ၼႂ်းထိူၼ်ႇ 1
1
ၸရၢင်းၵူၼ်းမဵဝ်းဢီႉသရေႇလႃႉဢွၼ်တၢင်းသုတ်း
1ထႃႇဝရႃႉၽြႃးမီးဢမိင်ႉတီႈမူဝ်းသေႇ ၵႃႈၼႂ်းမူဝ်းၵႃႇၸဝ်ႈတီႈၸူႉတီႈတုမ်ပရဵၵ်ႈသၢတ်ႈ ၵႃႈတီႈထိူၼ်ႇသီႉၼႃႉ ဝၼ်းပထမႃႉ၊ လိူၼ်တူႉတီႉယႃႉ၊ ပီႊတူႉတီႉယႃႉ၊ လိုၼ်းသေၵူၼ်းမဵဝ်းဢီႉသရေႇလႃႉတင်းလၢႆ ဢွၵ်ႇသေၵႃႈၼႂ်းမိူင်းဢေႇၵိပ်ႉတူႉယဝ်ႉၼၼ်ႉလႄႈဝႃႈ၊- 2သူၸွမ်းလူၺ်ႈမဵဝ်းပီႈမဵဝ်းၼွင်ႉ ၸိူဝ်ႉၶိူဝ်းၶဝ် မဵဝ်းပူႇမဵဝ်းပေႃႈၶဝ် ပႃးၸိုဝ်ႈပႃးသဵင်ၶဝ်ၵူႈၵေႃႉၵူႈၵူၼ်း ႁင်းၽႂ်ႁင်းမၼ်းလႄႈ ဢဝ်ၸရၢင်းၵူၼ်းၵႃႈၼႂ်းပရဵၵ်ႈသၢတ်ႈ ၵူၼ်းမဵဝ်းဢီႉသရေႇလႃႉၸိူဝ်းၼၼ်ႉလႄႈ ၼပ်ႉဢၢၼ်ႇၵူၼ်းၸၢႆးၶဝ်၊- 3ဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ ဢသၢၵ်ႈလိူဝ်သၢဝ်းၵႂႃႇလႄႈ တိုၵ်းသိုၵ်းလႆႈတင်းသဵင်ႈတင်းလူင်ၼၼ်ႉတႃႉ။ မႂ်းတင်းဢႃႇရုၼ်ႇတၵ်းလႆႈၸွမ်းလူၺ်ႈတပ်ႉၶဝ်ၼၼ်ႉသေလႄႈ ၼပ်ႉဢၢၼ်ႇဢေႃႈ။- 4မဵဝ်းၸိူဝ်ႉၶိူဝ်းႁင်းၽႂ်ႁင်းမၼ်းယေႈမဵဝ်းယေႈၵေႃႉ၊ ၶဝ်ၸိူဝ်းဢၼ်ပဵၼ်ၵူၼ်းယႂ်ႇၵူၼ်းလူင်ၵႃႈၼႂ်းမဵဝ်းၸိူဝ်ႉၶိူဝ်းတူဝ်ၸဝ်ႈၵဝ်ႇႁင်းၽႂ်ႁင်းမၼ်းၼၼ်ႉ တၵ်းလႆႈပႃးလူၺ်ႈၵၼ်တင်းသူဢေႃႈ။
5ၸိုဝ်ႈသဵင်ၶဝ်ၸိူဝ်းဢၼ် တၵ်းလႆႈၸွႆႈထႅမ်လူၺ်ႈၵၼ်တင်းမႂ်းၸိူဝ်းၼၼ်ႉၸမ်ႉ၊ တီႈမဵဝ်းရူႉပိၼ်ႇ၊ ဢေးလီႉၸူႉရႃႉ လုၵ်ႈၸၢႆးသေႇတူႉရႃႉ၊- 6တီႈမဵဝ်းသီႉမုၼ်ႇ၊ သေႇလူႉမျေးလႃႉ လုၵ်ႈၸၢႆးၸူႉရီႉသတ်ႉတေႇ၊- 7တီႈမဵဝ်းယူႉတႃႉ၊ ၼႃႇသုၼ်ႇ လုၵ်ႈၸၢႆးဢမီႉၼတပ်ႉ၊- 8တီႈမဵဝ်းဢီႉသၶႃႇ၊ ၼႃႇသၼေႇလႃႉ လုၵ်ႈၸၢႆးၸူႉဢႃႇ၊- 9တီႈမဵဝ်းၸေႇပူႉလုၼ်ႇ၊ ဢေးလျႃႇၽႃႉ လုၵ်ႈၸၢႆးႁေႇလုၼ်ႇ၊- 10တီႈမဵဝ်းလုၵ်ႈၸၢႆးယူဝ်းသႅပ်ႈ ဢၼ်ဝႃႈ တီႈမဵဝ်းဢေႇၽရိမ်ႇ၊ ဢေးလီႉသမႃႇ လုၵ်ႈၸၢႆးဢမီႉႁုတ်ႉ ဢိၵ်ႇတင်း တီႈမဵဝ်း မၼႃႇသေႇ၊ ၵႃႇမလျေးလႃႉ လုၵ်ႈၸၢႆးပေႇတႃႉၸူႉရႃႉၼၼ်ႉ၊- 11တီႈမဵဝ်းပိၼ်ႇယႃႇမိၼ်ႇ၊ ဢၽီႉတၼ်ႇ လုၵ်ႈၸၢႆးၵီႉတေႃးၼီႉ၊- 12တီႈမဵဝ်းတၢၼ်ႇ၊ ဢႁေႇၸႃႇ လုၵ်ႈၸၢႆးဢမီႉသတ်ႉတေႇ၊- 13တီႈမဵဝ်းဢႃႇသႃႇ၊ ပႃႇၵျေႇလႃႉ လုၵ်ႈၸၢႆးဢွၵ်ႉရၼ်ႇ၊- 14တီႈမဵဝ်းၵၢတ်ႉ၊ ဢေးလျႃႇသပ်ႉ လုၵ်ႈၸၢႆးတုၺ်းလႃႉ၊- 15တီႈမဵဝ်းၼပ်ႉထလီႉ၊ ဢႁီႉရႃႉ လုၵ်ႈၸၢႆးဢေႇၼၼ်ႇဢေႃႈ၊ ဝႃႈၼင်ႇၼႆဢေႃႈ။- 16ၶဝ်ၸိူဝ်းၼႆႉ ပဵၼ်ၵေႃႉဢၼ်ပရဵၵ်ႈသၢတ်ႈတင်းလၢႆ ၽွမ်ႉၵၼ်လိူၵ်ႈၵဵပ်းဢဝ်၊ ႁွင်ႉဢဝ်၊ ၶုၼ်ၼႂ်းၸိူဝ်ႉၶိူဝ်း ပူႇၶဝ်ပေႃႈၶဝ်ဢေႃႈ။ ပဵၼ်ၵေႃႉဢၼ်ပဵၼ်ႁူဝ် ပဵၼ်ႁဵင်ပဵၼ်ႁဵင်ၼင်ႇၵၼ် ၵႃႈၼႂ်းၵူၼ်းမဵဝ်းဢီႉသရေႇလႃႉတင်းလၢႆဢေႃႈ။- 17မူဝ်းသေႇ တင်းဢႃႇရုၼ်ႇ ႁွင်ႉဢဝ်ၶဝ်ၸိူဝ်းဢၼ်မၼ်းၸဝ်ႈ ဢဝ်ၸိုဝ်ႈဢဝ်သဵင်လိူၵ်ႈၵဵပ်းဢဝ် ၸိူဝ်ႉၼင်ႇၼၼ်ၼၼ်ႉသေလႄႈ၊- 18ႁႂ်ႈပရဵၵ်ႈသၢတ်ႈၸူႉၵၼ်တုမ်ၵၼ် ၼႂ်းဝၼ်းဢၼ်ပဵၼ်ဝၼ်းပထမႃႉ၊ လိူၼ်တူႉတီႉယႃႉ ၼၼ်ႉသေယဝ်ႉ၊ ၶဝ်ၼၼ်ႉ ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်၊ မဵဝ်းပူႇမဵဝ်းပေႃႈၶဝ်၊ ပႃးၸိုဝ်ႈပႃးသဵင်ၵူႈၵေႃႉၵူႈၵူၼ်း ဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ ဢသၢၵ်ႈလိူဝ်သၢဝ်းၵႂႃႇ တင်းသဵင်ႈတင်းလူင်ၼၼ်ႉႁင်းၽႂ်ႁင်းမၼ်းလႄႈ ဢွၼ်ၵၼ်ၽုၺ်ႇဢွၵ်ႇၼႄပျႃးၸရၢင်းပီႈၼွင်ႉၸိူဝ်ႉၶိူဝ်းၶဝ်ဢေႃႈ။- 19ၸွမ်းၵႃႈၼင်ႇဢၼ်ထႃႇဝရႃႉၽြႃးသင်ႇလၢတ်ႈဝႆႉတီႈမူဝ်းသေႇၼၼ်ႉ၊ မၼ်းၼပ်ႉဢၢၼ်ႇၶဝ်ၼၼ်ႉ ၵႃႈၼႂ်းထိူၼ်ႇသီႉၼႃႉၼၼ်ႉဢေႃႈ။
20ၵႃႈၼႂ်းၵူၼ်းမဵဝ်းရူႉပိၼ်ႇ ဢၼ်ပဵၼ်လုၵ်ႈၸၢႆးတူၼ်ႈဢီႉသရေႇလႃႉၼၼ်ႉၸိူဝ်းၼၼ်ႉ၊ ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်၊ မဵဝ်းပူႇမဵဝ်းပေႃႈၶဝ်၊ ပႃးၸိုဝ်ႈပႃးသဵင်ၶဝ်ၵူႈၵေႃႉၵူႈၵူၼ်း၊ ၵူၼ်းၸၢႆးဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈဢသၢၵ်ႈလိူဝ်သၢဝ်းၵႂႃႇသေလႄႈ တိုၵ်းသိုၵ်းလႆႈတင်းသဵင်ႈတင်းလူင်၊- 21ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇ ၵႃႈၼႂ်းမဵဝ်းရူႉပိၼ်ႇၼၼ်ႉၸိုင် မီးသီႇမိုၼ်ႇႁူၵ်းႁဵင်ပၢႆႁႃႈပၢၵ်ႇဢေႃႈ။
22ၵႃႈၼႂ်းၵူၼ်းမဵဝ်းသီႉမုၼ်ႇၸိူဝ်းၼၼ်ႉ၊ ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်၊ မဵဝ်းပူႇမဵဝ်းပေႃႈၶဝ်၊ ပႃးၸိုဝ်ႈပႃးသဵင်ၶဝ်ၵူႈၵေႃႉၵူႈၵူၼ်း၊ ၵူၼ်းၸၢႆးၵႃႈဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ ဢသၢၵ်ႈလိူဝ်သၢဝ်းၵႂႃႇသေလႄႈ တိုၵ်းသိုၵ်းလႆႈတင်းသဵင်ႈတင်းလူင်၊- 23ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇ ၵႃႈၼႂ်းမဵဝ်းသီႉမုၼ်ႇၼၼ်ႉၸိုင်၊ မီးႁႃႈမိုၼ်ႇၵဝ်ႈႁဵင်ပၢႆသၢမ်ပၢၵ်ႇဢေႃႈ။
24ၵႃႈၼႂ်းၵူၼ်းမဵဝ်းၵၢတ်ႉၸိူဝ်းၼၼ်ႉ၊ ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်၊ မဵဝ်းပူႇမဵဝ်းပေႃႈၶဝ်၊ ပႃးၸိုဝ်ႈပႃးသဵင်ၶဝ်ၵူႈၵေႃႉၵူႈၵူၼ်း၊ ၵူၼ်းၸၢႆးၵႃႈဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ ဢသၢၵ်ႈလိူဝ်သၢဝ်းၵႂႃႇသေလႄႈ တိုၵ်းသိုၵ်းလႆႈတင်းသဵင်ႈတင်းလူင်၊- 25ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇ ၵႃႈၼႂ်းမဵဝ်းၵၢတ်ႉၼၼ်ႉၸိုင်၊ မီးသီႇမိုၼ်ႇႁႃႈႁဵင်ႁူၵ်းပၢၵ်ႇပၢႆႁႃႈသိပ်းဢေႃႈ။
26ၵႃႈၼႂ်းၵူၼ်းမဵဝ်းယူႉတႃႉၸိူဝ်းၼၼ်ႉ၊ ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်၊ မဵဝ်းပူႇမဵဝ်းပေႃႈၶဝ်၊ ပႃးၸိုဝ်ႈပႃးသဵင်ၶဝ်ၵူႈၵေႃႉၵူႈၵူၼ်း၊ ၵူၼ်းၸၢႆးၵႃႈဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ လိူဝ်သၢဝ်းၵႂႃႇသေလႄႈ တိုၵ်းသိုၵ်းလႆႈတင်းသဵင်ႈတင်းလူင်၊- 27ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇ ၵႃႈၼႂ်းမဵဝ်းယူႉတႃႉၼၼ်ႉၸိုင်၊ မီးၸဵတ်းမိုၼ်ႇသီႇႁဵင်ပၢႆႁူၵ်းပၢၵ်ႇဢေႃႈ။
28ၵႃႈၼႂ်းၵူၼ်းမဵဝ်းဢီႉသၶႃႇၸိူဝ်းၼၼ်ႉ၊ ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်၊ မဵဝ်းပူႇမဵဝ်းပေႃႈၶဝ်၊ ပႃးၸိုဝ်ႈပႃးသဵင်ၶဝ်ၵူႈၵေႃႉၵူႈၵူၼ်း၊ ၵူၼ်းၸၢႆးၵႃႈဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ ဢသၢၵ်ႈလိူဝ်သၢဝ်းၵႂႃႇသေလႄႈ တိုၵ်းသိုၵ်းလႆႈတင်းသဵင်ႈတင်းလူင်၊- 29ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇ ၵႃႈၼႂ်းမဵဝ်းဢီႉသၶႃႇၼၼ်ႉၸိုင်၊ မီးႁႃႈမိုၼ်ႇသီႇႁဵင်ပၢႆသီႇပၢၵ်ႇဢေႃႈ။
30ၵႃႈၼႂ်းၵူၼ်းမဵဝ်းၸေႇပူႉလုၼ်ႇၸိူဝ်းၼၼ်ႉ၊ ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်၊ မဵဝ်းပူႇမဵဝ်းပေႃႈၶဝ်၊ ပႃးၸိုဝ်ႈပႃးသဵင်ၶဝ်ၵူႈၵေႃႉၵူႈၵူၼ်း၊ ၵူၼ်းၸၢႆးၵႃႈဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ ဢသၢၵ်ႈလိူဝ်သၢဝ်းၵႂႃႇသေလႄႈ တိုၵ်းသိုၵ်းလႆႈတင်းသဵင်ႈတင်းလူင်၊- 31ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇ ၵႃႈၼႂ်းမဵဝ်းၸေႇပူႉလုၼ်ႇၼၼ်ႉၸိုင်၊ မီးႁႃႈမိုၼ်ႇၸဵတ်းႁဵင်ပၢႆသီႇပၢၵ်ႇဢေႃႈ။
32ၵႃႈၼႂ်းၵူၼ်းမဵဝ်းဢေႇၽရိမ်ႇဢၼ်သိုပ်ႇလူင်းမႃးၵႃႈတီႈယူဝ်းသႅပ်ႈၸိူဝ်းၼၼ်ႉ၊ ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်၊ မဵဝ်းပူႇမဵဝ်းပေႃႈၶဝ်၊ ပႃးၸိုဝ်ႈပႃးသဵင်ၶဝ်ၵူႈၵေႃႉၵူႈၵူၼ်း၊ ၵူၼ်းၸၢႆးၵႃႈဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ ဢသၢၵ်ႈလိူဝ်သၢဝ်းၵႂႃႇသေလႄႈ တိုၵ်းသိုၵ်းလႆႈတင်းသဵင်ႈတင်းလူင်၊- 33ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇ ၵႃႈၼႂ်းမဵဝ်းဢေႇၽရိမ်ႇၼၼ်ႉၸိုင်၊ မီးသီႇမိုၼ်ႇပၢႆႁႃႈပၢၵ်ႇဢေႃႈ။
34ၵႃႈၼႂ်းၵူၼ်းမဵဝ်းမၼႃႇသေႇၸိူဝ်းၼၼ်ႉ၊ ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်၊ မဵဝ်းပူႇမဵဝ်းပေႃႈၶဝ်၊ ပႃးၸိုဝ်ႈပႃးသဵင်ၶဝ်ၵူႈၵေႃႉၵူႈၵူၼ်း၊ ၵူၼ်းၸၢႆးၵႃႈဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ ဢသၢၵ်ႈလိူဝ်သၢဝ်းၵႂႃႇသေလႄႈ တိုၵ်းသိုၵ်းလႆႈတင်းသဵင်ႈတင်းလူင်၊- 35ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇ ၵႃႈၼႂ်းမဵဝ်းမၼႃႇသေႇၼၼ်ႉၸိုင်၊ မီးသၢမ်မိုၼ်ႇသွင်ႁဵင်ပၢႆသွင်ပၢၵ်ႇဢေႃႈ။
36ၵႃႈၼႂ်းၵူၼ်းမဵဝ်းပိၼ်ႇယႃႇမိၼ်ႇၸိူဝ်းၼၼ်ႉ၊ ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်၊ မဵဝ်းပူႇမဵဝ်းပေႃႈၶဝ်၊ ပႃးၸိုဝ်ႈပႃးသဵင်ၶဝ်ၵူႈၵေႃႉၵူႈၵူၼ်း၊ ၵူၼ်းၸၢႆးၵႃႈဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ ဢသၢၵ်ႈလိူဝ်သၢဝ်းၵႂႃႇသေလႄႈ တိုၵ်းသိုၵ်းလႆႈတင်းသဵင်ႈတင်းလူင်၊- 37ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇ ၵႃႈၼႂ်းမဵဝ်းပိၼ်ႇယႃႇမိၼ်ႇၼၼ်ႉၸိုင်၊ မီးသၢမ်မိုၼ်ႇႁႃႈႁဵင်ပၢႆသီႇပၢၵ်ႇဢေႃႈ။
38ၵႃႈၼႂ်းၵူၼ်းမဵဝ်းတၢၼ်ႇၸိူဝ်းၼၼ်ႉ၊ ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်၊ မဵဝ်းပူႇမဵဝ်းပေႃႈၶဝ်၊ ပႃးၸိုဝ်ႈပႃးသဵင်ၶဝ်ၵူႈၵေႃႉၵူႈၵူၼ်း၊ ၵူၼ်းၸၢႆးၵႃႈဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈဢသၢၵ်ႈလိူဝ်သၢဝ်းၵႂႃႇသေလႄႈ တိုၵ်းသိုၵ်းလႆႈတင်းသဵင်ႈတင်းလူင်၊- 39ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇ ၵႃႈၼႂ်းမဵဝ်းတၢၼ်ႇၼၼ်ႉၸိုင်၊ မီးႁူၵ်းမိုၼ်ႇသွင်ႁဵင်ပၢႆၸဵတ်းပၢၵ်ႇဢေႃႈ။
40ၵႃႈၼႂ်းၵူၼ်းမဵဝ်းဢႃႇသႃႇၸိူဝ်းၼၼ်ႉ၊ ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်၊ မဵဝ်းပူႇမဵဝ်းပေႃႈၶဝ်၊ ပႃးၸိုဝ်ႈပႃးသဵင်ၶဝ်ၵူႈၵေႃႉၵူႈၵူၼ်း၊ ၵူၼ်းၸၢႆးၵႃႈဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ ဢသၢၵ်ႈလိူဝ်သၢဝ်းၵႂႃႇသေလႄႈ တိုၵ်းသိုၵ်းလႆႈတင်းသဵင်ႈတင်းလူင်၊- 41ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇ ၵႃႈၼႂ်းမဵဝ်းဢႃႇသႃႇၼၼ်ႉၸိုင်၊ မီးသီႇမိုၼ်ႇႁဵင်ၼိုင်ႈပၢႆႁႃႈပၢၵ်ႇဢေႃႈ။
42ၵႃႈၼႂ်းမဵဝ်းၼပ်ႉထလီႉၸိူဝ်းၼၼ်ႉ၊ ၸွမ်းလူၺ်ႈမဵဝ်းပီႈမဵဝ်းၼွင်ႉၸိူဝ်ႉၶိူဝ်းၶဝ်၊ မဵဝ်းပူႇမဵဝ်းပေႃႈၶဝ်၊ ပႃးၸိုဝ်ႈပႃးသဵင်ၶဝ်ၵူႈၵေႃႉၵူႈၵူၼ်း၊ ၵူၼ်းၸၢႆးၵႃႈဢၼ်ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ ဢသၢၵ်ႈလိူဝ်သၢဝ်းၵႂႃႇသေလႄႈ တိုၵ်းသိုၵ်းလႆႈတင်းသဵင်ႈတင်းလူင်၊- 43ဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇ ၵႃႈၼႂ်းမဵဝ်းၼပ်ႉထလီႉၼၼ်ႉၸိုင်၊ မီးႁႃႈမိုၼ်ႇသၢမ်ႁဵင်ပၢႆသီႇပၢၵ်ႇဢေႃႈ။
44ၵူၼ်းၸိူဝ်းၼႆႉၸမ်ႉ၊ ပဵၼ်ၶဝ်ၸိူဝ်းဢၼ်မူဝ်းသေႇတင်းဢႃႇရုၼ်ႇ ဢိၵ်ႇတင်းၶုၼ်ၵႃႈၼႂ်းၵူၼ်းမဵဝ်းဢီႉသရေႇလႃႉတင်းလၢႆ သိပ်းသွင်ပႃးၸိူဝ်းၼၼ်ႉ ဢွၼ်ၵၼ်ၼပ်ႉဢၢၼ်ႇလႄႈ ဢဝ်ၸရၢင်းဢေႃႈ။ ၶုၼ်ၸိူဝ်းၼၼ်ႉပဵၼ်ပုၼ်ႈ မဵဝ်းပူႇမဵဝ်းပေႃႈၶဝ် ယေႈၵေႃႉယေႈမဵဝ်းဢေႃႈ။- 45ၼင်ႇၼၼ်လႄႈ ၵႃႈၼႂ်းၵူၼ်းမဵဝ်းဢီႉသရေႇလႃႉတင်းလၢႆၼၼ်ႉ၊ ၸွမ်းလူၺ်ႈမဵဝ်းပူႇမဵဝ်းပေႃႈၶဝ်သေလႄႈ၊ ၶဝ်ၸိူဝ်းဢၼ် ၸႃႉၸဵမ်ဢသၢၵ်ႈလႆႈသၢဝ်းၼိုင်ႈလႄႈ ဢသၢၵ်ႈလိူဝ်သၢဝ်းၵႂႃႇသေလႄႈ တိုၵ်းသိုၵ်းလႆႈၵႃႈၼႂ်းၵူၼ်းမဵဝ်းဢီႉသရေႇလႃႉတင်းလၢႆၼၼ်ႉ တင်းသဵင်ႈတင်းလူင် လႆႈၶၢမ်ႇတၢင်းဢၼ်ၼပ်ႉဢၢၼ်ႇဢဝ်ၸရၢင်း၊- 46ဢၼ်ဝႃႈ ၵႃႈဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၸိူဝ်းၼၼ်ႉၸမ်ႉ၊ မီးႁူၵ်းသႅၼ်သၢမ်ႁဵင်ႁႃႈပၢၵ်ႇပၢႆႁႃႈသိပ်းဢေႃႈ။- 47ၵူၼ်းမဵဝ်းလေႇဝီႉတင်းလၢႆ ၸွမ်းလူၺ်ႈမဵဝ်းပူႇမဵဝ်းပေႃႈၶဝ်သေလႄႈ ဢမ်ႇလႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈပႃးၼႂ်းၸရၢင်းၼၼ်ႉ။- 48လွင်ႈမၼ်းၸမ်ႉ ထႃႇဝရႃႉၽြႃးမီးဢမိင်ႉတီႈမူဝ်းသေႇလႄႈဝႃႈ၊- 49ၵူၼ်းမဵဝ်းလေႇဝီႉၸိူဝ်းၼၼ်ႉၸိုင်၊ မႂ်းဢမ်ႇလႆႈၼပ်ႉဢၢၼ်ႇလေႃးလႄးလူၺ်ႈၵၼ်တင်း ၵူၼ်းမဵဝ်းဢီႉသရေႇလႃႉတင်းလၢႆ၊ ဢမ်ႇလႆႈဢဝ်သႂၢင်းၶဝ်ႈၵႃႈၼႂ်းၸရၢင်း။- 50မႂ်းတၵ်းလႆႈၶၢၼ်းၵူၼ်းမဵဝ်းလေႇဝီႉၸိူဝ်းၼၼ်ႉဝႆႉ ပုၼ်ႈသုမ်ႉထဵင်ၶိူင်ႈၶၢမ်ႇသၢၵ်ႈသေႇၸဝ်ႈ ဢိၵ်ႇတင်းၶိူင်ႈပိူင်သုမ်ႉထဵင်ၸဝ်ႈ ၵႃႈမီးတင်းသဵင်ႈတင်းလူင် ၵႃႈဢၼ်ၸၢပ်ႈသႅင်ႇၵၼ်တင်းသုမ်ႉထဵင်ၸဝ်ႈၸိူဝ်းၼၼ်ႉလႄႈ ၶဝ်ၼၼ်ႉတၵ်းလႆႈႁၢပ်ႇဢဝ် သုမ်ႉထဵင်ၸဝ်ႈ ဢိၵ်ႇတင်းၶိူင်ႈပိူင်မၼ်းၵႃႈမီးၵႂႃႇဢေႃႈ။ ဢမူႉသုမ်ႉထဵင်ၸဝ်ႈၵေႃႈ ၶဝ်တၵ်းလႆႈပွင်လႆႈႁဵတ်းလႄႈ ၶျႃးတပ်ႉၶဝ်ယူႇၵႃႈတီႈလဵပ်ႈႁွပ်ႈသုမ်ႉထဵင်ၸဝ်ႈဢေႃႈ။- 51မိူဝ်ႈဢၼ်ထိုင်ၶိင်ႇဢၼ်ဢဝ်သုမ်ႉထဵင်ၸဝ်ႈၵႂႃႇၼၼ်ႉၸိုင်၊ ၵူၼ်းမဵဝ်းလေႇဝီႉၸိူဝ်းၼၼ်ႉ တၵ်းလႆႈၵူႈလႆႈသိမ်းဢေႃႈ။ မိူဝ်ႈဢၼ်ထိုင်ၶိင်ႇဢၼ်ၶျႃးတီႈယူႇသုမ်ႉထဵင်ၸဝ်ႈၼၼ်ႉၸိုင်၊ ၵူၼ်းမဵဝ်းလေႇဝီႉၸိူဝ်းၼၼ်ႉသမ်ႉ တၵ်းလႆႈၶိုၼ်းတင်ႈၶိုၼ်းပူၵ်းဢေႃႈ။ ၵေႃႉဢၼ်ပဵၼ်ၵူၼ်းတၢင်ႇၸိူဝ်ႉတၢင်ႇၶိူဝ်းလႄႈ သုတ်ႉၸပ်းသုတ်ႉၸူးၼၼ်ႉ တၵ်းလႆႈၶၢမ်ႇတၢင်းဢၼ်ဢဝ်တၢႆဢေႃႈ။- 52ၵူၼ်းမဵဝ်းဢီႉသရေႇလႃႉတင်းသဵင်ႈတင်းလူင်ၼၼ်ႉ တၵ်းလႆႈပူၵ်းမူဝ်းၵႃႇမုင်း ၵႃႈၼႂ်းတပ်ႉဢၼ်ၸၢပ်ႈသႅင်ႇၵၼ်တင်းတူဝ်ၸဝ်ႈၵဝ်ႇ ၵႃႈႁိမ်းလၢမ်ႇဢၼ်ၸၢပ်ႈသႅင်ႇၵၼ်တင်းတူဝ်ၸဝ်ႈၵဝ်ႇၼၼ်ႉ မုၵ်ႉၶဝ်ၸိူဝ်းၶဝ်ႁင်းၽႂ်ႁင်းမၼ်းဢေႃႈ။- 53ၵူၺ်းၵႃႈ လွင်ႈၼင်ႇႁိုဝ်တၢင်းၸႂ်မႆႈၶႆႈၸႃႉၸဝ်ႈ တၵ်းဢမ်ႇတူၵ်းႁွတ်ႈၵႃႈၼိူဝ်ပရဵၵ်ႈသၢတ်ႈ ၵူၼ်းမဵဝ်းဢီႉသရေႇလႃႉတင်းလၢႆၸိုင်၊ ၵူၼ်းမဵဝ်းလေႇဝီႉၸိူဝ်းၼၼ်ႉ တၵ်းလႆႈၶျႃးတီႈယူႇၵႃႈတီႈလဵပ်ႈႁွပ်ႈသုမ်ႉထႅင်ႈ ၶိူင်ႈၶၢမ်ႇသၢၵ်ႈသေႇၸဝ်ႈၼၼ်ႉဢေႃႈ။ ၵူၼ်းမဵဝ်းလေႇဝီႉၸိူဝ်းၼၼ်ႉ တၵ်းလႆႈပႂ်ႉလူပႂ်ႉတူၺ်းသုမ်ႉထဵင် ၶိူင်ႈၶၢမ်ႇသၢၵ်ႈသေႇၸဝ်ႈၼၼ်ႉယူႇဢေႃႈ။- 54ၼင်ႇၼၼ်လႄႈ ၵူၼ်းမဵဝ်းဢီႉသရေႇလႃႉတင်းလၢႆ ၸွမ်းၵႃႈၼင်ႇဢၼ်ထႃႇဝရႃႉၽြႃးသင်ႇလၢတ်ႈဝႆႉတီႈမူဝ်းသေႇၼၼ်ႉသေလႄႈ ဢွၼ်ၵၼ်ႁဵတ်းၸိူဝ်ႉၼင်ႇၼၼ်ဢေႃႈ။
Currently Selected:
ၼႂ်းထိူၼ်ႇ 1: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship