Lukas 3
3
Uan Tagfasurung at Foyungan
Mt 3:1-12; Mk 1:1-8; Uan 1:19-28
1-2Gina sis falabi limak banwa Tiberiu, talun Ruma at fun, nu gfunan, Dius naringang sas Uan, Sakaryas at baguama, gina kanya sis talun at yud e taw. Ginanya, Punsyu Pilatu at fun sirut sis Udea, ay Erudes gfunan sis Galilea, ay at faduksay Felipe gfunan sis Iturea ay sis Trakunitis, ay Lisanyas gfunan sis Abilinya. Ay ginanya at fun tagfon fanggalangun, Anas ay Kayfas. 3Ay Uan nafafagdaul talun tagsumbalian Liskung Urdan, ay kamoyung sa sangay taw tagbanwan sanya te, “Foyungi ay ubuni ay ngay asalanan ay asurungi sasad mamam, laman Dius gfalyam ay ngay asalanan.” 4Uan at fakamulun gfaning Isayas, Dius at taglong ebi, at nariruk sit Rirukan te,
Sik taw guro sis talun at yud e taw te,
Fasinei tam Fun at dalan.
Faturunani at fagnanloan.
5Fagayu buknga buksul umkapnu ban,
fagayu fungsu ay buksul umdatag ban,
ay ngay dalan at mabaraud umturun ban,
ay ngay tagubungan dalan umdalusan ban.
6Ay fagayu ban taw lumag Dius nu gfalangfe.#3:6 Isayas 40:3-5.
7Ay sik ngay taw andasug sas Uan laman nangasurung, dewa katanya, Uan nalong sa anya fagayu te, “Am, kata way am tagfandaya fag ngay ule at maganga! Sinu at nafararang ayu te, lagyui siginan takadasug ban fag faurianan? 8Ugalii at masine laman gfalag am te, naubun wam ay ngay asalanan. Ay lag gamatangan te, ‘Ansak wan aroro Abrayam tua em mangaguyang.’ Amatangani, Dius ro mawat way Abrayam at ngay kasugfunanan dewa ste ginan fag ngay gang. 9Gfoyung au sa ayu te, katsi yay wase mafawawan wan sa sangay fun kayu at lalid. Ay kafag ngay fun kayu nu dway masine at rawvg, e gfuan wan ay nangukas sasad afuy.”
10Ay ngay taw nainto te, “Tain ban manga em fakamulun?”
11Ay Uan nabalus te, “At ke lanbung dua, foni at sadi sat yud e lanbung. Ay at ke fakonun, foni tua sat yud e fakonun.”
12Ay ginanya, ngay tagbul famayad laman sas fun andasug yangay laman nangasurung ay nainto te, “Takamoyung, tain manga at masine em fakamulun?”
13Ay Uan nabalus te, “Nu gbul am famayad lag gfasawe.”
14Tibak tagfawayan nainto te, “Ay emi, tain manga em fakamulun?”
Ay Uan nabalus te, “Lag gfalimu ay iba, ay lag glong te, ay iba at fakamulun mauri nu dway matuyan. Ay lag gfalabo ay fun at famayad sa ayu.”
15Kafag ngay taw kanbang wa daul nu gfanya at fagfanyaun, ay kanya fagayu namatangan sabaliwas Uan te, “O sia wa manga Dius at nafili fag Fun?”#3:15 Dius at nafili fag Fun: sas Griegu, Kristu.
16Ay Uan nafoyung sas fagayu taw te, “Au, gfasurung au ayu sasad mamam, ay takadasug ban fag taw gtungud yay angku nu mabalyanan. Ay kwa masine nusdi at fagsuguan laman at nanluas at fansalod at lapak. Kanya ban namasurung ayu sat Masine fag Falad ay sas afuy. 17Kanya glayap laman gfasaman at ngay nagutan siginans trigu, ay gfaful ngay bintuy trigu sat fagfungsuan. Dewa katanya, at ngay upa nangirug sas afuy at yud ban karabung kabavn.” 18Ngayu yay Uan at foyungan sa sangay taw sabaliwa at Masine fag Barita.
19Ay Uan nagras Erudes, sanya fag talun at funan, aroro kanya namangena at ifag, Erudias, ay aroro sas fagayu at fakamulun mauri. 20Ay Erudes at fagmauriun ankugat yay, aroro nafaubung Uan.
Isus nu Kasurung
Mt 3:13-17; Mk 1:9-11
21Sik menit, gina Uan gfasurung ngay taw, anggan Isus ansurung yangay. Ay gina Isus gdarangin, banwa anluang, 22ay at Masine fag Falad kadaga kata sik labikung ay naafun sa anya. Ay e naringang siginans banwa te, “O wan ku fakesugun ku Baguama; maksvn nu guseganan au emu.”
Isus at ngay Mangaguyang
Mt 1:1-17
23Isus nu gfasigad gfakamulun, at banwa tulu wak safulu. Ay kata ngay taw at fagsafulun, Isus at mama Use, ay Use, siginans Eli at kasugfunanan.
24Eli at mama Matat. Matat at mama, Lebi.
Lebi at mama, Melki. Melki at mama, Anay.
Anay at mama, Use. 25Use at mama, Matatias.
Matatias at mama, Amus. Amus at mama, Naum.
Naum at mama, Esli. Esli at mama, Nagay.
26Nagay at mama, Maat. Maat at mama, Matatias.
Matatias at mama, Semin. Semin at mama, Usek.
Usek at mama, Oda. 27Oda at mama, Ukanan.
Ukanan at mama, Resa. Resa at mama, Serubabel.
Serubabel at mama, Sealtiel. Sealtiel at mama, Neri.
28Neri at mama, Melki. Melki at mama, Adi.
Adi at mama, Kusam. Kusam at mama, Elmudam.
Elmudam at mama, Er. 29Er at mama, Uswe.
Uswe at mama, Elieser. Elieser at mama, Urim.
Urim at mama, Matat. Matat at mama, Lebi.
30Lebi at mama, Simyun. Simyun at mama, Uda.
Uda at mama, Use. Use at mama, Unam.
Unam at mama, Eliakim. 31Eliakim at mama, Melea.
Melea at mama, Mena. Mena at mama, Matata.
Matata at mama, Natan. Natan at mama, Dabid.
32Dabid at mama, Ese. Ese at mama, Ubed.
Ubed at mama, Buas. Buas at mama, Salmun.
Salmun at mama, Naksun. 33Naksun at mama, Aminadab.
Aminadab at mama, Admin. Admin at mama, Arni.
Arni at mama, Esrum. Esrum at mama, Peres.
Peres at mama, Uda. 34Uda at mama, Akub.
Akub at mama, Isak. Isak at mama, Abrayam.
Abrayam at mama, Tera. Tera at mama, Nakur.
35Nakur at mama, Serug. Serug at mama, Reu.
Reu at mama, Peleg. Peleg at mama, Eber.
Eber at mama, Sela. 36Sela at mama, Kainan.
Kainan at mama, Arfaksad. Arfaksad at mama, Sem.
Sem at mama, Nui. Nui at mama, Lamek.
37Lamek at mama, Metusela. Metusela at mama, Inuk.
Inuk at mama, Yared. Yared at mama, Maalalel.
Maalalel at mama, Kenan. 38Kenan at mama, Enus.
Enus at mama, Set. Set at mama, Adan.
Ay Adan at mama, tam Dius.
Currently Selected:
Lukas 3: OCCT
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines
