isizwur 46

amuddu n‑ayt‑yaɛqub s‑dar yusf

1inkr israyil yasi kullu ma‑iṭṭaf imuddu s‑bir‑šibaɛ, iġrṣ gis i‑tġrṣiw i‑rbbi n‑babas isḥaq. 2isawl‑d rbbi s‑israyil ġ‑tiwuẓra n‑iyḍ yini‑as‑d: «yaɛqub, yaɛqub». yini‑as: «ha nkki». 3yini‑as: «nkkin a‑igan rbbi, gġ rbbi n‑babak. ad‑ur‑tiksaḍt a‑thuwwdt s‑miṣr, ašku rad‑gik‑skrġ ġin yan‑uqbil imqqurn. 4ra‑n‑dik‑huwwdġ s‑miṣr, ssawnġ‑d ilmma tarwa n‑tarwa‑nk zġ‑gis. han afus n‑yusf ġ‑isiggʷra a‑ra‑iqqn alln‑nk.»

5iftu yaɛqub ġakudan zġ‑bir‑šibaɛ. asin tarwa n‑israyil babatsn d‑tarwa‑nsn d‑tmġarin‑nsn ġ‑lkrarṣ lli‑d‑yuzn firɛawn a‑gisnt‑ssidun. 6awin didsn ula lksibt d‑wayda lli‑ṭṭafn ġ‑tmazirt n‑kanɛan. ġmkan a‑s‑ikšm yaɛqub s‑miṣr ntta d‑wamud‑ns, 7a‑t‑igan d‑tarwa‑ns d‑tarwa‑nsn d‑istitsn. hay‑amud‑ns kullut, yiwi‑t s‑miṣr.

26sḍis id‑mraw d‑sḍis (66) ad‑gan ayt‑yaɛqub lli‑dars‑iluln, gn amud‑ns lli‑dids‑ikšmn s‑miṣr, munnt‑d‑didsn ula timġarin n‑tarwa‑ns. 27iḥasb ula sin tarwa n‑yusf lli‑yuru ġ‑miṣr. s‑tga tasut n‑yaɛqub lli‑illan ġ‑miṣr, ssa n‑id‑mraw (70).

28yuzn yadlli yus yahuda s‑dar yusf, ad‑as‑izwur iml‑as aġaras n‑gušn. ġmkan a‑s‑lkmn akal n‑gušn. 29inkr yusf ġakudan iqqn lkurriṣa‑ns, yawn a‑n‑imnaggar babas israyil ġ‑gušn. lliġ‑t‑in‑ilkm yusf, yamẓ gis iḥbbl‑t‑id iqama ar‑yalla. 30yini ilmma israyil i‑yusf: «ġir mmtġ‑iyt ġilad ġ‑ẓriġ udm‑nk, issanġ is‑sul‑tddrt.»

31isawl ilmma yusf i‑aytmas d‑tawjja n‑babas yini‑asn: «rad‑dduġ a‑n‑ɛlmġ firɛawn iniġ‑as: ‹han aytma d‑tawjja n‑baba uškan‑d dari zġ‑tmazirt n‑kanɛan. 32ntni ikssabn ad‑gan ar‑kssan lksibt, iwin‑d didsn ulli d‑imugayn ula kullu mad‑ṭṭafn.› 33imma kunni iġ‑awn‑d‑iġra firɛawn s‑dars isqsa‑kʷn: ‹ma‑igan tawuri‑nun?› 34tinim‑as: ‹imqasan‑nk a‑sidi, zġ‑mẓẓiy‑nġ sul s‑ġilad, ikssabn a‑nga, nkkʷni ula imzwura‑nġ.› ra‑kʷn‑yadj ġakudan a‑tzdġm ġ‑wakal n‑gušn.» ašku imksawn n‑uwlli, hatni ḥrmn ġ‑dar ayt‑miṣr.

Currently Selected:

isizwur 46: SHILOT20

Highlight

Copy