LUKAS 3

Habari Yohanes Mananahani

(Mat. 3:1-12; Mrk. 1:1-8; Yoh. 1:19-28)

1Su taung kapul᷊ol᷊imange bou pamarentahang i Kaisari Tiberius, i Pontius Pilatus nakoa gubernur su Yudea, dang i Herodes namarenta su Galilea. I Filipus, tuhang i Herodes namarenta su wilaya ngu Iturea dang Trakhonitis, arawe i Lisanias namarenta su Abilene. 2Ko kapuhinggonge manga imam ko l᷊abo, ko i Hanas l᷊au i Kayafas.#3:2: Hanas l᷊au Kayafas: I Hanas ko i empo ngi Kayafas ko maneng seng ta nakoa imam ko l᷊abo kateho mborong pia pangarunge. Su taung e'e Mawu Ruata nangul᷊i si Yohanes ana i Zakharia su tana l᷊inggi. 3Kuteu i Yohanes nakoa sarang apang tampa su kaul᷊i u Sal᷊uhi Yordan dang nangul᷊i habari bou Mawu Ruata. I Yohanes nukumiha, “Putobati bou kaul᷊i u dosa ngi kumu, dang i kumu mambeng isahani, tadeau Mawu Ruata mangampung si kumu.” 4#Yes. 40:3-5E'e musul᷊ung dingang ko kawawohe su l᷊al᷊ung u buki i Nabi Yesaya:

“Pia taumata kakihae su tana l᷊inggi,

‘Sadiai ko l᷊al᷊eng guna ngu Mawu,

Pakateneko l᷊al᷊eng guna ngi Sie.

5Apang kuwae ambunge,

apang wul᷊uri l᷊au bongkonge ipakatene

L᷊al᷊eng ko bengko mambeng pakatul᷊iri,

dang l᷊al᷊eng ko napene u l᷊ohange mambeng pakatene.

6Apang taumata su kaul᷊i u dunia sarung mutuhung

Mawu Ruata manal᷊amati taumata!’ ”

7 # Mat. 12:34, 23:33 Maul᷊i taumata nusumongo sarang koa i Yohanes guna ngu isahani. I Yohanes nangul᷊i si sire, “I kumu taumata ko dal᷊ai! I sai nangul᷊i ko i kumu makal᷊iwiri bou hukumang u Mawu Ruata ko sarung sumongo? 8#Yoh. 8:33Tul᷊ara dingang u kakanoau ko i kumu seng nutobati bou apang dosa ngi kumu! Kumbahang musau muhabari i Abraham i upung i kumu. Putinaung: bou manga watu i'i Mawu Ruata botonge l᷊ai mukoa hintou ngi Abraham! 9#Mat. 7:19Wal᷊iung seng nasadia guna ngu manuwang kau sarang hamue. Apang kau ko ta munggile u wua ko mapia sarung ituwang dang irume su l᷊al᷊ung u putung.”

10“Inau, apa ko mambeng ikoa i kami?” Kakina i sire si Yohanes.

11I Yohanes nusumimbahi, “Taumata ko pia l᷊aku darua, mambeng punggile simbau su taumata ko takoae; dang taumata ko pia kang, mambeng pupapahia.”

12 # Luk. 7:29 Manga mananuntu balasteng nusumongo l᷊ai sarang koa i Yohanes guna ngu isahani. I sire nukina, “Tuang Guru, apa ko mambeng ikoa i kami?” 13I Yohanes nusumimbahi, “Kumbahang manuntu mapal᷊iu bou ko seng nitantu.”

14Pia l᷊ai sordado nukina, “Kirapawe dingang i kami? Apa ko mambeng koateng i kami?”

I Yohanes nusumimbahi, “Kumbahang mupakasusa ngi sai-sai, dang kumbahang mangaho doi dingang mangantang u l᷊eo. Pase'ete dingang u gaji ngi kumu!”

15Su tempo e'e apang taumata nanita nukina, minsang apa i Yohanes e'e Ratu Mananal᷊amati ko kahiampal᷊eng i sire. 16E'e sabapie i Yohanes nangul᷊i si sire kaul᷊ie, “Ia manahani si kumu dingang u ake, arawe hindo sarung sumongo taumata ko lebe l᷊abo bou ia. Mamuka tal᷊i ngu sapatu-E, ia ta hinonge. I Sie sarung manahani si kumu dingang u Roh u Mawu Ruata l᷊au u putung. 17Su l᷊ima-E pia nihung guna ngu muta kaul᷊i u gandung-E sarang mabursi. Gandung sarung ighopol᷊i-E su l᷊al᷊ung u lumbung, arawe kaul᷊i u kepange sarung itutung-E su l᷊al᷊ung u putung ko ta mate!”

18Kere'e i Yohanes dingang u mul᷊ahaghi kakakoae nangonggo u sasasa su apang taumata, su tempo ngi sie mul᷊ahabari u Habari Mapia. 19#Mat. 14:3-4; Mrk. 6:17-18Arawe i Herodes, mangangawasa ngu Galilea, nitughu ngi Yohanes hal᷊i u pul᷊al᷊ahikinge dingang i Herodias, kawing u tuhange, dang l᷊ai hal᷊i u kakanoae ko dal᷊ai ko nikoae. 20Kateho i Herodes katewe nanamba nukoa apang l᷊amuhue sarang nupasu i Yohanes sarang l᷊al᷊ung u tutupang.

I Yesus Nisahani

(Mat. 3:13-17; Mrk. 1:9-11)

21Suapang kaul᷊i u taumata e'e nisahani, I Yesus l᷊ai nisahani. Dang su tempo I Sie kapukal᷊iomanenge, l᷊angi nawuka, 22#Kar. 22:2; Mzm. 2:7; Yes. 42:1; Mat. 3:17; Mrk. 1:11; Luk. 9:35dang Roh u Mawu Ruata natuntung si Sie kere paluma. Bou e'e nikaringihi tingihi u Mawu Ruata nangul᷊i, “I Kau Ahusi-Ku ko ikukindaghi. I Kau makal᷊uasi naung-Ku.”

Rekenang u manga i upung I Yesus

(Mat. 1:1-17)

23Su tempo ngi Yesus nanita u hal᷊i-E, umurie patehang seng manga tilumpul᷊o su taunge. Tumuhu titong u taumata, I Sie ko ana i Yusuf, ana i Eli, 24ana i Matat, ana i Lewi, ana i Malki, ana i Yanai, ana i Yusuf, 25ana i Matica, ana i Amos, ana i Nahum, ana i Hesli, ana i Nagai, 26ana i Maat, ana i Matica, ana i Simei, ana i Yosekh, ana i Yoda, 27ana i Yohanan, ana i Resa, ana i Zerubabel, ana i Sealtiel, ana i Neri, 28ana i Malkhi, ana i Adi, ana i Kosam, ana i Elmadam, ana i Er, 29ana i Yesua, ana i Eliezer, ana i Yorim, ana i Matat, ana i Lewi, 30ana i Simeon, ana i Yehuda, ana i Yusuf, ana i Yonam, ana i Elyakim, 31ana i Melea, ana i Mina, ana i Matata, ana i Natan, ana i Daud, 32ana i Isai, ana i Obed, ana i Boas, ana i Salmon, ana i Nahason, 33ana i Abinadab, ana i Admin, ana i Arni, ana i Hezron, ana i Peres, ana i Yehuda, 34ana Yakub, ana i Ishak, ana i Abraham, ana i Terah, ana i Nahor, 35ana i Serug, ana i Rehu, ana i Peleg, ana i Eber, ana i Salmon, 36ana i Kenan, ana i Arpakhsad, ana i Sem, ana i Nuh, ana i Lamekh, 37ana i Metusalah, ana i Henokh, ana i Yared, ana i Mahalaleel, ana i Kenan, 38ana i Enos, ana i Set, ana i Adam, ana u Mawu Ruata.

Currently Selected:

LUKAS 3: PLT

Highlight

Copy