OO MEYO ACHIMOOWIN ST MARK 11
11
PISKE̔TUSSINA̔HIKUN XI.
1Ākose ispe kissewak wātee̔tu̔kik Jerusalem, Bethphage mena Bethanyi̔k isse, wutchee̔k Olivei̔k, sipwātissa̔wāo nesoo oo kiskino̔humowakuna, 2Mena omisse itāo, Neyak itoo̔tāk waskahikuneska̔k ke nekanimewa̔k: ākose sāmak ke̔ pee̔tokwāyāko, ke ga miskowawaw soosoowuschimoos ā tu̔koopisoot, āka we̔kach oweyuk ā ke̔ ta̔tuppit; apa̔hoo̔k, mena pāsee̔k. 3Mena keespin oweyuk omisse itikooyāko, Tanā̔kā oma wā̔che totumāk? itwāk Okemaw nutowāyimāo; ākose sāmak kitta pā isitissa̔wāo ota. 4Ākose sipwā̔tāwuk, mena miskowāwuk soosoowuschimoosa ā tu̔koopisooyit wuyoweetimiskwa̔t itta nesoo māskunowa ā nukiskootatomukuneyikee; ākose apa̔wāwuk. 5Ākose atee̔t unekee ka nepowitchik ākota omisse itāwuk, Tanā̔kā wā̔che totumāk, ka apa̔wāk soosoowuschimoos? 6Ākose itāwuk ā ke̔ isse itussoowatikootchik Jesusa: ākose pukitināwuk. 7Ākose soosoowuschimoosa pātoowāwuk Jesusa, mena tā̔tustawuk oot ukoohoonewawa: ākose tā̔tuppew. 8Mena me̔chāt tuswākustawuk oot ukoohoonewawa māskuna̔k: ākose kotukuk munewāpa̔humwuk wuti̔kwuna mistikoo̔k o̔che, mena peewustawuk māskuna̔k. 9Ākose unekee ka nekanoo̔tātchik, mena unekee ka pimitissa̔hikātchik tāpwāwuk, omisse ā itwātchik, Hosanna; Sowāye̔takoosew una ka pā itoo̔tāt oo we̔yoowineyee̔k isse ka Tipāye̔chekāyit: 10Kitta we̔ sowāye̔takwuneyew oot otānowewin k’ o̔tawenow David, ka pā itoo̔tāmukuneyik oo we̔yoowineyee̔k isse ka Tipāye̔chekāyit; Hosanna mamowāyus āspa̔kāye̔takoosit. 11Mena Jesus pee̔tokwāo Jerusalemi̔k, mena pee̔che ke̔che ayumehāwekumikoo̔k: ākose ispe waska ka̔ kunowapu̔tu̔k ka̔keyow kākwia, mena maka ā ootakoosik ooche̔chepuyew, wuyoweew Bethanyi̔k isse ussitche metatu̔t nesoosap.
12Ākose ā wapuneyik, ispe peä kewātchik Bethanyi̔k o̔che, noo̔tā̔kutāo: 13Ākose ā wapumat meenisa̔tikwa wa̔yow a oonepeemeyit, pā itoo̔tāo, keespin maskooch kā ke̔ miskumookwā kākwi ākota: ākose ispe wātee̔tat, pisisik nepeeä miskum; chikāma eyekoo̔k ka we̔ke otinumee̔k meenisa numma āskwa ooche̔chepuyeyew. 14Ākose Jesus peekiskwāo mena omisse itāo, Nummaweyuk kitta mechew meenisa keya o̔che unoo̔ch o̔che kakekā. Mena oo kiskino̔humowakuna pā̔tumeyewa.
15Ākose tukoosinwuk Jerusalemi̔k: mena Jesus pee̔tokwāo ke̔che ayumehāwekumikoo̔k, mena mache wuyoweewāpināo unehee ka utawakāyit mena ka utawāyit pee̔che ke̔che ayumehāwekumikoo̔k, mena kwutuppewāpinumwāo oo mechesoowina̔tikooyewa unehee ka meskootoonayit sooneyawa, mena oot uppewineyewa unehee ka utawakāyit oome̔mewa; 16Mena numma wawach ke̔ eyinumowāo oweya kitta pimoo̔tutayit nantow toowe ussewuchekun pee̔che keche ayumehāwekumikoo̔k. 17Ākose kiskino̔humakāo, omisse ā itat, Numma na itussina̔hikatāo, N’ eeke ka̔keyow ayiseyinewuk mowimoschekāwe waskahikun kitta isseni̔katumwuk? maka ke ke̔ isse̔tanawaw ookimootiskewuk oo watewaw. 18Mena oomussina̔hikāwuk ussitche ke̔che ayumehāwekemawuk pā̔tumwuk, ākose nutoonumwuk tanse kitta ke̔ isse nissewunachehatchik weya ā koostatchik, chikāma ka̔keyow ayiseyinewa mamuskatumeyewa oo kukāskimawusoowin. 19Ākose ispe wātakoosineyik, wuyoweew ke̔che waskahikuneska̔k o̔che.
20Ākose ā kākesāpayayik, ā utte pimoo̔tātchik, wapumāwuk meenisa̔tikwa ā pasooyit wutuppee̔k o̔che. 21Ākose Peter ā kunookiskissit omisse itāo, Ookiskino̔humakāo, wapum, una meenisa̔tik ka ke̔ muchukimut pasoo. 22Ākose Jesus peekiskwāo mena omisse itāo, Tapwā̔ta̔k Muneto. 23Weya tapwā k’ ititinawaw, Piko oweyuk kā itu̔k oma wutche, Ākut we̔ aya, mena ke ga we̔ issewāpinikowin wenepākoo̔k; mena āka kā sakwāyimookwā oo’ tā̔i̔k, maka kā tapwā̔tumookwā unehee kākwia ka itwāt kitta e̔kineyikee; kitta ayaw piko kākwi kā itwāt. 24Āwuko o̔che k’ ititinawāw, Piko kākwia kā nutowāye̔tumāk, ispe āyumehayāko, tapwā̔tumook kitta ke̔ o̔tinumāk, ākose ke ga ayanawaw. 25Mena mākwach neyepoweyāko kitta ayumehayāk, usānumakāk, keespin oweyuk nantow ket isse nayā̔tawāyimawaw: k’ O̔tawewaw neesta ke̔che kesikoo̔k ka ayat kitta ke̔ usānumatāk ke wunetotumoowinewawa. 26Maka keespin āka usānumakāyāko, numoweya neesta k’ O̔tawewaw ke̔che kesikoo̔k ka ayat kitta usānum ke wunetotumoowinewawa.
27Ākose mena pā itoo̔tāwuk Jerusalemi̔k: ākose mākwach ā pimoo̔tāt pee̔che ke̔che ayumehāwekumikoo̔k, pā natik ke̔che ayumehāwekemawa, mena oomussina̔hikāwa, ussitche kāsāyinee̔ku̔tumeyit. 28Mena omisse itik, Kāko tipāye̔chekāwin wā̔che totumun ohoo kākwia? mena owāna ka̔ meeyisk oma tipāye̔chekāwin kitta totumun ohoo kākwia? 29Ākose Jesus nuskwāwusehāo mena omisse itāo, Neesta ke ga kukwāchimitinawaw pāuk kukwāche̔toowin, ākose we̔tumowik, ākose ke ga we̔tumatinawaw kāko tipāye̔chekāwin wā̔che totuman ohoo kākwia. 30Oo seekaha̔takāwin John, ke̔che kesikoo̔k na o̔chemukuneyew, a̔po na ayiseyinee̔k o̔che? we̔tumowik. 31Ākose a̔äyumehitoowuk, omisse ā itwātchik, Keespin itwāyu̔ko, Ke̔che kesikoo̔k o̔che; kitta itwāo, Tanā̔kā maka āka wā̔che ke̔ tapwā̔towāk? 32Maka keespin itwāyu̔ko, Ayiseyinee̔k o̔che; koostāwuk ayiseyinewa; weya ka̔keyow ayiseyinewuk ā ke̔ itukimatchik Johna, ā ookiskewāhikāweyit tapwā. 33Ākose peekiskwāwuk mena omisse itāwak Jesusa, Numoweya ne ke̔ we̔tānan. Ākose Jesus peekiskwāo mena itāo, Neesta numoweya ke ga we̔tumatinawaw kāko tipāye̔chekāwin o̔che wā̔che totuman ohoo kākwia.
Currently Selected:
OO MEYO ACHIMOOWIN ST MARK 11: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.
