Jáaŋ 20
20
Emɔ̄ʼ megaŋ nnɔ Yɛɛ́so, é gʉɔ mé lesi
(Mat 28.1-10; Mlk 16.1-8; Lúk 24.1-12)
1Á shʉʼ ŋgɔ́ mvhɔ aleʼé ánɛ ŋgap alāʼ, ŋ́gɔ́ nzemɛ́nzēm, tɛ ejʉʼ é zɛ́t eséŋ seéŋ, Malía mɔ́ Makdala á gʉɔ mé lesi, ŋ́kó njʉ́ɔ mbɔ, mɛ́ mbēkne á tɔ́, á nchu lesi. 2Á kʉte ŋgʉ̄ɔ ńtswɛ́tte á Simɔŋ Piɛ pɔ́ eyi mmɔʼ ŋiŋ nnɔ Yɛɛ́so, éyi Yɛɛ́so a lɛɛ́ ŋkɔŋɔ á yí tɛʼ lā, ńdé á mbū pɔ́p ŋ́gɛ: «Mɛ́ efhó á lesi, éfók á apfhō Atsyapuɔ, pek piīŋ te si nzhɛ́ɛ ajʉʼ zīi, mɛ́ ncʉ́ʼ éwú ú. » 3Piɛ pɔ́ eyi mmɔʼ ŋiŋ nnɔ Yɛɛ́so, é lɛ ntó ŋgʉ̄ɔ mé lesi. 4Pɔ́p mémpīa metsem é nɔŋ ŋkʉ̄tɛ ŋ́gʉ̄ɔ, eyi mmɔʼ ŋiŋ nnɔ Yɛɛ́so á gákne ŋkʉ̄te ńtɔ́k á Piɛ, ḿbīk á lesi. 5Ŋ́ŋɔ́ʼne ncʉ̄te lesi, ńjʉ́ɔ epak nzhó é nɔŋte éwú. Á ké te á ntē lesi kó. 6Páʼ Simɔŋ Piɛ a á ŋgɔ́ á nzem, ńjūŋtɛ á yí lā, á shʉʼ azí, ŋ́kó á ntē lesi, ńjʉ́ɔ, epak nzhó é nɔŋte éwú. 7Mbɔ mɛ́ ŋkɛ́t nzhó zīi, mɛ́ ke lɔ̄k nzémte á athū Yɛɛ́so, é nɔŋ azí ajʉʼ. Tɛ pɔ́ ezi mmɔʼ é té taʼ ajʉʼ nɔ̄ɔŋ. 8Ajɔ̄ afʉʼ, tɛ́ eyi mmɔʼ ŋiŋ nnɔ Yɛɛ́so, á kó azí á ntē lesi, tɛ́ mbɔ yí mé nzī á ajʉʼ lesi á lepik. Ŋ́kó éwú épúp, ńjʉ́ɔ, ḿvéŋ. 9Mbɔ pɔ́ nzɛ́t té júʼ á ajʉʼ aŋwaʼne zīi, á leé ŋ́gɛ, Ndém a a fú eghʉ, Klísto a ezím ánɛ lewhʉ̄. 10Megaŋ nnɔ Yɛɛ́so puɔ mɛ́t mémpīa, é lɛ mbīŋ nzem mé ajʉʼ zīi, pɔ́ é efhó éwú.
Malía mɔ́ Makdala a á jʉ́ɔ á Yɛɛ́so
(Mat 28.9-10; Mlk 16.9-11)
11Malía á zɛ́t ntshí á nchu lesi, mé nzem apɛ́, ńnɔŋ ndāa, ŋ́ŋɔ́ʼne athū zí mé ntē lesi. 12Ńjʉ́ɔ mecɔʼ Ndém mémpīa, pɔ́ maʼ mefhɔ́ menzhó, ńnáŋte á esī, á kwaʼ ajʉʼ zīi, mɛ́ ke nɔ̄ŋ apfhō Yɛɛ́so éwú, mmɔʼ ŋgaŋ á náŋ mé ajʉʼ zīi athū á kɛ éwú, eyi mmɔʼ á náŋ mé ajʉʼ zīi mekhu é kɛ éwú.
13Mecɔʼ Ndém é zɛ́tte á menzwí mɛ́t ŋ́gɛ: «Maá, o laa akɔ̄?» Á pwɛt ŋ́gɛ: «Mɛ́ é efók á apfhō Atsyapuɔ ga, meŋ mbiīŋ ka zhɛ́ á ajʉʼ zīi, mɛ́ é ncʉ́ʼ éwú ú. » 14Á lé épúp, ḿbēkne nnɛ̄t, ńjʉ́ɔ á ŋiŋ, á tshí á ajʉʼ, ŋ́gɔ́ á Yɛɛ́so. Á ké nɔ̄ŋ te nzhɛ́ɛ á légɛ yí í. 15Yɛɛ́so á lé á mbū yí ŋ́gɛ: «Maá, o laa akɔ̄? O faʼa á awɔ́?» Menzwí wɔ̄ á nɔŋ njʉ́ɔ ŋ́gɛ, ŋiŋ yīi, a cʉtɛ ŋkāʼ mɛ́t mé shúŋnɛ, á mbū yí, ńdé á mbú yí ŋ́gɛ: «Ndi, a gɔ́ éyi wu mé efók á apfhō Yɛɛ́so, o lɛ eshúŋ á gá á ajʉʼ zīi, o ó ncʉ́ʼ éwú, meŋ egʉɔ ŋkʉ̄lɛ. » 16Yɛɛ́so á tɔ́ŋ á yí mé lezēŋ, ŋ́gɛ: «Malía. » Á tshóte nnɛ̄t, ńdé á mbū yí mé ashuŋne epuɔ Eble ŋ́gɛ: «Labuni», ńdɔkɔ ŋ́gɛ, «Nziʼnɛ. » 17Yɛɛ́so á lé á mbū yí ŋ́gɛ: «Ndɛ́ʼ o ekúʼte á gá. Meŋ zɛɛ́t te pe njʉ́ɔ á Mɔʼɔ́ ga. Ŋ́gɔ́ mé wu mbɔ, gʉɔ njʉ́ɔ epɔ̄ memía pá, ńdé á mbū pɔ́p ŋ́gɛ, meŋ a pe á njʉ́ɔ á Mɔʼɔ́ ga, páʼ a zeéŋ ŋgɔ́ á Mɔʼɔ́ wɛ lā, mé lezēŋ Ndém ga, páʼ a zeéŋ ŋgɔ́ á Ndém wɛ lā. » 18Malía mɔ́ Makdala á gʉɔ eshúŋ megaŋ nnɔ Yɛɛ́so ŋ́gɛ: «Meŋ á njʉ́ɔ á Atsyapuɔ. » Ḿbɛ́te anu zīi, a á ndé á mbū yí eshúŋ á wɔ́p.
Yɛɛ́so a á ega ntswīi nnɛ̄t zi á mbū megaŋ nnɔ pí
(Mat 28.16-20; Mlk 16.14-18; Lúk 24.36-49)
19Á kó ŋgɔ́ eseéŋ‑njhʉ̄ á aleʼé mɛ́t, ŋ́gɔ́ mvhɔ aleʼé ánɛ ŋgap alāʼ. Megaŋ nnɔ Yɛɛ́so é nɔŋ mbɔ́kɔ mekém epuɔ Yúda, ŋ́kɛ̄ menchu ŋgyā zīi, pɔ́ é ŋgɔ́ éwú. Yɛɛ́so á ŋwak ntshí á nnɔ pɔ́p, ńtsāʼte á wɔ́p ndé ŋ́gɛ: «Apwɛne a egɔ́ mé pɛ. » 20Éshúŋne épúp, ńtswī á wɔ́p mbū mí mbɔɔ lekyɛ́t mbɛ tsí. Megaŋ nnɔ Yɛɛ́so é jʉ́ɔ á Atsyapuɔ épúp, ŋgɔŋ é pú mbɔ̄ŋ á wɔ́p tɛʼ. 21Á zéŋ ndé á mbū pɔ́p ŋ́gɛ: «Apwɛne e egɔ́ mé pɛ. Páʼ Mɔʼɔ́ ga a le tó á gá á ŋgɔŋ lā, meŋ a zéŋ etó á wɛ́ azá. » 22Ḿmāk á leshūŋne épúp, éfwɔ́k á azwakne ánɛ pɔ́p, ńdé á mbū pɔ́p ŋ́gɛ: «Azwakne Ndém a egɔ́ ánɛ pɛ. 23Pɛ cʉʉ á ŋiŋ, tɛ ndēkne mefa mí, mbɔ Ndém a a zéŋ elekne mefa ŋgaŋ. Ḿbīŋ ncʉ̄ á ŋiŋ, tɛ pɛ te mefa mí lekne, mbɔ Ndém a zeéŋ te lekne mefa ŋgaŋ á. »
Yɛɛ́so a á ega ntswīi nnɛ̄t zi á mbū Tomási
24Á le gē egɔ́ épúp, Tomási, ḿmɔʼ ŋiŋ ánɛ meziŋ‑ntō Yɛɛ́so ntsɔp pīa mé legēm, mɛ́ zéŋ ntɔ́ŋ á yí lɛ méŋ lefāk, á gɔ́ te á esī á afʉʼ zīi, Yɛɛ́so a tswii nnɛ̄t á mbū nnɔ yí í. 25Á ghʉ eshʉ̄ʼ, mvuʼ megaŋ nnɔ Yɛɛ́so é lé á mbū yí ŋ́gɛ: «Pek é njʉ́ɔ á Atsyapuɔ. » Á pwɛt á mbū pɔ́p ŋ́gɛ: «Meŋ gɔ́ te jʉ́ɔ elák meféŋ tsīi, membaŋa é ke néŋ ánɛ mbū mí í, ŋ́gɔ́ te néŋ á thu‑apū ga ánɛ membhʉ̄ membaŋa á, ŋ́gɔ́ te néŋ apū zá á lekyɛ́t mbɛ yí í, meŋ ńde véŋ. »
26Á tɔ́k eleʼé lefaá, nnɔ Yɛɛ́so é zéŋ ncúʼte leswhī leswhī á ŋgyā, Tomási á gɔ́ azí éwú. Mbɔ pɔ́ ŋkɛ̄ menchu ŋgyā ntsem, Yɛɛ́so á ké ŋŋwāk ntshí á tsetsɛlɛ pɔ́p, ńdé á mbū pɔ́p ŋ́gɛ: «Apwɛne a egɔ́ mé pɛ. » 27Ńzéŋ ndé á mbū Tomási ŋ́gɛ: «Lɔk á thu‑apū wu eshʉ̄ʼ mé ega. Cʉte mbū má njʉ́ɔ. Lɔk apū jú eshʉʼ nnéŋ á lekyɛ́t mbɛ meŋ. Ndɛ́ʼ o ezéŋ mmīʼte á wú á levēŋ. Véŋ ŋ́gɛ, á gɔ́ áa gá. » 28Tomási á pwɛt á mbū yí ŋ́gɛ: «O ó Atsyapuɔ ga, ŋ́gɔ́ á Ndém ga. » 29Yɛɛ́so á lé á mbū yí ŋ́gɛ: «O ó véŋ melaʼ mīi, o ó jʉ́ɔ á gá. Meshhʉ̄ mbɔŋ é si ŋgɔ́ epuɔ pīi, pɔ́ é véŋ té gɔ́ yīi, pɔ́ njʉ́ɔ. »
Ajū mīi á le ghʉ̄ tɛ́ mɛ́ tí aŋwaʼne jʉɔ
30Yɛɛ́so a le zéŋ ŋghʉ̄ emɔ̄ʼ meŋkʉʼne menu tɛ nzáne á mvhɔ megaŋ nnɔ pí. Mɛ́ le pīŋ te emiɛ́ meŋkʉʼne menu mɛ́t, á ntē aŋwaʼne ega tí. 31Mɛ́ le tí emuɔ páʼa, ńdɔkɔ ŋ́gɛ, pɛ evéŋ á légɛ, Yɛɛ́so mé zi ŋgɔ́ á Nzaʼ‑Ŋkhʉ, á Méŋ Ndém. Ńzéŋɛ ndɔkɔ ŋ́gɛ, o fíɛ́ nnɛ̄t ŋgyá á mbū yí, mbɔ a a láʼ eghʉ, o etā á lezēŋ Ndém.
Currently Selected:
Jáaŋ 20: ybb
Highlight
Share
Copy
Want to have your highlights saved across all your devices? Sign up or sign in
© CABTAL
Jáaŋ 20
20
Emɔ̄ʼ megaŋ nnɔ Yɛɛ́so, é gʉɔ mé lesi
(Mat 28.1-10; Mlk 16.1-8; Lúk 24.1-12)
1Á shʉʼ ŋgɔ́ mvhɔ aleʼé ánɛ ŋgap alāʼ, ŋ́gɔ́ nzemɛ́nzēm, tɛ ejʉʼ é zɛ́t eséŋ seéŋ, Malía mɔ́ Makdala á gʉɔ mé lesi, ŋ́kó njʉ́ɔ mbɔ, mɛ́ mbēkne á tɔ́, á nchu lesi. 2Á kʉte ŋgʉ̄ɔ ńtswɛ́tte á Simɔŋ Piɛ pɔ́ eyi mmɔʼ ŋiŋ nnɔ Yɛɛ́so, éyi Yɛɛ́so a lɛɛ́ ŋkɔŋɔ á yí tɛʼ lā, ńdé á mbū pɔ́p ŋ́gɛ: «Mɛ́ efhó á lesi, éfók á apfhō Atsyapuɔ, pek piīŋ te si nzhɛ́ɛ ajʉʼ zīi, mɛ́ ncʉ́ʼ éwú ú. » 3Piɛ pɔ́ eyi mmɔʼ ŋiŋ nnɔ Yɛɛ́so, é lɛ ntó ŋgʉ̄ɔ mé lesi. 4Pɔ́p mémpīa metsem é nɔŋ ŋkʉ̄tɛ ŋ́gʉ̄ɔ, eyi mmɔʼ ŋiŋ nnɔ Yɛɛ́so á gákne ŋkʉ̄te ńtɔ́k á Piɛ, ḿbīk á lesi. 5Ŋ́ŋɔ́ʼne ncʉ̄te lesi, ńjʉ́ɔ epak nzhó é nɔŋte éwú. Á ké te á ntē lesi kó. 6Páʼ Simɔŋ Piɛ a á ŋgɔ́ á nzem, ńjūŋtɛ á yí lā, á shʉʼ azí, ŋ́kó á ntē lesi, ńjʉ́ɔ, epak nzhó é nɔŋte éwú. 7Mbɔ mɛ́ ŋkɛ́t nzhó zīi, mɛ́ ke lɔ̄k nzémte á athū Yɛɛ́so, é nɔŋ azí ajʉʼ. Tɛ pɔ́ ezi mmɔʼ é té taʼ ajʉʼ nɔ̄ɔŋ. 8Ajɔ̄ afʉʼ, tɛ́ eyi mmɔʼ ŋiŋ nnɔ Yɛɛ́so, á kó azí á ntē lesi, tɛ́ mbɔ yí mé nzī á ajʉʼ lesi á lepik. Ŋ́kó éwú épúp, ńjʉ́ɔ, ḿvéŋ. 9Mbɔ pɔ́ nzɛ́t té júʼ á ajʉʼ aŋwaʼne zīi, á leé ŋ́gɛ, Ndém a a fú eghʉ, Klísto a ezím ánɛ lewhʉ̄. 10Megaŋ nnɔ Yɛɛ́so puɔ mɛ́t mémpīa, é lɛ mbīŋ nzem mé ajʉʼ zīi, pɔ́ é efhó éwú.
Malía mɔ́ Makdala a á jʉ́ɔ á Yɛɛ́so
(Mat 28.9-10; Mlk 16.9-11)
11Malía á zɛ́t ntshí á nchu lesi, mé nzem apɛ́, ńnɔŋ ndāa, ŋ́ŋɔ́ʼne athū zí mé ntē lesi. 12Ńjʉ́ɔ mecɔʼ Ndém mémpīa, pɔ́ maʼ mefhɔ́ menzhó, ńnáŋte á esī, á kwaʼ ajʉʼ zīi, mɛ́ ke nɔ̄ŋ apfhō Yɛɛ́so éwú, mmɔʼ ŋgaŋ á náŋ mé ajʉʼ zīi athū á kɛ éwú, eyi mmɔʼ á náŋ mé ajʉʼ zīi mekhu é kɛ éwú.
13Mecɔʼ Ndém é zɛ́tte á menzwí mɛ́t ŋ́gɛ: «Maá, o laa akɔ̄?» Á pwɛt ŋ́gɛ: «Mɛ́ é efók á apfhō Atsyapuɔ ga, meŋ mbiīŋ ka zhɛ́ á ajʉʼ zīi, mɛ́ é ncʉ́ʼ éwú ú. » 14Á lé épúp, ḿbēkne nnɛ̄t, ńjʉ́ɔ á ŋiŋ, á tshí á ajʉʼ, ŋ́gɔ́ á Yɛɛ́so. Á ké nɔ̄ŋ te nzhɛ́ɛ á légɛ yí í. 15Yɛɛ́so á lé á mbū yí ŋ́gɛ: «Maá, o laa akɔ̄? O faʼa á awɔ́?» Menzwí wɔ̄ á nɔŋ njʉ́ɔ ŋ́gɛ, ŋiŋ yīi, a cʉtɛ ŋkāʼ mɛ́t mé shúŋnɛ, á mbū yí, ńdé á mbú yí ŋ́gɛ: «Ndi, a gɔ́ éyi wu mé efók á apfhō Yɛɛ́so, o lɛ eshúŋ á gá á ajʉʼ zīi, o ó ncʉ́ʼ éwú, meŋ egʉɔ ŋkʉ̄lɛ. » 16Yɛɛ́so á tɔ́ŋ á yí mé lezēŋ, ŋ́gɛ: «Malía. » Á tshóte nnɛ̄t, ńdé á mbū yí mé ashuŋne epuɔ Eble ŋ́gɛ: «Labuni», ńdɔkɔ ŋ́gɛ, «Nziʼnɛ. » 17Yɛɛ́so á lé á mbū yí ŋ́gɛ: «Ndɛ́ʼ o ekúʼte á gá. Meŋ zɛɛ́t te pe njʉ́ɔ á Mɔʼɔ́ ga. Ŋ́gɔ́ mé wu mbɔ, gʉɔ njʉ́ɔ epɔ̄ memía pá, ńdé á mbū pɔ́p ŋ́gɛ, meŋ a pe á njʉ́ɔ á Mɔʼɔ́ ga, páʼ a zeéŋ ŋgɔ́ á Mɔʼɔ́ wɛ lā, mé lezēŋ Ndém ga, páʼ a zeéŋ ŋgɔ́ á Ndém wɛ lā. » 18Malía mɔ́ Makdala á gʉɔ eshúŋ megaŋ nnɔ Yɛɛ́so ŋ́gɛ: «Meŋ á njʉ́ɔ á Atsyapuɔ. » Ḿbɛ́te anu zīi, a á ndé á mbū yí eshúŋ á wɔ́p.
Yɛɛ́so a á ega ntswīi nnɛ̄t zi á mbū megaŋ nnɔ pí
(Mat 28.16-20; Mlk 16.14-18; Lúk 24.36-49)
19Á kó ŋgɔ́ eseéŋ‑njhʉ̄ á aleʼé mɛ́t, ŋ́gɔ́ mvhɔ aleʼé ánɛ ŋgap alāʼ. Megaŋ nnɔ Yɛɛ́so é nɔŋ mbɔ́kɔ mekém epuɔ Yúda, ŋ́kɛ̄ menchu ŋgyā zīi, pɔ́ é ŋgɔ́ éwú. Yɛɛ́so á ŋwak ntshí á nnɔ pɔ́p, ńtsāʼte á wɔ́p ndé ŋ́gɛ: «Apwɛne a egɔ́ mé pɛ. » 20Éshúŋne épúp, ńtswī á wɔ́p mbū mí mbɔɔ lekyɛ́t mbɛ tsí. Megaŋ nnɔ Yɛɛ́so é jʉ́ɔ á Atsyapuɔ épúp, ŋgɔŋ é pú mbɔ̄ŋ á wɔ́p tɛʼ. 21Á zéŋ ndé á mbū pɔ́p ŋ́gɛ: «Apwɛne e egɔ́ mé pɛ. Páʼ Mɔʼɔ́ ga a le tó á gá á ŋgɔŋ lā, meŋ a zéŋ etó á wɛ́ azá. » 22Ḿmāk á leshūŋne épúp, éfwɔ́k á azwakne ánɛ pɔ́p, ńdé á mbū pɔ́p ŋ́gɛ: «Azwakne Ndém a egɔ́ ánɛ pɛ. 23Pɛ cʉʉ á ŋiŋ, tɛ ndēkne mefa mí, mbɔ Ndém a a zéŋ elekne mefa ŋgaŋ. Ḿbīŋ ncʉ̄ á ŋiŋ, tɛ pɛ te mefa mí lekne, mbɔ Ndém a zeéŋ te lekne mefa ŋgaŋ á. »
Yɛɛ́so a á ega ntswīi nnɛ̄t zi á mbū Tomási
24Á le gē egɔ́ épúp, Tomási, ḿmɔʼ ŋiŋ ánɛ meziŋ‑ntō Yɛɛ́so ntsɔp pīa mé legēm, mɛ́ zéŋ ntɔ́ŋ á yí lɛ méŋ lefāk, á gɔ́ te á esī á afʉʼ zīi, Yɛɛ́so a tswii nnɛ̄t á mbū nnɔ yí í. 25Á ghʉ eshʉ̄ʼ, mvuʼ megaŋ nnɔ Yɛɛ́so é lé á mbū yí ŋ́gɛ: «Pek é njʉ́ɔ á Atsyapuɔ. » Á pwɛt á mbū pɔ́p ŋ́gɛ: «Meŋ gɔ́ te jʉ́ɔ elák meféŋ tsīi, membaŋa é ke néŋ ánɛ mbū mí í, ŋ́gɔ́ te néŋ á thu‑apū ga ánɛ membhʉ̄ membaŋa á, ŋ́gɔ́ te néŋ apū zá á lekyɛ́t mbɛ yí í, meŋ ńde véŋ. »
26Á tɔ́k eleʼé lefaá, nnɔ Yɛɛ́so é zéŋ ncúʼte leswhī leswhī á ŋgyā, Tomási á gɔ́ azí éwú. Mbɔ pɔ́ ŋkɛ̄ menchu ŋgyā ntsem, Yɛɛ́so á ké ŋŋwāk ntshí á tsetsɛlɛ pɔ́p, ńdé á mbū pɔ́p ŋ́gɛ: «Apwɛne a egɔ́ mé pɛ. » 27Ńzéŋ ndé á mbū Tomási ŋ́gɛ: «Lɔk á thu‑apū wu eshʉ̄ʼ mé ega. Cʉte mbū má njʉ́ɔ. Lɔk apū jú eshʉʼ nnéŋ á lekyɛ́t mbɛ meŋ. Ndɛ́ʼ o ezéŋ mmīʼte á wú á levēŋ. Véŋ ŋ́gɛ, á gɔ́ áa gá. » 28Tomási á pwɛt á mbū yí ŋ́gɛ: «O ó Atsyapuɔ ga, ŋ́gɔ́ á Ndém ga. » 29Yɛɛ́so á lé á mbū yí ŋ́gɛ: «O ó véŋ melaʼ mīi, o ó jʉ́ɔ á gá. Meshhʉ̄ mbɔŋ é si ŋgɔ́ epuɔ pīi, pɔ́ é véŋ té gɔ́ yīi, pɔ́ njʉ́ɔ. »
Ajū mīi á le ghʉ̄ tɛ́ mɛ́ tí aŋwaʼne jʉɔ
30Yɛɛ́so a le zéŋ ŋghʉ̄ emɔ̄ʼ meŋkʉʼne menu tɛ nzáne á mvhɔ megaŋ nnɔ pí. Mɛ́ le pīŋ te emiɛ́ meŋkʉʼne menu mɛ́t, á ntē aŋwaʼne ega tí. 31Mɛ́ le tí emuɔ páʼa, ńdɔkɔ ŋ́gɛ, pɛ evéŋ á légɛ, Yɛɛ́so mé zi ŋgɔ́ á Nzaʼ‑Ŋkhʉ, á Méŋ Ndém. Ńzéŋɛ ndɔkɔ ŋ́gɛ, o fíɛ́ nnɛ̄t ŋgyá á mbū yí, mbɔ a a láʼ eghʉ, o etā á lezēŋ Ndém.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© CABTAL