Jáaŋ 21
21
Yɛɛ́so a á ega nzéŋɛ ntswīi athū nnɛ̄t zí, á mbū megaŋ nnɔ pí
1Á tɔ́k eleʼé shɔ́ʼɔ́ lɛ́, Yɛɛ́so á zéŋ ntswī athū nnɛ̄t zí á mbū nnɔ yí. Ńtswīi épúp, á legʉ̄ŋ mía ntshi yīi, mɛ́ tɔ́ŋɔ lɛ Tibeliade. Ḿpɛ ejʉ́ɔ páʼ, a le tswī athū nnɛ̄t zí mɛ́t épúp. 2Emɔ̄ʼ megaŋ nnɔ Yɛɛ́so é le pú ncúʼte á taʼ ajʉʼ. Á lɛ éwú, ŋ́gɔ́ á Simɔŋ Piɛ, ŋ́gɔ́ á Tomási, mɛ́ zéŋ ntɔ́ŋ á yí lɛ méŋ lefāk, ŋ́gɔ́ á Natanayɛl ŋiŋ Kána á ntē Ŋgaliléa, ŋ́ghʉ̄ epɔ̄ Zebedé, mbɔɔ emɔ̄ʼ megaŋ nnɔ Yɛɛ́so mémpīa. 3Simɔŋ Piɛ á lé mé pɔ́p ŋ́gɛ: «Meŋ a gʉɔ emāʼ mesōh. » Pɔ́ pwɛt á mbū yí ŋ́gɛ: «Ḿpɛ epú ŋgʉ̄ɔ. » Pɔ́ lé épúp, ḿbú ntó ŋ́kó á ntē akɛnūʼ, ńdáʼ alāʼ etsōʼ mɛ́t, ḿbú te azō gɔ. 4Nzemɛ́nzēm á kuʼ, Yɛɛ́so á tshí á akʉŋɛ́ ntshi, megaŋ nnɔ pí pwɔ̄, é ké nnɔ̄ŋ te nzhɛ́ɛ á légɛ yí í. 5Yɛɛ́so á lé á mbū pɔ́p ŋ́gɛ: «Ewɔŋkhʉ̄ pá, pɛ te á méŋ agáʼ mesōh ega wɛ lɛ́?» Pɔ́ pwɛt ŋ́gɛ: «Ŋgáŋ. » 6Á lé mé pɔ́p ŋ́gɛ: «Pɛ́ emāʼ lekhʉ mé ŋkɔʼɔ́ apū ete akɛnūʼ, ńdɔk ŋgɔ̄ mesōh. » Pɔ́ maʼ épúp, ŋ́gɔ̄ mesōh, é pú nzá zá, tɛ pɔ́ té zéŋ ŋkūʼ á leshūŋ nnéŋ á ntē akɛnūʼ ɔ́. 7Mmɔʼ ŋiŋ nnɔ Yɛɛ́so, Yɛɛ́so á kɔŋ á yí tɛʼ, á lɛ ndé á mbū Piɛ ŋ́gɛ: «A gɔ́ áa Atsyapuɔ. » Simɔŋ Piɛ á júʼ á légɛ, a gɔ́ áa Atsyapuɔ, ḿbɛ́ nzhó ncúŋ ánɛ yí, melaʼ mīi á le gē egɔ́ épúp, á te tswhī mmāʼ nzhó ɔ́, ŋ́kyɛ́t ŋkó á ntshi. 8Epi emɔ̄ʼ megaŋ nnɔ Yɛɛ́so, é ge elɔk akɛnūʼ efhó á ntshi etó, ńnɔŋ eshūŋɔ lekhʉ, mesōh é gɔ́ éwú tɛ ndó. Mbɔ pɔ́ zi kaá ŋgɔ́ á tɛ tsetsɛlɛ ntshi ɛ́. Pɔ́ lɛ ánɛ ajūɔ memíta ŋkhʉ, á lekō á akʉŋɛ́ ntshi.
9Pɔ́ gʉɔ tɛ ŋkó, ésóʼo á ntē akɛnūʼ tɛ ntshíte á esī, ńjʉ́ɔ emɔ̄ʼ mmók, mbɔ mɛ́ é nzápte mesōh pɔ́ mblɛ ánɛ ŋgʉɔʼ mmók. 10Yɛɛ́so á lé á mbū pɔ́p ŋ́gɛ: «Pɛ elɔ̄k emɔ̄ʼ mesōh mīi, pɛ fhɔ́ɔ mé ŋgɔɔ̄ lā, ńdɔk eshʉ̄ʼ. » 11Simɔŋ Piɛ á zéŋ ŋkɔ́ʼ ŋ́kó á ntē akɛnūʼ, éshūŋ lekhʉ ŋgyá á esī. Mesōh é gɔ́ éwú tɛ ndó, mémía mesōh ntāʼ ŋkhʉ mé ntsɔp tɛ́t megēm táa. Tɛ mbɔɔ páʼ mesōh é lɛ éwú tɛ ndó ejʉɔ ntií lā, lekhʉ é ké te záʼte. 12Yɛɛ́so á lé á mbū pɔ́p ŋ́gɛ: «Pɛ eshʉ̄ʼ mbák mekī mɛ́. » Tsɔ taʼ ŋiŋ nnɔ, a te kūʼ á lezɛ̄tte á yí ŋ́gɛ, a á awɔ́ lɛ́ɛ̄. Ŋ́ké nnɔŋ nzhɛ́ɛ á légɛ, a gɔ́ áa Atsyapuɔ. 13Yɛɛ́so á lɛ ntshóte nnɛ̄t, ḿbɛ́ mblɛ, ŋ́gyá mé pɔ́p. Ńzéŋ mbɛ́ mesōh ŋgyá mé pɔ́p. 14Á lɛ páʼā, ńdɔk ŋgɔ́ mbáte tɛ́t yīi, Yɛɛ́so a tswii athū nnɛ̄t zí á mbū megaŋ nnɔ pí, tɛ efhó páʼ Ndém a le ghʉ̄ á zím ánɛ lewhʉ̄.
Yɛɛ́so a á ega eshúŋnɛ á mbū Piɛ
15Pɔ́ pfɛ́t etsō tɛ é mi, Yɛɛ́so á zɛ́tte á Simɔŋ Piɛ ŋ́gɛ: «Simɔŋ, méŋ Jáaŋ, o kɔɔ̄ŋ á gá tɛ ntɔ́k páʼ epuɔ puɔ é kɔɔ̄ŋ á gá épúp e?» Á pwɛt ŋ́gɛ: «Ŋŋ me Atsyapuɔ. Wu méŋwɛ̄t é si nzhɛ́ɛ á légɛ, meŋ kɔɔ̄ŋ á wú. » Yɛɛ́so á lé mé yí ŋ́gɛ: «Gɔ́ á mpfɛnne‑memvhō ga. » 16Yɛɛ́so á zéŋ nzɛ́tte á yí mmɔʼ legʉɔ ŋ́gɛ: «Simɔŋ, méŋ Jáaŋ, o kɔɔ̄ŋ á gá a?» Á pwɛt ŋ́gɛ: «Ŋŋ me Atsyapuɔ, o o si nzhɛ́ɛ á légɛ, meŋ kɔɔ̄ŋ á wú. » Yɛɛ́so á gɛ: «Gɔ́ á ntuŋne‑memvhō ga. » 17Yɛɛ́so á zéŋ nzɛ́tte ánɛ mbáte tɛ́t ŋ́gɛ: «Simɔŋ, méŋ Jáaŋ, o kɔɔ̄ŋ á gá a?» Piɛ á sóʼne eshhʉ̄ yí ánɛ páʼ, Yɛɛ́so a á zɛ́tte á yí ánɛ mbáte tɛ́t ŋ́gɛ: «O kɔɔ̄ŋ á gá a?» Ŋ́ké ndé ŋ́gɛ: «Atsyapuɔ, wu yīi, o ó si nzhɛ́ɛ ajūɔ tsem. O ó si nzhɛ́ɛ á mbɔŋɔ́ á légɛ, meŋ kɔɔ̄ŋ á wú. » Yɛɛ́so á gɛ: «Gɔ́ á mpfɛnne‑memvhō ga. 18Kwaʼ anuúnē anuúnē meŋ shúŋɔ á wú ŋ́gɛ, o le zɛ́t á méŋ agáʼ mɔ́, wu méŋwɛ̄t é nɔŋ nzwíkɛ ekɔp wú, ŋ́gʉ̄ɔ á ajʉʼ zīi, o ó kɔŋ. O o láʼ etswhí tɛ ezwiŋ, ékɔ́ʼnɛ mbū mú, ŋiŋ ndɛʼɛ mé piŋ ncʉ́ʼɛ nzwíkɛ ekɔp wú, épiŋ elɔk á wú egʉɔ mé ajʉʼ zīi, o kaá nnɔŋ ŋkɔ̄ŋɔ ɔ́. » 19Yɛɛ́so a lɛɛ́ eshúŋnɛ páʼā, ńdɔkɔ ntswīi ntií lewhʉ̄ zīi, Piɛ a a láʼ ekwhʉ́, tɛ́ elɔk ewuʼte á Ndém. Á shúŋne páʼa mɛ́t, ńdé á mbū yí ŋ́gɛ: «Gɔ́ á nzem meŋ. »
Yɛɛ́so pɔ́ ŋiŋ nnɔ yi yīi, a le kɔ̄ŋ á yí tɛ́ʼ
20Piɛ á náŋ tɛ mbēkne nnɛ̄t, ńjʉ́ɔ á ŋiŋ nnɔ Yɛɛ́so yīi, Yɛɛ́so a kɔɔ̄ŋ á yí tɛʼ. Á ŋiŋ yīi, Yɛɛ́so pɔ́ a pɔ́p é le nɔ̄ŋ mpfɛ́tɛ azō, á ŋɔ́ʼne á letuúŋ Yɛɛ́so, ńzɛ́tte á yí ŋ́gɛ: «Mɔʼɔ́ wek, awɔ́ mé shʉʼ eswiŋ á wú ú?» 21Piɛ á pekne nnɛ̄t njʉ́ɔ á yí épúp, ńzɛ́tte á Yɛɛ́so ŋ́gɛ: «Ḿbiŋ ŋgɔ́ mé yí me Atsyapuɔ, azí anu a láʼ egɔ́ lɛ akɔ̄?» 22Yɛɛ́so á pwɛt á mbū yí ŋ́gɛ: «Meŋ kɔŋɔ ŋ́gɛ, a eláʼ enáŋ á ŋgɔŋ tɛ meŋ ndáʼ mbīŋ nzem, mbɔ akɔ̄ á cʉte á wú éwú ú? Gɔ́ ajú áa nzem meŋ. » 23Mɛ́ le fhó ánɛ ashuŋne jʉɔ mɛ́t, ńcʉ́ʼɛ ndʉ́ɛ́ á tsetsɛlɛ wɔ fɛ́‑nnɛ̄t ŋgyá á mbū Ndém ŋ́gɛ, ŋiŋ nnɔ Yɛɛ́so wuɔ mɛ́t, a te e fú ekwhʉ́ ɛ́. Tɛ́ mbɔ Yɛɛ́so a kaá ndé á mbū Piɛ ŋ́gɛ, a te e fú ekwhʉ́ ɛ̄. A le lé ŋghʉ̄ áa lɛ: «Meŋ kɔŋɔ ŋ́gɛ a enáŋ á ŋgɔŋ, tɛ meŋ ndáʼ mbīŋ nzem, akɔ̄ á cʉte á wú éwú ú. »
24 Ŋiŋ nnɔ Yɛɛ́so wuɔ mɛ́t mé shúŋɔ menu muɔ, mbɔ yí mé le tíī. Pek é si mbiŋɛ nzhɛ́ɛ á légɛ, anu zīi a shúŋɔ á anuúnē.
25Yɛɛ́so a le zéŋ ŋghʉ emɔ̄ʼ menu tɛ záne. Tɛ ŋgɔ́ yīi, mɛ́ tíi menu mɛ́t, á taʼ á taʼ, mbɔ meŋ á kwaŋ ŋ́gɛ, ŋgɔŋ jʉɔ e gɔ le wɛ̄ á ajʉʼ zīi, mɛ́ gɔ táŋa membúʼ aŋwaʼne mɛ́t éwú ú.
Currently Selected:
Jáaŋ 21: ybb
Highlight
Share
Copy
Want to have your highlights saved across all your devices? Sign up or sign in
© CABTAL
Jáaŋ 21
21
Yɛɛ́so a á ega nzéŋɛ ntswīi athū nnɛ̄t zí, á mbū megaŋ nnɔ pí
1Á tɔ́k eleʼé shɔ́ʼɔ́ lɛ́, Yɛɛ́so á zéŋ ntswī athū nnɛ̄t zí á mbū nnɔ yí. Ńtswīi épúp, á legʉ̄ŋ mía ntshi yīi, mɛ́ tɔ́ŋɔ lɛ Tibeliade. Ḿpɛ ejʉ́ɔ páʼ, a le tswī athū nnɛ̄t zí mɛ́t épúp. 2Emɔ̄ʼ megaŋ nnɔ Yɛɛ́so é le pú ncúʼte á taʼ ajʉʼ. Á lɛ éwú, ŋ́gɔ́ á Simɔŋ Piɛ, ŋ́gɔ́ á Tomási, mɛ́ zéŋ ntɔ́ŋ á yí lɛ méŋ lefāk, ŋ́gɔ́ á Natanayɛl ŋiŋ Kána á ntē Ŋgaliléa, ŋ́ghʉ̄ epɔ̄ Zebedé, mbɔɔ emɔ̄ʼ megaŋ nnɔ Yɛɛ́so mémpīa. 3Simɔŋ Piɛ á lé mé pɔ́p ŋ́gɛ: «Meŋ a gʉɔ emāʼ mesōh. » Pɔ́ pwɛt á mbū yí ŋ́gɛ: «Ḿpɛ epú ŋgʉ̄ɔ. » Pɔ́ lé épúp, ḿbú ntó ŋ́kó á ntē akɛnūʼ, ńdáʼ alāʼ etsōʼ mɛ́t, ḿbú te azō gɔ. 4Nzemɛ́nzēm á kuʼ, Yɛɛ́so á tshí á akʉŋɛ́ ntshi, megaŋ nnɔ pí pwɔ̄, é ké nnɔ̄ŋ te nzhɛ́ɛ á légɛ yí í. 5Yɛɛ́so á lé á mbū pɔ́p ŋ́gɛ: «Ewɔŋkhʉ̄ pá, pɛ te á méŋ agáʼ mesōh ega wɛ lɛ́?» Pɔ́ pwɛt ŋ́gɛ: «Ŋgáŋ. » 6Á lé mé pɔ́p ŋ́gɛ: «Pɛ́ emāʼ lekhʉ mé ŋkɔʼɔ́ apū ete akɛnūʼ, ńdɔk ŋgɔ̄ mesōh. » Pɔ́ maʼ épúp, ŋ́gɔ̄ mesōh, é pú nzá zá, tɛ pɔ́ té zéŋ ŋkūʼ á leshūŋ nnéŋ á ntē akɛnūʼ ɔ́. 7Mmɔʼ ŋiŋ nnɔ Yɛɛ́so, Yɛɛ́so á kɔŋ á yí tɛʼ, á lɛ ndé á mbū Piɛ ŋ́gɛ: «A gɔ́ áa Atsyapuɔ. » Simɔŋ Piɛ á júʼ á légɛ, a gɔ́ áa Atsyapuɔ, ḿbɛ́ nzhó ncúŋ ánɛ yí, melaʼ mīi á le gē egɔ́ épúp, á te tswhī mmāʼ nzhó ɔ́, ŋ́kyɛ́t ŋkó á ntshi. 8Epi emɔ̄ʼ megaŋ nnɔ Yɛɛ́so, é ge elɔk akɛnūʼ efhó á ntshi etó, ńnɔŋ eshūŋɔ lekhʉ, mesōh é gɔ́ éwú tɛ ndó. Mbɔ pɔ́ zi kaá ŋgɔ́ á tɛ tsetsɛlɛ ntshi ɛ́. Pɔ́ lɛ ánɛ ajūɔ memíta ŋkhʉ, á lekō á akʉŋɛ́ ntshi.
9Pɔ́ gʉɔ tɛ ŋkó, ésóʼo á ntē akɛnūʼ tɛ ntshíte á esī, ńjʉ́ɔ emɔ̄ʼ mmók, mbɔ mɛ́ é nzápte mesōh pɔ́ mblɛ ánɛ ŋgʉɔʼ mmók. 10Yɛɛ́so á lé á mbū pɔ́p ŋ́gɛ: «Pɛ elɔ̄k emɔ̄ʼ mesōh mīi, pɛ fhɔ́ɔ mé ŋgɔɔ̄ lā, ńdɔk eshʉ̄ʼ. » 11Simɔŋ Piɛ á zéŋ ŋkɔ́ʼ ŋ́kó á ntē akɛnūʼ, éshūŋ lekhʉ ŋgyá á esī. Mesōh é gɔ́ éwú tɛ ndó, mémía mesōh ntāʼ ŋkhʉ mé ntsɔp tɛ́t megēm táa. Tɛ mbɔɔ páʼ mesōh é lɛ éwú tɛ ndó ejʉɔ ntií lā, lekhʉ é ké te záʼte. 12Yɛɛ́so á lé á mbū pɔ́p ŋ́gɛ: «Pɛ eshʉ̄ʼ mbák mekī mɛ́. » Tsɔ taʼ ŋiŋ nnɔ, a te kūʼ á lezɛ̄tte á yí ŋ́gɛ, a á awɔ́ lɛ́ɛ̄. Ŋ́ké nnɔŋ nzhɛ́ɛ á légɛ, a gɔ́ áa Atsyapuɔ. 13Yɛɛ́so á lɛ ntshóte nnɛ̄t, ḿbɛ́ mblɛ, ŋ́gyá mé pɔ́p. Ńzéŋ mbɛ́ mesōh ŋgyá mé pɔ́p. 14Á lɛ páʼā, ńdɔk ŋgɔ́ mbáte tɛ́t yīi, Yɛɛ́so a tswii athū nnɛ̄t zí á mbū megaŋ nnɔ pí, tɛ efhó páʼ Ndém a le ghʉ̄ á zím ánɛ lewhʉ̄.
Yɛɛ́so a á ega eshúŋnɛ á mbū Piɛ
15Pɔ́ pfɛ́t etsō tɛ é mi, Yɛɛ́so á zɛ́tte á Simɔŋ Piɛ ŋ́gɛ: «Simɔŋ, méŋ Jáaŋ, o kɔɔ̄ŋ á gá tɛ ntɔ́k páʼ epuɔ puɔ é kɔɔ̄ŋ á gá épúp e?» Á pwɛt ŋ́gɛ: «Ŋŋ me Atsyapuɔ. Wu méŋwɛ̄t é si nzhɛ́ɛ á légɛ, meŋ kɔɔ̄ŋ á wú. » Yɛɛ́so á lé mé yí ŋ́gɛ: «Gɔ́ á mpfɛnne‑memvhō ga. » 16Yɛɛ́so á zéŋ nzɛ́tte á yí mmɔʼ legʉɔ ŋ́gɛ: «Simɔŋ, méŋ Jáaŋ, o kɔɔ̄ŋ á gá a?» Á pwɛt ŋ́gɛ: «Ŋŋ me Atsyapuɔ, o o si nzhɛ́ɛ á légɛ, meŋ kɔɔ̄ŋ á wú. » Yɛɛ́so á gɛ: «Gɔ́ á ntuŋne‑memvhō ga. » 17Yɛɛ́so á zéŋ nzɛ́tte ánɛ mbáte tɛ́t ŋ́gɛ: «Simɔŋ, méŋ Jáaŋ, o kɔɔ̄ŋ á gá a?» Piɛ á sóʼne eshhʉ̄ yí ánɛ páʼ, Yɛɛ́so a á zɛ́tte á yí ánɛ mbáte tɛ́t ŋ́gɛ: «O kɔɔ̄ŋ á gá a?» Ŋ́ké ndé ŋ́gɛ: «Atsyapuɔ, wu yīi, o ó si nzhɛ́ɛ ajūɔ tsem. O ó si nzhɛ́ɛ á mbɔŋɔ́ á légɛ, meŋ kɔɔ̄ŋ á wú. » Yɛɛ́so á gɛ: «Gɔ́ á mpfɛnne‑memvhō ga. 18Kwaʼ anuúnē anuúnē meŋ shúŋɔ á wú ŋ́gɛ, o le zɛ́t á méŋ agáʼ mɔ́, wu méŋwɛ̄t é nɔŋ nzwíkɛ ekɔp wú, ŋ́gʉ̄ɔ á ajʉʼ zīi, o ó kɔŋ. O o láʼ etswhí tɛ ezwiŋ, ékɔ́ʼnɛ mbū mú, ŋiŋ ndɛʼɛ mé piŋ ncʉ́ʼɛ nzwíkɛ ekɔp wú, épiŋ elɔk á wú egʉɔ mé ajʉʼ zīi, o kaá nnɔŋ ŋkɔ̄ŋɔ ɔ́. » 19Yɛɛ́so a lɛɛ́ eshúŋnɛ páʼā, ńdɔkɔ ntswīi ntií lewhʉ̄ zīi, Piɛ a a láʼ ekwhʉ́, tɛ́ elɔk ewuʼte á Ndém. Á shúŋne páʼa mɛ́t, ńdé á mbū yí ŋ́gɛ: «Gɔ́ á nzem meŋ. »
Yɛɛ́so pɔ́ ŋiŋ nnɔ yi yīi, a le kɔ̄ŋ á yí tɛ́ʼ
20Piɛ á náŋ tɛ mbēkne nnɛ̄t, ńjʉ́ɔ á ŋiŋ nnɔ Yɛɛ́so yīi, Yɛɛ́so a kɔɔ̄ŋ á yí tɛʼ. Á ŋiŋ yīi, Yɛɛ́so pɔ́ a pɔ́p é le nɔ̄ŋ mpfɛ́tɛ azō, á ŋɔ́ʼne á letuúŋ Yɛɛ́so, ńzɛ́tte á yí ŋ́gɛ: «Mɔʼɔ́ wek, awɔ́ mé shʉʼ eswiŋ á wú ú?» 21Piɛ á pekne nnɛ̄t njʉ́ɔ á yí épúp, ńzɛ́tte á Yɛɛ́so ŋ́gɛ: «Ḿbiŋ ŋgɔ́ mé yí me Atsyapuɔ, azí anu a láʼ egɔ́ lɛ akɔ̄?» 22Yɛɛ́so á pwɛt á mbū yí ŋ́gɛ: «Meŋ kɔŋɔ ŋ́gɛ, a eláʼ enáŋ á ŋgɔŋ tɛ meŋ ndáʼ mbīŋ nzem, mbɔ akɔ̄ á cʉte á wú éwú ú? Gɔ́ ajú áa nzem meŋ. » 23Mɛ́ le fhó ánɛ ashuŋne jʉɔ mɛ́t, ńcʉ́ʼɛ ndʉ́ɛ́ á tsetsɛlɛ wɔ fɛ́‑nnɛ̄t ŋgyá á mbū Ndém ŋ́gɛ, ŋiŋ nnɔ Yɛɛ́so wuɔ mɛ́t, a te e fú ekwhʉ́ ɛ́. Tɛ́ mbɔ Yɛɛ́so a kaá ndé á mbū Piɛ ŋ́gɛ, a te e fú ekwhʉ́ ɛ̄. A le lé ŋghʉ̄ áa lɛ: «Meŋ kɔŋɔ ŋ́gɛ a enáŋ á ŋgɔŋ, tɛ meŋ ndáʼ mbīŋ nzem, akɔ̄ á cʉte á wú éwú ú. »
24 Ŋiŋ nnɔ Yɛɛ́so wuɔ mɛ́t mé shúŋɔ menu muɔ, mbɔ yí mé le tíī. Pek é si mbiŋɛ nzhɛ́ɛ á légɛ, anu zīi a shúŋɔ á anuúnē.
25Yɛɛ́so a le zéŋ ŋghʉ emɔ̄ʼ menu tɛ záne. Tɛ ŋgɔ́ yīi, mɛ́ tíi menu mɛ́t, á taʼ á taʼ, mbɔ meŋ á kwaŋ ŋ́gɛ, ŋgɔŋ jʉɔ e gɔ le wɛ̄ á ajʉʼ zīi, mɛ́ gɔ táŋa membúʼ aŋwaʼne mɛ́t éwú ú.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© CABTAL