OO MEYO ACHIMOOWIN ST MARK 5
5
PISKE̔TUSSINA̔HIKUN V.
1Ākose otee̔tumwuk kwāskukam itā̔kā wenepāk, oot uskewa̔k isse Gadareneuk. 2Ākose ispe ka̔ kupat mistiko chemani̔k o̔che, sāmak nukiskak napāwa chepuyekumikoo̔k o̔che ā ayawayit a̔cha̔kwa āka ā pā̔kisseyit, 3Ā w’ekeyit chepuyekumikooska̔k; mena numma oweya ke̔ kuske̔tayewa kitta tu̔koopitikoot, numma, numma wawach a̔po pewapisko pesakunapeä o̔che: 4Chikāma ā ata ke̔ me̔chātwaw tu̔koopitee̔t tu̔koopititoowina o̔che mena pewapisko pesakunapea o̔che, mena ā ke̔ pa̔peekopitu̔k pewapisko pesakunapea, mena tu̔koopititoowina metoone ā ke̔ peekopitu̔k: mena numoweya oweya ke̔ kuske̔tayewa kitta yoospissehikoot. 5Mena mosuk, tāpiskayike mena keyesikayike, ke̔ ayaw wutchee̔k, ussitche chepuyekumikooska̔k, ā tāpwāt, mena ā matisoosoot ussineä o̔che. 6Maka ispe weäpumat Jesusa wa̔yow o̔che, ispu̔taw ākose putuppeestowāo, 7Mena tāpwāo ā kissewāt, mena omisse itwāo, Tanse keya kā itaputchehitan, Jesus, keya Wākoosisimisk mamowāyus āspa̔kāye̔takoosit Muneto? Ke pukoosāyimitin weya Muneto o̔che, āka kitta nunā̔kacheheyun. 8Weya omisse ā ke̔ itikoot, Pāche wuyowee w’eyowi̔k napāo o̔che, keya āka peyā̔kisseyun a̔cha̔k. 9Ākose kukwāchimao, Tanse āsse isseni̔kasooyun? Ākose omisse itāo, Legion net isseni̔kasoon: chikāma ā me̔chāteya̔k. 10Mena pukoosāyimik naspitch āka kitta sipwātissa̔hookoot āwuko uskee̔k o̔che. 11Ākota maka oot aya̔tawaw kissewak wutchee̔k ā me̔chātitchik koo̔koosuk ā mechesootchik. 12Ākose ka̔keyow muche a̔cha̔kwa pukoosāyimik, omisse ā itwāyit, Isitissa̔hoonan itta koo̔koosuk ka ayatchik, kitta ke̔ pee̔teskowukee̔tchik. 13Ākose sāmak Jesus eyinumowāo. Ākose āka ka pā̔kissitchik a̔cha̔kwuk wuyoweewuk, mena pee̔teskowāwuk koo̔koosa: ākose koo̔koosuk soo̔ke nasepāpu̔tawuk itta ā keesku̔tchayik wenepākoo̔k, (nantow oo nesoo ke̔che metatu̔to metunowāse̔tawaw); ākose ke̔ nistapawāwuk wenepākoo̔k. 14Ākose unekee ka ke̔ mechesoo̔kowatchik koo̔koosa tupuseewuk, mena we̔tumwuk ke̔che waskahikuni̔k, mena ākota uskee̔k. Ākose nutowe wapu̔tumwuk kākwi unima ka ke̔ totumoo̔t. 15Ākose otee̔tāwuk Jesusa, mena wapumāwuk unehee ka ke̔ kekeskowayit muche a̔cha̔kwa, mena ka ke̔ ayawayit legiona, ā uppeyit, mena ā kekayoowinisāyit, mena ā ayayit kwiusk oo mitoonāye̔chekuneyew: ākose sākissewuk. 16Ākose unekee ka ke̔ wapu̔tu̔kik we̔tumowāwuk tanse ka̔ isse ayayit unehee ka ke̔ kekeskowayit muche a̔cha̔kwa, mena ussitche koo̔koosa o̔che. 17Ākose mache pukoosāyimāwuk kitta sipwā̔tāyit oot uskeewa̔k o̔che. 18Ākose ispe ka̔ poosit mistiko chemani̔k, una ka ke̔ kekeskowat muche a̔cha̔kwa pukoosāyimāo kitta ke̔ wechāwat. 19Numoweya maka Jesus eyinumowāo, maka omisse itāo, Kewā nasik ke’ totāmuk, ākose we̔tumowik kāko ke̔che kākwia ka Tipāye̔chekāt ka̔ totāstumask, mena ā ke̔ kissāwatotask. 20Ākose sipwā̔tāo, mena mache we̔tum Decapolisi̔k kāko ke̔che kākwia Jesusa ka̔ totāstumakoot: ākose ka̔keyow ayiseyinewuk ke̔ mamuskatumwuk.
21Ākose ispe Jesus ka̔ asoowa̔hoot mistiko cheman o̔che kwāskukam isse, me̔chāt ayiseyinewa mawusuko natik: mena kissewak wenepākoo̔k oot aya̔ty. 22Ākose, poote, ka pā natikoot pāuk ka tipāye̔tumeyit ayumehāwekumik, Jairus ā isseni̔kasooyit; ākose ispe weäpumikoot, pu̔kissineyewa oo’ siti̔k, 23Ākose naspitch pukoosāyimik, omisse a itwāyit, Ne’ tanis pimissin kākach ā nippit: ke pukoosāyimitin, kitta pāche saminut, kitta ke̔ kekāhee̔t; ākose kitta pimatissew. 24Ākose Jesus wechāwāo: mena me̔chāt ayiseyinewa pimitissa̔hook, mena pisteskak.
25Ākose pāuk iskwāo, ā we̔ nāstoo̔kwākowit metatu̔t nesoosap pipoonwa, 26Mena ā ke̔ a̔koohikoot me̔chāt kākwia ā i̔totakoot me̔chāt nutoo̔koonuya, mena ā ke̔ māstinu̔k ka̔keyow kākwi ka ke̔ ayat, ākose āka wawach ā koche meyoayasit, maka yayow owusimā ā utte mayeayat, 27Ispe ka̔ pā̔tu̔k Jesusa o̔che, pāche see̔toweyu̔keew otana̔k o̔che, mena saminumwāo oot ukoohooneyew. 28Weya omisse ā ke̔ itwāt, Keespin ke̔ saminumwuke a̔po piko oot ayoowinisa, ne ga kekan. 29Ākose sāmak itta ka o̔tasekowuneyik oo mi̔koom ke̔ pastāyew; ākose moose̔taw w’eyowi̔k ā pimachehee̔t āwuko itaspināwin o̔che. 30Ākose Jesus, sāmak ā kiskāye̔tu̔k soo̔katissewin ā ke̔ wuyoweemukuneyik w’eyowi̔k o̔che, kwāskekapowew mākwawuyās, mena itwāo, Owāna ka̔ saminu̔k net ayoowinisa? 31Ākose oo kiskino̔humowakuna omisse itik, Ke wapumawuk ookistukāwe ayiseyinewuk ā makooskaskik, ākose ket itwan, Owāna ka̔ saminit? 32Ākose waska itapew ā we̔ wapumat unehee ka ke̔ totumeyit oma kākwi. 33Maka iskwāo ā sākissit mena ā nune̔kepuyit, ā kiskāye̔tu̔k kākwi ka̔ totāstuma̔t w’eyowi̔k, pā otee̔tuppeestowāo, mena we̔tumowāo ka̔keyow tapwāwin. 34Ākose omisse itāo, Wātanisee̔k, ke tapwā̔tumoowin ke ke̔ pimachehikoon; neyá pāu̔tukāyimoowini̔k, we̔ pimatisse ket itaspināwini̔k o̔che.
35Mākwach kāyapitch ā peekiskwāt, pā itoo̔tāyewa w’eekee̔k o̔che una ka tipāye̔tu̔k ayumehāwekumik atee̔t ā itwāyit, Ke’ tanis nippew: tanā̔kā wā̔che mikoskachehut Ookemaw owusimā? 36Sāmak Jesus peā̔tu̔k ayumewin ka ke̔ itwāwee̔t, omisse itāo unehee ka tipāye̔tumeyit ayumehāwekumik, Ākaweya sākisse, piko tapwā̔ta. 37Mena numoweya ke̔ eyinumowāo oweya kitta pimitissa̔hookoot, piko Peter, mena James, ussitche John oo’ chewama James. 38Ākose otee̔tumwāo w’eekeeyew unehee ka tipāye̔tumeyit ayumehāwekumik, mena wapu̔tum ā mikooskache ayawee̔t, ussitche unehee ka matooyit mena ka ke̔che matooyit. 39Ākose ispe ka̔ pee̔tokwāt, omisse itāo, Tanā̔kā oma wā̔che mikooskache ayayāk, mena matooyāk? ooskeneekiskwāsis numoweya nippew, maka nipaw. 40Ākose nunatoo̔kwa̔pehāwuk, Maka ispe ka̔keyow ka̔ wuyoweetissa̔wat, itoo̔tahāo oo̔’ taweyewa ussitche oo’ kaweyewa ooskeneekiskwāsisa, mena unehee ka ke̔ wechāwikoot, ākose pee̔tokwāo itta ooskeneekisk wāsisa ka pimissineyit. 41Ākose sukeche̔echānāo ooskeneekisk wāsisa, mena omisse itāo, Talitha cumi; āwukwane, ā itwā̔k, Ooskeneekiskwāsis, k’ ititin, wuniska. 42Ākose sāmak ooskeneekiskwāsis wuniskaw, ākose pimoo̔tāo; weya ā metatu̔t nesoosapo pipoonāt. Ākose ke̔ mamuskatumwuk ke̔che mamuskatumoowin o̔che. 43Ākose soo̔ke ayeechimāo āka oweya kitta kiskāye̔tumeyit; mena itusoowāo nantow kākwi kitta ussumimee̔t.
Currently Selected:
OO MEYO ACHIMOOWIN ST MARK 5: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.
