ၼႂ်းထိူၼ်ႇ 2
2
လွင်ႈတၢင်းဢၼ်ၶပ်ႉၸႅၼ်ႇပၢင်တပ်ႉ
1ထႃႇဝရႃႉၽြႃးသမ်ႉမီးဢမိင်ႉတီႈမူဝ်းသေႇ တင်းဢႃႇရုၼ်ႇလႄႈဝႃႈၸမ်ႉ၊- 2ၵူၼ်းမဵဝ်းဢီႉသရေႇလႃႉႁင်းၽႂ်ႁင်းမၼ်းၸိူဝ်းၼၼ်ႉ တၵ်းလႆႈၶျႃးတီႈယူႇၵႃႈတီႈႁိမ်းလၢမ်ႇ ဢၼ်ၸၢပ်ႈသႅင်ႇၵၼ်တင်းၶဝ် ၵႃႈတီႈႁိမ်းလၢမ်ႇဢၼ်ၸၢပ်ႈသႅင်ႇၵၼ်တင်း မဵဝ်းပူႇမဵဝ်းပေႃႈၶဝ်ၼၼ်ႉဢေႃႈ။ တၵ်းလႆႈဝၢႆႇၼႃႈတေႃႇမူဝ်းၵႃႇၸဝ်ႈတီႈၸူႉတီႈတုမ်ပရဵၵ်ႈသၢတ်ႈသေလႄႈ ဢွၼ်ၵၼ်ၶျႃးတီႈယူႇၶဝ်လဵပ်ႈႁွပ်ႈယူႇဢေႃႈ။- 3ၶဝ်ၸိူဝ်းဢၼ်တၵ်းလႆႈၶျႃးတီႈယူႇၵႃႈတီႈၼႃႈဝၼ်းဢွၵ်ႇ ၽၢႆႇဢၼ်ၵၢင်ဝၼ်းဢွၵ်ႇၼၼ်ႉၸိူဝ်းၼၼ်ႉၸမ်ႉ၊ ၸွမ်းလူၺ်ႈမုၵ်ႉၶဝ်ၸိူဝ်းၶဝ်သေလႄႈ တၵ်းလႆႈၸၢပ်ႈသႅင်ႇၵၼ်တင်းလၢမ်ႇ တပ်ႉယူႉတႃႉၼၼ်ႉလႄႈ၊ ၼႃႇသုၼ်ႇ ဢၼ်ပဵၼ်လုၵ်ႈၸၢႆးဢမီႉၼတပ်ႉၼၼ်ႉ တၵ်းလႆႈႁဵတ်းပူဝ်ႇၵႃႈၼႂ်းၵူၼ်းမဵဝ်းယူႉတႃႉၸိူဝ်းၼၼ်ႉဢေႃႈ။- 4မုၵ်ႉမၼ်းၸိူဝ်းမၼ်းဢၼ်ဝႃႈ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၸိူဝ်းၼၼ်ႉၸမ်ႉ၊ မီးၸဵတ်းမိုၼ်ႇသီႇႁဵင်ပၢႆႁူၵ်းပၢၵ်ႇဢေႃႈ။- 5ၶဝ်ၸိူဝ်းဢၼ်ၶျႃးတီႈယူႇၵႃႈတီႈႁိမ်းမၼ်းၼၼ်ႉ တၵ်းလႆႈပဵၼ်မဵဝ်းဢီႉသၶႃႇလႄႈ၊ ၼႃႇသၼေႇလႃႉ ဢၼ်ပဵၼ်လုၵ်ႈၸၢႆးၸူႉဢႃႇၼၼ်ႉ တၵ်းလႆႈႁဵတ်းပူဝ်ႇၵႃႈၼႂ်းၵူၼ်းမဵဝ်းဢီႉသၶႃႇၸိူဝ်းၼၼ်ႉဢေႃႈ။- 6မုၵ်ႉမၼ်းၸိူဝ်းမၼ်းဢၼ်ဝႃႈ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၸိူဝ်းၼၼ်ႉၸမ်ႉ၊ မီးႁႃႈမိုၼ်ႇသီႇႁဵင်ပၢႆသီႇပၢၵ်ႇဢေႃႈ။- 7လိုၼ်းၼၼ်ႉ ၸေႇပူႉလုၼ်ႇ တၵ်းလႆႈၶျႃးတီႈယူႇလႄႈ၊ ဢေးလျႃႇၽႃႉလုၵ်ႈၸၢႆးႁေႇလုၼ်ႇ တၵ်းလႆႈႁဵတ်းပူဝ်ႇၵႃႈၼႂ်းၵူၼ်းမဵဝ်း ၸေႇပူႉလုၼ်ႇၸိူဝ်းၼၼ်ႉဢေႃႈ။- 8မုၵ်ႉမၼ်းၸိူဝ်းမၼ်း ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၸိူဝ်းၼၼ်ႉၸမ်ႉ၊ မီးႁႃႈမိုၼ်ႇၸဵတ်းႁဵင်ပၢႆသီႇပၢၵ်ႇဢေႃႈ။- 9ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၼ်ဢၢၼ်ႇၸၢပ်ႈသႅင်ႇၵၼ်တင်းတပ်ႉယူႉတႃႉတင်းသဵင်ႈတင်းလူင်ၼၼ်ႉၸမ်ႉ၊ ၸွမ်းလူၺ်ႈ မုၵ်ႉၶဝ်ၸိူဝ်းၶဝ်သေလႄႈ မီးသႅၼ်ၼိုင်ႈပႅတ်ႈမိုၼ်ႇႁူၵ်းႁဵင်ပၢႆသီႇပၢၵ်ႇဢေႃႈ။ ၶဝ်ၸိူဝ်းၼႆႉတၵ်းလႆႈၶီႇဢွၼ်တၢင်းသုတ်းပိူၼ်ႈဢေႃႈ။
10ၵႃႈတီႈၼႃႈတၢင်းၸၢၼ်းၼၼ်ႉ၊ ၸွမ်းလူၺ်ႈမုၵ်ႉၶဝ်ၸိူဝ်းၶဝ်သေလႄႈ တၵ်းလႆႈမီးလၢမ်ႇတပ်ႉရူႉပိၼ်ႇလႄႈ၊ ဢေးလီႉၸူႉရႃႉ ဢၼ်ပဵၼ်လုၵ်ႈၸၢႆးသေႇတူႉရႃႉၼၼ်ႉ တၵ်းလႆႈႁဵတ်းပူဝ်ႇၵႃႈၼႂ်းၵူၼ်းမဵဝ်းရူႉပိၼ်ႇၸိူဝ်းၼၼ်ႉဢေႃႈ။- 11မုၵ်ႉမၼ်းၸိူဝ်းမၼ်းဢၼ်ဝႃႈ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၼၼ်ႉၸမ်ႉ၊ မီးသီႇမိုၼ်ႇႁူၵ်းႁဵင်ပၢႆႁႃႈပၢၵ်ႇဢေႃႈ။- 12ၶဝ်ၸိူဝ်းဢၼ်ၶျႃးတီႈယူႇၵႃႈတီႈႁိမ်းမၼ်းၼၼ်ႉ တၵ်းလႆႈပဵၼ်မဵဝ်းသီႉမုၼ်ႇလႄႈ၊ သေႇလူႉမျေးလႃႉ ဢၼ်ပဵၼ်လုၵ်ႈၸၢႆး ၸူႉရီႉသတ်ႉတေႇၼၼ်ႉ တၵ်းလႆႈႁဵတ်းပူဝ်ႇၵႃႈၼႂ်းၵူၼ်းမဵဝ်းသီႉမုၼ်ႇၸိူဝ်းၼၼ်ႉဢေႃႈ။- 13မုၵ်ႉမၼ်းၸိူဝ်းမၼ်းဢၼ်ဝႃႈ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၼၼ်ႉၸမ်ႉ၊ မီးႁႃႈမိုၼ်ႇၵဝ်ႈႁဵင်ပၢႆသၢမ်ပၢၵ်ႇဢေႃႈ။- 14လိုၼ်းၼၼ်ႉ မဵဝ်းၵၢတ်ႉတၵ်းလႆႈၶျႃးတီႈယူႇလႄႈ၊ ဢေးလျႃႇသပ်ႉ ဢၼ်ပဵၼ်လုၵ်ႈၸၢႆး တုၺ်ႇလႃႉၼၼ်ႉ တၵ်းလႆႈႁဵတ်းပူဝ်ႇၵႃႈၼႂ်းၵူၼ်းမဵဝ်းၵၢတ်ႉၸိူဝ်းၼၼ်ႉဢေႃႈ။- 15မုၵ်ႉမၼ်းၸိူဝ်းမၼ်းဢၼ်ဝႃႈ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၼၼ်ႉၸမ်ႉ၊ မီးသီႇမိုၼ်ႇႁႃႈႁဵင်ႁူၵ်းပၢၵ်ႇပႆႇႁႃႈသိပ်းဢေႃႈ။- 16ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၼ်ဢၢၼ်ႇၸၢပ်ႈသႅင်ႇၵၼ်တင်းတပ်ႉရူႉပိၼ်ႇ တင်းသဵင်ႈတင်းလူင်ၼၼ်ႉၸမ်ႉ၊ မီးသႅၼ်ၼိုင်ႈႁႃႈမိုၼ်ႇႁဵင်ၼိုင်ႈသီႇပၢၵ်ႇပၢႆႁႃႈသိပ်းဢေႃႈ။ ၶဝ်ၸိူဝ်းၼႆႉတၵ်းလႆႈၶီႇတၢမ်းတပ်ႉတူႉတီႉယႃႉၼၼ်ႉဢေႃႈ။
17မိူဝ်ႈၼၼ်ႉ မူဝ်းၵႃႇၸဝ်ႈတီႈၸူႉတီႈတုမ်ပရဵၵ်ႈသၢတ်ႈ ဢိၵ်ႇလူၺ်ႈၵၼ်တင်းတပ်ႉလေႇဝီႉၼၼ်ႉ တၵ်းလႆႈၶီႇၸွမ်းၵႃႈၼႂ်းၵႄႈဝူင်ႈၵၢင်တပ်ႉတင်းလၢႆဢေႃႈ။ ၸွမ်းၵႃႈၼင်ႇဢၼ်ၶဝ်ၶျႃးတပ်ႉၼၼ်ႉလႄႈ ၵူၼ်းႁင်းၽႂ်ႁင်းမၼ်းတၵ်းလႆႈၶီႇၵႃႈၼႂ်းတီႈယူႇမၼ်း ၸွမ်းလူၺ်ႈၵၼ်တင်းလၢမ်ႇၶဝ်ၼၼ်ႉဢေႃႈ။
18ၵႃႈတီႈၼႃႈဝၼ်းတူၵ်းၼၼ်ႉ၊ ၸွမ်းလူၺ်ႈမုၵ်ႉၶဝ်ၸိူဝ်းၶဝ်သေလႄႈ တၵ်းလႆႈမီးလၢမ်ႇတပ်ႉ ဢေႇၽရိမ်ႇလႄႈ၊ ဢေးလီႉသမႃႇ ဢၼ်ပဵၼ်လုၵ်ႈၸၢႆးဢမီႉႁုတ်ႉၼၼ်ႉ တၵ်းလႆႈႁဵတ်းပူဝ်ႇၵႃႈၼႂ်းၵူၼ်းမဵဝ်းဢေႇၽရိမ်ႇၸိူဝ်းၼၼ်ႉဢေႃႈ။- 19မုၵ်ႉမၼ်းၸိူဝ်းမၼ်းဢၼ်ဝႃႈ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၼၼ်ႉၸမ်ႉ၊ မီးသီႇမိုၼ်ႇပၢႆႁႃႈပၢၵ်ႇဢေႃႈ။- 20မဵဝ်းမၼႃႇသေႇ တၵ်းလႆႈမီးၵႃႈတီႈႁိမ်းမၼ်းၼၼ်ႉလႄႈ၊ ၵႃႇမလျေးလႃႉဢၼ်ပဵၼ်လုၵ်ႈၸၢႆးပေႇတႃႉၸူႉရႃႉၼၼ်ႉ တၵ်းလႆႈႁဵတ်းပူဝ်ႇၵႃႈၼႂ်းၵူၼ်းမဵဝ်းမၼႃႇသေႇၸိူဝ်းၼၼ်ႉဢေႃႈ။- 21မုၵ်ႉမၼ်းၸိူဝ်းမၼ်း ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၼၼ်ႉၸမ်ႉ၊ မီးသၢမ်မိုၼ်ႇသွင်ႁဵင်ပၢႆသွင်ပၢၵ်ႇဢေႃႈ။- 22လိုၼ်းၼၼ်ႉ မဵဝ်းပိၼ်ႇယႃႇမိၼ်ႇတၵ်းလႆႈၶျႃးတီႈယူႇလႄႈ၊ ဢၽီႉတၼ်ႇဢၼ်ပဵၼ်လုၵ်ႈၸၢႆးၵီႉတေႃးၼီႉၼၼ်ႉ တၵ်းလႆႈႁဵတ်းပူဝ်ႇၵႃႈၼႂ်းၵူၼ်းမဵဝ်းပိၼ်ႇယႃႇမိၼ်ႇၸိူဝ်းၼၼ်ႉဢေႃႈ။- 23မုၵ်ႉမၼ်းၸိူဝ်းမၼ်းဢၼ်ဝႃႈ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၼၼ်ႉၸမ်ႉ၊ မီးသၢမ်မိုၼ်ႇႁႃႈႁဵင်ပၢႆသီႇပၢၵ်ႇဢေႃႈ။- 24ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၼ်ဢၢၼ်ႇၸၢပ်ႈသႅင်ႇၵၼ်တင်းတပ်ႉဢေႇၽရိမ်ႇ တင်းသဵင်ႈတင်းလူင်ၼၼ်ႉၸမ်ႉ၊ ၸွမ်းလူၺ်ႈမုၵ်ႉၶဝ်ၸိူဝ်းၶဝ်သေလႄႈ မီးသႅၼ်ၼိုင်ႈပႅတ်ႇႁဵင်ပၢႆပၢၵ်ႇၼိုင်ႈဢေႃႈ။ ၶဝ်ၸိူဝ်းၼႆႉတၵ်းလႆႈၶီႇတၢမ်းတပ်ႉတႃႉတီႉယႃႉၼၼ်ႉဢေႃႈ။
25ၵႃႈတီႈၼႃႈတၢင်းႁွင်ႇၼၼ်ႉ၊ ၸွမ်းလူၺ်ႈမုၵ်ႉၶဝ်ၸိူဝ်းၶဝ်သေလႄႈ တၵ်းလႆႈမီးလၢမ်ႇတပ်ႉတၢၼ်ႇလႄႈ၊ ဢႁေႇၸႃႇ ဢၼ်ပဵၼ်လုၵ်ႈၸၢႆးဢမီႉသတ်ႉတေႇၼၼ်ႉ တၵ်းလႆႈႁဵတ်းပူဝ်ႇၵႃႈၼႂ်းၵူၼ်းမဵဝ်းတၢၼ်ႇၸိူဝ်းၼၼ်ႉဢေႃႈ။- 26မုၵ်ႉမၼ်းၸိူဝ်းမၼ်းဢၼ်ဝႃႈ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၼၼ်ႉၸမ်ႉ၊ မီးႁူၵ်းမိုၼ်ႇသွင်ႁဵင်ပၢႆၸဵတ်းပၢၵ်ႇဢေႃႈ။- 27ၶဝ်ၸိူဝ်းဢၼ်ၶျႃးတီႈယူႇၵႃႈတီႈႁိမ်းမၼ်းၼၼ်ႉ တၵ်းလႆႈပဵၼ်မဵဝ်းဢႃႇသႃႇလႄႈ၊ ပႃႇၵျေႇလႃႉ ဢၼ်ပဵၼ်လုၵ်ႈၸၢႆး ဢွၵ်ႉရၼ်ႇၼၼ်ႉ တၵ်းလႆႈႁဵတ်းပူဝ်ႇၵႃႈၼႂ်းၵူၼ်းမဵဝ်းဢႃႇသႃႇၸိူဝ်းၼၼ်ႉဢေႃႈ။- 28မုၵ်ႉမၼ်းၸိူဝ်းမၼ်းဢၼ်ဝႃႈ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၼၼ်ႉၸမ်ႉ၊ မီးသီႇမိုၼ်ႇႁဵင်ၼိုင်ႈပၢႆႁႃႈပၢၵ်ႇဢေႃႈ။- 29လိုၼ်းၼၼ်ႉ မဵဝ်းၼပ်ႉထလီႉတၵ်းလႆႈၶျႃးတီႈယူႇလႄႈ၊ ဢႁီႉရႃႉဢၼ်ပဵၼ်လုၵ်ႈၸၢႆးဢေႇၼၼ်ႇၼၼ်ႉ တၵ်းလႆႈႁဵတ်းပူဝ်ႇၵႃႈၼႂ်းၵူၼ်းမဵဝ်းၼပ်ႉထလီႉၸိူဝ်းၼၼ်ႉဢေႃႈ။- 30မုၵ်ႉမၼ်းၸိူဝ်းမၼ်းဢၼ်ဝႃႈ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၼၼ်ႉၸမ်ႉ၊ မီးႁႃႈမိုၼ်ႇသၢမ်ႁဵင်ပၢႆသီႇပၢၵ်ႇဢေႃႈ။- 31ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၼ်ဢၢၼ်ႇၸၢပ်ႈသႅင်ႇၵၼ်တင်းတပ်ႉတၢၼ်ႇတင်းသဵင်ႈတင်းလူင်ၼၼ်ႉၸမ်ႉ၊ မီးသႅၼ်ၼိုင်ႈႁႃႈမိုၼ်ႇၸဵတ်းႁဵင်ပၢႆႁူၵ်းပၢၵ်ႇဢေႃႈ။ ၶဝ်ၸိူဝ်းၼႆႉ ၸွမ်းလူၺ်ႈၵၼ်တင်းလၢမ်ႇၶဝ်သေလႄႈ တၵ်းလႆႈၶီႇလိုၼ်းလင်သုတ်းပိူၼ်ႈဢေႃႈ။- 32ၶဝ်ၸိူဝ်းၼႆႉၸမ်ႉ၊ ပဵၼ်ၶဝ်ၸိူဝ်းဢၼ်ၸွမ်းလူၺ်ႈ မဵဝ်းပူႇမဵဝ်းပေႃႈၶဝ်သေလႄႈ လႆႈၶၢမ်ႇတၢင်းဢၼ် ၼပ်ႉဢၢၼ်ႇၵႃႈၼႂ်း ၵူၼ်းမဵဝ်းဢီႉသရေႇလႃႉတင်းလၢႆဢေႃႈ။ ၶဝ်ၸိူဝ်းဢၼ်ၸွမ်းလူၺ်ႈမုၵ်ႉၶဝ်ၸိူဝ်းၶဝ်သေလႄႈ လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈပႃး ၵႃႈၼႂ်းတပ်ႉၸိူဝ်းၼၼ်ႉတင်းသဵင်ႈတင်းလူင်ၼၼ်ႉၸမ်ႉ၊ မီးႁူၵ်းသႅၼ်သၢမ်ႁဵင်ႁႃႈပၢၵ်ႇပၢႆႁႃႈသိပ်းဢေႃႈ။- 33ၵူၺ်းၵႃႈ ၸွမ်းၵႃႈၼင်ႇဢၼ် ထႃႇဝရႃႉၽြႃးသင်ႇလၢတ်ႈဝႆႉတီႈမူဝ်းသေႇၼၼ်ႉလႄႈ ၵူၼ်းမဵဝ်းလေႇဝီႉတင်းလၢႆဢမ်ႇၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈပႃးလူၺ်ႈၵၼ်တင်း ၵူၼ်းမဵဝ်းဢီႉသရေႇလႃႉၸိူဝ်းၼၼ်ႉ။- 34ၼင်ႇၼၼ်လႄႈ ၵူၼ်းမဵဝ်းဢီႉသရေႇလႃႉတင်းလၢႆဢွၼ်ၵၼ်ႁဵတ်းဢေႃႈ။ ၶဝ်ဢွၼ်ၵၼ်ႁဵတ်းၸွမ်းၵႃႈၼင်ႇဢၼ် ထႃႇဝရႃႉၽြႃးသင်ႇလၢတ်ႈဝႆႉတီႈမူဝ်းသေႇၼၼ်ႉလႄႈ ၶျႃးတီႈယူႇၶဝ်ၵႃႈတီႈႁိမ်းလၢမ်ႇၶဝ်ယူႇ၊ ၶီႇၵႂႃႇယူႇၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ် ဢိၵ်ႇတင်းမဵဝ်းပူႇမဵဝ်းပေႃႈၶဝ်ႁင်းၽႂ်ႁင်းမၼ်းၼၼ်ႉဢေႃႈ။
Currently Selected:
ၼႂ်းထိူၼ်ႇ 2: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship
