Matiyu 16
16
Falizɛn ŋolu ní Sadusi olu kó kɛ tɔɔmansii lɔ yáa i la
Maki 8.11-13; Luka 12.54-56
1 Falizɛn ŋolu ní Sadusi ólu í mángbaa Ɛnza nan a lɔswaan ndɔ́ɔ lɔ́: Tó íi fɔ a yɛ kó aa tɔɔmansii kée ngɛ́ i ɲánla, kɛ́ bhɔ́ sángboo o lɔ. 2Ɛnza ŋé i yawi kó: «Tee ó kɛ́ kɛ́ bénan wáati mínnɔn, áa fɔ́la kó: ‹Síin, tée ó táa í ɲánlasii, kɛ mansɔɔ sámanlaa ó mánywɛnin ɲe.› 3Tó a kɛ́ sámanlaa ó mánywɛnin ɲé sɔɔ mán, áa fɔ kó: ‹Sá ɲáa nan bí, fwɛ́ɛn ló ɲáan bhyáa, kɛ mansɔɔ sámanlaa óo táa í mánfin ne.› Áa sháa sámanlaa ó kó ólu ɲánfɔla, wáa tɔɔmansii mínnu é yáala wáati míin nú lɔ, a tɛ sháa olu ɲánfɔla! 4Án ɲɛ́n wáati miin mɔɔn mínnu manɲin. Ala kanmyaanbhɛɛ ó lée lúu tɔɔmansii ɲíinnan. Tɔɔmansii gbɛ́ɛ táa kɛ́ i yɛ́ bhée ní céla Zonasi yɛ́ tɔɔmansii o tɛ́.» Tó aa i lábhyaa, ii táa.
Kaamɔɔndhye ŋolu tɛ́ bhɔ́la Ɛnza ɲɛn kóman ó ɲánle
Maki 8.14-21
5 Kaamɔɔndhye ŋolu táatɔ ó lé bhá ó ɲán dɔ́ o mán íi ɲan kɛ́ búlu lú tá. 6Ɛnza ŋé fɔ i yɛ kó: «Áa a yáakii tó a yɛ́ɛ lɔ́ Falizɛn ŋólu ní Sadusi ólu yɛ́ lévu o mán!» 7Kaamɔɔndhye ŋolu fɔ ɲɔ́ɔnɲɛn kó: «Ɛnza ŋé o fɔ́la kɛ mansɔɔ án man búlu tá!» 8I tɛɛ kóman mínnan, Ɛnza ndɛ́ɛ o lɔ, aa i manɲaankɛ kó: «Áa fɔ́la ɲɔ́ɔnɲɛn kun mínnɛɛn lé la kó búlu tɛ́ a bhóo? A yɛ́ lánanya ó ló ŋan lɔ́ɔ! 9A mán hákii sɔ́ɔ bhá ŋan? Búlu lóo mín ŋé í lɔ́taa cɛ wáa lóo ólu la, o kó ó tɛ́ a ɲán lá bhée ŋan? Áa seenin ɲée lé lafa o búlu ólu tɔ́ ólu la? 10Tó búlu wóonvyaa mín ŋé í lɔ́taa cɛ wáa náannin ó la, óni áa nán seenin ná mín né o búlu ólu tɔ́ ólu la, o kó ó tɛ́ a ɲán lá bhée íkwɔ a? 11Aa kɛ́ díi tó a mán bhɔ́ ɲan le kó ngan ndɛ́ tɛ́ búlu mán? Wáa á i yáakii tó a yɛ́ɛ lɔ́ Falizɛn ŋolu ní Sadusi olu yɛ́ lévu o mán.» 12Oo kɛ́ mínngɛ, kaamɔɔndhye ŋolu bhɔ́ ɲan le kó Ɛnza mán kɛ́ fɔ́la kó ii í yáakii tó i yɛ́ɛ lɔ́ búlulafuunnzɛɛ o tá fa nvɛ́, wáa kó ii í yáakii tó i yɛ́ɛ lɔ́ Falizɛn ŋolu ní Sadusi olu yɛ́ kaa ŋo lé tá fa nvɛ́.
Piyɛli é lásela kó Ɛnza née Kísibhaa o le
Maki 8.27-30; Luka 9.18-21
13 Ɛnza ŋé táa Filipu Sezale mála o lɔ. Aa a yɛ kaamɔɔndhye ŋolu mánɲaankɛ kó: «Mɔɔn ólu tá fɔli o lɔ, mɔɔn Dhyénjɛ ó yɛ́ɛtii lé?» 14Ii a yawi kó: «Lɔ́lu kó íi Yaya Bátizelikɛbhaa le le, lɔ́gbɛɛ lu kó íi Eli le le, tó lɔ́gbɛɛ lu yɛ́ɛ kó íi Zelemi le le wáman kó Ala yɛ céla gbɛ́ɛ.» 15Ɛnza ŋé a yɛ kaamɔɔndhye ŋolu mánɲaankɛ íkwɔ kó: «Tó álee ɲánla, ní yɛ́ɛtii le?» 16Simɔn mín ndɔ́ɔ íkwɔ kó Piyɛli, oo fɔ kó: «Íle lée Kílisi o le, Ala ɲáanman ŋó Dhyénjɛ ó.» 17Oo kɛ́ mínngɛ Ɛnza ŋé fɔ a yɛ kó: «Nisɔdhyaa é í yɛ, Yaya dhyénjɛ Simɔn, kɛ mansɔɔ mɔɔn mán o tínɲankoman míin nábhɔ í ɲánla. Nvá mín ŋé sá ŋó lɔ, o lée a lábhɔ í ɲánla. 18Tó ní fɔ í yɛ́ ngó íle Piyɛli#16.18 Piyɛli tɔ́ɔ o kɔ́ɔ o tɔ́ɔko fáa o. i lée fáa gbɛ́yanin né le. Mɔɔn é bhó ŋo lɔ́la fáa man tɛ́nmɛn, ɲáan ɲɛ́n lánanbhaa olu kwɔ́sii íle lá o ɲán o mán. Háanin saya ó ɲán o táa lá o lánanbhaa olu mán. 19Ɲáan sángboo ó Mansaya ó lákeli ólu dí i mán. O ɲán o mán, íle kɛ́ fé ŋóo fé nzíli lúukolo ó ka, o sílinin ɲáan kɛ́ sá ŋó lɔ, í kɛ́ fé ŋóo fé nvwée lúukolo ó ka, o yáa fwée sá ŋó lɔ.» 20Ɛnza ŋé wɛɛ kɛ fɔ a yɛ kaamɔɔndhye ŋolu yɛ kɛ mangbɛya kó i kɛ́nan fɔ mɔɔn sí yɛ kó ale lée Kílisi o le.
Ɛnza ŋé a yɛ tɔ́lɔya óni a sayako o fɔ́la
Maki 8.31--9.1; Luka 9.22-27
21Kɛ ta o wáati o mán, Ɛnza ŋé fɔ ó lámyaan a yɛ kaamɔɔndhye ŋolu yɛ́ cɛ́ɛne kó: «Fɔ́ ndáa Yeluzalɛmu kɛ táa tɔ́lɔya myáan gbúnigbu kɛ́ cɛba ólu ní faanlɛɛɲansebhaa olu kúnndii ólu ní sɛliya kaamɔɔn ólu bhóo. I yáa kɛ ké ní saya mánsɔɔ, wáa tee sawaɲɔɔnlo ŋó ɲáan kúun kɛ bhɔ́ saya bhóo o mán.»
22Oo kɛ́ mínngɛ Piyɛli é Ɛnza ngíi í kéenan kɛ kóman a yɛ kɛ mangbɛya kó: «Fɛ́sɛ, Mantii o! O kó ólu táa í sɔ́ɔ tún!» 23Wáa Ɛnza ŋé í ɲán yɛ́ɛman Piyɛli lɔ́ ni fɔ lé a yɛ kó: «Táa kɛ bhɔ́ ngwɔ́, Sɔtaannan! Ílee né yɛ́ kó ólu cáannzhaa lé ɲíinnan, Kɛ mansɔɔ í tɛ́ i mílila óyoo Ala, wáa óyoo mɔɔn ólu.»
24O lɔ Ɛnza ŋé fɔ a yɛ kaamɔɔndhye ŋolu yɛ kó: «Ní mɔɔn mín ŋé fɛ́ kɛ́ í bhyáa ngwɔ́, fɔ́ o tíi o a í bá a yɛ́ɛ lɔ. Kɛ a yɛ́ɛ gbáanɲii o tá kɛ́ bhyáa né kwɔ́. 25Kɛ mansɔɔ mɔɔn oo mɔɔn é fɛ́ kɛ a ni o kísi, o tíi o yáa bɔɔn a ní o lɔ. Wáa mɔɔn óo mɔɔn kɛ bɔɔn a ní o lɔ́ né kósɔn, o tíi o yáa ɛliyanan o sɔ́ɔ. 26Oo mínnɛɛn le ɲánla mɔɔn mán kɛ́ dínɲanmanfe ŋó bɛ́ sɔ́ɔ tó kɛ táa bɔɔn í ní o lɔ́? Mɔɔn ó sé kɛ́ fé mínnɛɛn lé dí a ní o kunmanka lé? 27Mɔɔn Dhyénjɛ, óni a yɛ malɛɛka olu yáa nan a Fá Ala yɛ nɔ́lɔya ó lɔ, tó kɛ mɔɔn bɛ́ kée ngéenan saa o di kɛ kéeɲan ni i kɛ́ko olu le. 28Tó ní fɔ a yɛ́ tínɲan la ngó: Mɔɔn mín núu yánun nín, o lɔ́lu yɛ́ɛ táa sayakɛ sánnin mɔɔn Dhyénjɛ ó a nan a yɛ́ mansaya ó lɔ.»
Currently Selected:
Matiyu 16: MXX
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
