JOŊ 7
7
Ban tsaar biki ni Yeesu wakats tsi nul
1Bi ngëmënts ngan par bi, a Yeesu kë yaana pëboos Galileeya. Nul ŋalats pëyaana pëboos Judeeya, par Bajudeu ka tsas pëfiŋul. 2#Ija 23.34; Ulú 16.13Maa bi ufesta Bajudeu, wi ngëkëb, ruka wi wokani, 3a ban tsaar biki ni Yeesu jaul: “Pënan tsi, kë tsëp Judeeya, pa bafetsu buts pii win ngiicu, ngi kë ro ngi. 4Par ñaan cits, ni kan tsasi pëmea tsi bërun bañaan, a nuu ro ngëko tsi kambeku. Uci bi kë ro bink ngëmënts ngi, pibandari bërieru tsi umundu.” 5Par, ŋal ban tsaar biki ni nul, bë wakats tsi nul.
6A Yeesu ja bukul: “Uwal nji netse band. Maa uwal ind aci-un ci wi, ngënu bëlieng. 7Bañaan umundu yëlanats pëñaas ind; maa nji, bë ñaasin, par ma nja n doon ka leents ngi bu kë ro ngi ci nga waraatsa ngi. 8Ind, nda kataan pëya ufesta. Nji, in di ka n kata pëya ufesta umënts wi, par uwal nji netse band.” 9Bi Yeesu ba bi pëja ngëko ngan, a na ruka di Galileeya.
Yeesu aci di ufesta ngëkëb
10Maa, bi ban tsaar biki ni nul kata bi atsëp ufesta, nul buts, na kata atsëp, pibandarats, maa aro pi abeka. 11A Bajudeu kë tsasul di ufesta, a bu kë ja: “Namënts nan aci tsum?”
12Tsi indënd bañaan, a u ka mŋëmŋëm mcumal tsi ulekaul; balon ka ja: “Aci ñaan na waree uwaas.” A bacints kë ja: “Nin a, aci na niaman bañaan.” 13Unk, a kaats na yeentsi pëñakanaan ulekaul, par bë lal Bajudeu. 14A bi ufesta ruka bi band umetaari, a Yeesu kata atsëp kato-kayëman, a nuu jukan. 15Din, a Bajudeu pikra, a bu kë ja: “Um bi namëntsi me bun Bëpican, te jukats?” 16A Yeesu yank bukul aja: “Bëjukan nji, cits bëmíñ, maa aci bi na yëliini. 17Uci ñaan ŋal përo uŋal Nasien-batsi, në me ne bëjukan bi apënë-ni tsi Nasien-batsi, oo ne mán ñakan uleka nji bërierin. 18Ñaan ni ka ñakandar ulekaul bërierul, namënts un ka tsas këtsas Përëmbul bërierul; maa, ñaan ni kan tsasi Përëmb na yëliuli, namënts un aci nacär, a kamabats cits tsi nul. 19Moises wëlats ind iink ulua-a? Maa, nin naloole tsi ind roots ko wi ulua ja wi. A we ka wun, a nduu tsas pëfiŋin?” 20A kandënd bañaan yankul aja: “M tsij ucaay! Yën ka tsas un pëfiŋu?” 21A Yeesu yank bukul aja: “Man do bawitsa bëloole rin, a nda pikra bëlieng. 22#Ija 12.3 Uju 17.10Undo bi Moises tsu ind bi pëwelana kambac, a nda ja nduu welan upäts uyënts kambac tsi Unu-pënaakësa; te kul pënënatsi tsi Moises, maa apënë-ni tsi basin ind. 23#Joŋ 5.9Uci ñaan welana kambac tsi Unu-pënaakësa a umënts wun cokats ulua-Moises, a we ka wun nda riabatsarin, undo bi n yësan bi ñaan a n ba bëlieng tsi unu-pënaakësa-a?
24Nda tsañani pëja nduu wat pëleents ndë teenëna tsi bëci ñaan, maa nda watan pëleents tsi ko u mab wi.”
Ane Yeesu ci-un Këristu-a?
25A balon ban ciina biki Jerusalem kë ja: “Cits niints ni, ni bu kë tsas un pëfiŋ-a? 26Nda teenan-e, nul ka ñakan unk tsi pëncuaf bañaan, a bë jaatsul ko. Ane bawiak nja tsi ucär, bë niiran u ci namëntsi ci-un Këristu-a? 27Nja ngë me tsi namëntsi pënë-ni tsi; maa ubaandi Këristu, ñaan di ka me tsi nu pënë-ni tsi.” 28Bi Yeesu kë jukan bi di kato-kayëman, a na lie aja: “Ind nda mein, a nda me buts tsi n pënë-ni tsi! Nji n biits tsi uŋal nji bërierin, maa na yëliini aci nacär; ind nda meetsul. 29Nji man meul, par man pënë-ni di nul, a nul yëliin un.” 30Din, a bu kë tsas pëmobul, maa kaats ñaan na lakuli kañan, par Uwalul netse band. 31tsi ko wan, a bacumal ban ci biki tsi kandënd bañaan wak tsi Yeesu, a bu kë ja: “Ubaandi Këristu, ane ka ro ngëpibanaani ngëwiak, ngan pe ngi ngi niints ni ro ngink-a?”
Bagaarir ayëla pii mobi Yeesu
32A Bafariseu te kandënd bañaan kë ŋëmŋëm ngëmënts ngan tsi uleka Yeesu; din a bawiak-bajakan, ni Bafariseu, yël bagaarir kato-kayëman pa pii mobi Yeesu. 33A Yeesu ja bukul: “Man wama ci ni ind ko uties, a uu ba, ka tsëp di na yëliini. 34Nduu tsasin, maa nda ri ka winin; par di ndu n ci ri, nda ri ka yëlan pëbi rul.” 35A Bajudeu kë ja tsi ba ci tsi: “tsum tsi namëntsi pënar tsun, tsi ngë yëlanats tsi pëwinul? Ane ka fetsan bayiic nja ban garandar biki aband tsi Bagërek, në jukan bagërek-a? 36Wee pa pac wun, përim pi na ja pink: ‘Ndu tsasin, maa nda ri ka winin;’ ni: ‘Di n du n ci ri, nda ri ka yëlan pëbi rul.’”
Yeesu ci-un ukëpës mlik mi ka wël mi ubiira
37 #
Ija 23.36
tsi unu utuami, un ci wi unu uwiak tsi ufesta, a Yeesu natsa anats, a na lië aja: “Uci ñaan lofënts, na bili tsi nji, në raan. 38#Ese 47.1; Sak 14.8Bi Bëpica n ja bi, na waki tsi nji: ‘Ibulaŋ mlik ubiira koo tulee di nul.’” 39Yeesu ja ko wan, uleka Uwejats-ujënts wi bawak tsi nul kii yank wi; par Uwejats-ujënts netse ro wëlaa, par Yeesu netse ro rëmbanaa.
Kandënd bañaan teelarats undo Yeesu
40tsi kandënd bañaan ban cikëndën biki irim yan, aka ban ci biki tsi pëja: “Aci ucär, ni ci-un nayëlia namënts un.” 41A balon ci tsi pëja: “Nul ci-un Këristu.” Maa, bacints kë ja: “Ane di Galileeya di Këristu kë pënë-ni run-a? 42#2Sam 7.12; Mik 5.1Bëpica n jaats iink Këristu ka pënë-ni tsi kajër Dawid-a? A jaats iink nul ka pënë-ni Betëleem di Dawid ro ri ciina?” 43Unk, a kandënd bañaan teelarats tsi ba ci tsi, undo Yeesu. 44A balon tsi bukul ŋal pëmobul, maa ñaan lakatsul kañan. 45A bagaarir kato-kayëman witsa di bawiak-bajakan ni Bafariseu; a ba yepar bukul aja: “We ka wun nda tsijatsiul?” 46A bagaarir yank bukul aja: “Yaas a ñaan ka ñakan pi niintsi.” 47Din, a Bafariseu yank bukul aja: “Ind buts, nda falaa-a? 48Ane, aka nalon tsi bawiak, oo tsi Bafariseu, na waki tsi nul-a? 49Maa kandënd bañaan ba meets bikink ulua-Moises, bë ci tsi unjuatsia!” 50#Joŋ 3.1,2A Nikodemus, nan ci nalon tsi bukul, nul na doi bi tsi Yeesu, yepar bukul aja: 51“Ane ulua nja ka lacan ñaan, te netse ñakan pa n ja pëme ko wi na ro wi-a?” 52A ba yank Nikodemus aja: “M cits iink buts nan pënë-nii Galileeya-a? Teenan uwar, kë me, nayëlia di ka pënë-ni Galileeya.” 53A uja nan ci në tsëp katoul.
Currently Selected:
JOŊ 7: KPKNT
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Manjaku © Alliance Biblique du Sénégal, 2020.
JOŊ 7
7
Ban tsaar biki ni Yeesu wakats tsi nul
1Bi ngëmënts ngan par bi, a Yeesu kë yaana pëboos Galileeya. Nul ŋalats pëyaana pëboos Judeeya, par Bajudeu ka tsas pëfiŋul. 2#Ija 23.34; Ulú 16.13Maa bi ufesta Bajudeu, wi ngëkëb, ruka wi wokani, 3a ban tsaar biki ni Yeesu jaul: “Pënan tsi, kë tsëp Judeeya, pa bafetsu buts pii win ngiicu, ngi kë ro ngi. 4Par ñaan cits, ni kan tsasi pëmea tsi bërun bañaan, a nuu ro ngëko tsi kambeku. Uci bi kë ro bink ngëmënts ngi, pibandari bërieru tsi umundu.” 5Par, ŋal ban tsaar biki ni nul, bë wakats tsi nul.
6A Yeesu ja bukul: “Uwal nji netse band. Maa uwal ind aci-un ci wi, ngënu bëlieng. 7Bañaan umundu yëlanats pëñaas ind; maa nji, bë ñaasin, par ma nja n doon ka leents ngi bu kë ro ngi ci nga waraatsa ngi. 8Ind, nda kataan pëya ufesta. Nji, in di ka n kata pëya ufesta umënts wi, par uwal nji netse band.” 9Bi Yeesu ba bi pëja ngëko ngan, a na ruka di Galileeya.
Yeesu aci di ufesta ngëkëb
10Maa, bi ban tsaar biki ni nul kata bi atsëp ufesta, nul buts, na kata atsëp, pibandarats, maa aro pi abeka. 11A Bajudeu kë tsasul di ufesta, a bu kë ja: “Namënts nan aci tsum?”
12Tsi indënd bañaan, a u ka mŋëmŋëm mcumal tsi ulekaul; balon ka ja: “Aci ñaan na waree uwaas.” A bacints kë ja: “Nin a, aci na niaman bañaan.” 13Unk, a kaats na yeentsi pëñakanaan ulekaul, par bë lal Bajudeu. 14A bi ufesta ruka bi band umetaari, a Yeesu kata atsëp kato-kayëman, a nuu jukan. 15Din, a Bajudeu pikra, a bu kë ja: “Um bi namëntsi me bun Bëpican, te jukats?” 16A Yeesu yank bukul aja: “Bëjukan nji, cits bëmíñ, maa aci bi na yëliini. 17Uci ñaan ŋal përo uŋal Nasien-batsi, në me ne bëjukan bi apënë-ni tsi Nasien-batsi, oo ne mán ñakan uleka nji bërierin. 18Ñaan ni ka ñakandar ulekaul bërierul, namënts un ka tsas këtsas Përëmbul bërierul; maa, ñaan ni kan tsasi Përëmb na yëliuli, namënts un aci nacär, a kamabats cits tsi nul. 19Moises wëlats ind iink ulua-a? Maa, nin naloole tsi ind roots ko wi ulua ja wi. A we ka wun, a nduu tsas pëfiŋin?” 20A kandënd bañaan yankul aja: “M tsij ucaay! Yën ka tsas un pëfiŋu?” 21A Yeesu yank bukul aja: “Man do bawitsa bëloole rin, a nda pikra bëlieng. 22#Ija 12.3 Uju 17.10Undo bi Moises tsu ind bi pëwelana kambac, a nda ja nduu welan upäts uyënts kambac tsi Unu-pënaakësa; te kul pënënatsi tsi Moises, maa apënë-ni tsi basin ind. 23#Joŋ 5.9Uci ñaan welana kambac tsi Unu-pënaakësa a umënts wun cokats ulua-Moises, a we ka wun nda riabatsarin, undo bi n yësan bi ñaan a n ba bëlieng tsi unu-pënaakësa-a?
24Nda tsañani pëja nduu wat pëleents ndë teenëna tsi bëci ñaan, maa nda watan pëleents tsi ko u mab wi.”
Ane Yeesu ci-un Këristu-a?
25A balon ban ciina biki Jerusalem kë ja: “Cits niints ni, ni bu kë tsas un pëfiŋ-a? 26Nda teenan-e, nul ka ñakan unk tsi pëncuaf bañaan, a bë jaatsul ko. Ane bawiak nja tsi ucär, bë niiran u ci namëntsi ci-un Këristu-a? 27Nja ngë me tsi namëntsi pënë-ni tsi; maa ubaandi Këristu, ñaan di ka me tsi nu pënë-ni tsi.” 28Bi Yeesu kë jukan bi di kato-kayëman, a na lie aja: “Ind nda mein, a nda me buts tsi n pënë-ni tsi! Nji n biits tsi uŋal nji bërierin, maa na yëliini aci nacär; ind nda meetsul. 29Nji man meul, par man pënë-ni di nul, a nul yëliin un.” 30Din, a bu kë tsas pëmobul, maa kaats ñaan na lakuli kañan, par Uwalul netse band. 31tsi ko wan, a bacumal ban ci biki tsi kandënd bañaan wak tsi Yeesu, a bu kë ja: “Ubaandi Këristu, ane ka ro ngëpibanaani ngëwiak, ngan pe ngi ngi niints ni ro ngink-a?”
Bagaarir ayëla pii mobi Yeesu
32A Bafariseu te kandënd bañaan kë ŋëmŋëm ngëmënts ngan tsi uleka Yeesu; din a bawiak-bajakan, ni Bafariseu, yël bagaarir kato-kayëman pa pii mobi Yeesu. 33A Yeesu ja bukul: “Man wama ci ni ind ko uties, a uu ba, ka tsëp di na yëliini. 34Nduu tsasin, maa nda ri ka winin; par di ndu n ci ri, nda ri ka yëlan pëbi rul.” 35A Bajudeu kë ja tsi ba ci tsi: “tsum tsi namëntsi pënar tsun, tsi ngë yëlanats tsi pëwinul? Ane ka fetsan bayiic nja ban garandar biki aband tsi Bagërek, në jukan bagërek-a? 36Wee pa pac wun, përim pi na ja pink: ‘Ndu tsasin, maa nda ri ka winin;’ ni: ‘Di n du n ci ri, nda ri ka yëlan pëbi rul.’”
Yeesu ci-un ukëpës mlik mi ka wël mi ubiira
37 #
Ija 23.36
tsi unu utuami, un ci wi unu uwiak tsi ufesta, a Yeesu natsa anats, a na lië aja: “Uci ñaan lofënts, na bili tsi nji, në raan. 38#Ese 47.1; Sak 14.8Bi Bëpica n ja bi, na waki tsi nji: ‘Ibulaŋ mlik ubiira koo tulee di nul.’” 39Yeesu ja ko wan, uleka Uwejats-ujënts wi bawak tsi nul kii yank wi; par Uwejats-ujënts netse ro wëlaa, par Yeesu netse ro rëmbanaa.
Kandënd bañaan teelarats undo Yeesu
40tsi kandënd bañaan ban cikëndën biki irim yan, aka ban ci biki tsi pëja: “Aci ucär, ni ci-un nayëlia namënts un.” 41A balon ci tsi pëja: “Nul ci-un Këristu.” Maa, bacints kë ja: “Ane di Galileeya di Këristu kë pënë-ni run-a? 42#2Sam 7.12; Mik 5.1Bëpica n jaats iink Këristu ka pënë-ni tsi kajër Dawid-a? A jaats iink nul ka pënë-ni Betëleem di Dawid ro ri ciina?” 43Unk, a kandënd bañaan teelarats tsi ba ci tsi, undo Yeesu. 44A balon tsi bukul ŋal pëmobul, maa ñaan lakatsul kañan. 45A bagaarir kato-kayëman witsa di bawiak-bajakan ni Bafariseu; a ba yepar bukul aja: “We ka wun nda tsijatsiul?” 46A bagaarir yank bukul aja: “Yaas a ñaan ka ñakan pi niintsi.” 47Din, a Bafariseu yank bukul aja: “Ind buts, nda falaa-a? 48Ane, aka nalon tsi bawiak, oo tsi Bafariseu, na waki tsi nul-a? 49Maa kandënd bañaan ba meets bikink ulua-Moises, bë ci tsi unjuatsia!” 50#Joŋ 3.1,2A Nikodemus, nan ci nalon tsi bukul, nul na doi bi tsi Yeesu, yepar bukul aja: 51“Ane ulua nja ka lacan ñaan, te netse ñakan pa n ja pëme ko wi na ro wi-a?” 52A ba yank Nikodemus aja: “M cits iink buts nan pënë-nii Galileeya-a? Teenan uwar, kë me, nayëlia di ka pënë-ni Galileeya.” 53A uja nan ci në tsëp katoul.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Manjaku © Alliance Biblique du Sénégal, 2020.