ႁဵတ်းဝၢတ်ႈ ၵႂၢမ်းၼမ်း
ၵႂၢမ်းၼမ်း
ၵျၢမ်းဢၼ်ႁဵတ်းဝၢတ်ႈၼႆႉ ၶဝ်ႈပႃးလွင်ႈထုင်းတြႃးဢၼ်ၵပ်းၵၢႆႇၵၼ်တင်းတၢင်းဢၼ်ၵူၼ်းမဵဝ်းဢီႉသရေႇလႃႉတၵ်းလႆႈႁဵတ်းၸိူဝ်ႉၼင်ႇႁိုဝ်ၵူဝ်းၵႂၢႆႇၽြႃးပဵၼ်ၸဝ်ႈဢိၵ်ႇတင်းၼႄးလၢႆးဢၼ်တၵ်းလႆႈႁဵတ်းပွႆးၽႃႇသႃႇၸိူဝ်ႉၼင်ႇႁိုဝ်လွင်ႈဢၼ်ယိတ်ႈပရေႃးႁဵၵ်ႈတၵ်းလႆႈႁဵတ်းၸိူဝ်ႉၼင်ႇႁိုဝ်ဢွၼ်ႁဵတ်းဢွၼ်သၢင်ႈထုင်းတြႃးၸိူဝ်းၼၼ်ႉၵေႃႈၶဝ်ႈပႃးဢေႃႈ။
လွင်ႈလူင်မၼ်းၼႂ်းၽိုၼ်လိၵ်ႈၼႆႉၸမ်ႉ၊ပဵၼ်လွင်ႈတၢင်းဢၼ်မူတ်းၸၢင်ႇၽြႃးပဵၼ်ၸဝ်ႈဢိၵ်ႇတင်းလွင်ႈတၢင်းဢၼ်ၵူၼ်းမၼ်းၸဝ်ႈတင်းလၢႆတၵ်းလႆႈႁဵတ်းၸိူဝ်ႉၼင်ႇႁိုဝ်လႄႈၵူဝ်းၵႂၢႆႇမၼ်းၸဝ်ႈ၊တၵ်းလႆႈၵမ်ၵျၢင်ႉၸိူဝ်ႉၼင်ႇႁိုဝ်ႁႂ်ႈထုၵ်ႇၵၼ်တင်း “ၽြႃးပဵၼ်ၸဝ်ႈဢၼ်မူတ်းၸၢင်ႇၵူၼ်းမဵဝ်းဢီႉသရေႇလႃႉ” ၶဝ်ၼၼ်ႉ ၼၼ်ႉဢေႃႈ။
ၶေႃႈၵႂၢမ်းဢၼ်ပႃးၼႂ်း 19:18 ဢၼ်ဝႃႈ၊ “ၸိူဝ်ႉၼင်ႇဢၼ်မႂ်းႁၵ်ႉတူဝ်ၸဝ်ႈၵဝ်ႇၼၼ်ႉႁၵ်ႉၵေႃႉဢၼ်ၸၢပ်ႈသႅင်ႇၵၼ်တင်းမႂ်းတႃႉ၊” ၼၼ်ႉပဵၼ်ၵႂၢမ်းဢၼ်ၵူၼ်းႁူႉၸၵ်းၼမ်သေပိူၼ်ႈၵႃႈၼႂ်းၽိုၼ်လိၵ်ႈၼႆႉၵွပ်ႈပိူဝ်ႈၸဝ်ႈယေႇသူႉႁွင်ႉဝႃႈ၊ၶေႃႈၵႂၢမ်းၼၼ်ႉပဵၼ်သိၼ်တီႈသွင်ၼၼ်ႉဢေႃႈ။
ႁူဝ်ၶေႃႈဢၼ်ၶဝ်ႈပႃးၸမ်ႉ
ထုင်းတြႃးလွင်ႈတၢင်းဢၼ်သၢၵ်ႈလူႇ 1:1-7:38
တၢင်းဢၼ်ပၼ်ၽိၵ်ႈသိၵ်ႈတီႈဢႃႇရုၼ်ႇတင်းလုၵ်ႈၸၢႆးမၼ်းတင်းလၢႆ 8:1-10:20
ထုင်းတြႃးလွင်ႈဢၼ်မူတ်းသႂ်ဢိၵ်ႇတင်းလွင်ႈဢၼ်ဢမ်ႇမူတ်းသႂ် 11:1-15:33
မိုဝ်ႉဝၼ်းဢၼ်ၽေႇဢပႅတ်ႈ 16:1-34
ထုင်းတြႃးလွင်ႈဢၼ်ႁႂ်ႈမူတ်းၸၢင်ႇၼႂ်းတၢင်းဢၼ်ၵမ်ၵျၢင်ႉဢိၵ်ႇတင်းတၢင်းဢၼ်ၵူဝ်းၵႂၢႆႇ 17:1-27:34
Currently Selected:
ႁဵတ်းဝၢတ်ႈ ၵႂၢမ်းၼမ်း: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship