OO MEYO ACHIMOOWIN ST MARK 13
13
PISKE̔TUSSINA̔HIKUN XIII.
1Ākose ā utte wuyoweet ke̔che ayumehāwekumikoo̔k o̔che, pāuk oo kiskino̔humowakuna omisse itik, Ookiskino̔humakāo, cheest wapu̔ta toowe ussineeyuk mena toowe waskahikāwina āyakee ota! 2Ākose Jesus peekiskwāo mena omisse itāo, Ke wapu̔tān na ohoo ke̔che waskahikāwina? numoweya kitta nukutaw pāuk ussinee tu̔koo̔ch kotuka, āka kitta nee̔che wāpinee̔t.
3Ākose mākwach ā uppit tu̔koo̔ch wutchee̔k Olivei̔k tipiskooch ke̔che ayumehāwekumik, Petera mena Jamesa mena Johna ussitche Andrewa kukwāchimik ā pāukootchik, 4We̔tumowinan, tanspe ohoo kākwia kā ooche̔chepuyikee? mena tanse kā issenakwu̔k ispe ka̔keyow ohoo kākwia tipepuyikwawe? 5Ākose Jesus ā nuskwāwusehat omisse mache itwāo, Pāu̔tuk āka oweyuk kitta wuyāsehikooyāk: 6Weya me̔chāt kitta pā itoo̔tāwuk ne we̔yoowini̔k isse, omisse kitta itwātchik, Neya Christ; mena me̔chāt kitta wuyāsehāwuk. 7Mena ispe pā̔tumāko nutoopuyewina mena ā atochekatākee nutoopuyewina, ākaweya keyawaw mikooskatāye̔tumook: weya ākotoowe kākwia o̔chetow kitta e̔kee̔kee; maka iskwayani̔k numma āskwa kitta ooche̔chepuyew. 8Weya ā pāukoskanāmukissitchik ayiseyinewuk kitta nutoopuyeestowāwuk petooseskanāmuk ayiseyinewa, mena otānow petoose otānoweyew: mena kitta ke̔kee̔kwun nunatoo̔k itta, mena kitta e̔tukwunwa kowu̔kutāwina mena ayimissewina: āwukwunee ohoo ā machepuyikee kukwatukāyimoowina. 9Maka nakutowāyimissook: chikāma ke ga pukitinikoowawuk ooyussoowāwini̔k isse; mena pee̔che ayumehāwekumikoo̔k ke ga pusustā̔hookowinawaw: mena ke ga pāseekowinawaw oot astumewinewa̔k ooyussoowāwuk mena ke̔che ookemawuk neya o̔che, āwukwāyew kitta misimikootchik. 10Mena meyo achimoowin nekan kitta we̔tumowawuk ā tu̔to skanāmukissitchik ayiseyinewuk. 11Maka ātoo̔tahikooyākwawe, mena pākitinikooyākwawe, ākaweya neyak mamitoonāye̔tumook tanse kā itwāyāk, a̔po kwyache̔tak tanse kā itwāyāk: maka piko kākwi kā meeyikoweyāk āwuko tipa̔hikun, āwuko peekiskwāk: chikāma numoweya keyawaw ka ayumeyāk, maka ka Kunatissit A̔cha̔k. 12Wāchewamee̔k kitta pukitussoowatāo oo’ chewama nippoowini̔k isse, mena o̔tawemaw oo’ koosisa; mena owasisuk kitta pusikoostowāwuk oo’ nekehikoowawa, mena kitta itussoowatāwuk kitta nippa̔himee̔t. 13Mena ka̔keyow ayiseyinew ke ga pukwatikoowaw ne we̔yoowin o̔che: maka una kā ayat iskwayach isko, āwuko kā pimachehee̔t. 14Maka ispe wapu̔tumāko unima muche kākwi nissewunachehoowini̔k isse, ka ayimootu̔k Daniel okiskewāhikāo, ā nepowemuku̔k itta āka kitta ke̔ ayamukunopun, (una ka ayume̔chekāt keyam kitta nisseto̔tum,) ākose keyam unekee Judeai̔k kā ayatchik wutchee̔k kitta itamoowuk: 15Mena una ka ayat tu̔koo̔ch waskahikuni̔k akaweya kitta nee̔tukooseew waskahikuni̔k isse, a̔po ākaweya kitta pee̔tokwāo ākota, kitta otinu̔k nantow kākwi we’kee̔k o̔che: 16Mena una ka ayat pee̔che kistekani̔k ākaweya kawe kitta kewāo kitta otinu̔k oot ukoohoon. 17Maka kitta mayeayawuk unekee kā kekeskowatchik owasisa, mena unekee kā noo̔yawusootchik āwukwunee kesikawa! 18Mena ayumehak ke tupuseewinewaw āka ā pipoo̔k kitta ayak. 19Chikāma āwukwunee kesikawa kitta e̔tukwun ayimissewin, toowa āka we̔kach ā ke̔ e̔tukwu̔k mitchimach nistum ā uskeewu̔k o̔che Muneto ka ke̔ ose̔tat peyis unoo̔ch isko, mena numoweya kitta e̔tukwun. 20Mena keespin āka ka Tipāye̔chekāt ke̔ chukowasise̔tat āwukwunee kesikawa, numoweya oweyuk kitta ke̔ pimacheha̔ty: maka nowusoonakunuk o̔che, ka ke̔ nowusoonat, ke̔ chukowasise̔taw āwukwunee kesikawa. 21Mena keespin oweyuk omisse itikooyāko, Cheest, oweeta Christ; a̔po, cheest, unitta ayaw; ākaweya tapwā̔ta̔k: 22Chikāma nuspach Christuk mena nuspach okiskewāhikāwuk kitta pussikoowuk, mena kitta wapu̔teyewāwuk kiska̔hikuna mena mamuskatumoowina, kitta kukwācheesehewātchik, keespin ke̔ kuske̔tatwawe, a̔po nowusoonakuna. 23Maka nakutowāye̔tumook keyawaw: cheest, ke ke̔ we̔tumatinawaw ka̔keyow kākwia neyakuna.
24Maka āwukwunee kesikawa, ke̔ mayawepuyikee āwuko ayimissewin, pesim kitta wunetipiskissew, mena tipiskawe pesim numoweya kitta mākew oo wastām, 25Mena utchu̔koosuk ke̔che kesikoo̔k ka ayatchik kitta pu̔kissinwuk, mena soo̔katissewina ka ayakee ke̔che kesikoo̔k kitta nunumepuyewa. 26Ākose ākota kā wapumatchik napāweKoosisana ā pā itoo̔tāyit wuskoo̔k keke ke̔che soo̔katissewin mena kistāye̔takoosewin. 27Ākose ākota kā isitissa̔wat oo ke̔che utooskāyakuna ākose kitta mawusukoonāo oo nowusoonakuna nāoo yootinoo̔k o̔che, ā mawutche kesipak uske o̔che peyis ā mawutche kesipak ke̔che kesik isko. 28Ākwa kukwā kiskāye̔tumook uspahakāmoowin meenisa̔tikoo̔k o̔che; Ispe mākwach kāyapitch oo wuti̔kwunim ā nāsoowuneyik, mena nā̔taweke̔tatche neepeeä, ke kiskāye̔tānawaw nepin kissewak ā ayamuku̔k: 29Ākose keyawaw moyam isse, ispe wapu̔tumāko ohoo kākwia ooche̔chepuyikwawe, kiskāye̔tumook kissewak ā ayamuku̔k, a̔po iskwa̔tāmi̔k. 30Tapwā k’ ititinawaw, okoo aniskā ka ne̔tawekehitootchik ayiseyinewuk numoweya kitta mayawepuyewuk, eyekoo̔k ka̔keyow ohoo kākwia kā tochekatākee. 31Ke̔che kesik mena uske kitta mayawepuyew: maka net ayumewina numoweya kitta mayawepuyinwa. 32Maka āwuko kesikaw mena āwuko tipa̔hikun numma oweyuk kiskāye̔tum, numma, numoweya a̔po ke̔che utooskāyakunuk ke̔che kesikoo̔k ka ayatchik, a̔po Wākoosisee̔k, piko O̔tawemaw. 33Pāu̔tuk keyawaw, ussowapik mena ayumehak: chikāma numoweya ke kiskāye̔tānawaw ispe kā ooche̔chepuyik. 34Chikāma napāwe‐Koosisan nuspitowāo napāwa wa̔yow ā itoo̔tāyit, ka nukutu̔k oo waskahikun, mena ka ke̔ ooyussoowatat oot utooskāyakuna, mena tu̔to napāwa oot utooskāwineyew, mena ka ke̔ itussoowatat ookunowiskwa̔towāwa kitta ussowapeyit. 35Ussowapik maka: chikāma numoweya ke kiskāye̔tānawaw ispe tāpāye̔tu̔k waskahikun kā tukoosee̔k, ā otakoosineyik, a̔po ā ape̔ta tipiskayik, a̔po mākwach napā pakaha̔kwan ā kitoot, a̔po ā kākesāpayayik: 36Kātu̔towā tukoosee̔ke āka kitta miskakooyāk ā nipawāk. 37Mena unima ka ititukook net itawuk ka̔keyow, Ussowapik.
Currently Selected:
OO MEYO ACHIMOOWIN ST MARK 13: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.
