Luqaase 9
9
Tamma lam'i anxuttosa
Mat 10:5-15; Mrq 6:7-13
1Yesuusay tamma lam'e beeko xheydi xhooze uddi u goodorosa harge looluse osaara adetowara indi 2Wonto kaateto gisha u ohorosa hargaxita u loolusorosa e anso. 3Uso anxisineni <<Hi ogese maaqe abako abani aytofita. Kalloni, sigireni, gallani, miijheni, arxase maa'oni maaqqe abani aytofita. 4Borsa maaddhi hi gele zawaaka katamaafa hi kese makko yaha uttuwayte. 5Bidzi gate axiti ooneni <Hinumba ekkuwanxhiko> hidi u hitta'ayko ye katamaafa kesisine xhuure hi tokiyafa fitti gussuwayte. Ye atoy ususe kashoko e maaqe>> hidi e hido. 6Anxuttaasitini yahafa dhaddi kessi modhe odo ohisiniyara hargaxita loolusisiniyara seya haya axi yese ganda aallo u hanticha.
Herodisey Yesuusa nashiya yesoosa siido
Mat 14:1-12; Mrq 6:14-29
7Galila wudese afana maaga maaqicha Herodisey Yesuusay hanto odo uddi e siido. Bidzi bidzi axiti <<Xhamaqicha Yohaniseko haybowafa denda>> hidi odusiya u yecho gisha e buro e baado. 8Yeydiwo assi bidzi bidziti <<Kaayaxi Elaaseko maaddhi yooda>> hidi hissune feditini assi <<Olo kaayaxitaafa bidziko haybowafa denda>> hidi u hicha. 9Herodiseni beese be badena <<Yohanisema e baala bursusiko ta yecha. Hinne haanxhi abako uddina e hanteydi odusutte axi ha esi oonena?>> hidi e zeericha. Fetto beyeseni e worgicha.
Ichichi kuma axe muusse
Mat 14:13-21; Mrq 6:30-44; Yoh 6:1-14
10Anxuttaasitini hanke maaddhi be yoodo geede be hanto abako e uddina Yesuusako u odusso. Esi Beetesayda katama da'aa axi baa godowa usowo etti e hando. 11Axitini aya e yesesa be erdo woggaa e geede handine ye handa axita Wonto kaatetese e erusso. Hargiyafa loolese worda axita e loolusso. 12E erusichoshiti qamese e hisune esuko uddhi <<Essaa ni yese godoy saha melako. Ha e gisha axiti ha googe yese katamaakani katamaame wudeni seya haya axiti yese gatiya budutti handi kaxaara aqussi godowara u degexorosa axe buduwa>> hidi u hido.
13Yesuusani <<Hinuni u muunesa inguwayte!>> hidi e hido. Usini <<Nu keengesi ichichi bache booraara lam'i gulxhiyarawoko. Ha e gisha handi haanxhi axe ellesa kaxa nu woondo baasa danda'uttuwasso>> hidi uydo. 14Axiti lagetey asanxuwoy ichichi kuma ellesako u maaqicha. Yesuusani be erusichoshituko <<Axita ichichi tamme ichichi tammeyssi uttusuwayte>> hidi e hido. 15Usini e otonikeysi axe uddi u uttusso. 16Ye e geede Yesuusay ichichi booraara lam'i gulxhiyara etti wokke afaa beedi Wonto e galatto. Meyssini axuse u taggorosa be erusichoshituko e indo. 17Axiti be uddina muudi u missho. E erusichoshiti atta baxe bhikkilli tamma lam'i kofa kume u denso.
Yesuusay oone maaqesa
Mat 16:13-19; Mrq 8:27-29
18Bidzi wonte Yesuusay be gooshewo Wonto e shi'icha. E erusichoshiti e da'aa yechoyne <<Axiti tamba oonekoydini u hine?>> hidi e oycco. 19Usini << <Xhamaqicha Yohaniseko> hidiko u hine, feditini assi <Elaaseko> hidiko uyne, <Olo kaayaxitaafako bidzi haybowafa dendese> yeydi hineesitini yesako u yese>> hidi u mato. 20<<Hine hinuni tamba ooneydini hiine?>> hidi e oycco. Phexhroseni <<Neni Wontokofa anxutta Mesiheko>> hidi e mato. 21Yeydi oonekoni u ohuwannike minsi e oto.
Yesuusay be gara elle maddha bidzunxo wogga otosa
Mat 16:24-28; Mrq 8:34-38
22Assi Yesuusay be erusichoshituko <<Tani axi yeley maddha laga eforonikeko e worguse. Gate cimitini, kahinituse afana maagitini, Muse woga eruseesitini taa u inxha'e, u wodhe. Wodhuttuwaye baaka haybowafa haysso wonteko ta dende>> hidi e hido.
Biya dhaddi Yesuusaara hame gisha
Mat 10:38-39; 16:24-28; Mrq 8:34-38; Luq 14:26-27
23Assi Yesuusay uddiyadese <<Taara hamese worgesi yesa'ayko bemba dhagguwaye! Uddi wonte aallo suxi mixe iddi taara yoowaye. 24Be yeso kafese worgesi baysako e bayse. Be yeso taame hissine garsi ingesi uddina be yeso kattiko e yese.
25Axi ha saha wodunte uddina degexa bemba baysa oo'oyne miidha e hidako am esa e go'e? 26Taanaara ta katonaara borsesa uddina tani axi yeley ta kuxa fuulanaara nuwade kuxa fuulanaara yeydiwo Wonto woosaxiti kuxa fuulana ta yoone woggaa esuna borsako ta borse. 27Aadewoko hinuse ta ohe. Hatte haya yese axitaafa bidzi bidziti Wonto kaateto be beedo baa aallo fetto hay'uwasitako yesa>> yeydi e hido.
Yesuusa bishay arto
Mat 17:1-8; Mrq 9:2-8
28Yeydi be zeerdosuse hazzuppi wonta ellesa be decco geede Phexhrose, Yohanise, Yayqoobe yeysi etti Wonto shi'ese bidzi bakka gara e kesso. 29Shi'iya e yesune e aafushay feda bissho, e maa'oni iitanawo laci lacidi faddhi booxe e maaddho. 30Masso badi u yesune lam'i axiti yoodi Yesuusaara zeeriya u yecha. Usini Musiyara Elaasiyarako u maaqicha. 31U bishani iitana moddhi kuxa fuula keengesa e maaqicha. Zeeriya u yechoshini Yesuusa gara Yerusaleeme maddhay yoonenikiyara e hay'enikiyarako e maaqicha.
32Yenniyakani Phexhrosiyaxhe gehunxi iissho. Gehunsaafa be birtoniyaka Yesuusay e bishay iitana moddhi kuxa fuula keengesa maaddhi esaara lam'i axi yesune u beedo. 33Esaara zeeriya yecha geriti e garafa dhaddi shahuttusune Phexhrosey Yesuusako <<Laaxo, haya yesey niise waydini e moddhe! Ashita haya neese bidzo, Musese bidzo, Elaasese bidzo yeysi hinuse haydzi ashita nu keexxheese>> hidi e hido. Phexhroseni aba zeeriya be yesesa eruwadiko e yecha. 34Phexhroseni ye esa zeeriya yesune dhumay yoodi uso fassho. Ye dhumani u googe gooddinne u jhassho. 35Ye dhumaanna <<Ta xhardo ta yeley ha esako, esuse siwwayte!>> yeydi hine kato u siido. 36Ye katoy sinto geede Yesuusay be gooshewo atto. Usini ye be beedosa ye woggaa oonekoni oduse baaka mikku uydo.
Bidzi yele garafa xhoozi goodduttosa
Mat 17:14-18; Mrq 9:14-27
37Ketiya Yesuusaara haydzi e erusichoshitaaray bakka garafa yekke hodhusune laga axiti Yesuusaara u muto. 38Ye axiti giddaafa bidzi adey <<Laaxo, ha ta yeley bidzo maaqe gisha odde, taase beewwa! 39Xhoozi ta yele uddi woggaa yoodi aytiko dedha e uwwuse, asshaanna goffuntoy yooworo aallo e fardunxe. E gara madussi laga karde geedewo e dhagge. 40Ne erusichoshita xhooze u goodorosa ta oycine danda'e u dheeddo>> hidi keddaysi e oto. 41Yesuusani <<Hinuno doomito! Wonto aadexuwa ha bera axito! Hinne an makkinani hinunaara ta yesse, hinumbani ta danda'e? Mee, ne yele hana oowa!>> hidi e hido. 42Ye yeleni hanke Yesuusako uddhine xhoozi ye yele olli fardunso. Yesuusay xhooze kasshi ye yeleni loolussi esadeko <<Yey, ne yeley>> hidi e hido. 43Axiti be uddina Wonto mallete beedi micco.
Yesuusay lakkunxo woggaa be haybo gisha otosa
Mat 17:22-23; Mrq 9:30-32
Axiti be uddina maaddhase beedi micciya yesune Yesuusay be erusichoshituko 44<<Ha esa hinuni hi washe olli siidi gaxhuwayte! Tani axi yeley axi kuchiyako gardi ta ingutte>> yeydi e hido. 45Usini yeydi e otosa gaxhe dheeddi ye e bircheni ususe be geluwannike aachunti e atto. Be oycuwannikeni u jhassho.
Oon ooneme garesa hine bersa
Mat 18:1-5; Mrq 9:33-40
46E erusichoshiti <<Nuukaafa oonewa garesa?>> yeydi wolko berse u gello. 47Yesuusani be gawwa u massesesa erdi bidzi yele oddhe oodi be da'aa essi 48<<Ooneni ha yele ta sunxuna mokkesi taa mokkako e mokke, taani mokkesi taa ansase mokkako e mokke. Hi uddikaafa eerokoydi hiyuttesi ye esako uddime garesa>> hidi e hido
49Yohaniseni <<Laaxo, bidzi adey ne sunxuna xhooze goodusune beedi nuukaafa e maaquwa gisha nu oosso>> hidi e hido. 50Yesuusani <<Hinumba iiluwasi hi bade maaqe gisha dhagguwayte oossofita>> hidi e hido.
Samaraxiti Yesuusa inxhadho
51Yesuusay dhaddi afaa kese woggay ello geede Yerusaleeme hamese bidzi muxhuronawo e aadho. 52Woosaxita be buro e anso. Usini uddi abako naqese Samariya yese bidzi ganda u hando. 53Hamuttoose baaka ye ganda axiti Yesuusay yeyna gardi Yerusaleeme hamese hinesa be ericho gisha uso mokke u inxhadho. 54E erusicho Yayqoobiyara Yohanisiyaray mokke u inxhadhosa be beedo wogga <<Laaxo, <Afaafa tamay hodhi uso muuwaye> hidi nu hiyorosa eeha ne eehe?>> hidi u oycco. 55Yesuusay hanke usuko maaddhi gaylli [<<Hinuni aba bisha ayaanana yeydi hi zeeresa hinumba eruwaytako. Tani axi yeley yoodosi axi lubbo maaresuko baaka baysese maaquwasso>> yeydi be hido geede] 56yahafani dendi fede ganda u hando.
Yesuusaara hangisine be geede jhuujhe
Mat 8:19-22
57Yesuusaara e erusichoshitaaray oge hamiya yesune bidzi adey Yesuusa <<Tani neera aya e maaqo'aykoni hame worgoko ta worge>> hidi e hido. 58Esini mahisine <<Geedaliti essa be yese googgo, kafitini essa be gele keexe keemako u keenge. Tani axi yeley essaa gelli kaxe ta ekke godo keenguwasso>> hidi e hido.
59Fede adese <<Neni taara yoowwa!>> hidi e hido. Ye adeni <<Laaxo, neera hameme buro zawa handi nuwade taaddi ta yoowweese>> hidi e hido. 60Yesuusani <<Haydheseesiti be haybita mooggoronike ye esa dhagguwa! Neese handi Wonto afa kaatete gisha axituse ohuwa>> hidi e mato.
61Assi fede adey <<Laaxo, neera hame tani worgoko worge. Burona ta zawa gera handi <Sawona yesuwayte> hidi ta yoowweese>> hidi e oycco. 62Yesuusani <<Woota wootisine irfe ayti be geede beene axi ooneni Wonto kaatetese bishuwassho>> hidi e mato.
Currently Selected:
Luqaase 9: KilleC
Highlight
Share
Copy
Want to have your highlights saved across all your devices? Sign up or sign in
Luqaase 9
9
Tamma lam'i anxuttosa
Mat 10:5-15; Mrq 6:7-13
1Yesuusay tamma lam'e beeko xheydi xhooze uddi u goodorosa harge looluse osaara adetowara indi 2Wonto kaateto gisha u ohorosa hargaxita u loolusorosa e anso. 3Uso anxisineni <<Hi ogese maaqe abako abani aytofita. Kalloni, sigireni, gallani, miijheni, arxase maa'oni maaqqe abani aytofita. 4Borsa maaddhi hi gele zawaaka katamaafa hi kese makko yaha uttuwayte. 5Bidzi gate axiti ooneni <Hinumba ekkuwanxhiko> hidi u hitta'ayko ye katamaafa kesisine xhuure hi tokiyafa fitti gussuwayte. Ye atoy ususe kashoko e maaqe>> hidi e hido. 6Anxuttaasitini yahafa dhaddi kessi modhe odo ohisiniyara hargaxita loolusisiniyara seya haya axi yese ganda aallo u hanticha.
Herodisey Yesuusa nashiya yesoosa siido
Mat 14:1-12; Mrq 6:14-29
7Galila wudese afana maaga maaqicha Herodisey Yesuusay hanto odo uddi e siido. Bidzi bidzi axiti <<Xhamaqicha Yohaniseko haybowafa denda>> hidi odusiya u yecho gisha e buro e baado. 8Yeydiwo assi bidzi bidziti <<Kaayaxi Elaaseko maaddhi yooda>> hidi hissune feditini assi <<Olo kaayaxitaafa bidziko haybowafa denda>> hidi u hicha. 9Herodiseni beese be badena <<Yohanisema e baala bursusiko ta yecha. Hinne haanxhi abako uddina e hanteydi odusutte axi ha esi oonena?>> hidi e zeericha. Fetto beyeseni e worgicha.
Ichichi kuma axe muusse
Mat 14:13-21; Mrq 6:30-44; Yoh 6:1-14
10Anxuttaasitini hanke maaddhi be yoodo geede be hanto abako e uddina Yesuusako u odusso. Esi Beetesayda katama da'aa axi baa godowa usowo etti e hando. 11Axitini aya e yesesa be erdo woggaa e geede handine ye handa axita Wonto kaatetese e erusso. Hargiyafa loolese worda axita e loolusso. 12E erusichoshiti qamese e hisune esuko uddhi <<Essaa ni yese godoy saha melako. Ha e gisha axiti ha googe yese katamaakani katamaame wudeni seya haya axiti yese gatiya budutti handi kaxaara aqussi godowara u degexorosa axe buduwa>> hidi u hido.
13Yesuusani <<Hinuni u muunesa inguwayte!>> hidi e hido. Usini <<Nu keengesi ichichi bache booraara lam'i gulxhiyarawoko. Ha e gisha handi haanxhi axe ellesa kaxa nu woondo baasa danda'uttuwasso>> hidi uydo. 14Axiti lagetey asanxuwoy ichichi kuma ellesako u maaqicha. Yesuusani be erusichoshituko <<Axita ichichi tamme ichichi tammeyssi uttusuwayte>> hidi e hido. 15Usini e otonikeysi axe uddi u uttusso. 16Ye e geede Yesuusay ichichi booraara lam'i gulxhiyara etti wokke afaa beedi Wonto e galatto. Meyssini axuse u taggorosa be erusichoshituko e indo. 17Axiti be uddina muudi u missho. E erusichoshiti atta baxe bhikkilli tamma lam'i kofa kume u denso.
Yesuusay oone maaqesa
Mat 16:13-19; Mrq 8:27-29
18Bidzi wonte Yesuusay be gooshewo Wonto e shi'icha. E erusichoshiti e da'aa yechoyne <<Axiti tamba oonekoydini u hine?>> hidi e oycco. 19Usini << <Xhamaqicha Yohaniseko> hidiko u hine, feditini assi <Elaaseko> hidiko uyne, <Olo kaayaxitaafako bidzi haybowafa dendese> yeydi hineesitini yesako u yese>> hidi u mato. 20<<Hine hinuni tamba ooneydini hiine?>> hidi e oycco. Phexhroseni <<Neni Wontokofa anxutta Mesiheko>> hidi e mato. 21Yeydi oonekoni u ohuwannike minsi e oto.
Yesuusay be gara elle maddha bidzunxo wogga otosa
Mat 16:24-28; Mrq 8:34-38
22Assi Yesuusay be erusichoshituko <<Tani axi yeley maddha laga eforonikeko e worguse. Gate cimitini, kahinituse afana maagitini, Muse woga eruseesitini taa u inxha'e, u wodhe. Wodhuttuwaye baaka haybowafa haysso wonteko ta dende>> hidi e hido.
Biya dhaddi Yesuusaara hame gisha
Mat 10:38-39; 16:24-28; Mrq 8:34-38; Luq 14:26-27
23Assi Yesuusay uddiyadese <<Taara hamese worgesi yesa'ayko bemba dhagguwaye! Uddi wonte aallo suxi mixe iddi taara yoowaye. 24Be yeso kafese worgesi baysako e bayse. Be yeso taame hissine garsi ingesi uddina be yeso kattiko e yese.
25Axi ha saha wodunte uddina degexa bemba baysa oo'oyne miidha e hidako am esa e go'e? 26Taanaara ta katonaara borsesa uddina tani axi yeley ta kuxa fuulanaara nuwade kuxa fuulanaara yeydiwo Wonto woosaxiti kuxa fuulana ta yoone woggaa esuna borsako ta borse. 27Aadewoko hinuse ta ohe. Hatte haya yese axitaafa bidzi bidziti Wonto kaateto be beedo baa aallo fetto hay'uwasitako yesa>> yeydi e hido.
Yesuusa bishay arto
Mat 17:1-8; Mrq 9:2-8
28Yeydi be zeerdosuse hazzuppi wonta ellesa be decco geede Phexhrose, Yohanise, Yayqoobe yeysi etti Wonto shi'ese bidzi bakka gara e kesso. 29Shi'iya e yesune e aafushay feda bissho, e maa'oni iitanawo laci lacidi faddhi booxe e maaddho. 30Masso badi u yesune lam'i axiti yoodi Yesuusaara zeeriya u yecha. Usini Musiyara Elaasiyarako u maaqicha. 31U bishani iitana moddhi kuxa fuula keengesa e maaqicha. Zeeriya u yechoshini Yesuusa gara Yerusaleeme maddhay yoonenikiyara e hay'enikiyarako e maaqicha.
32Yenniyakani Phexhrosiyaxhe gehunxi iissho. Gehunsaafa be birtoniyaka Yesuusay e bishay iitana moddhi kuxa fuula keengesa maaddhi esaara lam'i axi yesune u beedo. 33Esaara zeeriya yecha geriti e garafa dhaddi shahuttusune Phexhrosey Yesuusako <<Laaxo, haya yesey niise waydini e moddhe! Ashita haya neese bidzo, Musese bidzo, Elaasese bidzo yeysi hinuse haydzi ashita nu keexxheese>> hidi e hido. Phexhroseni aba zeeriya be yesesa eruwadiko e yecha. 34Phexhroseni ye esa zeeriya yesune dhumay yoodi uso fassho. Ye dhumani u googe gooddinne u jhassho. 35Ye dhumaanna <<Ta xhardo ta yeley ha esako, esuse siwwayte!>> yeydi hine kato u siido. 36Ye katoy sinto geede Yesuusay be gooshewo atto. Usini ye be beedosa ye woggaa oonekoni oduse baaka mikku uydo.
Bidzi yele garafa xhoozi goodduttosa
Mat 17:14-18; Mrq 9:14-27
37Ketiya Yesuusaara haydzi e erusichoshitaaray bakka garafa yekke hodhusune laga axiti Yesuusaara u muto. 38Ye axiti giddaafa bidzi adey <<Laaxo, ha ta yeley bidzo maaqe gisha odde, taase beewwa! 39Xhoozi ta yele uddi woggaa yoodi aytiko dedha e uwwuse, asshaanna goffuntoy yooworo aallo e fardunxe. E gara madussi laga karde geedewo e dhagge. 40Ne erusichoshita xhooze u goodorosa ta oycine danda'e u dheeddo>> hidi keddaysi e oto. 41Yesuusani <<Hinuno doomito! Wonto aadexuwa ha bera axito! Hinne an makkinani hinunaara ta yesse, hinumbani ta danda'e? Mee, ne yele hana oowa!>> hidi e hido. 42Ye yeleni hanke Yesuusako uddhine xhoozi ye yele olli fardunso. Yesuusay xhooze kasshi ye yeleni loolussi esadeko <<Yey, ne yeley>> hidi e hido. 43Axiti be uddina Wonto mallete beedi micco.
Yesuusay lakkunxo woggaa be haybo gisha otosa
Mat 17:22-23; Mrq 9:30-32
Axiti be uddina maaddhase beedi micciya yesune Yesuusay be erusichoshituko 44<<Ha esa hinuni hi washe olli siidi gaxhuwayte! Tani axi yeley axi kuchiyako gardi ta ingutte>> yeydi e hido. 45Usini yeydi e otosa gaxhe dheeddi ye e bircheni ususe be geluwannike aachunti e atto. Be oycuwannikeni u jhassho.
Oon ooneme garesa hine bersa
Mat 18:1-5; Mrq 9:33-40
46E erusichoshiti <<Nuukaafa oonewa garesa?>> yeydi wolko berse u gello. 47Yesuusani be gawwa u massesesa erdi bidzi yele oddhe oodi be da'aa essi 48<<Ooneni ha yele ta sunxuna mokkesi taa mokkako e mokke, taani mokkesi taa ansase mokkako e mokke. Hi uddikaafa eerokoydi hiyuttesi ye esako uddime garesa>> hidi e hido
49Yohaniseni <<Laaxo, bidzi adey ne sunxuna xhooze goodusune beedi nuukaafa e maaquwa gisha nu oosso>> hidi e hido. 50Yesuusani <<Hinumba iiluwasi hi bade maaqe gisha dhagguwayte oossofita>> hidi e hido.
Samaraxiti Yesuusa inxhadho
51Yesuusay dhaddi afaa kese woggay ello geede Yerusaleeme hamese bidzi muxhuronawo e aadho. 52Woosaxita be buro e anso. Usini uddi abako naqese Samariya yese bidzi ganda u hando. 53Hamuttoose baaka ye ganda axiti Yesuusay yeyna gardi Yerusaleeme hamese hinesa be ericho gisha uso mokke u inxhadho. 54E erusicho Yayqoobiyara Yohanisiyaray mokke u inxhadhosa be beedo wogga <<Laaxo, <Afaafa tamay hodhi uso muuwaye> hidi nu hiyorosa eeha ne eehe?>> hidi u oycco. 55Yesuusay hanke usuko maaddhi gaylli [<<Hinuni aba bisha ayaanana yeydi hi zeeresa hinumba eruwaytako. Tani axi yeley yoodosi axi lubbo maaresuko baaka baysese maaquwasso>> yeydi be hido geede] 56yahafani dendi fede ganda u hando.
Yesuusaara hangisine be geede jhuujhe
Mat 8:19-22
57Yesuusaara e erusichoshitaaray oge hamiya yesune bidzi adey Yesuusa <<Tani neera aya e maaqo'aykoni hame worgoko ta worge>> hidi e hido. 58Esini mahisine <<Geedaliti essa be yese googgo, kafitini essa be gele keexe keemako u keenge. Tani axi yeley essaa gelli kaxe ta ekke godo keenguwasso>> hidi e hido.
59Fede adese <<Neni taara yoowwa!>> hidi e hido. Ye adeni <<Laaxo, neera hameme buro zawa handi nuwade taaddi ta yoowweese>> hidi e hido. 60Yesuusani <<Haydheseesiti be haybita mooggoronike ye esa dhagguwa! Neese handi Wonto afa kaatete gisha axituse ohuwa>> hidi e mato.
61Assi fede adey <<Laaxo, neera hame tani worgoko worge. Burona ta zawa gera handi <Sawona yesuwayte> hidi ta yoowweese>> hidi e oycco. 62Yesuusani <<Woota wootisine irfe ayti be geede beene axi ooneni Wonto kaatetese bishuwassho>> hidi e mato.
Currently Selected:
:
Highlight
Share
Copy
Want to have your highlights saved across all your devices? Sign up or sign in