मत्ती 23
23
शास्त्रीयों औरौ फरीसी लोगौ की नेंदैया
(मर 12:38-40; लूका 11:37-52; 20:45-47)
1तोबै यीशुए भीड़ौ खै औरौ आपणै चैलै खै बौल़ौ, 2“यहूदी शास्त्री औरौ फरीसी लोग औधिकार कै साथै मूसा कै कानून का बखान कौरणौ कै सौमझ राखौ। 3इथकारिए जू किछै सै तुऔं खै बौल़ौ सैजौ कौरेया औरौ मानैया, पौरौ तिनु जैशणै काम नी कौरेया औरौ ना तिनकै उदारण कै मानैया जिथुखै सै उपदैश तौ दैंवए, पौरौ तिनु आज्ञा खै ना मानौ। 4सैजै सौबै ठुँ कै कानून बौणांव जू मानणै लोगौ कारिए चैईथै औसौ, सै लोगौ शै जबरदस्ती तिनु नियमौ खै मानणौ खै बौल़ौ। पौरौ आपी तिनु नियमौ खै ना मानौ। 5सै कैई तरह कै नियम बौणांव जिनु मानणै औरौ कौरणै लोगौ कारिए चैईथै औसौ, सै आपणै ताबीजों#23:5 चामड़े की पाटी जिथपांदी शास्त्र कै वचन लैखैयौंदे हौंव थिये सै तिनु माथै औरौ बाहो पांदी बानो थिये। खै जिथपांदी शास्त्र कै वचन हौंव, तिनु माथै पांदी औरौ बाऐ पांदी बानो, औरौ आपणै खोटणो खै पालै बौढ़ाव। 6यहूदी सभा-घोरो दै खास-खास ठाँव औरौ बोईदुत मुंजी बै आदर दैणौ वाल़ी जौगैह, 7बाज़ारो दै लोगौ कैईंदै इज्जत पाणै औरौ आदमी मुंजी गुरु बोणणौ, तिनु आछौ लागौ।
8पौरौ तुऐं गुरु नै बौणैया, पौरौ तोंवारा ऐकैई गुरु औसौ, औरौ तुऐं सौबै भाईटु जैशणै औसौ। 9आपणै पिता कै छोडे़बा कोसी कै बै धोरती पांदी आपणै पिता कै बौदलै आदर नै दैया, जिथु तोंवारा पिता सिरफ पौरमेशवर औसौ, जू स्वर्ग दा औसौ। 10औरौ मालिक बै नै बौलेया, जिथु तोंवारा ऐकैई मालिक औसौ, मतलब मसीह। 11जू तुऔं मुंजी बौड़ा औसौ, सै तोंवारा नोकर बौणौ। 12जिथु जू कुणिए आपी कै बौड़ा सौमझला, सै नानड़ा कौरा जांदा, औरौ जू कुणिए आपी कै नानड़ा सौमझला, सै बौड़ा कौरा जांदा।”
13“ओए रै कपटी यहूदी शास्त्रीयों औरौ फरीसी लोगौ तुऔं पांदी हाय, तुऐं लोगौ कारिए स्वर्ग कै राज्य का दवार बन्द कौरौ, ना तौ आपी तिन्दै जांव औरौ ना तिन्दै ओकी कै जाणौ दैंव। 14ओए रै शास्त्रीयों औरौ फरीसी लोगौ तुऔं पांदी हाय, तुऐं विधवाओं कै घोरो कै लुटो औरौ धरमी बोणणौ कारिए बौड़ी बार तौड़ी प्रार्थना कौरदै रौंव: इथकारिए तुऔं कड़ी सौजा भैटदै।”
15“ओए रै कपटी यहूदी शास्त्रीयों औरौ फरीसी लोगौ तुऔं पांदी हाय, तुऐं ऐकी आदमी खै आपणै गुट दा लाणौ कारिए सौबी जौगैह दै घुमो फिरो, औरौ जोबै सै बिशवाश दा आए जांव, तौ तैसी आपी दा बै जादा नरको दा जाणौ कै लायक बाणै दैंव।”
16“ओए रै आन्धै नेताओं, तुऔं पांदी हाय, तुऐं शिखांव कै जै कुणिए आदमी मन्दिर कै शौं खाला तौ तैसीकै किछै फोरक ना पौड़ौ, पौरौ जै कुणिए मन्दिर कै सूनै कि शौं खाला तौ फोरक पौड़ौ। 17ओए रै मूर्खो औरौ आन्धै, कुण बौड़ा औसौ, सूनु या सैजा मन्दिर जिथलैई सूनु पवित्र हौंव? 18तुऐं ऐजौ बै शिखांव कै जै कुणिए वेदी खै शौं खाला तौ किछै फोरक ना पौड़ौ, पौरौ तुऐं बौल़ौ जू तौफा वेदी पांदी औसौ, जै कुणिए तिथकै शौं खाला तौ इथलैई फोरक पौड़ौ। 19ओए रै आन्धै कुण बौड़ा औसौ, भैंट या वेदी जिथलैई भैंट पवित्र हौंव। 20इथकारिए जू वेदी कै शौं खांव, सै तिथकी, औरौ जू किछै तिथपांदी औसौ, तिथकी बै शौं खांव, 21जू मन्दिर कै शौं खाला, सै तैसी पौरमेशवर कै बै शौं खांव जू तिंदा रौंव। 22जू स्वर्ग कै शौं खांव सै पौरमेशवर कै सिंहासन कै औरौ तैसी पांदी बौठणौवाल़ै कै बै शौं खांव।”
23“ओए रै कपटी यहूदी शास्त्रीयों औरौ फरीसी लोगौ तुऔं पांदी हाय, तुऐं पुदीने, औरौ सौंफ, औरौ जींरे का देशवाँ भाग तौ दैंव, पौरौ तुऔं कानून कै गम्भीर बातौ औरौ न्याय, औरौ दया, औरौ भोरोशे कै लायक हौणौ चैंई औरौ तुऔं कै देशवाँ भाग दैणा चैंई, आछौ हौंदौ कै तुऐं इनु बै कौरदै रोन्दै, औरौ तिनु बै ना छोड़दै। 24ओए रै आन्धै अगुवे, तुऐं मामुली नियम मानणौ कै तौ बैजाए चौकश रौंव जैशैकै जू तुऐं पियोंए तिथ पौरैशै माक्खी उंढी घाड़ो पौरौ तुऐं पौरमेशवर कै आज्ञाओं कै जू बैजाए खास औसौ तिनु टाल़ै दैंव ऐजी बातौ ऊँट कै घौटै दैणौ साए औसौ।”
25“ओए रै कपटी यहूदी शास्त्रीयों, औरौ फरीसी लोगौ, तुऔं पांदी हाय! तुऐं आपी कै धरमी बौणौ पौरौ तोंवारै मन लालच औरौ मतलब शै भोरेयोंदे औसौ। 26ओए रै आन्धै फरीसी लोगौ, आगै तुऔं लालचै औरौ मतलबी स्वभाव बंद कौर दैणा चैंई। तोबै तुऐं सैजौई कौर पांदै जू धरमी कौरौ। ऐजौ ऐकी ऐशणी थाली साए हौंदौ जू बायरै औरौ भीतरै दु ढौबौशै साफ हौंव।
27ओए रै कपटी यहूदी शास्त्रीयों, औरौ फरीसी लोगौ, तुऔं पांदी हाय! तुऐं चुणै फैरेयौंदी कब्रो कै साए औसौ जू औपरौशी तौ कामकी दैखियौं, पौरौ भीतरै मुर्दै की हाड़की औरौ सौबी बान्त कै गन्दगी लैई भोरेयौंदी हौंव। 28ऐशैकैई तुऐं बै औपरौशै तौ आदमी कै धरमी दैखियौं, पौरौ भीतरो दै ढोंग औरौ अधरम लैई भोरियोदैं हौंव।”
29“ओए रै कपटी यहूदी शास्त्रीयों, औरौ फरीसी लोगौ, तुऔं पांदी हाय! जिथुकै तोंवारै पुराणिया जिनुवै पौरमेशवर कै बातौ बौताणौवाल़ै कै जान शै मारै दिए थिए पौरौ ऐबै तिनु धरमी लोगौ की कब्रो कै आदर दैंव। 30औरौ बौल़ौए, ‘जै आमु आपणै पुराणिया कै दूसौ दै हौन्दै तौ पौरमेशवर कै बातौ बौताणौवाल़ै कै लोऊ दै तिनकै साझी ना हौन्दै।’ 31इयौं बातौ लैई तुऐं ऐजौ साबित लो कौरे कै तुऐं सौथी कै तिनु लोगौ कै संतान औसौ जिनुवै पौरमेशवर कै बातौ बौताणौवाल़ै का खून कौरे राए। 32औरौ तुऐं आपी तियौं बुराई कै पूरा कौरणौवाल़ै औसौ जू बुराए तोंवारै पुराणिया शुरु कौरे राए थी।
33ओए रै जोहरिले दानो कै नानड़िया कै जैशणै लोगौ, तुऐं नरक कै सौजा शै ना बोचदै। 34इथकारिए दैखौ, हांव तोंवारै धोरे पौरमेशवर कै बातौ बौताणौवाल़ै औरौ बुध्दिमानों औरौ यहूदी शास्त्रीयों खै भैजदा; औरौ तुऐं तिनुमुंजी दै कोसी खै मारै दैंदै औरौ कोसी कै क्रूसो पांदी चौढ़ांदै, औरौ कोसी कै आपणै यहूदी सभा-घोरो दै कौड़ै लान्दै, औरौ ऐकी नगर शै दूजै नगर तौड़ी लोताड़दै फिरले। 35धरमी हाबिल सै लैयौ खै बिरिक्याह कै बैटै जकर्याह तौड़ी, जैसी तुऐं मन्दिरो औरौ वेदी कै बीच दा मारै दिया थिया, सौबी धरमी लोगौ का खून कौरा ऐजौ सौबै लोऊ बोवाणो कै दोषी तुऐं आपी हौंदै। 36हांव तुऔं खै साचौ बुलू, इनु सौबी खून कै सौजा ऐसी सौमय कै पीढ़ी पांदी आन्दी।”
यीशु कौ यरूशलेम शहर पांदी रुणु
(लूका 13:34-35)
37“ओए रै यरूशलेम शहर कै लोगौ! तुऐं तिनु पौरमेशवर कै बातौ बौताणौवाल़ै कै मार दियै, जू पुराणै सौमय दै रौंव थिए, औरौ तिनु लोगौ खै पाथरो शै मारै दिए जिनु तोंवारै धोरे छाड़ै राए थिए। किशैक बैई मोऐं ऐजौ चोऊ कै जैशै मुरगी आपणै नानड़िया कै आपणै पाखौ तौड़ी रोखवाल़ी कारिए कौठै कौरौ, तैशैखैई हांव बै तोंवारै नानड़िया कै कौठै कौरु, पौरौ तुऐं ऐजौ ना चांव। 38दैखौ, तोंवारा मन्दिर तुऔं कारिए उजाड़ छोड़े जांव। 39पौरौ हांव तुऔं खै बुलू, कै ऐबै शै जौल़ौ तौड़ी तुऐं ना बौल़ौ, ‘धन्य औसौ सैजा, जू प्रभु कै औधिकार कै साथै आंव।’ तांव तौड़ी तुऐं मुखै औटेयौ कौलोंई ना दैखदै।”
Currently Selected:
मत्ती 23: SRXNT
Highlight
Share
Copy
Want to have your highlights saved across all your devices? Sign up or sign in
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.
