ႁဵတ်းဝၢတ်ႈ 1
1
တၢင်းဢၼ်သၢၵ်ႈလူႇဢၼ်တုတ်ႇၽႆး
1ထႃႇဝရႃႉၽြႃးယူႇၵႃႈၼႂ်းမူဝ်းၵႃႇၸဝ်ႈတီႈၸူႉတီႈတုမ်ပရဵၵ်ႈသၢတ်ႈၼၼ်ႉ ႁွင်ႉၸူးတီႈမူဝ်းသေႇလႄႈမီးဢမိင်ႉလႄႈဝႃႈ၊- 2မႂ်းတၵ်းလႆႈလၢတ်ႈတီႈၵူၼ်းမဵဝ်းဢီႉသရေႇလႃႉတင်းလၢႆလႄႈဝႃႈ၊ ၼႂ်းသူၼႆႉ၊ ပေႃးသေၵေႃႉသေၵူၼ်း ၶႂ်ႈႁဵတ်းတၢင်းဢၼ်ပုၵ်ႈၸေႃႇတီႈထႃႇဝရႃႉၽြႃးၸိုင်၊ မၼ်းတၵ်းလႆႈဢဝ်တရိၵ်ႈသၢၼ်ႇ ဢၼ်ယဵၼ်ႇဢၼ်ငႄႈဢၼ်ဝႃႈ တရိၵ်ႈသၢၼ်ႇၵႃႈၼႂ်းၽုင်ဝူဝ်း၊ ၽုင်သူဝ်း၊ ၽုင်ပႄႉမႃးႁဵတ်းတၢင်းဢၼ်မၼ်းပုၵ်ႈၸေႃႇၼၼ်ႉဢေႃႈ။
3ပေႃးတၢင်းပုၵ်ႈၸေႃႇမၼ်းၼၼ်ႉ ပဵၼ်တၢင်းဢၼ်ဢဝ်ဝူဝ်းႁဵတ်းယိတ်ႈဢၼ်တုတ်ႇၽႆးၸိုင်၊ မၼ်းတၵ်းလႆႈဢဝ်တူဝ်ပေႃႈ ဢၼ်ဢမ်ႇပႃးဢပႅတ်ႈၼၼ်ႉပုၵ်ႈၸေႃႇဢေႃႈ။ မၼ်းတၵ်းလႆႈဢဝ်ပုၵ်ႈၸေႃႇၵႃႈတီႈၽၢႆႇၼႃႈၽၵ်းတူမူဝ်းၵႃႇၸဝ်ႈတီႈၸူႉတီႈတုမ်ပရဵၵ်ႈသၢတ်ႈၼၼ်ႉ ႁႂ်ႈထုၵ်ႇၸႂ်မႅၼ်ႈၸႂ်ထႃႇဝရႃႉၽြႃးဢေႃႈ။- 4မၼ်းတၵ်းလႆႈဢဝ်မိုဝ်းမၼ်းတၢင်ႇသႂ်ႇၵႃႈၼိူဝ်ႁူဝ်ဝူဝ်းဢွၼ်ႇဢၼ်ပုၵ်ႈၸေႃႇၼၼ်ႉသေလႄႈ၊ မၼ်းၸဝ်ႈတၵ်းႁပ်ႉတုင်းဢဝ်ႁႂ်ႈလႆႈၽေႇဢပႅတ်ႈမၼ်းဢေႃႈ။- 5မၼ်းတၵ်းလႆႈဢဝ်ဝူဝ်းၼၼ်ႉ တၢႆၵႃႈတီႈၽၢႆႇၼႃႈထႃႇဝရႃႉၽြႃးလႄႈ လုၵ်ႈၸၢႆးဢႃႇရုၼ်ႇဢၼ်ပဵၼ်ယိတ်ႈပရေႃးႁဵၵ်ႈၸိူဝ်းၼၼ်ႉ တၵ်းလႆႈဢဝ်လိူတ်ႈၼၼ်ႉမႃးလႄႈ ၽႅတ်းသႂ်ႇလဵပ်ႈႁွပ်ႈၵႃႈၼိူဝ်ယိတ်ႈပလၢင်ႇဢၼ်မီးၵႃႈတီႈႁိမ်းၽၵ်းတူ မူဝ်းၵႃႇၸဝ်ႈတီႈၸူႉတီႈတုမ်ပရဵၵ်ႈသၢတ်ႈၼၼ်ႉဢေႃႈ။- 6မၼ်းၼၼ်ႉ တၵ်းလႆႈလွၵ်ႈဢဝ်ၼင်တူဝ်ၼၼ်ႉလႄႈ တႅပ်းႁဵတ်းပွတ်းႁဵတ်းပိတ်းသေဢေႃႈ။- 7လုၵ်ႈၸၢႆးယိတ်ႈပရေႃးႁဵၵ်ႈဢႃႇရုၼ်ႇၸိူဝ်းၼၼ်ႉ တၵ်းလႆႈဢဝ်ၽႆးသႂ်ႇၵႃႈၼိူဝ်ယိတ်ႈပလၢင်ႇလႄႈ ဢဝ်ၽိုၼ်းၽႄႇသိူဝ်ႇဝႆႉ ၵႃႈၼိူဝ်ၽႆးသေယဝ်ႉ၊- 8လုၵ်ႈၸၢႆးဢႃႇရုၼ်ႇဢၼ်ပဵၼ်ယိတ်ႈပရေႃးႁဵၵ်ႈၸိူဝ်းၼၼ်ႉ တၵ်းလႆႈဢဝ်ဢၼ်ပွတ်းဢၼ်ပိတ်းဢၼ်ဝႃႈ ၵွၵ်းႁူဝ်မၼ်း၊ ၵွၼ်ႈၶႆၵွၼ်ႈမၼ်းမၼ်း၊ ၵွၼ်ႈၼိူဝ်ႉမၼ်းၸိူဝ်းၼၼ်ႉ ၽႄႇသိူဝ်ႇဝႆႉၵႃႈၼိူဝ်ၽိုၼ်းဢၼ်မီးၵႃႈၼိူဝ်ၽႆး ဢၼ်မီးၵႃႈၼိူဝ်ယိတ်ႈပလၢင်ႇၼၼ်ႉဢေႃႈ။- 9ၵူၺ်းၵႃႈ သႆႈမၼ်းတင်းတိၼ်မၼ်းၸိူဝ်းၼၼ်ႉၸိုင်၊ မၼ်းတၵ်းလႆႈဢဝ်ၼမ်ႉသုၵ်ႈသေဢေႃႈ။ ယိတ်ႈပရေႃးႁဵၵ်ႈတင်းလၢႆ ဢဝ်ယိတ်ႈၼၼ်ႉတင်းတူဝ် တုတ်ႇၽႆးၵႃႈၼိူဝ်ယိတ်ႈပလၢင်ႇဢေႃႈ။ ပဵၼ်ယိတ်ႈဢၼ်တုတ်ႇၽႆးဢေႃႈ။ ပဵၼ်တင်းပုၵ်ႈၸေႃႇဢၼ်ဢဝ် တင်းၽႆးသၢၵ်ႈၵၢပ်ႈလႄႈ ႁွမ်ႁူၺ်းတီႈထႃႇဝရႃႉၽြႃးဢေႃႈ။
10ပေႃးတၢင်းပုၵ်ႈၸေႃႇမၼ်းၼၼ်ႉ ပဵၼ်တၢင်းဢၼ်ဢဝ်ၵႃႈၼႂ်းၽုင်သူဝ်းၽုင်ပႄႉ ႁဵတ်းယိတ်ႈဢၼ်တုတ်ႇၽႆးၸိုင်၊ မၼ်းတၵ်းလႆႈဢဝ်တူဝ်ပေႃႈ ဢၼ်ဢမ်ႇပႃးဢပႅတ်ႈၼၼ်ႉ ပုၵ်ႈၸေႃႇဢေႃႈ။- 11မၼ်းတၵ်းလႆႈဢဝ်တၢႆၵႃႈတီႈႁိမ်းၽၢႆႇတၢင်းႁွင်ႇယိတ်ႈပလၢင်ႇ ၵႃႈတီႈၽၢႆႇၼႃႈထႃႇဝရႃႉၽြႃးၼၼ်ႉလႄႈ လုၵ်ႈၸၢႆးဢႃႇရုၼ်ႇ ဢၼ်ပဵၼ်ယိတ်ႈပရေႃးႁဵၵ်ႈၸိူဝ်းၼၼ်ႉ တၵ်းလႆႈဢဝ်လိူတ်ႈၼၼ်ႉၽႅတ်းသႂ်ႇလဵပ်ႈႁွပ်ႈၵႃႈၼိူဝ် ယိတ်ႈပလၢင်ႇဢေႃႈ။- 12မၼ်းၼၼ်ႉ တၵ်းလႆႈတႅပ်းႁဵတ်းပွတ်းႁဵတ်းပိတ်းဝႆႉလူၺ်ႈၵၼ်တင်း ၵွၵ်းႁူဝ်မၼ်းတင်းၵွၼ်ႈၶႆၵွၼ်ႈမၼ်းမၼ်းၸိူဝ်းၼၼ်ႉလႄႈ ယိတ်ႈပရေႃးႁဵၵ်ႈတၵ်းလႆႈဢဝ်ၽႄႇသိူဝ်ႇဝႆႉ ၵႃႈၼိူဝ်ၽိုၼ်းဢၼ်မီးၵႃႈၼိူဝ်ၽႆး ဢၼ်မီးၵႃႈၼိူဝ် ယိတ်ႈပလၢင်ႇၼၼ်ႉဢေႃႈ။- 13ၵူၺ်းၵႃႈ သႆႈမၼ်းတင်းတိၼ်မၼ်းၸိူဝ်းၼၼ်ႉၸိုင်၊ မၼ်းတၵ်းလႆႈဢဝ်ၼမ်ႉသုၵ်ႈသေဢွၼ်တၢင်းဢေႃႈ။ ယိတ်ႈပရေႃးႁဵၵ်ႈတၵ်းလႆႈဢဝ်ယိတ်ႈၼၼ်ႉတင်းတူဝ်မႃးလႄႈ တုတ်ႇၽႆးၵႃႈၼိူဝ်ယိတ်ႈပလၢင်ႇဢေႃႈ။ ပဵၼ်ယိတ်ႈဢၼ်တုတ်ႇၽႆးဢေႃႈ။ ပဵၼ်တၢင်းပုၵ်ႈၸေႃႇဢၼ်ဢဝ်တင်းၽႆးသၢၵ်ႈၵၢပ်ႈလႄႈ ႁွမ်ႁူၺ်းတီႈထႃႇဝရႃႉၽြႃးဢေႃႈ။
14ပေႃးတၢင်းပုၵ်ႈၸေႃႇမၼ်းၼၼ်ႉ ပဵၼ်တၢင်းဢၼ်ဢဝ်ၼူၵ်ႉႁဵတ်း ယိတ်ႈဢၼ်တုတ်ႇၽႆးတီႈထႃႇဝရႃႉၽြႃးၸိုင်၊ မၼ်းတၵ်းလႆႈဢဝ်ၵႃၵႄ၊ ဢမ်ႇၼၼ် ၼူၵ်ႉတူႈဢွၼ်ႇပုၵ်ႈၸေႃႇဢေႃႈ။- 15ယိတ်ႈပရေႃးႁဵၵ်ႈတၵ်းလႆႈဢဝ်မႃးၵႃႈတီႈယိတ်ႈပလၢင်ႇလႄႈ လိမ်ႇႁူဝ်မၼ်းၶၢတ်ႇသေယဝ်ႉ၊ ဢဝ်တုတ်ႇၽႆးၵႃႈၼိူဝ်ယိတ်ႈပလၢင်ႇဢေႃႈ။ လိူတ်ႈမၼ်းၸိုင် တၵ်းလႆႈဢဝ်မိပ်ႇသႂ်ႇၵႃႈတီႈႁိမ်းယိတ်ႈပလၢင်ႇဢေႃႈ။- 16မၼ်းတၵ်းလႆႈထွတ်ႇဢွၵ်ႇၼဵင်မၼ်းတင်းၵႃႈဢၼ်မီးၼႂ်းၼဵင်မၼ်းၼၼ်ႉလႄႈ ဢဝ်ပႅတ်ႈဝႆႉၵႃႈတီႈႁိမ်းၽၢႆႇဝၼ်းဢွၵ်ႇ ယိတ်ႈပလၢင်ႇၵႃႈတီႈဢၼ်ဝႆႉတဝ်ႈၼၼ်ႉဢေႃႈ။- 17တူဝ်ၼူၵ်ႉဢၼ်ပႃးတင်းၶူၼ်ပိၵ်ႇမၼ်းၼၼ်ႉၸိုင် မၼ်းတၵ်းလႆႈၽႃႇၵီႈဢမ်ႇႁႂ်ႈလႆႈၽၢတ်ႇၵၼ်လႄႈ၊ ယိတ်ႈပရေႃးႁဵၵ်ႈတၵ်းလႆႈဢဝ်တုတ်ႇၽႆးၵႃႈၼိူဝ်ၽိုၼ်း ဢၼ်မီးၵႃႈၼိူဝ်ၽႆး ဢၼ်မီးၵႃႈၼိူဝ်ယိတ်ႈပလၢင်ႇၼၼ်ႉဢေႃႈ။ ပဵၼ်ယိတ်ႈဢၼ်တုတ်ႇၽႆးဢေႃႈ။ ပဵၼ်တၢင်းပုၵ်ႈၸေႃႇဢၼ်ဢဝ်တင်းၽႆးသၢၵ်ႈၵၢပ်ႈလႄႈ ႁွမ်ႁူၺ်းတီႈထႃႇဝရႃႉၽြႃးဢေႃႈ။
Currently Selected:
ႁဵတ်းဝၢတ်ႈ 1: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship
