ၼႂ်းထိူၼ်ႇ 7
7
တၢင်းလူႇၵူၼ်းဢၼ်ပဵၼ်ၵႄႇပဵၼ်ႁူဝ်ၶဝ်သၢၵ်ႈလူႇ
1ဝၼ်းဢၼ်မူဝ်းသေႇၵွႆဢမူႉတၢင်းဢၼ်ပူၵ်းတင်ႈသုမ်ႉထဵင်ၸဝ်ႈလႄႈ ဢဝ်ၼမ်ႉမၼ်းတႃးသုမ်ႉထဵင်ၸဝ်ႈတင်းၶိူင်ႈပိူင်မၼ်းတင်းလၢႆလႄႈ ႁႂ်ႈမူတ်းၸၢင်ႇ ဢိၵ်ႇတင်းဢမူႉတၢင်းဢၼ် ဢဝ်ၼမ်ႉမၼ်းတႃးယိတ်ႈပလၢင်ႇတင်းၶိူင်ႈပိူင်မၼ်းတင်းလၢႆလႄႈ ႁႂ်ႈမူတ်းၸၢင်ႇၼၼ်ႉ၊- 2ၶဝ်ၸိူဝ်းဢၼ်ပဵၼ်ၶုၼ်ၼႂ်းမဵဝ်းဢီႉသရေႇလႃႉ ဢၼ်ပဵၼ်ငဝ်ႈပဵၼ်ႁူဝ်မဵဝ်းပူႇမဵဝ်းပေႃႈၶဝ်ႁင်းၽႂ်ႁင်းမၼ်း၊ ဢၼ်ပဵၼ် ၶုၼ်ၼႂ်းၸိူဝ်ႉၶိူဝ်းၶဝ်လႄႈ ဢုပ်ႉၼိူဝ်ၵူၼ်းၸိူဝ်းဢၼ်ၶဝ်ႈပႃးၼႂ်းၸရၢင်းတင်းလၢႆၸိူဝ်းၼၼ်ႉ၊- 3ဢဝ်တၢင်းပုၵ်ႈၸေႃႇၶဝ်ဢၼ်ဝႃႈ လေႃႉရထႃးဢၼ်ပႃးဢၼ်မုင်းႁူၵ်းလင် တင်းဝူဝ်းပေႃႈသိပ်းသွင်တူဝ်၊ ၶုၼ်ယေႈပႃႈ ဝူဝ်းပေႃႈယေႈတူဝ်၊ ၶုၼ်သွင်ပႃး လေႃႉရထႃးယေႈလင်မႃးတီႈထႃႇဝရႃႉၽြႃးလႄႈ သၢၵ်ႈၵၢပ်ႈၵႃႈတီႈၽၢႆႇၼႃႈသုမ်ႉထဵင်ၸဝ်ႈဢေႃႈ။- 4ထႃႇဝရႃႉၽြႃးမီးဢမိင်ႉတီႈမူဝ်းသေႇလႄႈဝႃႈ၊- 5မႂ်းၶၢမ်ႇဢဝ်ၸိူဝ်းၼၼ်ႉတီႈၶဝ်ၼၼ်ႉ ပုၼ်ႈဢၼ်တၵ်းပွင်ႁဵတ်းဢမူႉမူဝ်းၵႃႇၸဝ်ႈတီႈၸူႉတီႈတုမ်ပရဵၵ်ႈသၢတ်ႈလႄႈ ဢၢပ်ႈပၼ်တီႈၵူၼ်းမဵဝ်းလေႇဝီႉ ႁင်းၽႂ်ႁင်းမၼ်း ၸွမ်းၵႃႈၼင်ႇဢၼ် ၶဝ်တၵ်းလႆႈပွင်လႆႈႁဵတ်းဢမူႉၼၼ်ႉတႃႉ၊ ဝႃႈၼင်ႇၼႆဢေႃႈ။- 6မူဝ်းသေႇၶၢမ်ႇဢဝ်လေႃႉရထႃး ဢိၵ်ႇတင်းဝူဝ်းၸိူဝ်းၼၼ်ႉလႄႈ ဢၢပ်ႈပၼ်တီႈၵူၼ်းမဵဝ်းလေႇဝီႉၸိူဝ်းၼၼ်ႉဢေႃႈ။- 7မၼ်းဢဝ်လေႃႉရထႃးသွင်လင်တင်းဝူဝ်းသီႇတူဝ် ဢၢပ်ႈပၼ်တီႈၵူၼ်းၸိူဝ်ႉၶိူဝ်းၵေႇရသုၼ်ႇၸိူဝ်းၼၼ်ႉ ၸွမ်းၵႃႈၼင်ႇဢၼ် ၶဝ်မီးတီႈတၵ်းပွင်တၵ်းႁဵတ်းဢမူႉၼၼ်ႉ၊- 8ဢိၵ်ႇတင်းဢဝ်လေႃႉရထႃးသီႇလင်တင်းဝူဝ်းပႅတ်ႇတူဝ် ဢၢပ်ႈပၼ်တီႈၵူၼ်းၸိူဝ်ႉၶိူဝ်းမေႇရႃႇရီႉၸိူဝ်းၼၼ်ႉ ၸွမ်းၵႃႈၼင်ႇဢၼ် ၶဝ်မီးတီႈတၵ်းပွင်တၵ်းႁဵတ်းဢမူႉၼၼ်ႉၵႃႈၼႂ်းမိုဝ်းဢီႉသမႃႇ လုၵ်ႈၸၢႆးယိတ်ႈပရေႃးႁဵၵ်ႈဢႃႇရုၼ်ႇၼၼ်ႉဢေႃႈ။- 9တီႈၵူၼ်းၸိူဝ်ႉၶိူဝ်းၵေႃႇႁတ်ႉၸိူဝ်းၼၼ်ႉၸိုင်၊ မၼ်းဢမ်ႇဢဝ်လေႃႉရထႃးတင်းဝူဝ်းပၼ်။ လွင်ႈမၼ်းၸမ်ႉ တၢင်းဢၼ်ၶဝ်တၵ်းလႆႈပွင်ႁဵတ်းဢမူႉထႃႇၼႃႉတီႈမူတ်းၸၢင်ႇၸဝ်ႈ ၸၢပ်ႈသႅင်ႇၵၼ်တင်းၶဝ်လႄႈ ၶဝ်တၵ်းလႆႈဢဝ်ႁၢပ်ႇတၢင်ႇၵႃႈၼိူဝ်ႁူဝ်မႃႇၶဝ်ၵႂႃႇဢေႃႈ။
10ဝၼ်းဢၼ်ဢဝ်ၼမ်ႉမၼ်းတႃးယိတ်ႈပလၢင်ႇၼၼ်ႉ၊ ၶုၼ်တင်းလၢႆဢွၼ်ၵၼ်ပုၵ်ႈၸေႃႇပုၼ်ႈဢၼ်တၵ်းႁဵတ်း ဢၼူႉမေႃးတၼႃႇယိတ်ႈပလၢင်ႇဢၼ်ဝႃႈ ၶုၼ်တင်းလၢႆဢွၼ်ၵၼ်ႁဵတ်းတင်းပုၵ်ႈၸေႃႇၶဝ် ၵႃႈတီႈၽၢႆႇၼႃႈယိတ်ႈပလၢင်ႇဢေႃႈ။- 11ထႃႇဝရႃႉၽြႃးၵေႃႈမီးဢမိင်ႉတီႈမူဝ်းသေႇလႄႈဝႃႈ၊ ၶုၼ်တင်းလၢႆတၵ်းလႆႈဢွၼ်ၵၼ်ႁဵတ်းတၢင်းပုၵ်ႈၸေႃႇၶဝ်ႁင်းၽႂ်ႁင်းမၼ်း ၸွမ်းၵႃႈၼင်ႇဢၼ်ဝၼ်းၽႂ်ဝၼ်းမၼ်းမီးၼၼ်ႉ ပုၼ်ႈဢၼ်တၵ်းႁဵတ်းဢၼူႉမေႃးတၼႃႇယိတ်ႈပလၢင်ႇဢေႃႈ၊ ဝႃႈၼင်ႇၼႆဢေႃႈ။- 12ၼင်ႇၼၼ်လႄႈ ၵေႃႉဢၼ်သၢၵ်ႈၵၢပ်ႈတၢင်းပုၵ်ႈၸေႃႇမၼ်း ဝၼ်းပထမႃႉၼၼ်ႉၸမ်ႉ၊ ပဵၼ်ၼႃႇသုၼ်ႇလုၵ်ႈၸၢႆးဢမီႉၼတပ်ႉ ဢၼ်ပဵၼ်ၸိူဝ်ႉၶိူဝ်းယူႉတႃႉၼၼ်ႉဢေႃႈ။- 13တၢင်းဢၼ်မၼ်းသၢၵ်ႈၵၢပ်ႈၼၼ်ႉၸမ်ႉ၊ ပဵၼ်မေႃႈဢႅင်ႇငိုၼ်းဢၼ်ၼမ်ႉၼၵ်းမၼ်းၸွမ်းလူၺ်ႈငိုၼ်းၸဝ်ႈၵျၢပ်ႈသၶေးလႃႉ မီးပၢၵ်ႇပၢႆသၢမ်သိပ်းၵျၢပ်ႈၼၼ်ႉလုၵ်ႈၼိုင်ႈ၊ ဝၢၼ်ႇငိုၼ်းဢၼ်ၼမ်ႉၼၵ်းမၼ်း မီးၸဵတ်းသိပ်းၵျၢပ်ႈၼၼ်ႉလုၵ်ႈၼိုင်ႈ ဢၼ်တဵမ်ဝႆႉတင်းၽွင်ၶဝ်ႈမုၼ်းဢၼ်ဢဝ်ၼမ်ႉမၼ်းသႂ်လေႃးၼၼ်ႉ တင်းသွင်လုၵ်ႈပုၼ်ႈတၢင်းပုၵ်ႈၸေႃႇၽေႃးၸဵၼ်ႇ၊- 14ၸေႃႉၶမ်းဢၼ်ၼမ်ႉၼၵ်းမၼ်းမီးသိပ်းၵျၢပ်ႈလႄႈ တဵမ်ဝႆႉတင်းၼၢမ်ႇသႃႇ ပုၼ်ႈဢၼ်တၵ်းတုတ်ႇၽႆး၊- 15ဝူဝ်းပေႃႈဢၼ်ဢသၢၵ်ႈၼုမ်ႇတူဝ်ၼိုင်ႈ၊ သူဝ်းပေႃႈတူဝ်ၼိုင်ႈ၊ သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇတူဝ်ၼိုင်ႈ ပုၼ်ႈယိတ်ႈဢၼ်တုတ်ႇၽႆး၊- 16ပႄႉပေႃႈဢွၼ်ႇတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈ၊- 17ဝူဝ်းသွင်တူဝ်၊ သူဝ်းပေႃႈႁႃႈတူဝ်၊ ပႄႉပေႃႈႁႃႈတူဝ်၊ သူဝ်းပေႃႈဢွၼ်ႇ ဢၼ်ဢမ်ႇပႆႇၶွပ်ႈၶူပ်ႇႁႃႈတူဝ် ပုၼ်ႈယိတ်ႈမိၵ်ႉသႃႇႁႃယႃႉၸိူဝ်းၼၼ်ႉဢေႃႈ။ ဢၼ်ၼႆႉၸမ်ႉ၊ ပဵၼ်တၢင်းဢၼ်ၼႃႇသုၼ်ႇလုၵ်ႈၸၢႆးဢမီႉၼတပ်ႉၼၼ်ႉ သၢၵ်ႈၵၢပ်ႈဢေႃႈ။
18ဝၼ်းတူႉတီႉယႃႉၼၼ်ႉ၊ ၼႃႇသၼေႇလႃႉ လုၵ်ႈၸၢႆးၸူႉဢႃႇ ဢၼ်ပဵၼ်ၶုၼ်ၼႂ်းၸိူဝ်ႉၶိူဝ်း ဢီႉသၶႃႇၼၼ်ႉ သၢၵ်ႈၵၢပ်ႈတၢင်းပုၵ်ႈၸေႃႇဢေႃႈ။- 19တၢင်းဢၼ်မၼ်းသၢၵ်ႈၵၢပ်ႈၼၼ်ႉၸမ်ႉ၊ ပဵၼ်မေႃႈဢႅင်ႇငိုၼ်းဢၼ်ၼမ်ႉၼၵ်းမၼ်းၸွမ်းလူၺ်ႈငိုၼ်းၸဝ်ႈ ၵျၢပ်ႈသၶေးလႃႉ မီးပၢၵ်ႇပၢႆ သၢမ်သိပ်းၵျၢပ်ႈၼၼ်ႉလုၵ်ႈၼိုင်ႈ၊ ဝၢၼ်ႇငိုၼ်းဢၼ်ၼမ်ႉၼၵ်းမၼ်းမီးၸဵတ်းသိပ်းၵျၢပ်ႈၼၼ်ႉလုၵ်ႈၼိုင်ႈ ဢၼ်တဵမ်ဝႆႉတင်းၽွင်ၶဝ်ႈမုၼ်းဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉ တင်းသွင်လုၵ်ႈပုၼ်ႈတၢင်းပုၵ်ႈၸေႃႇၽေႃးၸဵၼ်ႇ၊- 20ၸေႃႉၶမ်းဢၼ်ၼမ်ႉၼၵ်းမၼ်းမီးသိပ်းၵျၢပ်ႈလႄႈ တဵမ်ဝႆႉတင်းၼၢမ်ႇသႃႇ ပုၼ်ႈဢၼ်တၵ်းတုတ်ႇၽႆး၊- 21ဝူဝ်းပေႃႈဢၼ်ဢသၢၵ်ႈၼုမ်ႇတူဝ်ၼိုင်ႈ၊ သူဝ်းပေႃႈတူဝ်ၼိုင်ႈ၊ သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇတူဝ်ၼိုင်ႈ ပုၼ်ႈယိတ်ႈဢၼ်တုတ်ႇၽႆး၊- 22ပႄႉပေႃႈဢွၼ်ႇတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈ၊- 23ဝူဝ်းသွင်တူဝ်၊ သူဝ်းပေႃႈႁႃႈတူဝ်၊ ပႄႉပေႃႈႁႃႈတူဝ်၊ သူဝ်းပေႃႈဢွၼ်ႇ ဢၼ်ဢမ်ႇပႆႇၶွပ်ႈၶူပ်ႇႁႃႈတူဝ် ပုၼ်ႈယိတ်ႈမိၵ်ႉသႃႇႁႃယႃႉၸိူဝ်းၼၼ်ႉဢေႃႈ။ ဢၼ်ၼႆႉၸမ်ႉ၊ ပဵၼ်တၢင်းဢၼ်ၼႃႇသၼေႇလႃႉ လုၵ်ႈၸၢႆးၸူႉဢႃႇၼၼ်ႉသၢၵ်ႈၵၢပ်ႈဢေႃႈ။
24ဝၼ်းတႃႉတီႉယႃႉၼၼ်ႉ၊ ဢေးလျႃႇၽႃႉ လုၵ်ႈၸၢႆးႁေႇလုၼ်ႇ ဢၼ်ပဵၼ်ၶုၼ်ၼႂ်းၸိူဝ်ႉၶိူဝ်း ၸေႇပူႉလုၼ်ႇၼၼ်ႉ သၢၵ်ႈၵၢပ်ႈတၢင်းပုၵ်ႈၸေႃႇဢေႃႈ။- 25တၢင်းဢၼ်မၼ်းသၢၵ်ႈၵၢပ်ႈၼၼ်ႉၸမ်ႉ၊ ပဵၼ်မေႃႈဢႅင်ႇငိုၼ်းဢၼ်ၼမ်ႉၼၵ်းမၼ်းၸွမ်းလူၺ်ႈငိုၼ်းၸဝ်ႈၵျၢပ်ႈသၶေးလႃႉ မီးပၢၵ်ႇပၢႆသၢမ်သိပ်းၵျၢပ်ႈၼၼ်ႉလုၵ်ႈၼိုင်ႈ၊ ဝၢၼ်ႇငိုၼ်းဢၼ်ၼမ်ႉၼၵ်းမၼ်း မီးၸဵတ်းသိပ်းၵျၢပ်ႈၼၼ်ႉလုၵ်ႈၼိုင်ႈ ဢၼ်တဵမ်ဝႆႉတင်းၽွင်ၶဝ်ႈမုၼ်းဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉ တင်းသွင်လုၵ်ႈပုၼ်ႈတၢင်းပုၵ်ႈၸေႃႇၽေႃးၸဵၼ်ႇ၊- 26ၸေႃႉၶမ်းဢၼ်ၼမ်ႉၼၵ်းမၼ်းမီးသိပ်းၵျၢပ်ႈလႄႈ တဵမ်ဝႆႉတင်းၼၢမ်ႇသႃႇ ပုၼ်ႈဢၼ်တၵ်းတုတ်ႇၽႆး၊- 27ဝူဝ်းပေႃႈဢၼ်ဢသၢၵ်ႈၼုမ်ႇတူဝ်ၼိုင်ႈ၊ သူဝ်းပေႃႈတူဝ်ၼိုင်ႈ၊ သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇတူဝ်ၼိုင်ႈ ပုၼ်ႈယိတ်ႈဢၼ်တုတ်ႇၽႆး၊- 28ပႄႉပေႃႈဢွၼ်ႇတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈ၊- 29ဝူဝ်းသွင်တူဝ်၊ သူဝ်းပေႃႈႁႃႈတူဝ်၊ ပႄႉပေႃႈႁႃႈတူဝ်၊ သူဝ်းပေႃႈဢွၼ်ႇ ဢၼ်ဢမ်ႇပႆႇၶွပ်ႈၶူပ်ႇႁႃႈတူဝ် ပုၼ်ႈယိတ်ႈမိၵ်ႉသႃႇႁႃယႃႉၸိူဝ်းၼၼ်ႉဢေႃႈ။ ဢၼ်ၼႆႉၸမ်ႉ၊ ပဵၼ်တၢင်းဢၼ် ဢေးလျႃႇၽႃႉ လုၵ်ႈၸၢႆးႁေႇလုၼ်ႇၼၼ်ႉ သၢၵ်ႈၵၢပ်ႈဢေႃႈ။
30ဝၼ်းၸတုၵ်ႉထႃႉၼၼ်ႉ၊ ဢေးလီႉၸူႉရႃႉ လုၵ်ႈၸၢႆးသေႇတူႉရႃႉ ဢၼ်ပဵၼ်ၶုၼ်ၼႂ်းၸိူဝ်ႉၶိူဝ်းရူႉပိၼ်ႇၼၼ်ႉသၢၵ်ႈၵၢပ်ႈတၢင်းပုၵ်ႈၸေႃႇဢေႃႈ။- 31တၢင်းဢၼ်မၼ်းသၢၵ်ႈၵၢပ်ႈၼၼ်ႉၸမ်ႉ၊ ပဵၼ်မေႃႈဢႅင်ႇငိုၼ်းဢၼ်ၼမ်ႉၼၵ်းမၼ်းၸွမ်းလူၺ်ႈငိုၼ်းၸဝ်ႈၵျၢပ်ႈသၶေးလႃႉ မီးပၢၵ်ႇပၢႆသၢမ်သိပ်းၵျၢပ်ႈၼၼ်ႉလုၵ်ႈၼိုင်ႈ၊ ဝၢၼ်ႇငိုၼ်းဢၼ်ၼမ်ႉၼၵ်းမၼ်း မီးၸဵတ်းသိပ်းၵျၢပ်ႈၼၼ်ႉလုၵ်ႈၼိုင်ႈ ဢၼ်တဵမ်ဝႆႉတင်းၽွင်ၶဝ်ႈမုၼ်း ဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉ တင်းသွင်လုၵ်ႈ ပုၼ်ႈတင်းပုၵ်ႈၸေႃႇၽေႃးၸဵၼ်ႇ၊- 32ၸေႃႉၶမ်းဢၼ်ၼမ်ႉၼၵ်းမၼ်းမီးသိပ်းၵျၢပ်ႈလႄႈ တဵမ်ဝႆႉတင်းၼၢမ်ႇသႃႇ ပုၼ်ႈဢၼ်တၵ်းတုတ်ႇၽႆး၊- 33ဝူဝ်းပေႃႈဢၼ်ဢသၢၵ်ႈၼုမ်ႇတူဝ်ၼိုင်ႈ၊ သူဝ်းပေႃႈတူဝ်ၼိုင်ႈ၊ သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇတူဝ်ၼိုင်ႈ ပုၼ်ႈယိတ်ႈဢၼ်တုတ်ႇၽႆး၊- 34ပႄႉပေႃႈဢွၼ်ႇတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈ၊- 35ဝူဝ်းသွင်တူဝ်၊ သူဝ်းပေႃႈႁႃႈတူဝ်၊ ပႄႉပေႃႈႁႃႈတူဝ်၊ သူဝ်းပေႃႈဢွၼ်ႇ ဢၼ်ဢမ်ႇပႆႇၶွပ်ႈၶူပ်ႇႁႃႈတူဝ် ပုၼ်ႈယိတ်ႈမိၵ်ႉသႃႇႁႃယႃႉၸိူဝ်းၼၼ်ႉဢေႃႈ။ ဢၼ်ၼႆႉၸမ်ႉ၊ ပဵၼ်တၢင်းဢၼ် ဢေးလီႉၸူႉရႃႉ လုၵ်ႈၸၢႆးသေႇတူႉရႃႉၼၼ်ႉ သၢၵ်ႈၵၢပ်ႈဢေႃႈ။
36ဝၼ်းပိၼ်ႇၸမႃႉၼၼ်ႉ၊ သေႇလူႉမျေးလႃႉ လုၵ်ႈၸၢႆးၸူႉရီႉသတ်ႉတေႇ ဢၼ်ပဵၼ်ၶုၼ်ၼႂ်းၸိူဝ်ႉၶိူဝ်း သီႉမုၼ်ႇၼၼ်ႉ သၢၵ်ႈၵၢပ်ႈတၢင်းပုၵ်ႈၸေႃႇဢေႃႈ။- 37တၢင်းဢၼ်မၼ်းသၢၵ်ႈၵၢပ်ႈၼၼ်ႉၸမ်ႉ၊ ပဵၼ်မေႃႈဢႅင်ႇငိုၼ်းဢၼ်ၼမ်ႉၼၵ်းမၼ်းၸွမ်းလူၺ်ႈငိုၼ်းၸဝ်ႈၵျၢပ်ႈသၶေးလႃႉ မီးပၢၵ်ႇပၢႆသၢမ်သိပ်းၵျၢပ်ႈၼၼ်ႉလုၵ်ႈၼိုင်ႈ၊ ဝၢၼ်ႇငိုၼ်းဢၼ်ၼမ်ႉၼၵ်းမၼ်း မီးၸဵတ်းသိပ်းၵျၢပ်ႈၼၼ်ႉလုၵ်ႈၼိုင်ႈ ဢၼ်တဵမ်ဝႆႉတင်းၽွင်ၶဝ်ႈမုၼ်းဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉ တင်းသွင်လုၵ်ႈပုၼ်ႈတၢင်းပုၵ်ႈၸေႃႇၽေႃးၸဵၼ်ႇ၊- 38ၸေႃႉၶမ်းဢၼ်ၼမ်ႉၼၵ်းမၼ်းမီးသိပ်းၵျၢပ်ႈလႄႈ တဵမ်ဝႆႉတင်းၼၢမ်ႇသႃႇ ပုၼ်ႈဢၼ်တၵ်းတုတ်ႇၽႆး၊- 39ဝူဝ်းပေႃႈဢၼ်ဢသၢၵ်ႈၼုမ်ႇတူဝ်ၼိုင်ႈ၊ သူဝ်းပေႃႈတူဝ်ၼိုင်ႈ၊ သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇတူဝ်ၼိုင်ႈ ပုၼ်ႈယိတ်ႈဢၼ်တုတ်ႇၽႆး၊- 40ပႄႉပေႃႈဢွၼ်ႇတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈ၊- 41ဝူဝ်းသွင်တူဝ်၊ သူဝ်းပေႃႈႁႃႈတူဝ်၊ ပႄႉပေႃႈႁႃႈတူဝ်၊ သူဝ်းပေႃႈဢွၼ်ႇ ဢၼ်ဢမ်ႇပႆႇၶွပ်ႈၶူပ်ႇႁႃႈတူဝ် ပုၼ်ႈယိတ်ႈမိၵ်ႉသႃႇႁႃယႃႉၸိူဝ်းၼၼ်ႉဢေႃႈ။ ဢၼ်ၼႆႉၸမ်ႉ၊ ပဵၼ်တၢင်းဢၼ် သေႇလူႉမျေးလႃႉ လုၵ်ႈၸၢႆးၸူႉရီႉသတ်ႉတေႇၼၼ်ႉသၢၵ်ႈၵၢပ်ႈဢေႃႈ။
42ဝၼ်းသႃႉထမႃႉၼၼ်ႉ၊ ဢေးလျႃႇသပ်ႉ လုၵ်ႈၸၢႆးတုၺ်းလႃႉ ဢၼ်ပဵၼ်ၶုၼ်ၼႂ်းၸိူဝ်ႉၶိူဝ်းၵၢတ်ႉၼၼ်ႉ သၢၵ်ႈၵၢပ်ႈ တၢင်းပုၵ်ႈၸေႃႇဢေႃႈ။- 43တၢင်းဢၼ်မၼ်းသၢၵ်ႈၵၢပ်ႈၼၼ်ႉၸမ်ႉ၊ ပဵၼ်မေႃႈဢႅင်ႇငိုၼ်းဢၼ်ၼမ်ႉၼၵ်းမၼ်းၸွမ်းလူၺ်ႈငိုၼ်းၸဝ်ႈၵျၢပ်ႈသၶေးလႃႉ မီးပၢၵ်ႇပၢႆသၢမ်သိပ်းၵျၢပ်ႈၼၼ်ႉလုၵ်ႈၼိုင်ႈ၊ ဝၢၼ်ႇငိုၼ်းဢၼ်ၼမ်ႉၼၵ်းမၼ်း မီးၸဵတ်းသိပ်းၵျၢပ်ႈၼၼ်ႉလုၵ်ႈၼိုင်ႈ ဢၼ်တဵမ်ဝႆႉတင်းၽွင်ၶဝ်ႈမုၼ်းဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉ တင်းသွင်လုၵ်ႈပုၼ်ႈတၢင်းပုၵ်ႈၸေႃႇၽေႃးၸဵၼ်ႇ၊- 44ၸေႃႉၶမ်းဢၼ်ၼမ်ႉၼၵ်းမၼ်းမီးသိပ်းၵျၢပ်ႈလႄႈ တဵမ်ဝႆႉတင်းၼၢမ်ႇသႃႇ ပုၼ်ႈဢၼ်တၵ်းတုတ်ႇၽႆး၊- 45ဝူဝ်းပေႃႈဢၼ်ဢသၢၵ်ႈၼုမ်ႇတူဝ်ၼိုင်ႈ၊ သူဝ်းပေႃႈတူဝ်ၼိုင်ႈ၊ သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇတူဝ်ၼိုင်ႈ ပုၼ်ႈယိတ်ႈဢၼ်တုတ်ႇၽႆး၊- 46ပႄႉပေႃႈဢွၼ်ႇတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈ၊- 47ဝူဝ်းသွင်တူဝ်၊ သူဝ်းပေႃႈႁႃႈတူဝ်၊ ပႄႉပေႃႈႁႃႈတူဝ်၊ သူဝ်းပေႃႈဢွၼ်ႇ ဢၼ်ဢမ်ႇပႆႇၶွပ်ႈၶူပ်ႇႁႃႈတူဝ် ပုၼ်ႈယိတ်ႈမိၵ်ႉသႃႇႁႃယႃႉၸိူဝ်းၼၼ်ႉဢေႃႈ။ ဢၼ်ၼႆႉၸမ်ႉ၊ ပဵၼ်တၢင်းဢၼ် ဢေးလျႃႇသပ်ႉ လုၵ်ႈၸၢႆးတုၺ်းလႃႉၼၼ်ႉသၢၵ်ႈၵၢပ်ႈဢေႃႈ။
48ဝၼ်းသတ်ႉတမႃႉၼၼ်ႉ၊ ဢေးလီႉသမႃႇ လုၵ်ႈၸၢႆးဢမီႉႁုတ်ႉ၊ ဢၼ်ပဵၼ်ၶုၼ်ၼႂ်းၸိူဝ်ႉၶိူဝ်း ဢေႇၽရိမ်ႇၼၼ်ႉ သၢၵ်ႈၵၢပ်ႈတၢင်းပုၵ်ႈၸေႃႇဢေႃႈ။- 49တၢင်းဢၼ်မၼ်းသၢၵ်ႈၵၢပ်ႈၼၼ်ႉၸမ်ႉ၊ ပဵၼ်မေႃႈဢႅင်ႇငိုၼ်းဢၼ်ၼမ်ႉၼၵ်းမၼ်းၸွမ်းလူၺ်ႈငိုၼ်းၸဝ်ႈၵျၢပ်ႈသၶေးလႃႉ မီးပၢၵ်ႇပၢႆသၢမ်သိပ်းၵျၢပ်ႈၼၼ်ႉလုၵ်ႈၼိုင်ႈ၊ ဝၢၼ်ႇငိုၼ်းဢၼ်ၼမ်ႉၼၵ်းမၼ်းမီးၸဵတ်းသိပ်းၵျၢပ်ႈၼၼ်ႉလုၵ်ႈၼိုင်ႈ ဢၼ်တဵမ်ဝႆႉတင်းၽွင်ၶဝ်ႈမုၼ်းဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉ တင်းသွင်လုၵ်ႈပုၼ်ႈတၢင်းပုၵ်ႈၸေႃႇၽေႃးၸဵၼ်ႇ၊- 50ၸေႃႉၶမ်းဢၼ်ၼမ်ႉၼၵ်းမၼ်းမီးသိပ်းၵျၢပ်ႈလႄႈ တဵမ်ဝႆႉတင်းၼၢမ်ႇသႃႇ ပုၼ်ႈဢၼ်တၵ်းတုတ်ႇၽႆး၊- 51ဝူဝ်းပေႃႈဢၼ်ဢသၢၵ်ႈၼုမ်ႇတူဝ်ၼိုင်ႈ၊ သူဝ်းပေႃႈတူဝ်ၼိုင်ႈ၊ သူဝ်းပေႃႈဢွၼ်ႇ ဢၼ်ဢမ်ႇပႆႇၶွပ်ႈၶူပ်ႇတူဝ်ၼိုင်ႈ၊ ပုၼ်ႈယိတ်ႈဢၼ်တုတ်ႇၽႆး၊- 52ပႄႉပေႃႈဢွၼ်ႇတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈ၊- 53ဝူဝ်းသွင်တူဝ်၊ သူဝ်းပေႃႈႁႃႈတူဝ်၊ ပႄႉပေႃႈႁႃႈတူဝ်၊ သူဝ်းပေႃႈဢွၼ်ႇ ဢၼ်ဢမ်ႇပႆႇၶွပ်ႈၶူပ်ႇႁႃႈတူဝ် ပုၼ်ႈယိတ်ႈမိၵ်ႉသႃႇႁႃယႃႉၸိူဝ်းၼၼ်ႉဢေႃႈ။ ဢၼ်ၼႆႉၸမ်ႉ၊ ပဵၼ်တၢင်းဢၼ် ဢေးလီႉသမႃႇ လုၵ်ႈၸၢႆးဢမီႉႁုတ်ႉၼၼ်ႉ သၢၵ်ႈၵၢပ်ႈဢေႃႈ။
54ဝၼ်းဢႃႉထမႃႉၼၼ်ႉ၊ ၵႃႇမလျေးလႃႉ လုၵ်ႈၸၢႆးပေႇတႃႉၸူႉရႃႉ ဢၼ်ပဵၼ်ၶုၼ်ၼႂ်းၸိူဝ်ႉၶိူဝ်း မၼႃႇသေႇၼၼ်ႉ သၢၵ်ႈၵၢပ်ႈတၢင်းပုၵ်ႈၸေႃႇဢေႃႈ။- 55တၢင်းဢၼ်မၼ်းသၢၵ်ႈၵၢပ်ႈၼၼ်ႉၸမ်ႉ၊ ပဵၼ်မေႃႈဢႅင်ႇငိုၼ်းဢၼ်ၼမ်ႉၼၵ်းမၼ်းၸွမ်းလူၺ်ႈငိုၼ်းၸဝ်ႈၵျၢပ်ႈသၶေးလႃႉ မီးပၢၵ်ႇပၢႆသၢမ်သိပ်းၵျၢပ်ႈၼၼ်ႉလုၵ်ႈၼိုင်ႈ၊ ဝၢၼ်ႇငိုၼ်းဢၼ်ၼမ်ႉၼၵ်းမၼ်းမီးၸဵတ်းသိပ်းၵျၢပ်ႈၼၼ်ႉလုၵ်ႈၼိုင်ႈ ဢၼ်တဵမ်ဝႆႉတင်းၽွင်ၶဝ်ႈမုၼ်းဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉ တင်းသွင်လုၵ်ႈပုၼ်ႈတၢင်းပုၵ်ႈၸေႃႇၽေႃးၸဵၼ်ႇ၊- 56ၸေႃႉၶမ်းဢၼ်ၼမ်ႉၼၵ်းမၼ်းမီးသိပ်းၵျၢပ်ႈလႄႈ တဵမ်ဝႆႉတင်းၼၢမ်ႇသႃႇ ပုၼ်ႈဢၼ်တၵ်းတုတ်ႇၽႆး၊- 57ဝူဝ်းပေႃႈဢၼ်ဢသၢၵ်ႈၼုမ်ႇတူဝ်ၼိုင်ႈ၊ သူဝ်းပေႃႈတူဝ်ၼိုင်ႈ၊ သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇတူဝ်ၼိုင်ႈ ပုၼ်ႈယိတ်ႈဢၼ်တုတ်ႇၽႆး၊- 58ပႄႉပေႃႈဢွၼ်ႇတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈ၊- 59ဝူဝ်းသွင်တူဝ်၊ သူဝ်းပေႃႈႁႃႈတူဝ်၊ ပႄႉပေႃႈႁႃႈတူဝ်၊ သူဝ်းပေႃႈဢွၼ်ႇ ဢၼ်ဢမ်ႇပႆႇၶွပ်ႈၶူပ်ႇႁႃႈတူဝ် ပုၼ်ႈယိတ်ႈမိၵ်ႉသႃႇႁႃယႃႉၸိူဝ်းၼၼ်ႉဢေႃႈ။ ဢၼ်ၼႆႉၸမ်ႉ၊ ပဵၼ်တၢင်းဢၼ် ၵႃႇမလျေးလႃႉ လုၵ်ႈၸၢႆးပေႇတႃႉၸူႉရႃႉၼၼ်ႉသၢၵ်ႈၵၢပ်ႈဢေႃႈ။
60ဝၼ်းၼဝမႃႉၼၼ်ႉ၊ ဢၽီႉတၼ်ႇ လုၵ်ႈၸၢႆးၵီႉတေႃးၼီႉ ဢၼ်ပဵၼ်ၶုၼ်ၼႂ်းၸိူဝ်ႉၶိူဝ်း ပိၼ်ႇယႃႇမိၼ်ႇၼၼ်ႉ သၢၵ်ႈၵၢပ်ႈတၢင်းပုၵ်ႈၸေႃႇဢေႃႈ။- 61တၢင်းဢၼ်မၼ်းသၢၵ်ႈၵၢပ်ႈၼၼ်ႉၸမ်ႉ၊ ပဵၼ်မေႃႈဢႅင်ႇငိုၼ်းဢၼ်ၼမ်ႉၼၵ်းမၼ်းၸွမ်းလူၺ်ႈငိုၼ်းၸဝ်ႈၵျၢပ်ႈသၶေးလႃႉ မီးပၢၵ်ႇပၢႆသၢမ်သိပ်းၵျၢပ်ႈၼၼ်ႉလုၵ်ႈၼိုင်ႈ၊ ဝၢၼ်ႇငိုၼ်းဢၼ်ၼမ်ႉၼၵ်းမၼ်း မီးၸဵတ်းသိပ်းၵျၢပ်ႈၼၼ်ႉလုၵ်ႈၼိုင်ႈ ဢၼ်တဵမ်ဝႆႉတင်းၽွင်ၶဝ်ႈမုၼ်းဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉ တင်းသွင်လုၵ်ႈပုၼ်ႈတၢင်းပုၵ်ႈၸေႃႇၽေႃးၸဵၼ်ႇ၊- 62ၸေႃႉၶမ်းဢၼ်ၼမ်ႉၼၵ်းမၼ်းမီးသိပ်းၵျၢပ်ႈလႄႈ တဵမ်ဝႆႉတင်းၼၢမ်ႇသႃႇ ပုၼ်ႈဢၼ်တၵ်းတုတ်ႇၽႆး၊- 63ဝူဝ်းပေႃႈဢၼ်ဢသၢၵ်ႈၼုမ်ႇတူဝ်ၼိုင်ႈ၊ သူဝ်းပေႃႈတူဝ်ၼိုင်ႈ၊ သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇတူဝ်ၼိုင်ႈ ပုၼ်ႈယိတ်ႈဢၼ်တုတ်ႇၽႆး၊- 64ပႄႉပေႃႈဢွၼ်ႇတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈ၊- 65ဝူဝ်းသွင်တူဝ်၊ သူဝ်းပေႃႈႁႃႈတူဝ်၊ ပႄႉပေႃႈႁႃႈတူဝ်၊ သူဝ်းပေႃႈဢွၼ်ႇ ဢၼ်ဢမ်ႇပႆႇၶွပ်ႈၶူပ်ႇႁႃႈတူဝ် ပုၼ်ႈယိတ်ႈမိၵ်ႉသႃႇႁႃယႃႉၸိူဝ်းၼၼ်ႉဢေႃႈ။ ဢၼ်ၼႆႉၸမ်ႉ၊ ပဵၼ်တၢင်းဢၼ် ဢၽီႉတၼ်ႇ လုၵ်ႈၸၢႆးၵီႉတေႃးၼီႉၼၼ်ႉ သၢၵ်ႈၵၢပ်ႈဢေႃႈ။
66ဝၼ်းတႃႉသမႃႉၼၼ်ႉ၊ ဢႁေႇၸႃႇ လုၵ်ႈၸၢႆးဢမီႉသတ်ႉတေႇ ဢၼ်ပဵၼ်ၶုၼ်ၼႂ်းၸိူဝ်ႉၶိူဝ်းတၢၼ်ႇၼၼ်ႉ သၢၵ်ႈၵၢပ်ႈတၢင်းပုၵ်ႈၸေႃႇဢေႃႈ။- 67တၢင်းဢၼ်မၼ်းသၢၵ်ႈၵၢပ်ႈၼၼ်ႉၸမ်ႉ၊ ပဵၼ်မေႃႈဢႅင်ႇငိုၼ်းဢၼ်ၼမ်ႉၼၵ်းမၼ်းၸွမ်းလူၺ်ႈငိုၼ်းၸဝ်ႈၵျၢပ်ႈသၶေးလႃႉ မီးပၢၵ်ႇပၢႆသၢမ်သိပ်းၵျၢပ်ႈၼၼ်ႉလုၵ်ႈၼိုင်ႈ၊ ဝၢၼ်ႇငိုၼ်းဢၼ်ၼမ်ႉၼၵ်းမၼ်း မီးၸဵတ်းသိပ်းၵျၢပ်ႈၼၼ်ႉလုၵ်ႈၼိုင်ႈ ဢၼ်တဵမ်ဝႆႉတင်းၽွင်ၶဝ်ႈမုၼ်းဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉ တင်းသွင်လုၵ်ႈပုၼ်ႈတၢင်းပုၵ်ႈၸေႃႇၽေႃးၸဵၼ်ႇ၊- 68ၸေႃႉၶမ်းဢၼ်ၼမ်ႉၼၵ်းမၼ်းမီးသိပ်းၵျၢပ်ႈလႄႈ တဵမ်ဝႆႉတင်းၼၢမ်ႇသႃႇ ပုၼ်ႈဢၼ်တၵ်းတုတ်ႇၽႆး၊- 69ဝူဝ်းပေႃႈဢၼ်ဢသၢၵ်ႈၼုမ်ႇတူဝ်ၼိုင်ႈ၊ သူဝ်းပေႃႈတူဝ်ၼိုင်ႈ၊ သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇတူဝ်ၼိုင်ႈ၊ ပုၼ်ႈယိတ်ႈဢၼ်တုတ်ႇၽႆး၊- 70ပႄႉပေႃႈတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈ၊- 71ဝူဝ်းသွင်တူဝ်၊ သူဝ်းပေႃႈႁႃႈတူဝ်၊ ပႄႉပေႃႈႁႃႈတူဝ်၊ သူဝ်းပေႃႈဢွၼ်ႇ ဢၼ်ဢမ်ႇပႆႇၶွပ်ႈၶူပ်ႇႁႃႈတူဝ် ပုၼ်ႈယိတ်ႈမိၵ်ႉသႃႇႁႃယႃႉၸိူဝ်းၼၼ်ႉဢေႃႈ။ ဢၼ်ၼႆႉၸမ်ႉ၊ ပဵၼ်တၢင်းဢၼ် ဢႁေႇၸႃႇ လုၵ်ႈၸၢႆးဢမီႉသတ်ႉတေႇၼၼ်ႉ သၢၵ်ႈၵၢပ်ႈဢေႃႈ။
72ဝၼ်းဢေႇၵႃႉတႃႉသမႃႉၼၼ်ႉ၊ ပႃႇၵျေႇလႃႉ လုၵ်ႈၸၢႆးဢွၵ်ႉရၼ်ႇ ဢၼ်ပဵၼ်ၶုၼ်ၼႂ်းၸိူဝ်ႉၶိူဝ်းဢႃႇသႃႇၼၼ်ႉ သၢၵ်ႈၵၢပ်ႈတၢင်းပုၵ်ႈၸေႃႇဢေႃႈ။- 73တၢင်းဢၼ်မၼ်းသၢၵ်ႈၵၢပ်ႈၼၼ်ႉၸမ်ႉ၊ ပဵၼ်မေႃႈဢႅင်ႇငိုၼ်းဢၼ်ၼမ်ႉၼၵ်းမၼ်းၸွမ်းလူၺ်ႈငိုၼ်းၸဝ်ႈၵျၢပ်ႈသၶေးလႃႉ မီးပၢၵ်ႇပၢႆႈသၢမ်သိပ်းၵျၢပ်ႈၼၼ်ႉလုၵ်ႈၼိုင်ႈ၊ ဝၢၼ်ႇငိုၼ်းဢၼ်ၼမ်ႉၼၵ်းမၼ်းမီးၸဵတ်းသိပ်းၵျၢပ်ႈၼၼ်ႉလုၵ်ႈၼိုင်ႈ ဢၼ်တဵမ်ဝႆႉတင်းၽွင်ၶဝ်ႈမုၼ်းဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉ တင်းသွင်လုၵ်ႈပုၼ်ႈတၢင်းပုၵ်ႈၸေႃႇၽေႃးၸဵၼ်ႇ၊- 74ၸေႃႉၶမ်းဢၼ်ၼမ်ႉၼၵ်းမၼ်းမီးသိပ်းၵျၢပ်ႈလႄႈ တဵမ်ဝႆႉတင်းၼၢမ်ႇသႃႇ ပုၼ်ႈဢၼ်တၵ်းတုတ်ႇၽႆး၊- 75ဝူဝ်းပေႃႈဢၼ်ဢသၢၵ်ႈၼုမ်ႇတူဝ်ၼိုင်ႈ၊ သူဝ်းပေႃႈတူဝ်ၼိုင်ႈ၊ သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇတူဝ်ၼိုင်ႈ ပုၼ်ႈယိတ်ႈဢၼ်တုတ်ႇၽႆး၊- 76ပႄႉပေႃႈဢွၼ်ႇတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈ၊- 77ဝူဝ်းသွင်တူဝ်၊ သူဝ်းပေႃႈႁႃႈတူဝ်၊ ပႄႉပေႃႈႁႃႈတူဝ်၊ သူဝ်းပေႃႈဢွၼ်ႇ ဢၼ်ဢမ်ႇပႆႇၶွပ်ႈၶူပ်ႇႁႃႈတူဝ် ပုၼ်ႈယိတ်ႈမိၵ်ႉသႃႇႁႃယႃႉၸိူဝ်းၼၼ်ႉဢေႃႈ။ ဢၼ်ၼႆႉၸမ်ႉ၊ ပဵၼ်တၢင်းဢၼ် ပႃႇၵျေႇလႃႉ လုၵ်ႈၸၢႆးဢွၵ်ႉရၼ်ႇၼၼ်ႉ သၢၵ်ႈၵၢပ်ႈဢေႃႈ။
78ဝၼ်းတႂႃႇတႃႉသမႃႉၼၼ်ႉ၊ ဢႁီႉရႃႉလုၵ်ႈၸၢႆးဢေႇၼၼ်ႇ ဢၼ်ပဵၼ်ၶုၼ်ၼႂ်းၸိူဝ်ႉၶိူဝ်း ၼပ်ႉထလီႉၼၼ်ႉ သၢၵ်ႈၵၢပ်ႈ တၢင်းပုၵ်ႈၸေႃႇဢေႃႈ။- 79တၢင်းဢၼ်မၼ်းသၢၵ်ႈၵၢပ်ႈၼၼ်ႉၸမ်ႉ၊ ပဵၼ်မေႃႈဢႅင်ႇငိုၼ်းဢၼ်ၼမ်ႉၼၵ်းမၼ်းၸွမ်းလူၺ်ႈငိုၼ်းၸဝ်ႈၵျၢပ်ႈသၶေးလႃႉ မီးပၢၵ်ႇပၢႆသၢမ်သိပ်းၵျၢပ်ႈၼၼ်ႉလုၵ်ႈၼိုင်ႈ၊ ဝၢၼ်ႇငိုၼ်းဢၼ်ၼမ်ႉၼၵ်းမၼ်းမီးၸဵတ်းသိပ်းၵျၢပ်ႈၼၼ်ႉလုၵ်ႈၼိုင်ႈ ဢၼ်တဵမ်ဝႆႉတင်းၽွင်ၶဝ်ႈမုၼ်းဢၼ်ဢဝ်ၼမ်ႉမၼ်းသႂ်ႇလေႃးၼၼ်ႉ တင်းသွင်လုၵ်ႈပုၼ်ႈတၢင်းပုၵ်ႈၸေႃႇၽေႃးၸဵၼ်ႇ၊- 80ၸေႃႉၶမ်းဢၼ်ၼမ်ႉၼၵ်းမၼ်းမီးသိပ်းၵျၢပ်ႈလႄႈ တဵမ်ဝႆႉတင်းၼၢမ်ႇသႃႇ ပုၼ်ႈဢၼ်တၵ်းတုတ်ႇၽႆး၊- 81ဝူဝ်းပေႃႈဢၼ်ဢသၢၵ်ႈၼုမ်ႇတူဝ်ၼိုင်ႈ၊ သူဝ်းပေႃႈတူဝ်ၼိုင်ႈ၊ သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇတူဝ်ၼိုင်ႈ ပုၼ်ႈယိတ်ႈဢၼ်တုတ်ႇၽႆး၊- 82ပႄႉပေႃႈဢွၼ်ႇတူဝ်ၼိုင်ႈ ပုၼ်ႈယိတ်ႈဢၼ်ၽေႇဢပႅတ်ႈ၊- 83ဝူဝ်းသွင်တူဝ်၊ သူဝ်းပေႃႈႁႃႈတူဝ်၊ ပႄႉပေႃႈႁႃႈတူဝ်၊ သူဝ်းပေႃႈဢွၼ်ႇ ဢၼ်ဢမ်ႇပႆႇၶွပ်ႈၶူပ်ႇႁႃႈတူဝ် ပုၼ်ႈယိတ်ႈမိၵ်ႉသႃႇႁႃယႃႉၸိူဝ်းၼၼ်ႉဢေႃႈ။ ဢၼ်ၼႆႉၸမ်ႉ၊ ပဵၼ်တၢင်းဢၼ် ဢႁီႉရႃႉ လုၵ်ႈၸၢႆးဢေႇၼၼ်ႇၼၼ်ႉသၢၵ်ႈၵၢပ်ႈဢေႃႈ။
84ၼင်ႇၼၼ်လႄႈ တၢင်းဢၼ်ၶဝ်ၸိူဝ်းဢၼ်ပဵၼ်ၶုၼ်ၼႂ်းၵူၼ်းမဵဝ်းဢီႉသရေႇလႃႉတင်းလၢႆၼၼ်ႉ ဢွၼ်ၵၼ် သၢၵ်ႈၵၢပ်ႈပုၼ်ႈဢၼ်တၵ်းႁဵတ်းဢၼူႉမေႃးတၼႃႇယိတ်ႈပလၢင်ႇၼၼ်ႉ ၼႂ်းမိုဝ်ႉဝၼ်းဢၼ်ဢဝ်ၼမ်ႉမၼ်းတႃးယိတ်ႈပလၢင်ႇၼၼ်ႉၸမ်ႉ၊ မီးမေႃႈဢႅင်ႇငိုၼ်းသိပ်းသွင်လုၵ်ႈ၊ ဝၢၼ်ႇငိုၼ်းသိပ်းသွင်လုၵ်ႈ၊ ၸေႃႉၶမ်းသိပ်းသွင်မၢၵ်ႈဢေႃႈ။- 85ၼမ်ႉၼၵ်းမေႃႈဢႅင်ႇငိုၼ်းၸိူဝ်းၼၼ်ႉၸမ်ႉ၊ ယေႈလုၵ်ႈမီးယေႈပၢၵ်ႇပၢႆသၢမ်သိပ်းၵျၢပ်ႈ၊ ၼမ်ႉၼၵ်းဝၢၼ်ႇငိုၼ်းၸိူဝ်းၼၼ်ႉၸမ်ႉ၊ ယေႈလုၵ်ႈမီးယေႈၸဵတ်းသိပ်းၵျၢပ်ႈလႄႈ၊ ၼမ်ႉၼၵ်းငိုၼ်းၶိူင်ႈပိူင်ၵႃႈမီးၸိူဝ်းၼၼ်ႉၸမ်ႉ၊ ၸွမ်းလူၺ်ႈၼမ်ႉၼၵ်းငိုၼ်းၸဝ်ႈ ၵျၢပ်ႈသၶေးလႃႉၼၼ်ႉလႄႈ မီးသွင်ႁဵင်ပၢႆသီႇပၢၵ်ႇၵျၢပ်ႈဢေႃႈ။- 86ၼမ်ႉၼၵ်းၸေႃႉၶမ်းသိပ်းသွင်မၢၵ်ႈ ဢၼ်တဵမ်ဝႆႉတင်းၼၢမ်ႇသႃႇ ဢၼ်တၵ်းတုတ်ႇၽႆးၸိူဝ်းၼၼ်ႉၸမ်ႉ၊ ၸွမ်းလူၺ်ႈၼမ်ႉၼၵ်း ငိုၼ်းၸဝ်ႈၵျၢပ်ႈသၶေးလႃႉသေလႄႈ ယေႈမၢၵ်ႈမီးယေႈသိပ်းၵျၢပ်ႈလႄႈ၊ ၼမ်ႉၼၵ်းၶမ်း ၸေႃႉၸိူဝ်းၼၼ်ႉၸမ်ႉ၊ မီးပၢၵ်ႇပၢႆသၢဝ်းၵျၢပ်ႈဢေႃႈ။- 87ၼွၵ်ႈၼႆႉမီးဝူဝ်းပုၼ်ႈယိတ်ႈဢၼ်တုတ်ႇၽႆးၼၼ်ႉ တင်းသဵင်ႈတင်းလူင်သိပ်းသွင်တူဝ်၊ သူဝ်းပေႃႈသိပ်းသွင်တူဝ်၊ သူဝ်းပေႃႈဢွၼ်ႇဢၼ်ဢမ်ႇပႆႇၶွပ်ႈၶူပ်ႇသိပ်းသွင်တူဝ် ဢိၵ်ႇတင်းတၢင်းပုၵ်ႈၸေႃႇၽေႃးၸဵၼ်ႇမၼ်း ႁင်းၽႂ်ႁင်းမၼ်း၊ ပႄႉပေႃႈဢွၼ်ႇ ပုၼ်ႈယိတ်ႈဢၼ်ၽေႇဢပႅတ်ႈသိပ်းသွင်တူဝ်၊- 88ဝူဝ်းပုၼ်ႈယိတ်ႈမိၵ်ႉသႃႇႁႃယႃႉၼၼ်ႉ တင်းသဵင်ႈတင်းလူင် သၢဝ်းသီႇတူဝ်၊ သူဝ်းပေႃႈႁူၵ်းသိပ်း၊ ပႄႉပေႃႈႁူၵ်းသိပ်း၊ သူဝ်းပေႃႈဢွၼ်ႇ ဢၼ်ဢမ်ႇပႆႇၶွပ်ႈၶူပ်ႇႁူၵ်းသိပ်းတူဝ်ဢေႃႈ။ ဢၼ်ၼႆႉၸမ်ႉ၊ ပဵၼ်တၢင်းဢၼ် သၢၵ်ႈၵၢပ်ႈပုၼ်ႈဢၼ်ႁဵတ်းဢၼူႉမေႃးတၼႃႇ ယိတ်ႈပလၢင်ႇ လိုၼ်းသေဢဝ်ၼမ်ႉမၼ်းတႃးယိတ်ႈပလၢင်ႇၼၼ်ႉဢေႃႈ။- 89မိူဝ်ႈဢၼ်မူဝ်းသေႇၶဝ်ႈၵႃႈၼႂ်းမူဝ်းၵႃႇၸဝ်ႈတီႈၸူႉတီႈတုမ်ပရဵၵ်ႈသၢတ်ႈ ႁႂ်ႈလႆႈလဝ်ႊလၢတ်ႈတေႃႇမၼ်းၸဝ်ႈၼၼ်ႉၸိုင်၊ မၼ်းငိၼ်းသဵင်ၸဝ်ႈ ႁွင်ႉမၼ်းၵႃႈၼိူဝ်ပလၢင်ႇ တီႈၽေႇဢပႅတ်ႈဢၼ်တၢင်ႇဝႆႉ ၵႃႈၼိူဝ်တိူၵ်ႈတႃႇၶိူင်ႈၶၢမ်ႇသၢၵ်ႈသေႇၵႃႈတီႈၼႂ်းၵႄႈဝူင်ႈၵၢင် ၶေႇရူႉၽဵမ်ႇၸိူဝ်းၼၼ်ႉလႄႈ၊ မၼ်းဢိူဝ်ဢေႃႈ။
Currently Selected:
ၼႂ်းထိူၼ်ႇ 7: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship