gneegan peeyah pnsseli kana seediq ma mnsuupu dseediq Qorax tbrinah Utux Tmninun ma, tbrinah Moseh ma Aharon ciida. 10Traguh ka quwaq dxeral ma, wada rmequn dheya ma dQorax. Dseediq Qorax we wada msuupu mhuqil kana. Wada phqilun puniq ciida we 2'50 heyi rseno. Kiya ka ngalan pnskraya qqlahang seediq ka nii. 11Kiya de ini phqili ka lqlaqi Qorax.
12Pnswayan kingal rudan, lqlaqi Simeon we so nii: Dpusu rudan Nemuel we, Nemuel. Dpusu rudan Yamin we, Yamin. Dpusu rudan Yaking we, Yaking. 13Dpusu rudan Jerax we, Jerax. Dpusu rudan Saul we, Saul. 14Kiya ka dpusu rudan Simeon. Kana daha we 2 mang 22'00 heyi.
15Pnswayan kingal rudan, lqlaqi Gad we so nii: Dpusu rudan Cepon we, Cepon. Dpusu rudan Xagiy we, Xagiy. Dpusu rudan Suniy we, Suniy. 16Dpusu rudan Ajni we, Ajni. Dpusu rudan Eriy we, Eriy. 17Dpusu rudan Arod we, Arod. Dpusu rudan Areli we, Areli. 18Kiya ka dpusu rudan Gad. Kana daha we 4 mang ma 5'00 heyi rseno.
19Laqi Yehudah we Er ma Onan. Wada mhuqil Kenaan ka dheya. 20Pnswayan kingal rudan, lqlaqi Yehudah we so nii, dpusu rudan Selah we, Selah. Dpusu rudan Perec we, Perec. Dpusu rudan Jerax we, Jerax. 21Lqlaqi Perec we so nii, dpusu rudan Xecron we, Xecron. Dpusu rudan Xamul we, Xamul. 22Kiya ka dpusu rudan Yehudah. Kana daha we 7 mang 65'00 heyi rseno.
23Pnswayan sapah, lqlaqi Yisaskar we so nii, dpusu rudan Tola we, Tola. Dpusu rudan Puwah we, Puwah. 24Dpusu rudan Yasub we, Yasub. Dpusu rudan Simron we, Simron. 25Kiya ka dpusu rudan Yisaskar. Kana daha we 6 mang 43'00 heyi rseno.
26Pnswayan sapah, lqlaqi Jebulun we so nii, dpusu rudan Sered we, Sered. Dpusu rudan Eylon we, Eylon. Dpusu rudan Yaxleel we, Yaxleel. 27Kiya ka dpusu rudan Jebulon. Kana daha we 6 mang ma 5'00 heyi rseno.
28Pnswayan sapah, lqlaqi Yosehu we Menaseh ma Eprayim. 29Lqlaqi Menaseh we so nii: Dpusu rudan Makir we, Makir. Tmlaqi Gilad ka Makir. Dpusu rudan Gilad we, Gilad. 30Kiya ka lqlaqi Gilad ka nii, dpusu rudan Iyejer we, Iyejer. Dpusu rudan Xeleq we, Xeleq. 31Dpusu rudan Asriel we, Asriel. Dpusu rudan Sekem we, Sekem. 32Dpusu rudan Semida we, Semida. Dpusu rudan Xeper we, Xeper. 33Celapxad laqi Xeper we uka laqi rseno, wano laqi mqedil. Ngayan dweewa Celapxad we Maxlah, Noah, Xoglah, Milkah ma, Tircah. 34Kiya ka dpusu rudan Menaseh. Kana snepu daha we 5 mang 27'00 heyi rseno.
35Pnswayan sapah, lqlaqi Eprayim we so nii: Dpusu rudan Sutelax we, Sutelax. Dpusu rudan Bikir we, Beker. Dpusu rudan Taxan we, Taxan. 36Lqlaqi Sutelax ka nii, dpusu rudan Eran we, Eran. 37Kiya ka dpusu rudan Eprayim. Kana snepu daha we 3 mang 25'00 heyi rseno. Pnooda pnswayan sapah we, lqlaqi laqi Yosehu kana ka baro nii.
38Pnswayan sapah, lqlaqi Binyamin we so nii: Dpusu rudan Bela we, Bela. Dpusu rudan Asbel we, Asbel. Dpusu rudan Axiram we, Axiram. 39Dpusu rudan Sepupam we, Sepupam. Dpusu rudan Xupam we, Xupam. 40Lqlaqi Bela we Arde ma Naaman, Dpusu rudan Arde we, Arde. Dpusu rudan Naaman we, Naaman. 41Spooda pnswayan sapah, lqlaqi laqi Binyamin ka nii. Kana snepu daha we 4 mang 56'00 heyi rseno.
42Spooda pnswayan sapah, lqlaqi Dan ka nii: Dpusu rudan Suxam we, Suxam. Spooda pnswayan sapah, kiya ka dpusu rudan Dan ka nii. 43Kana dpusu rudan Suxam snpegan we 6 mang 44'00 heyi rseno.
44Pnswayan sapah, lqlaqi Aser we so nii, dpusu rudan Yimnah we, Yimnah. Dpusu rudan Yiswiy we, Yiswiy. Dpusu rudan Biriyah, Biriyah. 45Lqlaqi Biriyah we so nii: Dpusu rudan Xeber we, Xeber. Dpusu rudan Malkiel we, Malkiel. 46Ngayan weewa Aser we Serax. 47Kiya ka dpusu rudan Aser. Kana snepu we 5 mang 34'00 heyi rseno.
48Pnswayan sapah, lqlaqi Naptaliy we so nii: Dpusu rudan Yaxceel we Yaxceel. Dpusu rudan Guniy we, Guniy. 49Dpusu rudan Yecer we, Yecer. Dpusu rudan Silem we, Silem. 50Kiya ka dpusu rudan Naptaliy. Kana snepu we 4 mang 54'00 heyi rseno.
51Kiya ka kana snpegan seediq Israel. Kana daha we 60 mang 17'30 heyi rseno.
52Rmengo Moseh ka Utux Tmninun: 53“Ptnaani so kneegu ngayan seediq mege dxeral dseediq nii. 54Egu nanak ka seediq we biqi egu dxeral. Biciq nanak ka seediq we biqi biciq ka dxeral. Pooda seediq snepu maasu ka dxeral. 55Kiya uri we, asi ka pdaun blebil qreti maasu dxeral. Spooda ngayan pnswayan rudan mangal dxeral. 56Spooda blebil qreti ma mita kneegu seediq mege dxeral dheya.”
57Pnswayan sapah, snpegan ka seediq Lewiy we so nii: Dpusu rudan Gerson we Gerson. Dpusu rudan Qahat we Qahat. Dpusu rudan Merariy we, Merariy. 58Kiya ka dpusu rudan Lewiy ka nii: Libniy, Xebron, Maxliy, Musi ma, Qorax. Tmlaqi Amram ka Qahat. 59Mqedil Amram we Yokebed, weewa Lewiy mntuting Micrayim. Pntuting dlqlaqi Amram we Aharon, Moseh ma Miryam qbsuran mqedil. 60Tmlaqi Nadab, Abihu, Elajar ma Itamar ka Aharon. 61Nadab ma Abihu we wada phqilun smnapuh mmhemuc puniq Utux Tmninun ciida ka dheya. 62Ckceka seediq Lewiy, kana hmrinas 1 idas ka laqi rseno we, 2 mang 30'00 heyi. Ado ini spegi ckceka seediq Israel ka dheya. Ado meniq ckceka seediq Israel we, ini sugi dxeral ka dheya.
63Snepu Moseh ma Elajar msapuh ka nii. Snepu na dxeral breenux Moab ssiyo yayung Yarden sipo Yerixo hiya ka seediq Israel. 64Seediq snpegan daha seediq Israel nii we, uka ani 1 ka snepu Moseh ma Aharon tgberah meniq tadus brenux Sinay hiya. 65Ado rmnengo dheya ka Utux Tmninun: “Mphuqil tadus brenux ka dheya.” Kiya de, wano ba Kaleb laqi Yepuneh ma, Yehosua laqi Nun. Uka ani 1 mtngari ka dheya.
Currently Selected:
Spegan 26: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020