Niji auritai o ilpu Apostolo 5
5
Nuarin-tas alupas 5.
1JA is ahtai uman natimi is ethi, nidan Ananaias, im lep Sapfaira ehgan,
2jam imyiaaij nahaijin nimtan, is lep ato a ehgan; is leucse pan na-haijin ache aien, um ikni u eduei ilpu apostolo.
3Ja is ika a Pitrus, Ak Ananaias, et amen alupas inliinmopom a Satana vanhe, mika an ahcil aiek ehele Nesgan Upene, um imyiaaij nahaijin nimtan umam?
4as wat eti ahtai aiek, is unyum; ja na wat ahtai aiek, is lep unyum nimtan: na auri aiek par aktaktai nitai ineigki anliinmopom? na eti ahcil aiek ehele atimi, jai ehele Atua.
5Is wat atahaijeg intas iji eigki a Ananaias, is eropse aien, um mas: eris imtitaig alupas ara asega eris atahaijeg ara va nitai iji eigki.
6Eris atidai a ilpu takuras, um aso yin, um imyiapan yin, um atelmoi
7Is wat ti pan itac aur is idivaig is eseij, is apan a ehgan anliin neam, ja is eti ato nitai iyehki aien.
8Is um ika ehelen a Pitrus, Asuptecnaig ehelek aiek mika arus ahtai umamirau aijaurau va nimtan iyehki ache, ka oʼo? Is ika aien, Maiya, idim iyehki marom.
9Is um ika ehelen a Pitrus, Arus auri aijaurau par ehras aktaktai, um ika, aru efaifa ehele Nesgai Natimarid aijaurau? almoi, era amen an neucse neom ara sji eigki era mun atelmoi natamnyu unyum ara, erupu lep imyiapan euc ara.
10Is auroauro aien um eropse u neduon, um mas: eris apan anliin neom a ilpu takuras, um ecet yin inmasvaig; eris um imyiapan yin ara, um atelmoi yin an nahaiji na-tamnyu un.
11Eris imtitaig alupas nup an nakalasia asega, im lep ra asega eris atahaijeg va nitai iji eigki ara.
12¶ Eris ago niji auritai ehka is ahinag a ilpu apostolo, im niji auritai imyiali, an nuhup o atimi; eris ebras asjapicnaig ara asega an naiyu iyehki u Solomon.
13Eris imtitaig nahaiji atimi napol pan vaig ira ra: ja eris imyiahpas ra natimi.
14Eris lep aketo um ikni ehele ra ilpu atimi asgeig irai Natimarid, eris ahinag a ilpu atamaig im ilpu takata;
15va nitai ineig, eris imyiapan ilpu atimi emehe ara irai iji efalaig, um ikni ra irai ahat im lep irai itai ahled, mika yi tup ahelmun ra nalmui Pitrus an natga o un.
16Eris lep ahes natimi is ahinag irai iji uari-pece marahed, um asjapicnaig pan Jerusalem, um imyiapan ilpu atimi emehe, im lep ra eris ohocred ara vai ilpu agelo has: eris ago cehcehe ra asega.
17¶ Is um atidai a natimi esjilid an nahlap im lep ra asega ehelen, (eris ilpu Satusi atimi iji ehki,) is esjilid acen intavaitap ura,
18eris arop irai ilpu apostolo ara, um ikni ra anliin neom ipjin an pece.
19Ja is asalgei intapanes an neom ipjin a nagelo o Natimarid an nepeig, um imyialau ijo ra, um ika,
20Apan aijaua, um aiji anliin neom ahlap, um asuptecnaig ehele atimi niji tas asega va nitai umoh iran ineigki.
21Eris wat atahaijeg ara, eris apan ara anliin neom ahlap an nuhihialeg, um esege. Is lep apan a natimi esjilid an naldap, im lep ra ehelen, um asjapicnaig ilpu atimi alupas, im ilpu atimarid asega o nupu Isreel, eris abra atimi ara mika eri apan anliin neom ipjin, um imyiapam ra.
22Ja eris wat apan a ilpu aheca, jam eti ecet ra anliin neom ipjin, eris lep adumoij pan ara, um asuptecnaig,
23um ika, Ecra mun ecetai neom ipjin aijama, et ma ipjin, era mun tup aiji a ilpu atimi aminjinaig neom an neucse neom ijo: ecra mun asalgei intapanes aijama, jam eti ecet tah natimi anliin neom.
24Is wat atahaijeg nitai iji eigki a natimi esjilid an nahlap, im natimi alupas an neom ahlap, im ilpu atimi ahlap esjilid, is ehioehio inliinmopura ara vaig, um ika, Inyi echamecha nitai ineigki?
25Ja is apan natimi is ethi um asuptecnaig ehele ra, um ika, Era mun han aiji anliin neom ahlap natimi iji eigki eka mun ikni ra anliin neom ipjin aijaua, um esege imi atimi.
26Is apan a natimi alupas an neom ahlap im ilpu aheca o un, um eklim imyiapam ra: eris imtita atimi ara va eri jim asji ra ara irai hat.
27Eris wat imyiapan ra ara, um ikni ra u nasjapicnaig o ilpu atimi alupas, is tas ehele ra a natimi esjilid an nahlap,
28um ika, Ecra mun acaiji emda caua aijama, mika aki jim esege aijaua an nidan ineigki; ja et idim ohua Jerusalem va nesege unyimia, eka lep aktaktai aijaua mika aki atijai inja irai natimi ineigki irama.
29Ja is tas a Pitrus im ilpu apostolo, um ika, Et ehka vai cama nudevaig intas o Atua, um imyiaiji intas o atimi:
30is imyinusjai Iesu a Atua o ilpu retpoija, akis aijcaijai yin an nauincai atgeig aijaua um atgei yin:
31ja is imyiatidai yin a Atua an matan mika yi Atimarid aien, um Atimi imyiatamaig caija, va etpu alupai nupu Isreel aien inliinmopura adumoij, uhpu eti lep aru nedo has ura;
32ecra atimi asuptecnai yin aijama va nitai iji eigki, im lep Nesgan Upene, is ahtai yin a Atua imi ra era imyiaiji intas o un ara.
33¶ Eris wat atahaijeg ara, is esjilid nedemda ura, eris tas jipe ara mika eri atgei ra.
34Ja is um atidai natimi is ethi irai ilpu atimi alupas eris asjapicnaig, nidan Camelyel, is Farisi aien, um atimi esege intas alep, eris tas upene vai yin natimi asega, is ika aien, eri imyialau ijo tintin jak ilpu apostolo;
35is um ika ehele ra aien, Ak nupu Isreel, akumu aktaktai aijaua nitai ineig eka ika aijaua, aki ago ira atimi iji eigki:
36is atidai a Dyutas itu acen, um ika yi atimi esjilid; eris asgeig iran natimi is idivaig for huntret: ja eris atgei yin; eris um tup terimterim a ilpu atimi asgeig pan iran asega, um atih ehni:
37is um apitac um lep atidai a Jutas nupu Calili, an naopan iyehki eris aged nida atimi an pece, is imyiahnag atimi is ahinag aien: ja is lep mas aien; eris terimterim natimi asega eris asgeig pan iran ara:
38ek idim ika ehelemia ainyak, Ude atimi iji eigki aijaua, um jim acaiji ra: el et ahes ehele atimi nesege ineigki im nauritai ineigki, etpu ti:
39ja el et ahes ehele Atua, et ehka vai caua nauahasvaig; kit akupu ati nedoa vai Atua aijaua.
40Eris imyiaiji intas o un ara: eris wat ahlaig vai ilpu apostolo ara, um aredei ra, um asaig ehele ra mika eri jim tas ara an nidai Iesu, um atceijai ra.
41Eris ahes u nasjapicnaig o ilpu atimi alupas ara, um atga ura, um imyiacitak va nitai ineigki, eris ika eri atimi upene par leucse nohocred va nidan.
42Eris eti atumop ara anliin neom ahlap, im lep irai iji eom asega, irai iji adiat, par esege um asuptecnai Iesu mika et Kristo aien.
Currently Selected:
Niji auritai o ilpu Apostolo 5: VAO63
Highlight
Share
Copy
Want to have your highlights saved across all your devices? Sign up or sign in
Vanuatu Bible (Intas Etipup) © United Bible Societies, 1863, 2019.
