isizwur 23

lmut n‑sarah ula timḍlt‑ns

1lliġ tkka sarah ġ‑tudrt‑ns miyya d‑sin id‑mraw d‑ssa (127) n‑usggʷas, 2tmmt ġ‑qiryat‑arbaɛ lli‑igan tamdint n‑ḥabrun ġ‑tmazirt n‑kanɛan. ikšm ibrahim ar‑fllas‑yalla ar‑itnuwwaḥ. 3inkr‑d ilmma ibrahim zġ‑tama n‑talli‑as‑immutn, isawl s‑ayt‑ḥit yini‑asn: 4«nkki giġ aġrib d‑unbgi ġ‑darun. fkat‑iyi kra n‑umḍḍal ġ‑darun ma‑ġ‑a‑n‑mṭṭlġ tamġart‑ad‑iyi‑immutn, a‑stt‑in‑gis‑ssntalġ f‑iẓri‑nu.» 5sawln ayt‑ḥit i‑ibrahim inin‑as: 6«sfld a‑sidi, han kiyi tgit anmġur n‑rbbi ġ‑gratnġ. amẓ amḍḍal nna‑trit ġ‑ġwid darnġ ɛdlnin, a‑n‑gis‑tmḍlt h̬talli‑ak‑immutn. ḥtta yan ginġ ur‑ra‑yagʷi ad‑ak‑ifk amḍḍal‑ns, a‑n‑gis‑tmḍlt h̬talli‑ak‑immutn.» 7ibidd ibrahim issknu‑d ih̬f‑ns ġ‑lgddam n‑ayt‑ḥit lli‑igan ayt‑tmazirt‑an, 8yini‑asn: «iġ‑awn‑iga lh̬aṭr a‑n‑mḍlġ h̬talli‑yyi‑immutn, tskrm gigi lh̬ir‑ad, tḍalbm ɛifrun lli‑igan yus n‑ṣuḥar 9ad‑iyi‑ifl ifri n‑makfila lli‑iṭṭaf. illa ifri‑an ġ‑ih̬f n‑igr‑ns. ad‑iyi‑t‑izznz ġ‑lgddam‑nun s‑watig‑ns ikmmln, f‑a‑ti‑ṭṭafġ nkki a‑gis‑skrġ amḍḍal.» 10illa ġin ɛifrun, iskiws ġ‑gr ayt‑ḥit‑an. isawl‑d ɛifrun gu‑ḥit ġakudan ġ‑lgddam n‑usays n‑ayt‑ḥit ġ‑imi n‑tmdint‑ns, yini i‑ibrahim: 11«uhu a‑sidi, walaynni sfld‑iyi. ha‑yyi fkiġ‑ak igr‑an ula ifri lli‑gis‑illan. mddn‑ad n‑ayt‑tmazirt‑inu, hatni gan inagan. fkiġ‑ak‑t. zayd tmḍlt‑n h̬talli‑ak‑immutn.» 12issknu‑d daġ ibrahim ih̬f‑ns ġ‑lgddam n‑ayt‑tmazirt‑an, 13isawl s‑ɛifrun ġ‑lgddam‑nsn yini‑as: «walaynni sfld‑iyi iġ‑ak‑iga lh̬aṭr. rad‑ak‑fkġ atig n‑igr. ḍalbġ‑ak a‑ti‑tqblt f‑a‑gis‑mḍlġ h̬talli‑yyi‑immutn.» 14isawl‑d ɛifrun i‑ibrahim yini‑as: 15«sfld a‑sidi, wan akal‑an ra‑ig‑watig‑ns kkuẓ id‑miyya (400) n‑uqarid n‑nnʷqrt, walaynni ma‑iga mayan ġ‑gr‑iyi dik? zayd tmḍlt‑n h̬talli‑ak‑immutn.» 16imšaška‑d ibrahim d‑ɛifrun, iɛbbr‑as iqaridn lli‑s‑as‑inna ġ‑lgddam n‑ayt‑ḥit, kkuẓ id‑miyya (400) n‑uqarid n‑nnʷqrt s‑lɛbar n‑isbbabn.

17ġmkan a‑s‑iwrri iṭṭaf ibrahim igr n‑ɛifrun lli‑illan ġ‑makfila ġ‑tsga n‑mamra lli‑iwalan asġlay n‑tafult. iṭṭaf ula ifri lli‑gis‑illan d‑iṣġarn lli‑illan ġ‑igr. 18isġa‑t ġ‑lgddam n‑ayt‑ḥit ġ‑usays n‑imi n‑tmdint‑ns. 19imḍl‑n ilmma ibrahim tamġart‑ns sarah ġ‑ifri lli‑illan ġ‑igr n‑makfila ġ‑tsga n‑mamra lli‑iwalan asġlay n‑tafukt, ar‑as‑ttinin ula ‹ḥabrun›, yili ġ‑wakal n‑kanɛan. 20ġmkan a‑s‑iwrri iṭṭaf ibrahim igr ula ifri lli‑gis‑illan, isġa‑t dar ayt‑ḥit, a‑gis‑iskr amḍḍal.

Currently Selected:

isizwur 23: SHILOT20

Highlight

Copy