ၼႂ်းထိူၼ်ႇ ၵႂၢမ်းၼမ်း
ၵႂၢမ်းၼမ်း
ၵျၢမ်းဢၼ်ယူႇၼႂ်းထိူၼ်ႇၼႆႉ မွၵ်ႇလၢတ်ႈၶႆႈၼႄလွင်ႈၵူၼ်းမဵဝ်းဢီႉသရေႇလႃႉတင်းလၢႆ ၼႂ်းၸူဝ်ႈၶၢဝ်းဢၼ်ၶဝ်တႄႇၸႃႉဢွၵ်ႇသေၵႃႈတီႈလွႆသီႉၼႃႉၵႂႃႇတေႃႇထိုင်ႁွတ်ႈၶိင်ႇၵႃႇလႃႉဢၼ်ၶဝ်ႁွတ်ႈထိုင်ၵႂႃႇၵႃႈတီႈ လႅၼ်လိၼ်မိူင်းဢၼ်ၽြႃးပဵၼ်ၸဝ်ႈဝႆႉၵတီႉဝႃႈ တေပၼ်ၶဝ်ၼၼ်ႉလႄႈ ႁိုင်ၸူဝ်ႈၶၢဝ်းသီႇသိပ်းပီႊမိူင်းၸမ်ၸမ်ဢေႃႈ။ ၵျၢမ်းၼႆႉပႃးလွင်ႈတၢင်းဢၼ်မူဝ်းသေႇဢဝ်ၸရၢင်းၵူၼ်းမဵဝ်းဢီႉသရေႇလႃႉတင်းလၢႆၵႃႈတီႈလွႆသီႉၼႃႉပွၵ်ႈၼိုင်ႈ၊ ဢိၵ်ႇတင်းလႆႈဢဝ်ၸရၢင်းလုၵ်ႈလၢၼ်ၶဝ်ၵႃႈတီႈမိူင်းမေႃႇၽႃႉ ၽၢႆႇတၢင်းဝၼ်းဢွၵ်ႇၼမ်ႉယေႃးတၢၼ်ႇၼၼ်ႉဢေႃႈ။ ၼႂ်းၸူဝ်ႈၶၢဝ်းဢၼ်ဢဝ်ၸရၢင်းသွင်ပွၵ်ႈၼႆႉၶဝ်ၵႂႃႇၵႃႈတီႈထိူၼ်ႇပႃႇရၼ်ႇ၊တီႈၵႃႇတေးသႃႉ၊ၽၢႆႇတၢင်းၸၢၼ်းလႅၼ်လိၼ်မိူင်းၶႃႇၼၢၼ်ႇပုၼ်ႉဢေႃႈ။ ၵူၺ်းၵႃႈ ၶဝ်ဢမ်ႇလႆႈၶဝ်ႈၸူးမိူင်းဢၼ်ဝႆႉၵတီႉၼၼ်ႉ။ ဝၢႆးသေယူႇၵႃႈတီႈၼၼ်ႈပီႊမိူင်းႁိုင်တၢၼ်ႇတၢၼ်ႇယဝ်ႉၸင်ႇ ၶဝ်ဢွၼ်ၵၼ်ၵႂႃႇတီႈမိူင်းဢၼ်မီးၽၢႆႇတၢင်းဝၼ်းဢွၵ်ႇၼမ်ႉယေႃးတၢၼ်ႇပုၼ်ႉဢေႃႈ။ ၵႃႈတီႈၼၼ်ႈၵူၼ်းၶဝ်ၵမ်ႈၽွင်ႈတႄႇတင်ႈတီႈယူႇတီႈသဝ်းသေယဝ်ႉ၊ ၶဝ်ဢၼ်ၵိုတ်းဢၼ်ၵျၢၼ်ႇၸိူဝ်းၼၼ်ႉဢွၼ်ၵၼ်မႄးႁႅၼ်းတႃႇတေၶၢမ်ႈၼမ်ႉယေႃးတၢၼ်ႇ။ႁႂ်ႈလႆႈၶဝ်ႈၸူးမိူင်းၶႃႇၼၢၼ်ႇဢေႃႈ။
ၵျၢမ်းဢၼ်ယူႇၼႂ်းထိူၼ်ႇၼႆႉ တႅမ်ႈဝႆႉလွင်ႈၵူၼ်းမဵဝ်းဢၼ်ယၢမ်ႈၸႂ်လူႉႁႅင်းဢူၼ်ႈလႄႈဢမ်ႇႁတ်းၶၢမ်ႇတုၵ်ႉၶႃႉတၢင်းယၢပ်ႇ၊ သမ်ႉႁဵတ်းၶတ်းၵၼ်တင်းၽြႃးပဵၼ်ၸဝ်ႈတင်းမူဝ်းသေႇယူႇၼၼ်ႉဢေႃႈ။ ၽိုၼ်လိၵ်ႈၼႆႉၸင်ႇမၢတ်ႈမၢႆဝႆႉလွင်ႈၽြႃးပဵၼ်ၸဝ်ႈမီးသဵတ်ႈၸႃႇလႄႈ ယိူၼ်ႉၶၢမ်ႇတၢင်းဢၼ်ၵူၼ်းမၼ်းၸဝ်ႈဢမ်ႇထွမ်ႇဢမ်ႇဢဝ်ၵႂၢမ်းမၼ်းၸဝ်ႈၼၼ်ႉ၊ ဢိၵ်ႇတင်းလွင်ႈမူဝ်းသေႇၵေႃႈ ပိၵ်ႉသမ်ႉမၢင်ၽဝ်ႇမၢင်ပွၵ်ႈ ၸႂ်ပွတ်းၸႂ်လွတ်းသေၵေႃႈယင်းမၼ်ႈၶိူင်ႇယူႇ၊ ပႂ်ႉသဵတ်ႈၸႃႇၵႃႈၼိူဝ်ၽြႃးပဵၼ်ၸဝ်ႈဢိၵ်ႇတင်းၵႃႈၼိူဝ်ၵူၼ်းမၼ်းၸဝ်ႈၸိူဝ်းၼၼ်ႉယူႇဢေႃႈ။
ႁူဝ်ၶေႃႈဢၼ်ၶဝ်ႈပႃးၸမ်ႉ
လွင်ႈဢၼ်ၵူၼ်းဢီႉသရေႇလႃႉမႄးႁႅၼ်းတႃႇတေဢွၵ်ႇ
လွႆသီႉၼႃႉၵႂႃႇ 1:1-9:23
ၵ) တၢင်းဢၼ်ဢဝ်ၸရၢင်းပွၵ်ႈဢွၼ်တၢင်းသေပိူၼ်ႈ 1:1-4:49
ၶ) လွင်ႈပိင်းၺၢပ်ႈတြႃးလႄႈထုင်းၽိင်ႈတြႃးလၢႆၸိူဝ်ႉလၢႆမဵဝ်း 5:1-8:26
င) ပွႆးပႃႉသၶႃႇပွၵ်ႈတီႈသွင် 9:1-23
လွင်ႈဢၼ်ဢွၵ်ႇသေၵႃႈတီႈလွႆသီႉၼႃႉၵႂႃႇၸူးမိူင်းမေႃႇၽႃႉ 10:1-21:35
လွင်ႈတၢင်းဢၼ်ပဵၼ်မႃးၵႃႈတီႈမိူင်းမေႃႇၽႃႉ 22:1-32:42
လွင်ႈၶၢဝ်းတၢင်းၸႃႉၸဵမ်မိူင်းဢေႇၵိပ်ႉတူႉတေႃႇမိူင်းမေႃႇၽႃႉ 33:1-49
ၵႂၢမ်းသင်ႇလၢတ်ႈၸူဝ်ႈဢၼ်ဢမ်ႇပႆႇၶၢမ်ႈၼမ်ႉယေႃးတၢၼ်ႇ 33:50-36:13
Currently Selected:
ၼႂ်းထိူၼ်ႇ ၵႂၢမ်းၼမ်း: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship