OO MEYO ACHIMOOWIN ST MARK 6
6
PISKE̔TUSSINA̔HIKUN VI.
1Ākose ākota o̔che sipwā̔tāo, mena pā itoo̔tāo weya kā̔chewak oot uskee̔k; ākose oo kiskino̔humowakuna pimitissa̔hook. 2Ākose ispe ayumehāwe kesikaw wāche̔chepuyeyik, mache kiskino̔humakāo ayumehāwekumikoo̔k: ākose me̔chāt ā pā̔towatchik mamuskatumwuk, ā itwātchik, Tantā wā̔tinu̔k owa napāo ohoo kākwia? mena kāko kutkā̔tawāye̔tumoowin oma ka meeyee̔t, a̔po unehee ke̔che utooskāwina ka i̔totu̔k oo’ chee̔cheeäo̔che? 3Nummayāo na owa mistiko‐napāo, Mary oo’ koosisa, oo’ chewama James, ussitche Joses, mena Juda, ussitche Simon? mena numma na oot’ owāmawa ota ke wechāwanowa? Ākose ke̔ nayā̔tawāyimāwuk. 4Maka Jesus omisse itao, Okiskewāhikāo numoweya āka kitta ayat kistāye̔takoosewin, piko weya kā̔chewak oot uskee̔k, mena keyekow weya kā̔chewak oo’ totāma, mena weya kā̔chewak w’eekee̔k. 5Mena ākota numoweya ke̔ totum mamuskache utooskāwin, piko ā ke̔ saminat atee̔t oota̔koosewa, mena ā ke̔ pimachehat. 6Mena ke̔ mamuskatum chikāma oot anwā̔tumoowinewaw o̔che. Ākose waska̔tāo missewā otānowa, ā kiskino̔humakāt.
7Ākose nutoomāo metatu̔t nesoosap, mena mache sipwātissa̔wāo na̔nesoo; mena meeyāo soo̔katissewin kitta sakoochehayit āka ka pā̔kisseyit a̔cha̔kwa; 8Mena itussoowatāo āka kākwi kitta tu̔koonumeyit ā pupamoo̔tāyit, piko suska̔hoon; numoweya mechimewut, numoweya ayu̔konaw, numoweya sooneyawa w’ewutewa̔k: 9Maka kitta kekeskumeyit muskissina; mena numoweya kitta poostiskumeyit nesoo miskotakuya. 10Ākose omisse itāo, Piko ittā kā pee̔tokwāyāk pee̔che waskahikuni̔k, ākota ayak eyekoo̔k kā sipwā̔tāyāk ākota o̔che. 11Mena piko una āka kā we̔ o̔tinikooyāk, a̔po pā̔takooyāk, ispe sāpwā̔tāyāko ākota o̔che, pu̔powesitāsimook āwukwāyew kitta misimikootchik. Tapwā k’ ititinawaw, owusimā kitta meyo ayawuk weyawaw, Sodom mena Gomorrha ooyussoowāwe kesikake, ispee̔ch āwuko otānow. 12Ākose sipwā̔tāwuk, mena we̔tumakāwuk, ayiseyinewuk kitta pukwatu̔kik muche̔tewin. 13Mena ke̔ wuyoweetissa̔wāwuk me̔chāt muche a̔cha̔kwa, mena ā toominatchik pimme o̔che me̔chāt unehee ka ke̔ a̔kooseyit, mena pimachehāwuk.
14Ākose ke̔che ookemaw Herod pā̔tum ā achimimee̔t; (weya missewā oo we̔yoowin ā atotumoo̔t): ākose omisse itwāo, John Ooseekaha̔takāo ke̔ wuniskaw nippoowini̔k o̔che, mena āwuk’ o̔che wā̔che nookoo̔tat mamuskache utooskāwina. 15Kotokuk itwāwuk, Elias una. Ākose kotukuk itwāwuk, Ookiskewāhikāo una, a̔po tapiskooch pāuk ookiskewāhikāo.
16Maka ispe Herod peā̔tu̔k, omisse itwāo, John una, ka ke̔ keeskekwāta̔wuk: ke̔ wuniskaw nippoowini̔k o̔che. 17Weya Herod kā̔chewak ā ke̔ isitissa̔hoowāt mena ā ke̔ otinat Johna, mena ā ke̔ tu̔koopitat kipa̔hootoowini̔k Herodias o̔che, oo’ chewama Philipa w’eweyewa o̔che: weya ā ke̔ ke̔che weekimat. 18Weya John ā ke̔ ita̔pun Heroda, Numoweya meywasin keya kitta ayawimut ke’ chewam we’ wa. 19Āwuk’ o̔che Herodias ke̔ pukwatāo, mena oo gake̔ nippa̔ha̔ty; maka numoweya ke̔ kuske̔taw: 20Weya Herod ā ke̔ koostat Johna, ā kiskāyimat ā kwiusk itatisseyit mena ā kunatisseyit napāwa, mena ā ke̔ nakutowāyimat; mena ispe ka̔ pā̔towat, ke̔ totum me̔chāt kākwia, mena ke̔ pā̔towāo keke muma̔takoosewin. 21Ākose ā na̔hepuyik kesikaw ā ooche̔chepuyeyik, Herod ā tipisku̔k, tipiskinā̔kwāwin ose̔towāo oo’ kemasisima, ke̔che semakunisewekemawa ussitche, mena mawutche ke̔che ayá Galileei̔k; 22Ākose ispe oo’ tanisa āwuko kāyapitch Herodias peā pee̔tokwāyit, mena ā neemeyit, mena ā na̔heyowāhikoot Herod ussitche unehee ka weetuppimikoot, ke̔che ookemaw omisse itāo unehee ooskeneekiskwāwa, Nutotumowin piko kākwi ā itāye̔tumun, ākose ke ga meeyitin. 23Ākose ke̔che itāo, Piko kākwi kā nutotumoweyun, ke ga meeyitin, ape̔tow net otānowewin isko. 24Ākose wuyoweew, mena omisse itāo oo’ kaweya, Kākwan kā nutotuman? Ākose omisse itwāyewa, Oo’ stikwan John Ooseekaha̔takāo. 25Ākose sāmak keyepe pā natāo ke̔che ookemawa, mena nutotumowāo, omisse, Net itāye̔tān patima kitta meeyeyun ooyakuni̔k oo’ stikwan John Ooseekaha̔takāo. 26Ākose ke̔che ookemaw naspitch numma ke̔ na̔āye̔tum; āyewā̔k maka oo ke̔che itwāwin o̔che, mena weeyawaw o̔che ka weetuppimikoot, numoweya we̔ anwā̔towāo. 27Ākose sāmak ke̔che ookemaw isitissā̔wāo napāwa, mena itussoowāo oo’ stikwaneyew kitta pātawee̔t: ākose itoo̔tāo mena keeskekwāta̔wāo kipa̔hootoowini̔k, 28Mena pātawāo oo’ stikwaneyew ooyakuni̔k, ākose meeyāo ooskeneekiskwāwa: ākose oskeneekiskwāo meeyāo oo’ kaweya. 29Ākose ispe oo kiskino̔humowakuna peā̔tumeyit, pā itoo̔tāwuk mena otinumwāwuk w’eyoweyew, mena ustawāwuk chepākumikoo̔k.
30Ākose isitissa̔wakunuk mawusuko natāwuk Jesusa, mena we̔tumowāwuk ka̔keyow kākwia, ka ke̔ totu̔kik, mena ka ke̔ kiskino̔humakātchik. 31Ākose omisse itāo, Pā itoo̔tāk keyawaw ākut itta ā nisikuto ayak, ākose utcheyow uywāpik: weya me̔chāt ā ke̔ pā itoo̔tātchik mena ā sipwā̔tātchik, mena numma wawach ke̔ towustāyew a̔po eyekoo̔k kitta mechesootchik. 32Ākose sipwā̔tāwuk itta ā nisikuto ayayik chemani̔k kemooch. 33Ākose ayiseyinewuk wapumāwuk ā sipwā̔tāyit, mena me̔chāt kiskāyimāwuk, mena mooschepu̔tawuk ākota isse missewā ke̔che waskahikuneska̔k o̔che, mena asiskowāwuk, ākose mamowe otee̔tāwuk.
34Ākose Jesus, ispe wāyoweet, wapumāo me̔chāt ayiseyinewa, ākose moose̔taw ā kitimakinowat, chikāma ā nuspitowayit mayutchi̔kwa āka kunowemayutchi̔kwāwa ā ayawayit: ākose mache kiskino̔humowāo me̔chāt kākwia. 35Ākose maka ispe kesikaw mistahā māyawepuyik, oo kiskino̔humowakuna pāche otee̔tik, mena omisse itwāyewa, Nisikuto ayamukun ota, ākose ākwa mistahā māschepuyew kesikaw: 36Sipwātissa̔hook, kitta ke̔ itoo̔tātchik uskee̔k missewā waska, mena waskahikuneska̔k isse, ākose kitta utawāstumasootchik ayu̔konawa: chikāma numma kākwi ayawuk kitta mechitchik. 37Nuskwāwusehāo mena omisse itāo, Ussumee̔kook. Ākose omisse itāwuk, Ne ga na nutowe utawanan nesoo metatu̔to metunow sooneyawapiskoosuk eyekoo̔k ayu̔konaw, ākose kitta ussumukee̔tchik? 38Omisse itāo, Tantu̔to ayu̔konawuk āyawākook? nutowe itapik. Ākose ispe kāskāye̔tu̔kik, omisse itwāwuk. Neyanun, ussitche nesoo kinoosāwuk. 39Ākose itussoowatāo ka̔keyow kitta na̔üppehayit pa̔piske̔ch chepā̔tukuskoosewuka̔k. 40Ākose na̔üppewuk pa̔piske̔ch, ma̔metatu̔to metunow, mena na̔neyanuno metunow. 41Ākose ispe ka̔ otinat neyanun ayu̔konawa ussitche nesoo kinoosāwa, tustusapew ke̔che kesikoo̔k isse, mena meywukimāo, mena pu̔kwānāo ayu̔konawa, mena meeyāo oo kiskino̔humowakuna kitta ooyustwawayit; ussitche unehee nesoo kinoosāwa matinumowāo ka̔keyow. 42Ākose ka̔keyow ke̔ mechesoowuk, mena ke̔ keespoowuk. 43Ākose otinumwuk metatu̔t nesoosap we̔koopewuta ā sakuskināyikee iskwa̔chekuna o̔che, mena kinoosāwa o̔che. 44Mena unekee ka ke̔ moowatchik ayu̔konawa nantow ke̔ neyanuno ke̔che metatu̔to metunowāsewuk napāwuk.
45Ākose sāmak ke̔ sakoochimāo oo kiskino̔humowakuna kitta pooseyit mistiko chemani̔k, mena kitta itoo̔tāyit kwāskukam itā̔kā nekan Bethsaidai̔k, ā āskwa sipwātissa̔wat ayiseyinewa. 46Ākose ispe ka̔ sipwātissa̔wat, sipwā̔tāo wutchee̔k isse kitta ayumehat. 47Ākose ispe wātakoosineyik, mistiko cheman tawitch wenepākoo̔k ayayew, ākose weya ā pāukoot uskee̔k. 48Ākose wapumāo soo̔ke ā utooskāyit ā usāpooyāyit; weya ā nayā̔tawetineyik: ākose nantow ātookwā ā utte kākesāpayayik otee̔tāo, ā pimoo̔tāt tu̔koo̔ch wenepakoo̔k, mena oo ga ke̔ mayaskowa̔ty. 49Maka ispe weäpumatchik ā pimoo̔tāyit tu̔koo̔ch wenepākoo̔k, ke̔ itāye̔tumwuk a̔cha̔k ātookwā, mena mowimoo̔kāwuk: 50Weya ka̔keyow ā wapumatchik, mena ke̔ mikooskatāye̔tumwuk. Ākose sāmak weche ayumimāo, mena omisse itāo, Muma̔takoosik: neya oma; ākaweya sākissik. 51Mena natāo pee̔che mistiko chemani̔k isse; ākose yootin poonepuyew: mena naspitch mamuskatumwuk, mena ke̔che mamuskatāye̔tumwuk. 52Chikāma numoweya ā mamitoonāye̔tu̔k ik unima mamuskache isse̔chekāwin ayu̔k onawa: weya oo’ tā̔ewaw ā muskowustāyik.
53Ākose ispe ka̔ mayasku̔kik, otee̔tumwuk uske Gennesaret, mena natukáhumwuk. 54Ākose ispe ka̔ kupatchik chemani̔k o̔che, sāmak kiskāyimāwuk, 55Mena pupamoo̔tāwuk missewā ākota waska, mena mache pupamoo̔tahāwuk nipāwini̔k unehee ka ke̔ a̔kooseyit, itta ā pā̔tu̔kik ā ayayit. 56Mena piko itta ā pee̔tokwāt, waskahikuneska̔k isse, a̔po ke̔che waskahikuneska̔k, a̔po uskee̔k, ke̔ a̔yāyewa oota̔koosewa māskunayee̔k, mena ā pukoosāyimatchik kitta ke̔ saminumwatchik keyam piko chekask oot ukoohooneyew: mena tu̔to ka ke̔ saminatchik ke̔ pimachehawuk.
Currently Selected:
OO MEYO ACHIMOOWIN ST MARK 6: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.
