ဢွၵ်ႇၵႂႃႇ ၵႂၢမ်းၼမ်း
ၵႂၢမ်းၼမ်း
ၽိုၼ်လိၵ်ႈၵျၢမ်းဢၼ်ဢွၵ်ႇၵႂႃႇၼႆႉ ပဵၼ်ၵျၢမ်းဢၼ်တႅမ်ႈဝႆႉလွင်ႈၵူၼ်းမဵဝ်းဢီႉသရေႇလႃႉၶဝ်လႆႈႁဵတ်းၸိူဝ်ႉၼင်ႇႁိုဝ်လႄႈလွတ်ႈဢွၵ်ႇသေမိူင်းဢေႇၵိပ်ႉတူႉမိူင်းဢၼ်ၶဝ်လႆႈၶၢမ်ႇပဵၼ်ၶႃႈမႃးၼၼ်ႉဢေႃႈ။ ၵႃႈၼႂ်းၽိုၼ်လိၵ်ႈၼႆႉ တႅမ်ႈဝႆႉလွင်ႈလူင်မၼ်းသၢမ်တွၼ်ႈဢေႃႈ။ တွၼ်ႈၼိုင်ႈပဵၼ်လွင်ႈတၢင်းဢၼ်ၵူၼ်းမဵဝ်းႁေႇပြႄးၶဝ်လႆႈလွတ်ႈဢွၵ်ႇသေတၢင်းဢၼ်ပဵၼ်ၶႃႈမႃးလႄႈပႆၼႂ်းၶၢဝ်းတၢင်းၵႂႃႇၸူးလွႆသီႉၼႃႉတွၼ်ႈသွင်ပဵၼ်လွင်ႈတၢင်းဢၼ်ၽြႃးပဵၼ်ၸဝ်ႈဝႆႉပတီႉၺိၺ်ႇတီႈၵူၼ်းမၼ်းၸဝ်ႈၵႃႈတီႈလွႆသီႉၼႃႉပုၼ်ႈတႃႇသင်ႇသွၼ်လွင်ႈၸႂ်သၽေႃးၵူၼ်း၊လွင်ႈပၢႆးမိူင်းတင်းလွင်ႈၼႄးဢူႉပတေႇ၊ၽႃႇသႃႇ၊သႃႇသၼႃႇ။ တွၼ်ႈသၢမ်သမ်ႉပဵၼ်လွင်ႈတၢင်းဢၼ်တႄႇတင်ႈႁၢင်ႈၶိူင်ႈထႃႇၼႃႉတီႈၵူၼ်းမဵဝ်းဢီႉသရေႇလႃႉၶဝ်တၵ်းလႆႈဝႆႈသႃၽြႃးပဵၼ်ၸဝ်ႈဢိၵ်ႇတင်းလွင်ႈထုင်းတြႃးပုၼ်ႈယိတ်ႈပရေႃးႁဵၵ်ႈၶဝ်တင်းလၢႆတၵ်းလႆႈႁဵတ်းၸိူဝ်ႉၼင်ႇႁိုဝ်ဝႆႈသႃၽြႃးပဵၼ်ၸဝ်ႈၸိူဝ်းၼၼ်ႉဢေႃႈ။
လွင်ႈလူင်မၼ်းၸိုင်၊ပဵၼ်လွင်ႈတၢင်းဢၼ်ၽြႃးပဵၼ်ၸဝ်ႈႁဵတ်းၸိူဝ်ႉၼင်ႇႁိုဝ်ပွႆႇၵူၼ်းမၼ်းၸဝ်ႈလွတ်ႈဢွၵ်ႇသေတၢင်းဢၼ်ပဵၼ်ၶႃႈမႃးသေယဝ်ႉ၊ပၼ်တၢင်းဢၼ်မုင်ႈမွင်းဝႃႈ၊တၵ်းလႆႈပဵၼ်မိူင်းမိူင်းၼိုင်ႈၵႂႃႇမိူဝ်းၼႃႈဢေႃႈ။ ၵူၼ်းၵေႃႉဢၼ်လမ်ႇလွင်ႈယႂ်ႇသေပိူၼ်ႈၸမ်ႉ၊ပဵၼ်မူဝ်းသေႇၵေႃႉဢၼ်ၽြႃးပဵၼ်ၸဝ်ႈလိူၵ်ႈၵဵပ်းၶၢၼ်းဝႆႉႁႂ်ႈဢွၼ်ႁူဝ်ၵူၼ်းမၼ်းၸဝ်ႈဢွၵ်ႇမိူင်းဢေႇၵိပ်ႉတူႉၵႂႃႇဢေႃႈ။ တြႃးဢၼ်လမ်ႇလွင်ႈသေပိူၼ်ႈသမ်ႉပဵၼ်ပိင်းၺၢပ်ႈၸဝ်ႈသိပ်းပႃးဢၼ်ပႃးၼႂ်းဢၶၢၼ်းလူင် 20 ၼၼ်ႉဢေႃႈ။
ႁူဝ်ၶေႃႈဢၼ်ၶဝ်ႈပႃးၸမ်ႉ
လွင်ႈၵူၼ်းမဵဝ်းဢီႉသရေႇလႃႉ၊ၶဝ်လွတ်ႈဢွၵ်ႇမိူင်းဢေႇၵိပ်ႉတူႉ1:1-15:21
ၵ) လွင်ႈဢၼ်ၶဝ်လႆႈၶၢမ်ႇပဵၼ်ၶႃႈၼႂ်းမိူင်းဢေႇၵိပ်ႉတူႉ1:1-22
ၶ) လွင်ႈမူဝ်းသေႇၵိူတ်ႇလဵင်ႉမႃးလႄႈၸူဝ်ႈဢၼ်မၼ်းယင်းလဵၵ်ႉ 2:1-4:31
င) လွင်ႈမူဝ်းသေႇလႄႈဢႃႇရုၼ်ႇၶဝ်ႈၸူးၶုၼ်ႁေႃၶမ်းမိူင်းဢေႇၵိပ်ႉတူႉ 5:1-11:10
ၸ) လွင်ႈပွႆးပႃႉသၶႃႇလႄႈလႆႈဢွၵ်ႇမိူင်းဢေႇၵိပ်ႉတူႉ12:1-15:21
လွင်ႈၶၢဝ်းတၢင်းလုၵ်ႉတီႈပၢင်ႇလၢႆႇလႅင်ၵႂႃႇၸူးလွႆသီႉၼႃႉ15:22-18:21
လွင်ႈၽြႃးပဵၼ်ၸဝ်ႈပၼ်ဢူႉပတေႇလႄႈပတီႉၺိၺ်ႇတြႃး 19:1-24:18
လွင်ႈသုမ်ႉထဵင်ပတီႉၺိၺ်ႇတြႃးလႄႈလၢႆးဢၼ်ဝႆႈသႃၽြႃးပဵၼ်ၸဝ်ႈ 25:1-40:38
Currently Selected:
ဢွၵ်ႇၵႂႃႇ ၵႂၢမ်းၼမ်း: CBMS
Highlight
Share
Compare
Copy
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship