Imilimo 18
18
Mu Korinte
1Pansizi Pauli afuma mu Ateni aya ku Korinte. 2Aya azana umu Yuda wino izina lyakwe walinji we Akwila, wino wakwatizilwe mu Pontu, watezile wachifuma ku Hale apaliponga numuchi e Prisila, amuno imfumu e Klaudia wachisile isundo lyakufumya awa Yuda wonsi mu Roma. Pauli aya ukuti akalolane nawo, 3aya ayikala awawomba nawo, amuno wamanyile umulumo uwakusuma amahema, wowonye awuno walinji amulimo wawo. 4Wavwanganga mung'anda yakupepela amanda yonsi ayakusolezya ayelezya ukutonsya awa Yuda na wa Griki.
5Ala Silasi nu Timoti wafika ukufuma ku Makedonia, Pauli alemasya ukuwizya amazwi impindi zyonsi, awapanichisizya Yesu ku wa Yuda kuno walinji we Mesaya. 6Awala awamukanya wamukwelengula nukumukwelengula, Pauli alwilwinta akunta itukumbu kuchizwalo chakwe awanena ati, Ndimwemwenye mwasowa, mwemwenye nalwinu amulandu winu! Nenji insi numulandu. Ukufumilila ilelo nukuya kunkolelo nandi inje kumakandi. 7Achaleka afuma kweneko aya ayikala mung'anda yikandi e Taitasi Justasi, walinji wekalumbula wakwe Leza; ning'anda yakwe yalinji mupipi ning'anda yakupepela. 8Nawe e Krisipa, umweni ng'anda yakupepela, walinji amuzisuwi wa Mfumu, apaliponga nawapachiwanza chakwe wonsi; nga awala awina Korinte wanji wavule wivwa mazwi, awasuwila, awabatizwa nukubatizwa.
9Uwusiku wumwi Pauli alota ichilota, chino lmfumu yamunenile iti, Utatina, ukuwa vwanganga utamyalala, 10amuno indi nawe. Pasi wumwi wino angakuchisa, amuno awavule awamukayanye kaa awantu wane. 11Achaleka Pauli ayikala nawo mwenemo umwaka wonga nimyezi mutanda, akuwasambilizya amazwi yakwe Leza.
12Walile pano Galio walasikwa munsi yawa Griki, awa Yuda awakatuka apaliponga, awalema Pauli awamutwala kwipembo lyamilandu. 13Awafika awavwanga awati, Umuntu wee akwelezya ukufunkula awantu ukuti wapepela Leza muno amasundo yatayila!
14Ala vino Pauli akasi avwange, Galio anena awa Yuda ati, Ndi umulandu awaluwi lumwi pamwi uluwembu lumwi luno lwachitwa, fwandi nanga nsulange mbateyelezye mwemwenye mwe wa Yuda. 15Ukuwa amuno amipanzi yamazwi matupu namazina nisundo linu, achino achinu mwenganye ukupanzya. Nenji nakana ntanga mpanzye ivintunye vyovyo! 16Awafondomolela kunzi awafumya mwipembo lyamilandu. 17Wonsinye awalema Sositeni, esongo wa ng'anda yakupepela, awamumila pipembo lyamilandunye. Ukuwa Galio nanti kupechela.
Pauli anyochela ku Antioki
18Pauli wisile mu Korinte nawanyina amanda mavule, ngapansizi afuma ayinjila muwato apaliponga nu Prisila nu Akwila awalungama ku Siria. Pano atani ayinjile muwato walafile mu Kenkeria apela nulumpala. 19Awafika mwe Efeso, kuno Pauli wayile asya Prisila nu Akwila. Aya mung'andayakupepela awalanda nawa Yuda. 20Awamulambilizya ukuti ayikale nawo impindi nkulu, ukuwa akana. 21Ukuwa, ala pano wati awapita avwanga ati, Ndi akulonda kwakwe Leza, ndinyoka kwakwe mwemwe. Nga ayinjila muwato afuma mwe Efeso.
22Ala pano wafika pa Kesariya aya kwe Yerusalemu aya alamuka awi Klezia, ngapano aya ku Antioki. 23Ala wi kala amanda yamwi kweneko afuma. Apulunkana munsi ya Galatiya niyakwe Frigia, mukuwomesya awasuwizi wonsi.
E Apolo mwe Efeso na mu Korinte
24Umu Yuda wumwi wino witwanga izina lyakwe Apolo, wino wakwatizilwe mwe Alekizanderia, aya ku Efeso. Wamanyile ukuvwanga nkaninye swinya wamanyichisizye a Mawaliko Matele. 25Umuntunye wee wasambilizizwe inzila ya Mfumu, wachinchizile nkaninye ukuvwanga wasambilizyanga ivisinza vyakwe Yesu ichete-chete. Ukuwa wamanyile ivyibatizo lyakwe Yohani tupu. 26Atalika ukuvwanga nukusinga mung'anda yakupepela. Ala Prisila nu Akwila wamwivwa, awaya awamusenda awamwilulila inzila yakwe Leza ichetechete. 27Apolo awalonda ukuya ku nsi yawa Griki, achaleka awasuwizi wa mwe Efeso awamwavwilizya awawalichila awanyina wakweneko ekalata, ukuti wakamupochelele ichete. Ala pane waya wafika, ayavwilizya awantu wane e Leza munkumbu zyakwe walesile awasuwila. 28Muno amazwi yakuvwanga kwakwe amakalambane watonsizye awa Yuda mumipanzi yawo palwenze, awapanichisizya na Mawaliko Matele kuno Yesu we Mesaya.
Currently Selected:
Imilimo 18: WWN82
Highlight
Share
Copy
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
