Yaya 8
8
Musokaanngɛlaa ó yɛ́ kó ó
1O kwɔ́, Ɛnza ŋé táa Olivye sun ŋo tii ó ka. 2Sɔ́ɔman jónan o la, aa í kwɔ́sɛɛ kɛ́nan Ala bhatobhomba ó kɔ́ɔnnɔn. Yaman o tɛ́ɛ nánla a sáala mínngɛ, aa i síi tó kɛ í kála.
3 Sɛliya kaamɔɔn ólu ni Falizɛn ŋólu muso lɔ myáan ɲɔnmɔɔnya kɛlaa lɔ́ kɛ́nan a lé yaman ó cɛ́man 4kɛ Ɛnza mánɲaankɛ kó: «Kaamɔɔn, muso míin myaannin ɲé ɲɔnmɔɔnya le mán ni cɛ lɔ́ lé. 5Musa é fɔ Sɛliya ó lɔ́ kó, án ni o muso súu ólu bwó káwaguun nan kɛ́ i Fáa. Ile wɛ́, ile kó díi lé?»
6Íi Ɛnza bwó ó kóman ó lá ké íi sé kɛ́ a myaan a gbú lákan ŋo kósɔn. Waa Ɛnza ŋe í bíin tó kɛ́ sɛ́wɛli kɛ́ lúuman a bhóokwɛɛnnin ŋó lá. 7Íi tó a mánɲaankɛla mínngɛ, Ɛnza ŋe i wíi kɛ́ fɔ í yɛ́ kó: «Ni mɔɔn mínngɛ kɛ a cɛ́man tó a mán yúumu kɛ́ kéene bhá, ó tíi o waa kawa jónan o lafii muso míin man.»
8Aa wɛɛ o fɔ́la mínngɛ, aa i bíin í kwɔ́ tó kɛ́ sɛ́wɛli kɛ́ lúuman. 9Oo fɔ í yɛ́ mínngɛ, kɛ́ta i bɛ́ lɔ́ cɔ́ɔnba ólu mán kɛ yíi, í bɛ́ɛ bhɔ́ a tɔ́ɔfɛ kée ngée, kɛ́ táa, kɛ́ muso ó kée ndo ni Ɛnza ne, muso o lɔnin ŋe tó a lɔlaa kée ŋó lɔ. 10Ɛnza ŋe i wíi, kɛ́ fɔ a yɛ́ kó: «Muso ó, í wɛɛ táa min ne? Mɔɔn sí mán kíti bé i ka ŋan?» 11Muso o a yawi kó: «Mɔɔn sí, Mantii ó.» Ɛnza ngó: «Né lo mánfaa kíti bé i ka. Táa, waa i kɛ́nan yúumu kɛ́ bhée.»]
Ɛnza née dínɲan kɛ́ɛnɲan ó lé
12 Ɛnza ŋé kóman yaman ó yɛ́ í kwɔ́ kó: «Né lée dínɲan kɛ́ɛnɲan ó lé. Ní mɔɔn mínngɛ sɔ́n né mán, o tíi o táa táamankɛ diwi o lɔ́. A yáa tó kɛ́ɛnɲan o lɔ́ miin ɲáanmanɲan o díla a man.» 13O lɔ́, Falizɛn ŋólu fɔ a yɛ́ kó: «Ii i yɛ́ɛ lé kó fɔ́la sísan ngɛ́ɛ, tínɲan tɛ́ i yɛ́ kóman ó lɔ́.» 14Ɛnza ŋé í yawi kó: «Ní yɛ́ɛ le kó fɔ́la, ní tínɲan lé fɔ́la, kɛ mansɔɔ ní mɔ́laa o lɔ kɛ́ ndáalaa o lɔ. Waa ale mán né bhɔ́laa o lɔ, a lo man ndáalaa o lɔ. 15Ale kwɛ́nnin ŋé mɔɔn ólu ta kiti o tɛ́ɛla kɛ́ kéeɲan Adamandhyeɲan ó lɔ́. Né tɛ́ mɔɔn sí ta kíti tɛ́ɛla. 16Waa né kɛ́ kíti tɛ́ɛ mɔɔn min nga, o kiti o lée tínɲan o lé. Kɛ mansɔɔ né kée ndɛ́ ó kɛ́la. Nvá míin njé né ni o lée o kɛla. 17A sɛ́wɛnin ɲé a yɛ́ sɛliya ó lɔ́ kó, ni mɔɔn fyáa kɛ ko min nzɛ́ɛya ladi, ko o lée tínɲan o lé. 18Ní yɛ́ɛ sɛ́ɛya ladi lá, óni Fá míin né cé, óo né sɛ́ɛya lé.» 19Íi a mánɲaankɛ kó: «I Fá óo mín?» Ɛnza ŋé í yawi kó: «A mán né lɔ, a lo mán Nvá lɔ. Ní a tɛ́ɛ né lɔ, a tɛ́ɛnan Nvá lɔ.»
20Ywáa miin Ala bhatobhomba o kɔɔnnɔn tó íi a kíila kó sɔ́ɔta bhyáalaa o, aa kóman míinnu fɔ o ywáa ó lé lɔ́, o sán ó lɔ a tɛ́ɛ mɔɔn ólu kalanan. Mɔɔn sí man sé kɛ́ a myaan, kɛ mansɔɔ a yɛ́ wáati ó tɛ́man sé bhá.
Ɛnza ŋé a táako o fɔ́la a Fá tɔ́ɔ fɛ́
21Ɛnza ŋé fɔ yaman ó yɛ́ í kwɔ́ kó: «Né yáa táa, a yáa né ywáa ɲíin kɛ́ dɛ́sɛ, a yáa sayakɛ a yɛ́ yúumu ólu lɔ́. Né kɛ́ɛ tɛ́ɛ ywáa min nɔn, a táa sé kɛ́ táa yé.»
22O lɔ́, Yawudhyaa ólu fɔ kó: «Kɛ́dhyaa aa a fɛ́ kɛ́ a yɛ́ɛ Fáa lé wé, kɛ mansɔɔ aa fɔ́la kó ale kɛ́ɛ tɛ́ɛ ywáa min nɔn, kó án née táa sé kɛ́ táa yénɔn.»
23Ɛnza ŋé í yawi kó: «Á lée lúukolo o tá mɔɔn le lé, waa née bhɔ́la sángboo óle lɔ́. Á lée dínɲan mɔɔn le lé. Waa, né tɛ́ dínɲan mɔɔn lé. 24O le kósɔn ní fɔ́la a yɛ́ ngó a yáa sayakɛ a yɛ́ yúumu ólu lɔ́. Né kó née min ne, ní ále mán lá ó lá, a yáa sayakɛ a yɛ́ yúumu ólu lɔ́.» 25O lɔ́, íi a mánɲaankɛ kó: «I lée yɛ́ɛtii lé?» Ɛnza ŋé í yawi kó: «Kanbiini a lámyaan ó lɔ́, ni mɔɔn mín né man ó fɔ ó lábhyaa. 26Kóman shɛ́ɛman ŋé nvɛ́ kɛ fɔ a yɛ a yɛ ko ó lɔ́, óni kɛ́ a yáayii. Né cébhaa ó lée tinɲantii ó lé, né wɛ́ɛ min myɛ́n ale lá, ní ó lé fɔ́la mɔɔn ólu yɛ́.»
27Í mán sé kɛ́ bhɔ́ a ɲánle kó aa a Fá Ala lé kó fɔ́la í yɛ́. 28O lɔ́, Ɛnza ŋé fɔ í yɛ́ kó: «Ní a kɛ mɔɔn Dhyénjɛ ó kɔ́ɔtanin ɲé wáati min nɔn, ní mín né, a yáa o lɔ, óyoo né tɛ́ fósi kɛ́la yɛ́ɛman. Nvá é ngála minnan, ní ó lé fɔ́la. 29Mɔɔn míin né cé óo né fɛ́. A mán né tó ngéenan, kɛ mansɔɔ min ŋan dí a yɛ́, ní o lé kɛ́la sán bɛ́.»
30A tɛ́ɛ kómanla cé mínngɛ, mɔɔn shɛ́ɛman ŋé lá a lá.
Ɛnza ni Yawudhyaa ólu ɲɔ́ɔn mánsɔsɔla
31Yawudhyaa ɲɛnmɔɔn mínnuu lá Ɛnza nán, Ɛnza ŋe fɔ olu yɛ́ kó: «Ní a kɛ́ né yɛ́ kóman ó labhato, ké aa ɲɛn kaamɔɔndhye nu lé tínɲan in ne. 32O lɔ́, a yáa tínɲan ó lɔ, o tínɲan ó lé káa a kɛ́ hɔ́lɔ ne.»
33Íi a yawi kó: «Án ni Bulaaman bhɔ́nzɔ né lé. Án man lɛɛ kɛ́ kɛ́ mɔɔn sí yɛ yɔ né. Ii sé kɛ́ fɔ díi kó án ngáa kɛ́ hɔ́lɔ né?»
34Ɛnza ŋé í yawi kó: «Tínɲan in ne ni fɔ́la a yɛ́ ngó, mɔɔn óo mɔɔn é yúumu kɛ́la, o tíi oo yúumu ó yɛ́ yɔ ne lé. 35Yɔ ŋó tɛ tóla a kúnndii ó yɛ́ lú o man san bɛ́, waa a kúnndii ó dhyé ŋó tóla lú o man sán bɛ́. 36Sísan, ni Ala Dhyénjɛ ó kɛ́ a hɔ́lɔɲan, ké a wɛ́ɛ kɛ́ hɔ́lɔ láfanin ne. 37Ní a lɔ óyoo áa Bulaaman bhɔ́nzɔ ne lé. Waa né yɛ́ kóman ó tɛ́ lónan a yóso lɔ́, o le kósɔn áa né Fáalaa ɲíinnan. 38Né wɛ́ɛ min yé Nvá Ala fɛ́ yé, ní ó lé fɔ́la a yɛ́. Waa a wɛ́ɛ min myɛ́n a Fá lá, aa ó lé kɛla.»
39Íi a yawi kó: «Án nvá é Bulaaman lé lé.» Ɛnza ŋé fɔ í yɛ́ kó: «Ní a Fá tɛ́ɛkɛ Bulaaman lé, a tɛ́ɛnan a kɛ́ kó olu ɲɔ́ɔn ngɛ. 40Ní tínɲan kóman min myɛ́n Ala fɛ́ yé, né wɛ́ɛ ó bɛ́ fɔ a yɛ́. Sísan áa né Fáalaa lé ɲíinnan, waa Bulaaman mán ó ɲɔ́ɔn ngɛ. 41Áa a Fá olu tá kɛ́ko ó lé kɛla.»
Íi a yawi kó: «An née tɛ́ ɲɔnmɔɔndhye ne lɛ́! Fá kée née án móo o lée Ala lé.»
42Ɛnza ŋé fɔ í yɛ́ kó: «Ní Ala tɛ́ɛkɛ a Fá lé, né ko tɛ́ɛnan dhyáa a yɛ́, kɛ mansɔɔ ní bhɔ́ Ala lé fɛ́ yé kɛ́nan. Né man nan yɛ́ɛman. Ala lée né cé. 43Ní mínnu fɔ́la a yɛ́, mínnɛɛn la a tɛ́ bhɔ́la ó ɲánle? Kɛ mansɔɔ a tɛ́ sɔ́nnan kɛ́ ɲɛ́n kóman olu lɔ́myɛn. 44A Fá ó Sɔtaannan lé lé. A lo ŋé a fɛ́ kɛ́ ále sao o lé kɛ́. Kabiini dínɲan lámyaanwaati ó man, kɛ́ mɔɔn ó ní o bhɔ́, ó lée kɛ́ a sao ó lé. A man sɔ́n fɛ́sɛ fɛ́sɛ kɛ́ tínɲan ó fɔ, kɛ mansɔɔ tínɲan tɛ́ a fɛ. Ní a kɛ kóman óo kóman fɔ, o bɛ́ kɛ́la fwɔnɲan lé lé, kɛ mansɔɔ, fwɔ́ɲanfɔ lée a lé, a légbu lé lo ŋé fwɔnɲan ó Fá lé. 45Né kwɛnnin, née tínɲan ó fɔ́la mínngɛ, o le kósɔn lɔ tɛ́ lála né lá. 46A cɛ́man yɛ́ɛtii sé kɛ́ a fɔ́ kó né wɛ́ɛ yúumu kɛ́? Né kɛ tínɲan ó fɔ a yɛ́, mínnɛɛn lé kósɔn a tɛ́ lála né lá? 47Mɔɔn mín ŋé Ala yɛ́ mɔɔn o lé, o tíi ó Ala yɛ́ kóman o lɔmyɛnnan. Á lée tɛ́ Ala yɛ́ mɔɔn lú lé mínngɛ, o lé kósɔn a tɛ́ sɔ́nnan kɛ́ né lɔ́myɛn.»
Ɛnza ŋan bwɔ́ Bulaaman le
48Yawudhyaa ólu a yawi kó: «Án ŋwɛ́ɛn min nvɔ, tínɲan gbú lée o le. Ii Samalika lé lé, ii Lámansatɔ lé le.» 49Ɛnza ŋé í yawi kó: «Né tɛ́ Lámansatɔ lé lɛ́, kunnanwee ŋó Nvá lé ta lé, waa áa a mán kɛ́ né lɔɔya. 50Ó yɛ́ɛ bɛ́ kwɔ, né tɛ́ yɛ́ɛ ta kunnanwee ŋó ɲíinnan. Mɔɔn kée ŋe yé, míin bwóɲan dila né mán, tó kɛ kíti ó tɛ́ɛ. 51Tínɲan in ne ní fɔ́la a yɛ́ ngó, ni mɔɔn mín ngɛ́ né yɛ́ kóman ó bháto, ó tíi ó táa sayakɛ fɛ́sɛ fɛ́sɛ!»
52O lɔ́, Yawudhyaa ólu fɔ a yɛ́ kó: «Sísan ngwɛnnin, án ŋwɛ́ɛn lɔ ŋóo ii Lámansatɔ lé lé tínɲan in ne! Bulaaman wɛ́ɛ sayakɛ, Céla ólu wɛ́ɛ sayakɛ. Ile kó ni mɔɔn mínngɛ íle yɛ́ kóman o bháto, kó ó tíi ó mánfaa sayakɛ fɛ́sɛ fɛ́sɛ! 53Án Nvá Bulaaman min ŋwɛ́ɛn sayakɛ, ile a físaa o lé a? Céla ólu wɛ́ɛ sayakɛ, i lée í yɛ́ɛ yacesiila yɛ́ne lé lé?»
54Ɛnza ŋé í yawi kó: «Ni né kɛ yɛ́ɛ tando, o tándoli ó táa fósi ɲán. Nvá lée tandola. A kó, kó o min ŋé a yɛ́ Ala ó lé. 55Waa a lo mán a lɔ. Né kwɛ́nnin ŋan a lɔ. Ni né kɛ́ fɔ ngó mán a lɔ, ké án bɛ́ wɛ́ɛ kɛ́ kéene, ké né wɛ́ɛ kɛ́ fwɔ́ɲanfɔ lé. Wáa, ní a lɔ, ní a yɛ́ kóman ó bhátola. 56A Fá Bulaaman tɛ́ɛ nisɔdhyaa o lɔ, kɛ mansɔɔ aa í míli kó a yáa né ta tée ó yé. A lo ŋé a yé, o nisɔdhyaa óo a wasa.»
57Yawudhyaa ólu kó: «Ile sísa ó man sánɲin bíloolu bhɔ́ bhá, i lo ngó ko ii Bulaaman yé!»
58Ɛnza ŋé fɔ í yɛ́ kó: «Tínɲan in ne ní fɔ́la a yɛ́ ngó, sannin Bulaaman a wóo, né tɛ́ɛ yé.»
59O kóman olu kwɔ, íi káwaguun njɛ kó í káa Ɛnza bwó, waa aa í lóonaankɛ kɛ́ bhɔ́ Ala bhatobhomba ó kɔ́ɔnnɔn.
Currently Selected:
Yaya 8: MXX
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
