Lukaas 3
3
Rɔɔriyɔn Yowanis Sinɛ A‘aadiik
(Maa. 3:1-12; Mar. 1:1-8; Yow. 1:19-28)
1Saaɓa ege Tiibariyoos Keesaar suumik emeyikɛ aarin a tuule nɛɛkɛ, egeɓa Pentenawi Pilatoos suumi ɗoo Yuudaak, maɓa ege Herodis suumi ɗoo Gɛlilaak, maɓɔrɛ manya Pilipoos Ituriyaasa Tirakonidosuk, maɓɔrɛ Lisaniyoos suumi Abilaniisik, 2ma Haana a Kɛyaapaa sɛɛg ɔɗɔweer tapa ŋaadiyɛɛkoŋk sigɛ boobɛrk. Saaɓak mɛlkiɓa pɛɛni Waakoyotoŋk tɔɔna Jakariyaasik, Yowanisa, ma ar paaton. 3Kɛɛɓa sɛŋk ɗokanɛka sigaaga atu sinɔɔnɛ Gɔrɔ Yordanoosuk baŋɛ, a waawas joopa kɛ, 'In kɔnu aadɛɛ nɔ weerikɛ tikiyɛɛkɛ Waakoyota, nɔkɔɔ laŋiir tɔŋɔɗ tikiyɛɛkoŋk.' 4Oko sinɛɓa taapɛɛɗɛɛ Wargatɛɛ Waakoyotoŋk, ete pɛrkaakoŋk Isaayasik kɛ,
"Ege sini koŋgoy iɗit sinɔ oo'oy sinɔɔnɛ paatoonoŋk kɛ,
'In isiisɛɛ gopan Suumiyoŋk,
in kekemɛ gopan nɛɛk.
5In enyɛɛri saagiyak ɓɛɛlɛr a utulakik baŋɛ,
in isiisiɗi kurkumɛk a jumkuk baŋɛ nɔ ɓɛɛlɛ a teete.
In kemɗi gar sinɛ ruruŋaak,
in dortootur gopan sinɛ ŋasakawuk.
6Dɛnɛrkoy joop baŋɛ ebɔdɛɛt Waakoyotoŋk."'
7Tonuɓa Yowanis joopa sigaagaɓa kurak son lak sɛɛnik kɛnɔ aadi sɛɛgik kɛ, "Iinak sigi ito iinak kookowɛɛk! Wooɗ sinɛ kɔna yaaŋɛ gopan sinɛkoy bɔdɛrɗɔ goopan sinaanɛkoy mɛlkik? 8Sisɔ in ijaagɛ any sinɔ ɗegerɗɛ kɛ weerikɔɔkɔ tikiyɛɛkɛ Waakoyotak. Ma kat ŋɔɔlɛɛr ɛɛk ɓayɛtunɛɛkɛ goŋk kɛ, 'Eteŋk tɔɔmɔk Abrahamuk.' Tona kɔna kɛ Waakoyo oolɛ a ari giɗeekɛ sigeege tɔɔmɔka Abrahamukuŋ. 9Sisɔ ragadɛɛkɔ kabi sinɔ yawɛɛɗɛ kɛɛn tiltilɛɛkɛ gɛŋkiŋ, nɛ kɛɛt sinɔ ki riiɓɛ taamɛ sigɔ mentaanaŋɔŋkuk baŋɛ yawɛɛkoy nɛ orɛɛ maɗa."
10Nɛɓa joop sigɛ ɓɔɔkaak kɔɔniyar kɛ, "Anɛ ɗɛyɛ tina a ijaagii jikon?"
11Nɛɓa Yowanis jumur sɛɛga kɛ, "Iɗit sinɛ lak abiyak a pɛɛyk, in kaasiɗi eta sinaana kiiɗɛk. Maɓɔrɛ iɗit sinɛ lak ɗamak, in ijaag oko sinɛk."
12Nɛɓa ɓɔrɛ joop sigɔ yayawar worik kurak son lak sɛɛnik kɛnɔ sɛɛg aadɛɛ nɛɓa tonurgeeɗ kɛ, "Rɔɔriytaano, ɗɛyɛ tina a ijaagii jikon?"
13Nɛɓa sɛŋk tonu sɛɛga kɛ, "Kat tolɛɛ wori a kaalɛ sinɛkɔ kɔna tonɛɛk.'
14Nɛɓa ɓɔrɛ amaasiniyɛk kɔɔniyar kɛ, "Ma eteŋk?"
Nɛɓa sɛŋk Yowanis tonu sɛɛga kɛ, "Kat epɛɛrɛ ɛɛk nɔ boŋɛ wori etoŋk. Kat daariyɗiikɛɛ eta nyonɛ. In kɔna gayɛ wori sinɛ kɔna koyɛɛk."
15Saaɓa joop sigɛ ɓɔɔkaak atukuɗ koorɛɛt kɛ mɛlkikɔɔŋɔŋk nɛɓa sɛɛk baŋɛ koɓur ɓayɛtunɛɛkɛ gɛŋk Yowanis kɛ, "Anɛ eeta Keresee?" 16Nɛɓa Yowanis jumur sɛɛga baŋɛ kɛ, "Aada saak kɔnu maawɛ, mayakana mɛlkikɔɔ iɗit sinɔ kaalɛ eetikiŋ kaa saak oolɛ a woora melti saamɛyɛ gɛɛŋkiŋ. Aadikɔɔ kɔnu sɛŋk Wɛɛŋakɛ sigɔɔgɛ Geetitaanakik a maɗ. 17Lak Sɛŋk perɛ nɛɛk ariit kɛnɔkɔɔ pey ɗama nɛɛk, nɛ gaɓɛ anta, ma moɗɛ pɛtɛɛkak gɛɛŋk maɗ sinaanɛ koy ki laarink." 18Rɔɔriyɓa sɛɛg Yowanis olaatɛ ɔgɔɔkɛ sigɔɔgɛ ɓɔɔkaaŋɔŋk waasɛɓa sɛɛga Pɛɛni sinɔ Ɓɛlkɛɛstank.
19Mayakanaɓa Yowanis goop Herodis sinɛ suumi Gɛlilaak agut sinɔɓa boŋiɗ jarti manyaak Pilipoosuk Herodiyadaak, ɛ agut sinɔɓa ijaagiɗ ola ɔgɔ sigɔ ŋɛɛwɛnŋɔŋk a ɓɔɔkaaŋɔŋk. 20Nɛɓa tuukeer Herodis any sinɔ ŋɛɛwɛnŋɔŋk omalta raŋana, gaɓɛɓa Yowanis godeya korkoɗɔɔnoŋk.
Aadi Yeeseek
(Maa. 3:13-17; Mar. 1:9-11)
21Saaɓa aadiiɗɛ joop sigɛ ɓɔɔkaak baŋɛk baŋiya, nɛɓa aadɛɛ Yeesee. Saaɓa arkiɗ ɗanɗamɔɔnuk, nɛɓa tayɗi dari, 22nɛɓa kurak Wɛɛŋa sigɔ Geetitaanakik a ito kulɓeer sɛɛna raŋana. Nɛɓa tiyɛɛ koŋgoy dari sinɔ tonu kɛ, "Iin Tɔɔn naak sinɛ poraak, yaataaŋ iine."
Ɔrɛyak Yeeseek
(Maa. 1:1-17)
23Saaɓa Yeese tukeeɗ rɔɔriyɔnk, atuɓa emeyi gɛɛnɛ sigɔɔgɛ ruumer iɗit a aarink.
Koɓurkɛɓa joop sigɛ ɓɔɔkaak kɛ tɔɔn Yoosepuk.
Egeɓa Yoosep tɔɔn Eeliik.
24Egeɓa Eelii tɔɔn Maatiik.
Egeɓa Maati tɔɔn Leewiik.
Egeɓa Leewi tɔɔn Milkiik.
Egeɓa Milkii tɔɔn Yoonaak.
Egeɓa Yoona tɔɔn Yoosepuk.
25Egeɓa Yoosep tɔɔn Maatatiyuuk.
Egeɓa Maatatiyu tɔɔn Amoosuk.
Egeɓa Amoos tɔɔn Nahoomuk.
Egeɓa Nahoom tɔɔn Esilimik.
Egeɓa Esilim tɔɔn Naageek.
26Egeɓa Naagee tɔɔn Ma'aatik.
Egeɓa Ma'aat tɔɔn Mataatiyuuk.
Egeɓa Mataatiyuu tɔɔn Seemeeyik.
Egeɓa Seemeey tɔɔn Yoosepuk.
Egeɓa Yoosep tɔɔn Yoodaak.
27Egeɓa Yoodaa tɔɔn Yoonaanik.
Egeɓa Yoonaan tɔɔn Reesik.
Egeɓa Rees tɔɔn Jɛrubabeelik.
Egeɓa Jɛrubabeel tɔɔn Selatiyaalik.
Egeɓa Sɛlatiyaal tɔɔn Neeriik.
28Egeɓa Neerii tɔɔn Miiliik.
Egeɓa Miilii tɔɔn Hadiik.
Egeɓa Hadii tɔɔn Yoosasik.
Egeɓa Yoosas tɔɔn Kosaamuk.
Egeɓa Kosaam tɔɔn Elmodaamuk.
Egeɓa Elmodaam tɔɔn Eerik.
29Egeɓa Eer tɔɔn Yoosek.
Egeɓa Yoosei tɔɔn Elajeerik.
Egeɓa Elajer tɔɔn Yooramuk.
Egeɓa Yooram tɔɔn Maataatik.
Egeɓa Maataat tɔɔn Leewiik.
30Egeɓa Leewi tɔɔn Simionuk.
Egeɓa Simion tɔɔn Yuudaak.
Egeɓa Yuuda tɔɔn Yoosepuk.
Egeɓa Yoosep tɔɔn Yoonanik.
Egeɓa Yoonan tɔɔn Eliyakeemuk.
31Egeɓa Eliyakeem tɔɔn Meliyaak.
Egeɓa Meliyaa tɔɔn Maynaanik.
Egeɓa Maynaan tɔɔn Maataatik.
Egeɓa Maataat tɔɔn Naataanik.
Egeɓa Naataan tɔɔn Daawitik.
32Egeɓa Daawit tɔɔn Iseyk.
Egeɓa Isey tɔɔn Iyoobedik.
Egeɓa Iyoobed tɔɔn Boeejik.
Egeɓa Boeej tɔɔn Salmoonuk.
Egeɓa Salmoon tɔɔn Nɛasoonuk.
33Egeɓa Nɛasoon tɔɔn Aminadaabuk.
Egeɓa Aminadaab tɔɔn Araamuk.
Egeɓa Araam tɔɔn Aaroonuk.
Egeɓa Aaron tɔɔn Esroomuk.
Egeɓa Esroom tɔɔn Pareesik.
Egeɓa Parees tɔɔn Yuudaak.
34Egeɓa Yuuda tɔɔn Yaykoobuk.
Egeɓa Yaykoob tɔɔn Yisihaakik.
Egeɓa Yisihaak tɔɔn Abrahamuk.
Egeɓa Abraham tɔɔn Taaraak.
Egeɓa Taaraa tɔɔn Nakooruk.
35Egeɓa Nakoor tɔɔn Seerooguk.
Egeɓa Seeroog tɔɔn Ragaawuk.
Egeɓa Ragaaw tɔɔn Paleekik.
Egeɓa Paleek tɔɔn Eebeerik.
Egeɓa Eebeer tɔɔn Saalaak.
36Egeɓa Saalaa tɔɔn Kaayinik.
Egeɓa Kaayin tɔɔn Arpaksidik.
Egeɓa Arpaksad tɔɔn Seemuk.
Egeɓa Seem tɔɔn Noohk.
Egeɓa Nooh tɔɔn Lameehk.
37Egeɓa Lameeh tɔɔn Matusaalak.
Egeɓa Matusaala tɔɔn Henookuk.
Egeɓa Henook tɔɔn Yaareedik.
Egeɓa Yaareed tɔɔn Mɛlalieelik.
Egeɓa Mɛlalieel tɔɔn Kaynaanik.
38Egeɓa Kaynaan tɔɔn Henoosuk.
Egeɓa Henoos tɔɔn Seetik.
Egeɓa Seet tɔɔn Adamuk.
Egeɓa Adam tɔɔn Waakoyotoŋk.
Currently Selected:
Lukaas 3: KSTM
Highlight
Share
Copy
Want to have your highlights saved across all your devices? Sign up or sign in
