OO MEYO ACHIMOOWIN ST MARK 12
12
PISKE̔TUSSINA̔HIKUN XII.
1Ākose mache ayumehāo ā uspahakāmoot. Pāuk una napāo kistekatum meenisa̔tiko‐kistekan, mena waska mānekatum, mena moona̔hum itta meenisapoë kā ussoowutāyik, mena ooyuskitaw ussowapewekumik, mena owehāo ookistekāwe nap wa, ākose itoo̔tāo wa̔yow isse. 2Ākose ispe wāche̔chepuyeyik issitissa̔wāo utooskāyakuna kitta natayit ookistekāwe napāwa, kitta ke̔ meeyikoot meenisa ookistekāwe napāwa meenisa̔tiko‐kistekani̔k o̔che. 3Ākose otee̔tināwuk, mena pusustā̔wāwuk, mena sipwātissa̔wāwuk pisisik. 4Ākose mena isitissa̔humowāo kotuka utooskāyakuna; ākose āwukwune pimwussina̔hāwuk, mena miswakune̔katāwuk oo’ stikwaneyee̔k, mena sipwātissa̔wāwuk ā nunāpāwenakooseyit. 5Ākose mena isitissa̔wāo kotuka; ākose āwukwune nippa̔hāwuk, mena me̔chāt kotuka; ā pusustā̔watchik atee̔t, mena atee̔t ā nippa̔hatchik. 6Ā ayawat kāyapitch maka pāuk oo’ koosisa, ayewak ā sakehat, āwukwune ussitche iskwayani̔k isitissa̔humowāo, omisse ā itwāt, Kitta koosikwāyimāwuk ne’ koosisa. 7Maka unekee ookistekāwe napāwuk omisse ititoowuk, Āwuko owa kā aniskā tipāye̔tu̔k; ākwa, ma̔te nippa̔hatan, ākose ke ga tipāye̔tānow. 8Ākose otināwuk, mena nippa̔hāwuk, mena wuyoweewāpināwuk meenisa̔tiko‐kistekani̔k o̔che. 9Kākwan maka una ka tipāye̔tu̔k meenisa̔tiko‐kistekan kā totu̔k? kitta pāche nissewunachehāo ookistekāwe napāwa, ākose kotuka kitta meeyāo meenisa̔tiko‐kistekan. 10Mena numma na k’ o̔che ayume̔tanawaw oma ke̔che mussina̔hikāwin; Unehee ussineeä oowaskahikāwuk ka ke̔ atowāyimatchik āwuko kista̔yaw ke̔kāya̔k: 11Āwuko oma ka Tipāye̔chekāt oot i̔totumoowin, mena mamuskatāye̔takwun ke’ eskesikoona̔k? 12Ākose nutoonumwuk kitta otinatchik, maka koostāwuk ayiseyinewa: chikāma kiskāye̔tumwuk weyawaw ā ke̔ uspahakāmoototakootchik: ākose nukutāwuk, mena sipwā̔tāwuk.
13Ākose isitissa̔humowāwuk atee̔t Phariseewa mena Herodiana, kitta nukwatatchik oot ayumewineyee̔k. 14Ākose ispe tākoosee̔kik, omisse itāwuk, Ookiskino̔humakāo, ne kiskāye̔tānan ā tapwāyun, mena numoweya oweyuk ke nune̔cheestowaw: chikāma numoweya ke pisiskāye̔tān āsse ayatchik ayiseyinewuk, maka ke kiskino̔humakan oot itatissewin Muneto tapwāwini̔k: Kwiuskwun na kitta meeyee̔t sooneyawa Cæsar, a̔po na numma? 15Ne ga mākinan na, a̔po na numma ne ga mākinan? Maka weya, ā kiskāye̔tumwat oo kukayāyissewineyew, omisse itāo, Tanā̔kā wā̔che kootāyimeyāk? pātoowik sooneyawapiskoos, kitta ke̔ wapumuk. 16Ākose pāsewāwuk. Ākose omisse itāo, Owāna oma oot issenakoosewin mena mussina̔hikāwin? Ākose omisse itāwuk, Cæsar. 17Ākose Jesus nuskwāwusehāo mena omisse itāo, Meeyee̔k Cæsar unehee kākwia ka ootayanit Cæsar, mena Muneto unehee kākwia ka ootayanit Muneto. Ākose mamuskatāwuk.
18Ākose peā̈ natikoot Sadduceewa, numma tukwun wuniskawin ka itwātchik; ākose kukwāchimāwuk, omisse ā itwātchik, 19Ookiskino̔humakāo, Moses ne ke̔ mussina̔humakoonan, Keespin oweyuk oo’ chewama nippeyitche, mena nukutayitche w’eweyewa otana̔k, mena āka nukutayitche owasisa, oo’ chewama kitta otinayit we’ wa, ākose kitta ne̔taweke̔tumowat owasisa oo’ chewama. 20Oot e̔ta̔tawaw maka tāpukoo̔p ā oochewame̔tootchik: ākose una nistum otināo iskwāwa, ākose ā nippit numma wawach nukutāo owasisa. 21Ākose utte uskoo̔ch otināo unehee iskwāwa, mena nippew, ākose neesta numma wawach nukutāo owasisa: ākose utte uskoo̔ch ākose kāyapitch. 22Ākose tāpukoo̔p ka i̔tussitchik ke̔ ayawāwuk, mena numma wawach owasisa ke̔ nukutāwuk: mawutche iskwayani̔k maka una iskwāo nippew neesta. 23Wuniskawini̔k maka, ispe wuniskatwawe, owāna kā we’ wit ka i̔tussitchik? weyaāsse tāpukoo̔pwāsitchik ā ke̔ wewitchik. 24Ākose Jesus nuskwāwusehāo mena omisse itāo, Numma na maka ke putahānawaw, chikāma āka ā kiskāye̔tumāk ke̔che mussina̔hikāwina, a̔po Muneto oo soo̔katissewin? 25Weya ispe wuniskatwawe nippoowini̔k o̔che, numoweya ke̔che weke̔toowuk, a̔po ke̔che weke̔ta̔hitoowuk; maka nuspitowāwuk ke̔che utooskāyakuna ke̔che kesikoo̔k ka ayayit. 26Maka weya oonippewuk, kitta wuniskatchik: numma na k’ o̔che ayume̔tanawaw oo mussina̔hikāwini̔k Moses, tanse piskoo̔kopa̔k Munetoowa ka̔ isse ayumehikoot, omisse ā itwāyit, Neya oo Munetooma Abraham, mena oo Munetooma Isaac, mena oo Munetooma Jacob? 27Numoweya Munetoskowāo oonippewa, maka Munetoskowāo ka pimatisseyit: āwuk’ o̔che maka naspitch ke putahānawaw.
28Ākose pāuk oomussina̔hikāo pā itoo̔tāo, mena ā ke̔ pā̔towat ā ayumehitooyit, mena ā nisseto̔tu̔k metoone ā ke̔ nuskwāwusehayit, kukwāchimāo, Tananima mawutche nistum ooyussoowāwin ka i̔tu̔tee̔kee? 29Ākose Jesus omisse isse nuskwāwusehāo, Mawutche nistum ooyussoowāwina ka i̔tu̔tee̔kee oma, Nutoo̔ta, O Israel; Ka Tipāye̔chekāt ke Munetoomenow pāukoo ā Tipāye̔chekāt: 30Mena ke ga sakehaw ka Tipāye̔chekāt ke Munetoom missewā ke’ tā̔ o̔che, mena missewā ket a̔cha̔k o̔che, mena missewā ke mitoonāye̔chekun o̔che, mena missewā ke muskowisseewin o̔che: āwuk’ oma nistum ooyussoowāwin. 31Ākose uskoo̔ch ākose kāyapitch, oma ote, Ke ga sakehaw keeche ayiseyinew moyam ka isse sakehissooyun. Numma tukwun ooyussoowāwin owusimā ā itāye̔takwu̔k ispee̔ch ohoo. 32Ākose oomussina̔hikāo omisse itāo, Tapwā, Ookiskino̔humakāo, ke ke̔ itwan tapwāwin: weya ā e̔tat pāuk Muneto; mena numma oweyuk e̔taw piko weya: 33Mena kitta sakehee̔t missewā me tā̔ o̔che, mena missewā nisseto̔tumoowin o̔che, mena missewā a̔cha̔k o̔che, mena missewā muskowisseewin o̔che, mena kitta sakehat weeche ayiseyinewa moyam ka isse sakehissoot, owusimā itāye̔takwun ispee̔ch ka̔keyow missewā muchoostāhumakāwina mena tipetotumakāwina. 34Ākose ispe Jesus weäpu̔tu̔k ā kukā̔tawāye̔tumoowe itwāyit, omisse itāo, Numoweya wa̔yow ket ayan Muneto oot otānowi̔k o̔che. Ākose numma oweya uskoo̔ch āwuko ke̔ kukwāchimik nantow kukwāche̔toowin.
35Ākose Jesus peekiskwāo mena omisse itwāo, mākwach ā kiskino̔humakāt pee̔che ke̔che ayumehāwekumikoo̔k, Tanā̔kā oomussina̔hikāwuk wā̔che itwātchik Christ David oo’ koosisa? 36Chikāma David weya kā̔chewak ke̔ itwāo ka Kunatisseyit A̔cha̔ka̔wa o̔che, Ka Tipāye̔chekāt ke̔ itāo ne Tipāye̔chekāma, Uppe keya ne ke̔che‐niski̔k, eyekoo̔k kā issehukik ke pukwachekunuk kitta ootuspisitāsimooyun. 37David maka weya kā̔chewak ka Tipāye̔chekāt itāo; tantā maka wā̔che ookoosisit? Ākose ookitimakissewa pā̔tak keke muma̔takoosewin.
38Ākose omisse itāo oo kukāskimawusoowini̔k, Uswāyimee̔kook oomussina̔hikāwuk, ka sake̔tatchik kitta pupamoo̔tātchik ā kekesku̔kik ā kistāye̔takwineyikee ayoowinisa, mena ka sake̔tatchik utumiskatoowina uta̔toowini̔k, 39Mena ke̔che uppewina ayumehāwekumikoo̔k, mena ā mawutche ispuyikee piske̔tche waskahikuna we̔ko̔toowini̔k: 40Ka nissewunache̔tatchik oonuputāpewa oo waskahikuneyewa, mena ā we̔ wuyāsehewātchik kinwa̔tawuk oot ayumehawinewawa: okoo kitta o̔tinumwuk mistahā owusimā nissewunachehoowin.
41Ākose Jesus uppew tipiskooch itta ka otinimee̔t sooneyawa, mena wapumāo ayiseyinewa āsse pee̔chewāpinayit sooneyawa pee̔che itta ka otinimee̔t sooneyawa: mena me̔chāt ā wāyootissitchik mistahā pee̔chewāpināwuk. 42Ākose pā itoo̔tāo pāuk ā kitimakissit oonuputāpew, mena pee̔chewāpināo nesoo mawutche upistche sooneyawapiskoosa, pāuk upistche sooneyawapiskoos ka ispuyitchik. 43Ākose nutoomāo oo kiskino̔humowakuna, mena omisse itāo, Tapwā k’ ititinawaw, Owa kitimake oonuputāpew mistahā nowutch ke̔ pee̔chewāpināo, ispee̔ch ka̔keyow unekee ka ke̔ pee̔chewāpinikātchik, sooneyawa itta ka otinimee̔t: 44Chikāma ka̔keyow ke̔ pee̔chewāpinikāwuk oo wāyootissewinewa̔k o̔che; maka weya oo kweetumawini̔k o̔che ke̔ pee̔chewāpinum ka̔keyow ka ke̔ ayat, ka̔keyow ote ka ke̔ ayat kitta o̔che pimatissit.
Currently Selected:
OO MEYO ACHIMOOWIN ST MARK 12: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.
