Seera Uumamaa 44

Yoseef Karaa Ittiin Benyaamiinin Hambifatu Barbaaduu Isaa

1Yommus Yoseef namicha isa hojii mana isaa adeemsisu ajajee,<<Namoota kanaaf midhaan hamma qalqalli isaanii baachuu danda'u itti gugguutiif; horii isaaniis adduma addaan afaan qalqala isaanii keessa kaa'i! 2Xoofoo koo isa meetii irraa hojjetame, horii isa inni midhaan ittiin bite wajjin afaan qalqala isa quxisuu sanaa keessa kaa'i!>> jedhe; innis akkuma Yoseef isatti dubbate in godhe.

3Ganama yeroo lafti ifetti namoonni sun harroota isaanii fudhatanii akka adeemaniif in geggeeffaman. 4Utuu isaan mandara keessaa ba'anii fagoo hin ga'in, Yoseef namicha isa hojii mana isaa adeemsisuun,<<Ka'ii namoota kana faana dha'i! Yeroo isaan qaqqabdu,<<Maaliif qooda gaarii hamaa deebiftan>> 5Xoofoon isin fudhattan kun isa gooftaan koo itti dhugu mitii ree>> Hooda argus isumaan arga mitii ree>> Isin kana gochuun keessan hamaa hojjettan>> jedhiin!>> jedhe.

6Namichi yommuu jara qaqqabe, dubbii isatti himame kana isaanitti in dubbate. 7Jarri immoo deebisanii,<<Maal gooftaa! Maaliif akkas dubatta>> Kana gochuun garboota kee irraa haa fagaatu! 8Kunoo! Horii isa afaan qalqala keenyaa keessaa argine iyyuu biyya Kana'aanii deebifnee sitti fidne, attamitti immoo mana gooftaa keetiitii meetii yookiis warqee hanna ree*>> 9Nuyi garboota kee keessaa abbaan wanti kun biratti argame haa du'u! Nuyi warri kaan immoo gooftaa keenyaaf garba in taana>> jedhan. 10Inni immoo jaraan,<<Amma akkuma isin jettan iyyuu haa ta'u; abbaan wanti kun biratti argame anaaf garbicha in ta'a; isin warri kaan immoo gad in dhiifamtu>> jedhe. 11Isaanis dafanii adduma addaan qalqala isaanii gad buusanii in hiikan. 12Namichi fonqolchuu isaa qalqala isa angafaatti jalqabee kan isa quxisuutiin in raawwate; xoofichi immoo qalqala Benyaamiin keessatti argame. 13Kana irratti isaan na'anii uffata isaanii in tarsaasan; adduma addaanis harroota isaanii deebisanii fe'atanii gara mandaraatti in deebi'an.#8 43:21

14Yihudaanii fi obboloonni isaa dhufanii mana Yoseefitti yeroo ol lixan, inni amma iyyuu achuma ture; isaan miilla isaatti in kufan. 15Yoseef garuu isaaniin,<<Wanti isin gootan kun maali>> Namni akka kootii hooda arguu akka danda'u hin beektanii ree>> jedhe. 16Yihudaan immoo deebisee,<<Gooftaa ko! Maal jechuu dandeenya>> Maal dubbannas>> Nuyi wanta kana akka hin fuudhin maaliin mul'ifna ree>> Waaqayyo yakka garboota kee irraa argateera; kunoo nuyi, inni xoofichi harkatti argames, gooftaa kootiif garboota ta'uu keenya>> jedhe*. 17Yoseefis immoo,<<Kana gochuun ana irraa haa fagaatu! Inni xoofichi harkatti argame anaaf garbicha ta'a; isin warri kaan garuu nagaadhaan gara abbaa keessanitti ol ba'aa!>> jedhe.#16 42:21-22

Yihudaan Yommus Benyaamiinin Gad Dhiisisuuf Yaaluu Isaa

18Ergasii Yihudaan gara Yoseefitti dhi'aatee,<<Yaa gooftaa, ati akkuma mootii Gibxii; ani dubbii tokko si gooftaa koo nan dhageessifadha, ati hadaraa garbicha keetti aartee hin boba'in! 19Gooftaan koo,<<Abbaan keessan jiraa>> Obbooleessa biraas qabduu?>> jedhee garboota isaa gaafatee ture; 20nuyi immoo,<<Abbaan keenya jira, innis dulloomeera; ilmi quxisuun inni dulluma isaa jala godhate tokkos jira; haadhoon mucichaa in du'e, ijoollee haati isaa deesse keessaa mucichi duwwaan waan hafeef, abbaan isaa caalaa isa in jaallata>> jenne. 21Yommus ati nuyi garboota keetiin,<<Isa na bira fidaa ija kootiin isa nan ilaala!>> jette; 22nuyi immoo si gooftaa kootiin,<<mucichi abbaa isaa dhiisee adeemuu hin danda'u; dhiisee yoo adeeme garuu, abbaan isaa in du'a>> jenne. 23Kana irratti ati garboota keetiin,<<Obbooleessi keessan inni quxisuun isinii wajjin yoo dhufe malee, isin lammaffaa ija koo hin argitan>> jette*; 24nuyis yommuu gara abbaa koo garbicha keetti ol deebine, dubbii ati gooftaan koo dubbatte, isatti himneerra.#23 43:3-5

25<<Takka turre abbaan keenya,<<Ammas dhaqaa midhaan xinnoo ishee nuuf bitaa>> nuun jedhe; 26nuyi garuu,<<Obboleessi keenya inni quxisuun nuu wajjin hin jiru yoo ta'e, ija namichaa arguu hin dandeenyu; kanaaf obboleessi keenya inni quxisuun nuu wajjin yoo jiraate in dhaqna; kanaa achi nuyi dandeenyee gad hin buunu>> jenne. 27Abbaan koo garbichi kee immoo,<<Haati manaa koo haati mucichaa ilmaan lama akka anaaf deesse isin iyyuu in beektu; 28Inni tokko ana biraa ba'e, ani utuun isa hin argin nan hafe; egaa inni dhuguma gargar kukkutame jedheen yaade*. 29Isa kanas immoo ija koo duraa fuutanii wanti hamaan isa irra yoo ga'e, dulluma koo keessa gaddaan gara iddoo lafa jalaatti akkan gad bu'u in gootu>> nuun jedhe*.#28 37:32-33 29 42:38

30<<Yaa gooftaa ko, lubbuun abbaa kootii mucicha malee waan hin jiraanneef, ani mucichi yoo nu bira jiraate malee, abbaa koo garbicha kee biratti galuu hin danda'u; 31nuyi akkasitti deebinee yoo galle, abbaan keenya mucichi nu bira akka hin jirre yommuu argu, in du'a; nuyi garboonni kees abbaan keenya garbichi kee dulluma isaa keessa gaddaan iddoo lafa jalaatti akka gad bu'u in goona. 32Ani garbichi kee immoo abbaa koo duratti mucichaaf darbee,<<Ani mucicha deebisee gara keetti yoon fiduu dhabaadhe, bara koo guutuu abbaa koo akkan yakketti nan hafa>> jedheera*. 33Ammas ani garbichi kee iddoo mucichaa si gooftaa kootiif garbicha ta'e hafee, mucicha obboloota isaa wajjin akka ol ergituuf sin kadhadha! 34Wanta hamaa abbaa koo irra ga'u akkan hin arginetti, mucichi na bira hin jiru yoo ta'e, ani gara abbaa kootti ol ba'uu hin danda'u>> jedhe.#32 43:9

Currently Selected:

Seera Uumamaa 44: MacQul

Highlight

Copy