Lev%EDtico 17
17
Xa jun ja re riqb'al ib' ru' i Dios olik
1I Ajwal xlapan ru' ma Moisés, xub'ij che:
2Chab'ij che ma Aarón, chke rak'al xaq chke konojel i aj Israel chi Yin xintaq ub'ixkil i tziji chke:
3Xapachin jun aj Israel we kukamsaj taq jun toro, jun chij, jun chab'at, chila pa k'ijib'al re i molb'al ib' xaq we chila taj, 4we kuk'am ta li pa okb'al b'ik che i ja re riqb'al ib' ru' i Dios, sujb'al re chwach i Ajwal chila chwach i ja re riqb'al ib' ru' i Dios, lik kreqaj uri uk'oq i chikop le chi xuporoj, rumali kelsax nu b'i chkixol aj Israel. 5Man keje ile i aj Israel kkiporoj ni kisipon chi kkikamsaj li jun la, man kkik'am nu b'i che i ajsujul sipon chila pa okb'al che i ja re riqb'al ib' ru' i Dios kusujuj ni chwach i Ajwal re kisipon re chomb'al ib'. 6I ajsujul sipon kukitzka ni kik' puwi i sujb'al sipon re i Ajwal chi o chila pa okb'al b'ik che i ja re riqb'al ib' ru' i Dios, xaq kuporoj ni xepu re umuyal uk'ok'al che i Ajwal. 7Keje ile i aj Israel lik kkisujuj ti chik kisipon chkiwach i itzel taq tew, man are ile kikoj te'eq ki'ij chi lik ix kisachom te'eq. Ile are jun atb'al tzij chi k-e ij saq chrij, chiwe yix xaq chke imuq ixikin.
8Xaq chab'ij chke chi xapachinoq we aj Israel xaq we jun aj naj chi jeqel chixol yix, we kusujuj jun sipon chi poroxik re, xaq we jub'an chik usujuxik sipon, 9xwiri we kuk'am tu b'i pa okb'al b'ik che i ja re riqb'al ib' ru' i Dios, sujb'al re chwach i Ajwal, lik kelsax b'i uri patinimit.
U'atixik utijawik i kik'
10Yin kpe woywal chke konojel i aj Israel xaq chke aj naj chi je o chixol yix, chi kkitij i kik' chi o che i ti'ij. I winaq le lik kewesaj nu b'i chkixol kitinimit. 11Man konojel ni'pa i o kik'aslemal, rumal i kik' je k'aslik, Yin inya'om i kik' le chiwe re kisujuj chwi sujb'al sipon chinwach, elsab'al iwe chupam i kamik. Man xwi i kik' ktiki chiwelsaxik chupam i tojb'alil re i mak.
12Rumali kinb'ij chke aj Israel: Mijun chiwe yix xaq mijun chke i je aj naj chi je o chixol yix, kkitij taq i kik' chi o che i ti'ij. 13Xapachin jun chke aj Israel xaq we aj naj chi jeqel chixol yix we kukamsaj jun chikop xaq we jun tz'ikin chi utz ktijawik, ile kmuq uwi i kik' le ru' ulew. 14Man i kik' le are kik'aslemal, rumali xinb'ij chiwe chi utz taj kitij i kik', man che i kik' le o wi kik'aslemal konojel ni'pa i je k'aslik, xapachin kutijo lik kelsax nu b'i uri chkixol utinimit.
15Xapachin jun chke i je aj Israel xaq we aj naj chi kutij i kamnaq chikop, xaq we antal ch'aqa taq che rumal jun itzel chikop, rajwaxik uri kuch'aj u'u' xaq ku'an uri i atinem re rawasil xwiri kkanaj na ch'am taj k'a kok a'ab'. Chrijil chik ile te'uri kkanajik ch'am. 16Xwiri we kuch'aj ti u'u' xaq we ku'an ti atinem re rawasil, lik kreqaj ni umak.
Currently Selected:
Lev%EDtico 17: ACHICUB
Highlight
Copy
Compare
Share
Want to have your highlights saved across all your devices? Sign up or sign in
© Biblia Achí de Cubulco, Derechos reservados de Sociedad Bíblica de Guatemala